सिन्धुपाल्चोक । बागमती प्रदेशको कानून निर्माण, कार्यान्वयन र अपेक्षा सम्बन्धी छलफल तथा अन्तरकृया कार्यक्रम भएको छ ।
बागमती प्रदेश सभा सचिवालयको आयोजनामा सिन्धुपाल्चोकको पाँचपोखरी गाउँपालिकामा भएको कार्यक्रमको उद्घाटन बागमती प्रदेश सभा सभामुख भुवन कुमार पाठकले गरेका थिए। सभामुख पाठकले कानूनको सही कार्यान्वयनका लागि स्थानीय तहको भूमिका महत्वपूर्ण रहेको र सबैको सहकार्य आवश्यक रहेको बताए।
यसैगरी उपसभामुख अप्सरा चापागाईले प्रदेशले बनाई लागू गरेका कानूनका बारेमा सबैले जानकारी राख्नुपर्ने बताईन । छलफलका क्रममा गाउँपालिका अध्यक्ष टासी लामाले प्रदेशले बनाएका कतिपय कानुन कार्यान्वयनमा जटिलता देखिएकाले समयानुकुल संशोधन गर्नुपर्ने धारणा राखेका थिए ।
यस्तै संविधान सभा सदस्य तथा वरिष्ठ अधिवक्ता खिमलाल देवकोटाले संविधान र कानूनी प्रक्रियाको महत्त्वलाई रेखांकित गर्दै कानूनी सुधारका लागि थप छलफलको आवश्यकता रहेको बताए । प्रदेश सभा सचिव कृष्णहरि खड्काले प्रदेशले निर्माण गरेका कानून र कार्यान्वयनको अवस्था जानकारी गराएका थिए।
मकवानपुर । नेपाल राष्ट्रिय शिक्षक सङ्गठन भिमफेदी गाउँपालिका अध्यक्षमा मधुसुधन पुडासैनी चयन भएका छन् । पालिकाकाे संगठनकाे तेस्रो अधिवेशनले पुडासैनिकाे नेतृत्वमा कार्यसमिति चयन गरेकाे हाे ।
शनिबार भएकाे अधिवेशनबाट उपाध्यक्षमा अनिशा डोटेल र सूर्य ब.तितुङ, सचिवमा राजेन्द्र ढकाल, कोषाध्यक्षमा जीत बहादुर कार्की सहसचिवमा राधिका आचार्य सहकोषाध्यक्षमा रोजिता रोक्कालाई चयन गरेकाे छ । यसैगरी सदस्यहरूमा उमेश थिङ,मीन बहादुर रजान मगर, सुनीता थापा, भवानी सापकोटा, सुदर्शन पुडासैनी, मीना गुरुङ, शिवकुमार आचार्य, पुष्प अधिकारी, मानबहादुर नेगी, मन्जु सापकोटा, कोसेली रुम्बा, सुस्मिता बर्तौला, मेनु तामाङ, रमेश बल, निर्मला धिताल, पूजा चौधरी र अनिता वाइबा चयन भएका छन् ।
यसैगरी संगठनका पालिकाका ९ वटा वडा मध्ये ८ वटा वडाकाे अध्यक्षहरू चयन गरिएकाे छ । ४ नम्बर वडाकाे अध्यक्ष चयन हुन् बाँकी रहेकाे छ । वडा अध्यक्षहरुमा मञ्जु गुरुङ, शान्ति राना, सरस्वती तामाङ, शर्मिला अधिकारी, निर्मला राजथला, रामलाल बज्यु, सोमबहादुर भ्लोन र गौरी कँडेल चयन भएका छन् ।
