मकवानपुर । बागमती प्रदेशका मुख्यमन्त्री शालिकराम जम्कट्टेलले मन्त्रिपरिषद् विस्तार गरेका छन् । उनले शनिबार एमाले बागमती प्रदेश संसदीय दलका नेता जगन्नाथ थपलिया आर्थिक मामिला तथा योजना मन्त्रीमा नियुक्ति गर्दै सरकार विस्तार गरेका हुन् ।
योसँगै सत्ता साझेदार दल एमाले बागमती सरकारमा सहभागी भएकाे छ । थपलियाले शनिबार नै प्रदेश प्रमुख यादवचन्द्र शर्मा समक्ष पद तथा गाेपनियताकाे सपथ लिएका छन् । केन्द्रमा बदलिएकाे सत्ता समिकरण अनुसार मुख्यमन्त्री जम्कट्टेलले बागमती सरकारमा साझेदार दल एमालेलाई सहभागी गराएका हुन् । १९ गते विश्वास मत लिने तयारी गरेका उनले सत्तामा सुरक्षित बन्न यस अघि २ सांसद रहेको हाम्रो नेपाली पार्टीका संसदीय दलका नेता शैलेन्द्रमान बज्राचार्यलाई संस्कृति पर्यटन तथा सहकारी मन्त्री नियुक्त गरेका थिए ।
बागमतीमा थपलिया दोस्रोपटक मन्त्री बनेका हुन् । यसअघि २०७९ साल पुस २६ गते मुख्यमन्त्री जम्कट्टेलले थपलियालाई आर्थिक मामिला मन्त्री नियुक्त गरेका थिए । गठबन्धनमा फेरबदल आएसँगै थपलिया करिब ३ महिनामै सरकारबाट बाहिरिएका थिए । २०७९ चैत १० मा राजीनामा दिएर सरकारबाट बाहिरिएका थपलियाले गठबन्धन फेरबदलकै कारण फेरि मन्त्री बन्ने अबसर पाएका हुन् ।
१९ चैतमा मुख्यमन्त्रीले विश्वासको मत लिएपछि मन्त्रिपरिषद् थप विस्तार हुने बताइएकाे छ । एमालेले नेपाली कांग्रेसले छोडेका ६ वटा मन्त्रालयमध्ये ५ वटामा दाबी गरेको छ । शुक्रबार काँग्रेसले छाडेकाे संस्कृति, पर्यटन तथा सहकारी मन्त्रालकाे जिम्मेबारी हाम्रो नेपाली पार्टीका बज्राचार्य दिइ सरकार विस्तार गरिएकाे थियाे ।
मुख्यमन्त्री तथा मन्त्रीपरिषद्काे कार्यालयसमेत १२ मन्त्रालय रहेकाे बागमतीमा माओवादी केन्द्रबाट मुख्यमन्त्रीसहित आन्तरिक मामिला तथा कानुन मन्त्रालय, भौतिक पूवार्धार विकास मन्त्रालय र सामाजिक विकास गरी ४ वटा मन्त्रालय, नेकपा (एकीकृत समाजवादी) ले श्रम, रोजगार तथा यातायात मन्त्रालय र कृषि तथा पशुपन्छी विकास मन्त्रालयमा जिम्मेवारी सम्हालिरहेकाे छ ।
प्रदेश सरकारकाे आलोपालो नेतृत्व गर्ने सहमतिपछि एमालेले सरकारमा सहभागी भएकाे बताइन्छ । एमालेले बागमतीमा एक वर्षपछि सत्ताको नेतृत्व गर्ने सहमतिपश्चात सरकार सहभागी भएकाे एमालेले दाबी गरेकाे छ । एमाले स्रोतका अनुसार मुख्यमन्त्री जम्कट्टेलले एक वर्षपछि सरकारको नेतृत्व छाडेर एमालेलाई सहयोग गर्ने सहमति गरेका छन् । बागमतीको नेतृत्वमा समाजवादीले पनि दाबी गरिरहेको अवस्थामा तीन दलबीच भने त्यस्ताे विषयमा सहमति भइ सकेकाे छैन ।
काे हुन् थपलिया?
