मकवानपुर । नेपाल राष्ट्रिय शिक्षक संगठन हेटौंडा उपमहानगर समितिकाे अध्यक्षमा कृष्ण प्रसाद पोखरेलको चयन भएका छन् । शनिबार भएकाे संगठनकाे तेस्राे नगर अधिवेशनले पोखरेलकाे अध्यक्षतामा ३४ सदस्यीय समिति गठन गरको हाे ।
हेटौडमा भएकाे अधिवेशनले समितिको उपाध्यक्षमा सृजना रानाभाट र रत्न बहादुर स्याङ्तान, सचिव चिरन्जीवी घिमिरे, कोषाध्यक्ष प्रेम बहादुर स्याङ्तान, सह सचिब सृजना कुमारी शर्मा, सह कोषाध्यक्ष उमा लामा चयन भएका छन् । यसैगरी सदस्यहरूमा लिलादेवी तिमल्सिना, विष्णुप्रसाद पराजुली, पुण्यशीला श्रेष्ठ, सङ्गीता बजगाई, रामकुमार ढकाल, गीता न्यौपाने, गोविन्द उप्रेती, होमनाथ ढकाल, सरोजकुमार महतो, सविना वाइवा, रमा काफ्ले, विधान आचार्य लगायतका चयन भएका छन् ।
अधिवेशनमा बागमती प्रदेशका प्रथम मुख्यमन्त्री डोरमणी पौडेलले शिक्षकले सामाजिक चेतनाको विस्तारमा योगदान दिएकाे बताए । ‘लोकतन्त्र स्थापना तथा परिवर्तनका निम्ति शिक्षकहरुले त्याग गरेका छन्’ उनले भने । आफू पनि शिक्षक भएर आन्दोलनमा होमिएको स्मरण गर्दै शैक्षिक गतिविधिमा निरन्तर लाग्दै शैक्षिकको उन्नयनतर्फ क्रियाशील हुनु पर्ने उनले बताए । सदैव शैक्षिक गतिविधिमा साथ दिने तथा शैक्षिक सुधारमा आफू सकारात्मक रहेको उनले बताए ।
शिक्षक सङ्गठन जिल्ला समिति मकवानपुरका अध्यक्ष श्रीराम दाहालले पालिकामा संगठनको गतिविधिलाई तीब्र रुपमा अगाडि बढाउनु पर्ने साथै सदस्यता नवीकरण,शैक्षिक तथा रचनात्मक कार्यक्रममा जोड दिनुपर्ने बताए । ‘समसामयीक शैक्षिक मुद्दा उठान गरेर शिक्षकका वास्तविक समस्यामा केन्द्रित हुँदै समाधान गर्न एकताबद्ध हुनु पर्छ’ उनले भने ।
कार्यक्रममा हेटौंडा उपनपाका सङ्गठन सचिव देवराज शर्माले प्रगति प्रतिवेदन प्रस्तुत गरेका थिए भने कोषाध्यक्ष भरत पोखरेलले आर्थिक प्रतिवेदन प्रस्तुत गरे । कार्यक्रममा हेटौडा ४ नम्बर वडा अध्यक्ष नवीन सिग्देल, शिक्षक साकोसका अध्यक्ष शिवप्रसाद लामिछाने,शिक्षक सङ्गठन सचिवालय सदस्य डीबी बर्तौला,सचिव मुकुन्द न्यौपाने, प्रदेश कोषाध्यक्ष लक्ष्मी चौलागाईं,केन्द्रीय सदस्य लक्ष्मी गजुरेल, लगायतले शुभकामना व्यक्त गरेका थिए ।
नगर समिति अध्यक्ष गोपी रमण प्याकुरेलको सभाध्यक्षतामा तथा बागमती प्रदेशका प्रथम मुख्यमन्त्री डोरमणी पौडेलको प्रमुख आतिथ्यतामा भएकाे अधिवेशनमा एनएनटीए पुर्व राष्ट्रिय परिषद् सदस्य रमेश प्रसाद लामिछाने, पुर्व बागमति प्रदेश सचिवालय सदस्य मोहन प्रसाद शर्मा, प्रदेश सदस्य सुनिल गौतम, बालकुमार श्रेष्ठ, दीपक गौतमलगायतकाकाे उपस्थिति रहेकाे थियाे ।