कार्यक्रममा भिमफेदी गाउँपालिका सङ्गठन सचिव मधुसुधन पुडासैनीले प्रगति प्रतिवेदन प्रस्तुत गरेका थिए । यसैगरी कोषाध्यक्ष आइपी दाहालले आर्थिक प्रतिवेदन प्रस्तुत गरेका थिए । अधिवेशन कार्यक्रममा स्थायी शिक्षक, निवृत्त शिक्षक तथा बढुवा भएका शिक्षकहरूलाई सम्मान समेत गरिएकाे प्रचार विभाग प्रमुख डीबी बर्तौलाले जानकारी दिए ।
यसैगरी नेपाल राष्ट्रिय शिक्षक संगठन बकैया गाउँपालिका समितिको तेस्रो अधिवेशनले छवि राईको अध्यक्षतामा नयाँ कार्यसमिति चयन गरेको छ । शनिबार बकैयाको हात्तीसुँडेमा सम्पन्न अधिवेशनबाट अध्यक्षमा राई चयन भएका हुन् ।संगठनको महिला उपाध्यक्षमा तिलकुमारी गुरूङ, उपाध्यक्षमा दीपक दुलाल, सचिवमा हीरालाल जिम्बा, सहसचिवमा बालकुमार दहाल, कोषाध्यक्षमा मधुसूदन हुमागाईं र सहकोषाध्यक्षमा नानीमैयाँ बजगाईं चयन भएका छन् ।
यस्तै, सदस्यहरुमा देव लामा, पवनसिंह घलान, प्रकाश थापा मगर, राजकुमार तिमल्सिना, लोकेन्द्र घलान, विद्या भण्डारी, हरिशरण न्यौपाने, भवानी तिमल्सिना न्यौपाने, प्रमिला तिमल्सिना, सुनिता भोम्जन र सविना ढकाल चयन भएका छन् ।
यसैबीच, भिमफेदी गाउँपालिकाका अध्यक्ष हिदम लामाले शिक्षकले सामाजिक चेतना विस्तारमा ठूलो योगदान दिएकाे बताए । ‘लोकतन्त्र स्थापना तथा परिवर्तनका निम्ति शिक्षककाे अमुल्य त्याग रहेकाे छ’ उनले भने ‘समाजमा केही नै भएको छैन भन्ने भाष्य तोड्नु पर्ने र शैक्षिक गतिविधिमा निरन्तर लाग्दै शैक्षिक उन्नयनतर्फ क्रियाशील हुनु पर्छ ।’
सदैव शैक्षिक गतिविधिमा साथ दिने तथा शैक्षिक सुधारमा पालिका सकारात्मक रहेको उनले बताए । अध्यक्ष लामाले गरिबका छोराछोरीलाई विश्व प्रतिस्पर्धात्मक रूपमा अगाडि बढ्ने शिक्षा प्रदान गर्न र आआफ्नो विषयमा उत्कृष्ट नतिजा ल्याउन मिहिनेत गर्न आग्रह गर्दै नयाँ कार्यसमितिलाई शुभकामना समेत दिए ।
कार्यक्रमका शिक्षक सङ्गठन जिल्ला समिति मकवानपुरका अध्यक्ष श्रीराम दाहालले पालिकामा सङ्गठनको गतिविधिलाई तीब्र रुपमा अगाडि बढाउनु पर्ने बताए । उनले सदस्यता नवीकरण,शैक्षिक तथा रचनात्मक कार्यक्रममा जोड दिनु पर्ने,शिक्षक महासंघ गठनतर्फ ध्यान केन्द्रित हुनु पर्ने र शिक्षकका वास्तविक समस्यामा केन्द्रित हुँदै समाधान गर्न एकताबद्ध हुनु पर्ने जानकारी दिए । दाहालले शिक्षकहित साकोसमा समेत आबद्ध हुन अनुरोध समेत गरे ।