विद्यार्थी जीवनदेखि नै राजनीतिमा होमिएका जगन्नाथ थपलिया गत मंसिर ४ मा भएको निर्वाचनमा चितवन क्षेत्र नम्बर १ (१)बाट निर्वाचित भएका हुन । चितवनका पुराना कम्युनिस्ट नेता स्व. जागृत प्रसाद भेटवाल ( जेपी) को झल्को मेटाउने थपलिया ‘जेएन’ उपनामले पनि परिचित छन् ।
थपलिया बुवा धर्मानन्द थपलिया र आमा प्रेममाया थपलियाकाे सन्तानकाे रुपमा २०१३ साल साउन २० गते जन्मेका हुन् । २०२८ सालमा दोलखाको खिमावती माविको स्ववियु सचिव बनेर विद्यार्थी राजनीतिमा उदाएका थपलिया २०३१/२०३२ सालसम्म आइपुग्दा तत्कालीन कम्युनिस्ट पार्टी कोअर्डीनेसन केन्द्रमा आवद्ध भएका थिए ।
उनकाे सक्रियतासँगै २०३६ सालमा मिनभवन क्याम्पसको स्ववियु सभापति भए । २०३९ सालमा पार्टी निकट विद्यार्थी सङ्गठन अनेरास्ववियुको केन्द्रीय सचिव भएपछि उनले २०४० सालदेखि ४४ सालसम्म ४ वर्ष राजनीतिका कारण मुद्दा खेप्नु परेको थियो ।
मुद्दाका कारण थपलियाले केही समय केन्द्रिय कारागारमा बस्नु परेको थियो । उनले पटकपटक गरी ५ वर्ष जेल जीवन विताएका छन् । राजनीतिलाई कमाइको पेसा बनाइनु हुँदैन भन्ने धारणा अवलम्बन गर्ने थपलिया सुरुमा शिक्षण पेसामा आवद्ध भए । जनजीवन माबी खैरहनी चितवनमा २०४३ सालदेखि २०५१ सालसम्म प्रधानाध्यापक भएर काम गरेका उनले व्यवस्थापन संकायमा स्नातकोत्तरसम्मको अध्ययन पूरा गरेका छन् । उनी २०६५ देखि २०६७ सालसम्म चितवन, भरतपुरको सप्तगण्डकी बहुमुखी क्याम्पसको प्रमुखको जिम्मेवारीमा समेत रहेका थिए ।
यस्तै २०६८ सालमा मदन भण्डारी फाउन्डेसन चितवनको सस्थापक अध्यक्ष पनि भएका थपलिया लामो समय नेकपा एमाले चितवन जिल्ला कमिटीमा प्रभावशाली भूमिकामा रहे । २०७० देखि २०७४ सम्म ४ वर्ष एमाले चितवन जिल्ला कमिटीको नेतृत्वमा समेत रहे । मुलुकमा भएका दुई ठुला आन्दोलनहरु जनआन्दोलन २०४६ र २०६२/०६३ मा नेतृत्वदायी भूमिका खेलेका उनी २०७३ सालदेखि करिव साढे ३ वर्ष बागमती प्रदेशका तत्कालीन मुख्यमन्त्री डोरमणि पौडेलको प्रमुख राजनीतिक सल्लाहकारको जिम्मेवारीमा रहे ।
२०७९ पुष १४ गते नेकपा एमाले बागमती प्रदेश सभाको संसदीय दलको नेता चयन भएका थपलिया साेही वर्ष पुष २६ तत्कालीन सरकारमा आर्थिक मामिला तथा योजनामन्त्रीका रुपमा जिम्मेवारीमा रहे । हाल थपलिया नेकपा एमालेको केन्द्रीय सदस्य, भरतपुर महानगर पालिका इन्चार्ज एवं पार्टीको केन्द्रिय शिक्षा विभाग उप–प्रमुखको रुपमा पार्टीमा कृयाशील छन् । उनले अमेरिका, चीन, सिङ्गापुर लगायतका देश भ्रमण गर्नु भएकाे छ ।
धेरै फरक छ
तिमी
र म
अनि उनीहरुमा
घडि पनि त
कहिले रोकिन्छ
कहिले चल्छ नि
अनि त्यस्तै त हो
तिम्रो र मेरो समय पनि
कहिले भोकभोकै हिंड्नुपर्ने हुन्छ
कहिले दौडादौडमा कुद्नुपर्ने
कहिले तिम्रै सिर्जनामा पनि त
त्यहीँ जुध्नुपर्ने हुन सक्छ नि !