मकवानपुर । निजी तथा आवासीय विद्यालय अर्गनाइजेशन नेपाल (प्याब्सन) मकवानपुरको अध्यक्षमा विनोद सुवेदी चयन भएका छन् । शुक्रबार हेटौंडामा भएको प्याब्सन मकवानपुरको २० औँ वार्षिक साधारणसभा तथा नवौँ अधिवेशनले हेटौँडा–२ स्थित बालजागृति इंग्लिस सेकेण्डरी स्कुलका प्रिन्सिपल सुवेदीलाई पुनः अध्यक्ष चयन गरेको हो ।
यसैगरी प्याब्सन मकवानपुरको वरिष्ठ उपाध्यक्षमा राजकुमार नहर्की तथा उपाध्यक्षमा नविन केसी र लक्ष्मी श्रेष्ठ चयन भएका छन् । यस्तै सचिवमा विष्णुहरि सुवेदी, कोषाध्यक्षमा उपेन्द्र सुवेदी, सहसचिवमा रामबाबु सापकोटा र सहकोषाध्यक्षमा भरत सापकोटा एवम् सदस्यहरूमा रमिता पाण्डे, गिता आचार्य र रिना आचार्य रहेका छन् ।
२० औँ वार्षिक साधारणसभामा प्याब्सन मकवानपुरले ३ जना सञ्चारकर्मीलाई सम्मानित गरेको छ । कान्तिपुर टेलिभिजनमा कार्यरत बालकृष्ण अधिकारी,कान्तिपुर दैनिकका सुवास बिडारी र समृद्ध समाज दैनिकमा कार्यरत जमुना थिङलाई सम्मानित गरिएको हो । उनीहरू जनही ५ हजार रुपैयाँसहित सम्मानित भएका हुन् ।
यसैगरी कार्यक्रममा प्याब्सन मकवानपुरका संस्थापक अध्यक्ष ऋषिराम आचार्य तथा पूर्वअध्यक्षहरु आशिष श्रेष्ठ, मदन दहाल र अनिल पाण्डेलाई पनि सम्मान गरिएको छ । शिक्षकहरु अरविन्द कुमार झा, उमा मगर र सञ्जिव ठाकुरलाई सम्मान गरिएको छ ।
यसैबीच कार्यक्रमको उद्घाटन सत्रमा प्याब्सन केन्द्रीय अध्यक्ष डी के ढुङ्गानाले संस्थाले कस्ता नेतृत्व चयन गर्ने र कस्ताे नीति बनाउने भन्नेमा लागि परिरहेकाे बताए । मनाङ जिल्ला बाहेक ७६ वटा जिल्लाका प्याव्सन रहेकाे सक्रिय रहेकोमा नयाँ नेतृत्वले शिक्षा पेशाकाे भविश्यकाे सुनिश्चितता गर्नु पर्ने उनले बताए ।
‘प्याव्सन भित्र मात्र २१ लाख विद्यार्थी रहेकोमा करिव १ लाख विद्यार्थी एसइईमा सहभागी हुने भएकोले प्याब्सनले जिल्लामा तथ्यांक प्रणालीलाई व्यवस्थित गर्नुपर्छ’ उनले भने । शिक्षा विधेयक सबैकाे हितमा आउने बताउदै उनले भने ‘अन्तर्राष्ट्रिय स्तरकाे शिक्षा नेपालमा पनि दिन सकिने भएकोले बाहिरका विद्यार्थी नेपालमा आएर पढ्ने वातावरण सिर्जना गर्नेछाै ।’
यस्तै प्याब्सन बागमती प्रदेश इन्चार्ज तथा केन्द्रीय उपाध्यक्ष आशिष श्रेष्ठले नितिगत कुराका प्याब्सनकाे लडाई केन्द्रीकृत मात्र भएकाेले गाउँपालिका, नगरपालिका, जिल्ला तथा प्रदेश तहकाे प्याब्सन पनि सक्रिय हुनुपर्ने बताए ।