राष्ट्रिय शिक्षक सङ्गठन भिमफेदीका का.वा. अध्यक्ष अनीता डिम्डुङको सभाध्यक्ष तथा पालिका अध्यक्ष हिदम लामाको प्रमुख आतिथ्यतामा कृष्ण मावि भैसेमा भएकाे अधिवेशनमा जिल्ला समिति अध्यक्ष श्रीराम दाहाल, उपाध्यक्ष कृष्ण पौडेल, सह कोषाध्यक्ष सविता लामिछाने, सचिवालय सदस्य तथा भिमफेदीका उत्प्रेरक डीबी बर्तौला, जिल्ला सदस्य तथा भिमफेदी इन्चार्ज अन्जित यादव, शिक्षक बचत हित तथा ऋण सहकारीका सचिव कृष्ण पोखरेल र सहकारीका सहकोषाध्यक्ष अमृता भट्ट लगायतको उपस्थिति रहेको थियो।
मकवानपुर । राष्ट्रिय दलित आयोगले आर्थिक वर्ष २०८०।०८१ को प्रतिवेदन बागमती प्रदेश प्रमुख दीपक प्रसाद देवकोटालाई बुझाएको छ ।
आयोगका सदस्य एवम् प्रवक्ता सुन्दर पुर्कुटीले प्रदेश प्रमुख देवकोटालाई प्रतिवेदन बझाउनु भएको हो । नेपालको संविधानको धारा २९४ (३) बमोजिम राष्ट्रिय दलित आयोगको आ.ब. २०८०/०८१ प्रतिवेदन आइतबार पेश गरिएको प्रदेश प्रमुख कार्यालयका प्रवक्ता देवेन्द्र सापकोटाले बताउनु भयो ।
आयोगले पहिलो वार्षिक प्रतिवेदन २०७८ कार्तिक ११ गते, दोस्रो २०७९ मङ्सिर २५ गते, तेस्रो २०८० फागुन २३ गते गते पेस गरिसकेको भए पनि त्यस उपर सुनुवाइ नभएको भन्दै आयोगमा प्रवक्ता पुर्कुटीले अबको सरकारले यसमा ध्यान दिने अपेक्षा प्रकट गर्नुभयो । प्रतिवेदन ग्रहण गर्नुहुुँदै प्रदेश प्रमुख देवकोटाले दलितको सवालमाथि सकारात्मक सन्देश कार्यन्वयनमा ल्याउनको लागि सरकारलाई प्रेरित गर्ने बताउनु भयो ।
आयोगले ७ वटा परिच्छेद र ६ वटा अनुसूची समेटी तयार गरिएको प्रतिवेदनमा बुझाएको हो । जसमा आयोगको परिचय, दलितको हक, हित र अधिकार सम्बन्धि व्यवस्था, दलितको अवस्था र राज्यका निकायमा प्रतिनिधित्व आयोगको वार्षिक कार्यक्रम कार्यान्वयनको स्थिती, आयोगका सिफारिस तथा सुझाव र कार्यान्वयनको अवस्था, आयोगका अवसर, चुनौती र भावी कार्यदिशा लगायतका विषय समेटिएको छ ।
छुवाछूत भेदभाव प्रथाको सुरुवात र त्यसको अन्त्यका लागि कानूनी व्यवस्थाहरुमा नेपालमा जातीय भेदभाव तथा छुवाछूत प्रथाको सुरुवात, अन्तर्राष्ट्रिय कानूनमा छुवाछूत तथा भेदभाव विरुद्धको व्यवस्थाहरु, नेपालको संविधान तथा कानुनमा दलित हक, हित सम्बन्धी भएका व्यवस्थाहरु, जातीय भेदभाव तथा छुवाछूत अन्त्यका लागि ऐन, कानुनमार्फत भएका राज्यका प्रयासहरु, अन्य ऐन कानूनमा भएका दलित अधिकार सम्बन्धी व्यवस्था, जातीय भेदभाव अन्त्यका लागि सरकारका लोकप्रिय घोषणाहरु तथा दलित लक्षित कार्यक्रमहरुलाई उल्लेख गरिएको छ ।