हो त्यही समय थियो
हिजो तिम्रो र मेरो भेटमा
त्यो पहिलो
पुस्तकालयकै ढोकाको गेटमा
थाहा थिएन मलाई
म सँग भेट्न
बोल्न
देख्न
अनि म सँगसँगै हास्न
तिमी आतुर भएको भन्ने !
आज त राम्री मान्छेको
आगमन भएको छ नि
यहाँ
कति धेरै समयमा
अति मायालु पनि
बन्दै गएकि
यति धेरै किन दुब्लो
भएको नि ?
सधै एकनास हुँदैन
कहिलेकाही तिम्रो मौनतामा
गहनता थप्नुपर्ने पनि
हुन सक्छ नि हेर
मलाई देख्दा बित्तिकै
कति उज्यालो है
तिम्रो त्यो अनुहार
साच्चिकै
किन धेरै खुशी थियौ
तिमी भनन
धेरै समयमा
भेट भएर होकि ?
तिमीले मलाई गेटमा
कुरेर बस्दा त झनै
अचम्म परे नि म
कस्तो खालको माया हो तिम्रो
म त कहाँ बिर्सन सक्छु र
सहजै तिमिलाई सक्दैन नि !
सुनन म दुब्लो भएनि
तिम्रो र मेरो माया
नदुब्लाउदै गएत
भयो नि
चाहेकै त्यहीँ हो
कस्तो तिम्रो र मेरो शब्दचयन
एकैपटक हुन गएको हो
है यही त हो स्नेह
हैन
मायाको
उडान
भर्न त लागेको हैन नि कतै
सायद हुन पनि सक्छ
त्यो शब्दकोषमा नभेटिने ।
मकवानपुर । प्रधानमन्त्री पुष्पकमल दाहाल ‘प्रचण्ड’ले सार्वजनिक खरिद नियमावलीमा संशोधन आवश्यक रहेकाे बताएका छन् । शुक्रबारबाट हेटौडामा सुरु भएकाे निर्माण व्यवसायी महासंघको २५औं साधारण सभालाई सम्बाेधन गर्दै नेकपा माओवादी केन्द्रका अध्यक्ष समेत रहेका दाहाले उक्त कुरा बताएका हुन् ।
प्रधानमन्त्री दहालले सरकारले बजेटको तयारी गरिरहेको अवसरमा यस साधारण सभाले विशेष महत्व राख्ने बताए । निर्माण कम्पनीको भुक्तानी समयमा हुने व्यवस्था मिलाउने बताउँदै उनले भने निर्माण व्यवसायीहरू वातावरण संरक्षणप्रति सचेत हुन जरुरी छ । सरकार र निर्माण व्यवसायीबीच आपसी विश्वासको वातावरण सिर्जना गर्नुपर्ने उनकाे भनाई थियाे । ‘अर्थतन्त्रलाई दबावमुक्त बनाउन सामूहिक विवेकले वजेट प्रस्तुत गर्ने र जनताको सुझाव लिएर नीति तथा कार्यक्रम ल्याउने उनले बताए ।
प्रधानमन्त्रीले निर्माण व्यवसायी महासंघद्वारा प्रकाशित ‘नेपाली निर्माण विशेषाङ्क २०८०’ पुस्तकको विमोचन गरे । कार्यक्रममा महासंघका पूर्व अध्यक्षहरू ध्रुवकार्की र रोशनश्रेष्ठलाई सम्मान गरिएको थियो । २५औं साधारण सभा महासंघका अध्यक्ष रवि सिंहको अध्यक्षतामा भएकाे हाे ।
मकवानपुर । बागमती प्रदेश सरकार मुख्यमन्त्री शालिकराम जम्मकट्टेलले चैत १९ गते प्रदेश सभामा विश्वासकाे मत लिने भएका छन् । विश्वासकाे मत लिन शुक्रबार प्रदेश सभामा प्रस्ताव दर्ता गरिएकाे छ ।
नेकपा माओवादी केन्द्रका मुख्य सचेतक रत्न प्रसाद ढकाल मुख्यमन्त्रीले चैत १९ गते विश्वासकाे मत लिने गरी प्रस्ताव दर्ता गरेकाे प्रदेश सभा सचिवालयले जनाएकाे छ । केन्द्रीय सत्ता समिकरण बदलिएर नेपाली काँग्रेसले जम्कट्टेल सरकारलाई दिएकाे समर्थम फिर्ता लिए पछि गत फागुन २३ गतेबाट उनी अल्पमतमा परेका थिए ।