प्याब्सन मकवानपुर अध्यक्ष बिनोद सुवेदीको सभाध्यक्षता तथा केन्द्रिय अध्यक्ष डीके ढुंगानाको प्रमुख आतिथ्यतामा भएको कार्यक्रममा प्याब्सन बागमती प्रदेश समितिका अध्यक्ष केशवलाल श्रेष्ठ लगायतको उपस्थिति रहेको थियो ।
मकवानपुर । बागमती प्रदेश सरकारका प्रमुख सचिव डा. हरिप्रसाद लम्सालले गुणस्तरीय शिक्षाका लागि शिक्षकको भूमिका महत्वपूर्ण हुने बताएका छन् । मकवानपुरको बकैया गाउँपालिकाले हात्तीसुँढेमा आयोजना गरेको छलफल कार्यक्रममा उनले यस्तो बताएका हुन् ।
शैक्षिक समस्या समाधान गर्न अभाव र समस्याका बिच हामीले राम्रो गर्न सक्नुमा नै सामर्थ्य देखिने बताउँदै राम्रो काम गर्ने शिक्षक, विद्यालय र विद्यार्थीलाई प्रोत्साहित गर्नुपर्ने उनले बताए । ‘समाजलाई बदल्न चाहने शिक्षकले पहिले परिवर्तनको सुरुवात आफैंबाट गर्नुपर्छ’ प्रमुख सचिव लम्सालले भने ‘गुणस्तरीय शिक्षाका लागि सीमित साधनका बिच शिक्षकले जवाफदेही भएर काम गर्नुपर्छ ।’
गाउँपालिकाका अध्यक्ष धर्मराज लामिछानेले विद्यालयहरुले स्रोत र साधन सीमित हुँदा गुणस्तरीय शिक्षा दिनु चुनौती रहेकाेले गाउँपालिकाले शिक्षा, स्वास्थ्य र कृषिलाई प्राथमिकता दिएर काम गर्दै आएको बताए । शिक्षा विकास निर्देशनालयका महानिर्देशक खुबिराम अधिकारीले प्रदेश सरकार शैक्षिक गुणस्तर वृद्धिका लागि प्रतिबद्ध रहेको बताउँदै शिक्षक र विद्यालयको क्षमता विकासमा सहयोग गर्दै आएको बताए ।
गाउँपालिकाका प्रमुख प्रशासकीय अधिकृत महेश श्रेष्ठले पालिकाको शैक्षिक अवस्थाका बारेमा जानकारी गराएका थिए । पालिकामा शैक्षिक सुधारका शिक्षक बैङ, शिक्षकलाई तालिमलगायतका कार्यक्रम सञ्चालन गर्दै आएको उनले बताए । कार्यक्रम बकैयाको सेतीदेवी आधारभूत विद्यालयका प्रअ गोमा रानाभाट, बाघभैरव माविका प्रअ रमेश लामा, महेन्द्र माविका प्रअ दीपा सिग्देल, जनक माविका प्रदीप भोम्जनलगायतले शैक्षिक क्षेत्रमा देखिएका नीतिगत, आर्थिकलगायतका समस्याहरु र समाधानका उपायहरुका बारेमा धारणा राखेका थिए ।
कार्यक्रममा प्रदेशका कृषि तथा पशुपन्छी विकास मन्त्रालयका सचिव विनोदकुमार भट्टराई, वन तथा वातावरण मन्त्रालयका सचिव डा. केदार बराल, वन मन्त्रालयका महाशाखा प्रमुख शिव सापकोटा, मुख्यमन्त्री कार्यालयका आर्थिक प्रशासन शाखका अधिकृत श्रीराम पुडासैनी, गाउँपालिकाका विभिन्न शाखाका प्रमुखको उपस्थिति रहेको थियो ।
बकैयाका शिक्षकहरु बालश्रम विरुद्ध कृयाशील हुने
Tags: No Comments