संविधान, ऐन, कानून मार्फत जातीय भेदभाव तथा छुवाछूत अन्त्यका लागि जातीय आधारमा हुने सबै प्रकारका विभेद, कुरीति, अन्धविश्वास, अपराध, बहिष्करण, वञ्चितीकरण र हिंसालाई संवैधानिक र कानूनी रुपमा अन्त्य गर्दै सम्मानित जीवन यापन गर्न सक्षम तुल्याउन सरकारले लिएको नीति तथा तत्परतालाई प्रतिवेदनले समेटेको प्रवक्त पुर्कुटीले बताउनु भयो ।
राष्ट्रिय जनगणनामा दलित समुदायको संख्यात्मक अवस्थाको विवरण, वित्तीय संस्थाहरुको पहु“चबाट टाढा रह“दा भोग्नु परेको पीडा, मानव विकास सूचांक, वार्षिक आय, शिक्षा, स्वास्थ्य र सरसफाई क्षेत्रहरुमा अझै पनि दलित समुदायहरु पछाडि नै परेको उहा“ले बताउनु भयो ।
नेपालको संविधानले छुवाछुत तथा सबै किसिमका विभेदको अन्त्य गर्दै समानता, समृद्धि र सामाजिक न्याय सुनिश्चित गर्ने र समानुपातिक समावेशी सिद्धान्तका आधारमा राज्यका सबै संरचनामा दलित दायको प्रतिनिधित्वको सुनिश्चिता गरेको छ । संविधानका मौलिक हक अन्तर्गत धारा २४ मा छुवाछुत समुदायको तथा भेदभाव विरुद्धको हक र धारा ४० मा दलितको हकको व्यवस्था छ । धारा २४ को प्रावधानलाई कार्यान्वयन गर्न जातीय तथा अन्य सामाजिक छुवाछुत र भेदभाव (कसुर सजाय ऐन) २०६८ समेत लागु भएको छ ।
यसका साथै संसदले नेपाललाई छुवाछुतमुक्त राष्ट्र घोषणा गरेको छ । सरकारले मानवअधिकार सम्वन्धी विभिन्न प्रतिवद्धता समेत गरेको छ। तर, यी प्रावधानहरुलाई कार्यान्यन गर्न संघीय, प्रदेश र स्थानीय सरकारस“ग आवश्यक नीति, कानुन, रणनीतिक योजना र कार्यक्रम तथा बजेटको कमी रहेको उहाँले बताउनु भयो ।
राष्ट्रिय जनगणना, २०७८ अनुसार बागमती प्रदेशको कुल जनसंख्या ६१ लाख १६ हजार ८ सय ६६ जना रहेकाेमा दलितको जनसंख्या ३ लाख ५९ हजार ५ सय ११ जना रहेका छन् ।
मकवानपुर । मकवानपुरकाे हेटौंडा भएकाे दोस्रो संस्करणको बागमती प्रदेश लिग फुटबल प्रतियोगिताको उपाधी काठमाडौंले हात पारेकाे छ । शनिबार प्रदेश राजधानी हेटौंडामा भएकाे फाइनलमा दोलखाकाे टाइगर टिम तिखालाललाई ३–० गोल अन्तरले पाखा लगाउँदै काठमाडौंकाे पशुपति शिवजी चित्लाङ फुटबल क्लबले उपाधीमा कब्जा जमाएकाे हाे ।
उपाधी रक्षासँगै काठमाडौंले २ लाख रुपैयाँसहित शिल्ड, मेडल तथा प्रमाणपत्र प्राप्त गरेकाे छ भने उपविजेतामा चित्त बुझाएकाे दोलखाले १ लाख रुपैयाँसहित शिल्ड, मेडल तथा प्रमाणपत्र प्राप्त हात पार्याे । काठमाडौंकाे लागि पहिलो हाफको २५ औँ मिनेटमा सुजित बुढाथोकीले गोल गर्दै टिमलाई अग्रता दिलाए । यसैगरी दोस्रो हाफको ७४ औँ मिनेटमा सुजितले पुनः एक गोल गर्दै अग्रता दोब्बर बनाएका थिए । खेलकाे इन्जुरी समयमा काठमाडौंकै आयुष कुँवरले गोल गर्दै टिमकाे जित सुनिश्चित गरेका थिए ।