चैत २२ गते भित्र विश्वासकाे मत नलिए सरकारकाे निरन्तरता नहुने संवैधानिक जटिलताका वावजुद सत्ता गठबन्धन ३ दलले हाम्राे नेपाली पार्टीका शैलेन्द्रमान बज्राचार्यलाई सरकारमा सहभागी गराउन ५ बुदे सहमती गरी मन्त्री नियुक्त गरी सपथ खुवाएका थिए । १ मतले अल्पमतमा रहेकाे सरकाले विश्वासकाे मत पाउने भएपछि प्रदेश सभामा शुक्रबार ढकाले मुख्यमन्त्रीले विश्वासकाे मत लिने प्रस्ताव दर्ता गराएका हुन् ।
यसैबीच बागमती प्रदेश सरकारलाई पूर्णता दिन तयारी थालिएकाे छ । हानेपाका बज्राचार्य सरकारमा सहभागी भएपछि गठबन्धनकाे बहुमत पुग्ने भएकाेले सरकारलाई पूर्णता दिने तयारी थालिएकाे हाे । एमालेलाई सहभागी गराएर सरकारलाई पूर्णता दिन थालिएकाे हाे ।
मुख्यमन्त्री शालिकराम जम्कट्टेलको सिफारिसमा प्रदेश प्रमुख यादवचन्द्र शर्माले बिहीबार मन्त्रिपरिषद् विस्तार तथा पुनर्गठन एवं कार्य विभाजन गरेका थिए । जम्कट्टेलले मुख्यमन्त्री तथा मन्त्रिपरिषद्को कार्यालयसहित आर्थिक मामिला तथा योजना मन्त्रालय, उद्योग, वाणिज्य, भूमि तथा प्रशासन मन्त्रालय, वन तथा वातावरण मन्त्रालय, खानेपानी, ऊर्जा तथा सिँचाई मन्त्रालय र स्वास्थ्य मन्त्रालयको जिम्मेवारी सम्हालि रहेका छन् ।
बिहीबार विस्तारित मन्त्रिपरिषद अनुसार केन्द्रीय समिकरण अनुसार बनेकाे सत्ता गठवन्धन समर्थित दललागि बहुमत पुगेकाले प्रदेश सरकारकाे मुख्यमन्त्रीले सम्हाल्ने गरी ताेकिएका ५ वटै मन्त्रालयहरुमा एमालेले मन्त्री नियुक्तीको तयारी थालेकाे हाे । एमालेका तर्फबाट यसअघि एमाले सहितको गठवन्धन सरकारमा मन्त्री बनेकालेनै मन्त्री पद पाउने संभावना रहेकाे बताइरहँदा मन्त्रीहरुकाे नाम केन्द्रबाट ताेकिने सम्भावना रहेकाे छ । केन्द्रले नाम ताेकेपछि मन्त्री नियुक्तीका लागि मुख्यमन्त्री समक्ष एकै चरण वा दुइ चरणमा पार्टीले सिफारिस गर्ने भएकाे हाे।
नयाँ बनेकाे गठबन्धनमा माओवादी र एकिकृत समाजवादीका तर्फबाट नियुक्ति भएका मन्त्रीहरुले निरन्तरता दिइ रहेका छन् भने हाम्रो नेपाली पार्टीका तर्फबाट बर्जाचार्यले प्रदेशको संस्कृति, पर्यटन तथा सहकारी मन्त्रीका रुपमा पदभार ग्रहण गरेका छन् । आइबारसम्ममा एमालेका तर्फबाट पनि मन्त्री नियुक्तीका लागि नाम आइसक्ने संभावना रहेकाे बताइएको छ । एमालेले बागमती प्रदेशमा पाँच मन्त्रालय दावि गरेको एमाले संसदीय दलका नेता जगन्नाथ थपलियाले बताए ।
मुख्यमन्त्री तथा मन्त्रिपरिषद्काे कार्यालयसमेत १२ वटा मन्त्रालय रहेकाे बागमतीमा हाल गंगा नारायण श्रेष्ठ (आन्तरिक मामिला तथा कानुन मन्त्री), कुमारी मुक्तान (सामाजिक विकास मन्त्राी), युवराज दुलाल (भौतिक पूर्वाधार विकास मन्त्री), डा. राजेन्द्रमान श्रेष्ठ (कृषि तथा पशुपन्छी विकास मन्त्री), लक्ष्मण लम्साल (श्रम, रोजगार तथा यातायात मन्त्री) र शैलेन्द्र मान बज्राचार्य (संस्कृति, पर्यटन तथा सहकारी मन्त्री) छन् ।