मकवानपुर । मकबानपुरको बकैया गाउँपालिकाका शिक्षकहरु बालश्रम विरुद्ध कृयाशील हुने भएका छन् ।
बकैया गाउँपालिकामा बालश्रम अन्त्य गर्न पालिकाका बिधालयका शिक्षक एबं शिक्षाकर्मीहरु लक्षित कार्यक्रममा उनीहरुले बालश्रम विरुद्ध कृयाशील हुन प्रतिवद्धता जनाएका हुन् । ग्लोबल मार्चको सहयोगमा बकैया गाउँपालिका, स्वतन्त्रता अभियान र बाल कल्याण समाज मकाबानपुरको संयुक्त आयोजनामा शनिबार बालश्रम निवारणमा क्षेत्रगत अवधारणा तथा शिक्षककाे भूमिका सम्बन्धी प्रशिक्षण कार्यक्रम भएकाे हाे ।
उक्त कार्यक्रममा बकैया गाउँपालिका अध्यक्ष धर्मराज लामिछानेले बिधालयको तथ्याङ्क हेर्दा ड्रप आउट बढदै गएको पाईएको बताए। बिधालय बाहिर रहेको बालबालिका भोली बालश्रममा जान सक्ने, तिनै बालिकाको बाल बिबाह हुन सक्ने, बाल बिबाह पश्चात पुन बालश्रम हुदै बाल ओसारपसार र बेचबिखन समेत हुन जाने संभाबना बढदै गएकोले बिधालयमा हुने ड्रप आउट घटाउन र बिधालय बाहिर रहेको बालबालिकालाई बिधालयमा ल्याउन बिधालयका शिक्षक एबं ब्यबस्थापन समितीलाई मिहिन ढंगले कृयाशिल हुन उनले आग्रह गरे ।
पालिकाको उपाध्यक्ष भक्त बहादुर खत्रीले जिम्मेबार अभिभाबक हुन नसकेको कारणले बालबालिकाहरु बालश्रम गर्न बाध्य हुन परेको बताए । टोल विकास मार्फत अभिभावकलाई जिम्मेबार भूमिका निर्वाह गर्न सचेतना कार्यक्रमको आयोजना गर्ने योजना रहेको उनले बताए । ‘शिक्षकहरुले बालबालिकालाई विद्यालयमा सिकाउने, टिकाउने र गुणस्तरीय (विकाउने) शिक्षा दिने गरी कार्य गर्नु पर्छ’ उनले भने ।
पालिकाको प्रमुख प्रशासकिय अधिकृत महेश श्रेष्ठले गाउँपालिकाको २८ वटा विद्यालयको शिक्षकबाट बाल संरक्षणको लागि भावि कार्ययोजना तयार पारिएको बताए । ‘सार्वजनिक शिक्षाको सुदृढिकरण, विद्यालय छोडने दरमा कमी ल्याउन र गुणस्तरीय शिक्षाका लागि शिक्षकलाई जिम्मेबार बन्नु पर्छ’ उनले भने ‘विद्यालयबाट तयार पारिएको कार्ययोजनालाई कार्यान्वयन गर्न पालिकाले सहकार्य गर्नेछ ।’
बाल कल्याण समाजका अध्यक्ष प्रकाश खतिवडाले बालश्रम निवारणको लागि क्षेत्रमा अधारित पद्धती तथा शिक्षकको भूमिकाको विषयमा सहजिकरण गरेका थिए । उनले बालश्रमको परिभाषा, बाध्यकारी श्रम, बालश्रमको कारण, बालश्रमको आर्थिक समाजिक राजनैतिक असर, बालश्रम निवारणमा विद्यालय र शिक्षकको भूमिकाका सम्बन्धमा सहजिकरण गरेका थिए । शिक्षकलाई उत्साहित र जिम्मेबारी बहन गर्न अभिप्रेरित गर्दै उल्लेखनीय कार्य गर्ने शिक्षकलाई सम्मान गर्न स्थानीय सरकारले योजनाहरु