काठमाडौंका सुजित बुढाथाेकी फाइनलकाे म्यान अफ द म्याच, माेस्ट भ्यालुएवल प्लेयर तथा सर्वाधिक गोल कर्ता घोषित भइ विधागत पुरस्कार प्राप्त गरे । यसैगरी बेष्ट मिडफिल्ड काठमाडौंका विज्ञान खड्का, वेष्ट गोलकिपर काठमाडौका चन्द्र शेखर श्रेष्ठ, बेष्ट डिफेन्डर काठमाडौं जनक काेइराला घाेषित हुँदै नगर ५ हजार हात पारे । यसैगरी दोलखाका सुजन माफी बेष्ट फरवार्ड घोषित हुँदै नगद ५ हजार हात पारे । बेष्ट काेचकाे उपाधी काठमाडोंका रुपेश क्षेत्री घाेषित हुँदै ५ हजार प्राप्त गरे ।
काठमाडौंकाे पशुपति शिवाजी चित्लाङ फुटबल क्लबले लिगमा पहिलाे पटक सहभागिता जनाएकाे हाे । प्रतियोगित अन्तरगत बिहीबार भएकाे दोस्राे सेमिफाइनल खेलमा काठमाडौंले ललितपुर फुटबल क्लबलाई ३–१ गोलअन्तरले पराजित गर्दै फाइनल यात्रा तय गरेको थियाे । यस्तै बुधबारकाे पहिलाे सेमिफाइनल खेलमा दोलखाले सिन्धुली ब्लु अल्पाइन क्लबलाई हराउँदै फाइनलमा स्थान बनाएकाे थियाे ।
प्रदेश फुटबल संघ बागमतीकाे आयोजनामा भएकाे प्रतियाेगितामा ११ जिल्लाका जिल्ला लिग च्याम्पियन फुटबल टिमकाे सहभागिता रहेकाे थियाे । रसुवा र रामेछाप जिल्लाको क्लबले भने एन्फामा आबद्ध नभएका कारण प्रतियोगितामा सहभागी जनाएनन् । मकवानपुरको पदमपोखरी युथ क्लबसहित, काठमाडौंको चित्लाङ फुटबल क्लब, सिन्धुलीको ब्लु अल्पाइन क्लब, दोलखाको टाइगर टिम तिखालाल, धादिङको धुनिबेसी युवा समाज, नुवाकोटको बटार युथ क्लब, सिन्धुपाल्चोकको चौतारा स्पोर्टस् क्लब, चितवनको बिएफसी क्लब, ललितपुर र काभ्रेको माउण्ट एभरेष्ट फुटबल क्लबकाे प्रतियोगितामा सहभागिता रहेको थियाे ।
अखिल नेपाल फुटबल संघ (एन्फा) को मुख्य सहयोगमा सञ्चालन भएको प्रतियोगितामा प्रदेश खेलकुद विकास परिषद् बागमती र हेटौंडा उपमहानगरपालिकाको सहयोग रहेको थियाे । गत वर्षकाे पहिलो संस्करणको प्रदेश लिग फुटबल प्रतियोगिता नुवाकोट जिल्लामा भएको थियो ।
मकवानपुर । निजी तथा आवासीय विद्यालय अर्गनाइजेशन नेपाल (प्याब्सन) मकवानपुरको अध्यक्षमा विनोद सुवेदी चयन भएका छन् । शुक्रबार हेटौंडामा भएको प्याब्सन मकवानपुरको २० औँ वार्षिक साधारणसभा तथा नवौँ अधिवेशनले हेटौँडा–२ स्थित बालजागृति इंग्लिस सेकेण्डरी स्कुलका प्रिन्सिपल सुवेदीलाई पुनः अध्यक्ष चयन गरेको हो ।