मकवानपुर । हाम्रो नेपाली पार्टी (हानेपा) मा विवाद देखिएकाे छ । बागमती प्रदेशसभा सदस्य शैलेन्द्रमान बज्राचार्य बागमती प्रदेश सरकारमा मन्त्री नियुक्त भएपछि पार्टीकाे विवाद सतहमा आएकाे हाे ।
पार्टी अध्यक्ष अनन्तराज घिमिरेले शुक्रबार हेटौडामा पत्रकार भेटघाट गर्दै पार्टी निर्णय विपरीत बज्राचार्य सरकारमा सहभागी भएको भन्दै कारबाहीको चेतावनी दिए । घिमिरेले बिहीबार पार्टीले राखेकाे छलफलमा सहभागी नभएकाे तथा सम्पर्क बाहिर रहेकाेले अपहरणमा परेकाे आशंका गरेकाे समाचार बाहिरिएकाे थियाे । शुक्रबारकाे पत्रकार सम्मेलनमा अध्यक्ष घिमिरेले बज्राचार्यकाे ‘राजनीतिक अपहरण’ गरेको आरोप समेत लगाए ।
उनले हाम्रो नेपाली पार्टी विकृत राजनीतिमा नलाग्ने पनि बताए । घिमिरेले सरकारलाई दिएको समर्थन फिर्ता लिने र प्रतिपक्षमा बस्ने पार्टीको निर्णय विपरीत बज्राचार्य लागेको आरोप लगाए । उनले मन्त्रीमा नियुक्त हुनु अगाडि पार्टीसँग कुनै छलफल नगरेको र शुक्रबार बिहानसम्म पनि सम्पर्क हुन नसकेको जानकारी दिए ।
बागमती प्रदेश सभामा हाम्रो नेपाली पार्टी संसदीय दलका नेता बज्राचार्य बुधबार सरकारमा सहभागी भएका थिए । उनलाई मुख्यमन्त्री शालिकराम जम्मकट्टेलले संस्कृति, पर्यटन तथा सहकारी मन्त्री नियुक्त गरेका छन् । सपथ लिएपछि बज्राचार्यले पार्टीको सल्लाहमै मन्त्री नियुक्त भएको बताएका थिए । मन्त्री नियुक्त हुनु अघी दलकाे नेताकाे हैसियतमा बज्राचार्यले सत्ता गठबन्धन ३ दल सँग ५ बुँदे सहमती गरेका थिए ।
कूल १ सय १० जना प्रदेश सभासदस्य रहेको बागमतीमा कांग्रेसका ३७, एमालेका २७, माओवादी केन्द्रका २१, राप्रपाका १३, एकीकृत समाजवादीका ७, नेमकिपाका ३ र हाम्रो नेपाली पार्टीका २ जना सदस्य छन्। वर्तमान सत्ता गठबन्धनमा एमालेका २७, माओवादीको २१ र एकीकृत समाजवादीको ७ गरी जम्मा ५५ सांसद रहेका थिए। प्रदेश सभामा बहुमत पुग्न ५६ सदस्यको समर्थन चाहिन्छ ।
हानेपाका बज्राचार्य सरकारमा सहभागी भएसँगै बागमती प्रदेशको सत्ता गठबन्धनलाई सरकार बनाउन बहुमत पुग्ने छ । २ सांसद रहेको हाम्रो नेपाली पार्टीबाट बज्राचार्यले समर्थन गर्दा बहुमत पुगेकाे छ । काँग्रेस गत फागुन २३ गते सरकारबाट बाहिरिएसँगै अल्पमतमा परेका मुख्यमन्त्री जम्कट्टेलले विश्वासकाे मत लिने समय १ हप्ता हुँदा वज्राचार्यसँग सहमति गरेर वर्तमान सरकारमा सामेल गराएका हुन् । योसँगै सरकारले विश्वासकाे मत पाउने र तत्काललाई निरन्तरता पाउने भएको छ ।