ल्याएको अबस्थामा गुणस्तरीय शिक्षा प्रदान गर्न सकिने उनले बताए । पालिकाले शिक्षक तथा शिक्षा क्षेत्रमा योजना सहितको बजेट अभिबृद्धि गर्दा विद्यालय छोडने दरमा क्रमशः कमी आउदै विद्यालय बाहिर रहेको बालबालिकालाई विद्यालयमा प्रवेस गराउन सकिने बताउँदै उनले बालश्रम समेत अन्त्यकाे लागि शिक्षाको क्षेत्र लगानी आवश्यक रहेको जानकारी दिए ।
पालिका शिक्षा प्रमुख आईतराम तामाङ्ले बालश्रम अन्त्य गर्न शिक्षकको भूमिका प्रमुख हुने भएकोले शिक्षक लक्षित कार्यक्रमको आयोजना गरिएको बताए । रोजगार संयोजक रामचन्द्र खड्का बालबालिकालाई बालश्रममा जान नदिन र बालश्रममा रहेको बालबालिकालाई विद्यालयमा पुनः ल्याउन समस्या परेमा पालिकासँग सहकार्य गर्नुपर्ने बताए । महिला विकास निरीक्षक एवम् बाल कल्याण अधिकारी होम कुमारी संजेलले बकैया गाउँपालिकालाई बालश्रम मुक्त बनाउन शिक्षकको भूमिका महत्वपूर्ण हुने भएकोले सबै शिक्षकहरुलाई सहकार्य गर्न आग्रह गरिन् ।
महेन्द्र माध्यमिक विद्यालय बकैया ४ का प्रधानाध्यापक देवकी सिग्देल र प्रभात माध्यमिक विद्यालय बकैया ५ का प्रधानाध्यापक दिपेश देवकोटाले अभिभावकलाई जिम्मेबार बन्न सचेतना मुलक कार्यक्रम, विपन्न बालबालिकालाई छात्रवृत्ती, जन्मदर्ता नभएका बालबालिकाको जन्मदर्ता बनाउन पालिकाको प्रयास, बालबालिकालाई विद्यालयमा टिकाउने योजना र क्रियाकलाप, शिक्षकहरुलाई अभिप्रेरित गर्ने कार्यक्रम ल्याउँदै पालिकाले शिक्षामा लगानी वृद्धि गर्न सके शिक्षाको गुणस्तर अभिबृद्धि हुने बताए ।
सहभागी शिक्षकहरुले विद्यालयमा ड्रप आउट हुन नदिन, विद्यालय छोडेका बालबालिकालाई पुनः विद्यालय फर्काउन, विद्यालय बाहिर रहेका बालबालिकालाई विषेश रुपमा विद्यालय ल्याउन उल्लेख्य भूमिका निर्वाह गर्दै विद्यालयलाई बालमैत्री बनाउन र बालबालिकाको संरक्षणको अधिकार सुनिश्चित गर्न कटिबद्ध रहने प्रतिबद्धता समेत गरिएको थियो ।
बकैया गाउँपालिका अध्यक्ष धर्मराज लामिछानेको सभाध्यक्षता तथा गाउँपालिका उपाध्यक्ष भक्त बहादुर खत्री, पालिकाको प्रमुख प्रशासकीय अधिकृत महेश श्रेष्ठ, बाल कल्याण समाजको अध्यक्ष प्रकाश खतिवडा, पालिका शिक्षा प्रमुख आईतराम तामाङ्, रोजगार संयोजक रामचन्द्र खड्का, महिला विकास निरीक्षक होम कुमारी संजेलको आतिथ्यतामा भएकाे कार्यक्रम बकैया गाउँपालिकाका २८ वटा विद्यालयका प्रअ, सहायक प्रअ तथा शिक्षक शिक्षिका लगायतका कार्यक्रममा सहभागिता रहेको थियो ।