यसैगरी प्याब्सन मकवानपुरको वरिष्ठ उपाध्यक्षमा राजकुमार नहर्की तथा उपाध्यक्षमा नविन केसी र लक्ष्मी श्रेष्ठ चयन भएका छन् । यस्तै सचिवमा विष्णुहरि सुवेदी, कोषाध्यक्षमा उपेन्द्र सुवेदी, सहसचिवमा रामबाबु सापकोटा र सहकोषाध्यक्षमा भरत सापकोटा एवम् सदस्यहरूमा रमिता पाण्डे, गिता आचार्य र रिना आचार्य रहेका छन् ।
२० औँ वार्षिक साधारणसभामा प्याब्सन मकवानपुरले ३ जना सञ्चारकर्मीलाई सम्मानित गरेको छ । कान्तिपुर टेलिभिजनमा कार्यरत बालकृष्ण अधिकारी,कान्तिपुर दैनिकका सुवास बिडारी र समृद्ध समाज दैनिकमा कार्यरत जमुना थिङलाई सम्मानित गरिएको हो । उनीहरू जनही ५ हजार रुपैयाँसहित सम्मानित भएका हुन् ।
यसैगरी कार्यक्रममा प्याब्सन मकवानपुरका संस्थापक अध्यक्ष ऋषिराम आचार्य तथा पूर्वअध्यक्षहरु आशिष श्रेष्ठ, मदन दहाल र अनिल पाण्डेलाई पनि सम्मान गरिएको छ । शिक्षकहरु अरविन्द कुमार झा, उमा मगर र सञ्जिव ठाकुरलाई सम्मान गरिएको छ ।
यसैबीच कार्यक्रमको उद्घाटन सत्रमा प्याब्सन केन्द्रीय अध्यक्ष डी के ढुङ्गानाले संस्थाले कस्ता नेतृत्व चयन गर्ने र कस्ताे नीति बनाउने भन्नेमा लागि परिरहेकाे बताए । मनाङ जिल्ला बाहेक ७६ वटा जिल्लाका प्याव्सन रहेकाे सक्रिय रहेकोमा नयाँ नेतृत्वले शिक्षा पेशाकाे भविश्यकाे सुनिश्चितता गर्नु पर्ने उनले बताए ।
‘प्याव्सन भित्र मात्र २१ लाख विद्यार्थी रहेकोमा करिव १ लाख विद्यार्थी एसइईमा सहभागी हुने भएकोले प्याब्सनले जिल्लामा तथ्यांक प्रणालीलाई व्यवस्थित गर्नुपर्छ’ उनले भने । शिक्षा विधेयक सबैकाे हितमा आउने बताउदै उनले भने ‘अन्तर्राष्ट्रिय स्तरकाे शिक्षा नेपालमा पनि दिन सकिने भएकोले बाहिरका विद्यार्थी नेपालमा आएर पढ्ने वातावरण सिर्जना गर्नेछाै ।’
यस्तै प्याब्सन बागमती प्रदेश इन्चार्ज तथा केन्द्रीय उपाध्यक्ष आशिष श्रेष्ठले नितिगत कुराका प्याब्सनकाे लडाई केन्द्रीकृत मात्र भएकाेले गाउँपालिका, नगरपालिका, जिल्ला तथा प्रदेश तहकाे प्याब्सन पनि सक्रिय हुनुपर्ने बताए ।
प्याब्सन मकवानपुर अध्यक्ष बिनोद सुवेदीको सभाध्यक्षता तथा केन्द्रिय अध्यक्ष डीके ढुंगानाको प्रमुख आतिथ्यतामा भएको कार्यक्रममा प्याब्सन बागमती प्रदेश समितिका अध्यक्ष केशवलाल श्रेष्ठ लगायतको उपस्थिति रहेको थियो ।