मकवानपुर । बागमती प्रदेशका मुख्यमन्त्री बहादुर सिंह लामाले समयसापेक्ष प्राविधिक शिक्षा प्रदान गर्नुपर्ने बताएका छन् । शुक्रवार मकवानपुर बहुमुखी क्याम्पसको व्यवसाय इक्युवेशन सेन्टरको उद्घाटन गर्दै मुख्यमन्त्री लामाले यस्तो बताएका हुन् ।
बजारको माग अनुसारको व्यावसायिक तथा दक्ष जनशक्ति उत्पादनमा शिक्षालाई जोड्न आवश्यक रहेको उनले बताए । ‘सबैले गर्नुपर्छ भन्ने धारणाकाे विकास हुनुपर्छ‘ उनले भने ‘प्रविधिकाे जति प्रयाेग गर्याे उति क्षमतावान हुने हुदाँ साे प्रति निरन्तरता दिनुपर्छ ।’ उनले विदेशमा १८ घण्टासम्म काम गर्न सक्ने नेपाली युवाहरु नेपाल पढेपछि काम गर्नु हुन्न भन्ने मान्यता रहेकाे छ जुन परिवर्तन हुन जरुरी रहेकाे बताए ।
जुन बिषय पढेका छाै त्यही विषयमा विज्ञता हासिल गरी काम गर्नुपर्ने बताउँदै उनले भने ‘उद्योगलाई प्रबर्धन गर्ने शिक्षाकाे विकास गरिनु पर्छ ।’ उनले हाल कायम रहेको पाठ्यक्रमले प्रभावकारी रुपमा व्यावसायिक जनशक्ति उत्पादन गर्न नसकेकोले शैक्षिक पाठ्यक्रम समयानुकूल परिमार्जन गर्नुपर्ने बताए । उनका अनुसार औद्योगिक क्षेत्रसँग समन्वय गरेर अध्ययन अध्यापनको मोडल निर्माण गर्नुपर्छ । उक्त कार्यमा प्रदेश सरकारले नेतृत्वदायी भूमिका निर्वाह गर्ने उनले बताए ।
कार्यक्रममा पूर्वमुख्यमन्त्री डोरमणि पौडेलले विधार्थी पलायन हाल कै गतिमा हुने हो भने निकट भविष्यमा नेपालका वृद्ध आश्रमहरु जेष्ट नागरिकले भरिभराउ हुने बताए । उनले विद्यार्थी पलायनलाई रोक्न व्यवसाय इक्युवेशन केन्द्रले सहयोग गर्ने बताए । विद्यार्थीकै समष्टिगत विकासका लागि सेन्टरको स्थापना गरेको बताउँदै क्याम्पस प्रमुख यमप्रसाद सिलवालले भने ‘विद्यार्थीहरूको ज्ञान सिप क्षमता र सिकाइलाई व्यावसायिक रूपमा अघि बढाउन सेन्टरले भूमिका खेल्नेछ ।’ सिलवालका अनुसार विद्यार्थीहरूमा नवप्रवर्तन प्रतिको लगाव बढाउने, व्यावसायिक सोच तथा मनस्थितिको विकास, पेसा व्यावसायिक अभिवृद्धि गरेर उद्यमशीलता र रोजगारीको अवसर सृजना गर्नु सेन्टरको प्रमुख उदेश्य रहेकाे छ ।
मकवानपुर वहुमुखी क्याम्पस व्यवस्थापन समिति अध्यक्ष अनन्त पाैडेल सभाध्यक्षता तथा बागमती प्रदेशका मुख्यमन्त्री वहादुर सिंह लामाकाे प्रमुख आतिथ्यतामा भएकाे व्यवसाय इक्युवेशन सेन्टरको स्थापना कार्यक्रममा पुर्व मुख्यमन्त्री डाेरमणि पाैडेल, क्याम्पस व्यवस्थापन समिती उपाध्यक्ष अशाेक शाक्य, सदस्यहरु माइकल रामचन्द्र अर्याल, सर्केश घलान, कृष्णकुमार गुप्तालगायतकाे उपस्थिति थियाे ।