भुटनदेवीमा रात्रिकालिन पाहुना विश्रामघर
Tags: No Comments
मकवानपुर । मकवानपुरकाे हेटौंडा १० मा अवस्थित भुटनदेवी मन्दिरमा रात्रिकालिन पाहुना घर सञ्चालनमा आएकाे छ । भुटनदेवी मन्दिर ब्यवस्थापन तथा धार्मिक पर्यटन विकास समितिले संचालन गर्ने गरी भुटनदेवी रात्रिकालिन पाहुना विश्रामघरकाे शनिबार उद्घाटन गरिएकाे हाे ।
नेपाली कांग्रेस बागमती प्रदेश सभापति एवं बागमती प्रदेशसभा सदस्य ईन्द्रबहादुर बानियाँले शनिबार उक्त विश्रामघरकाे उद्घाटन गरेका हुन् । भुटनदेवी मन्दिर ब्यवस्थापन तथा धार्मिक पर्यटन विकास समितिको २० औं साधारणसभा तथा अधिबेशनकाे प्रमुख अतिथि समेत रहेका बानियाँले विश्रामघरकाे उद्घाटन गरे ।
समितिको २० औं साधारणसभा तथा रात्रिकालिन पाहुना विश्रामघरको समुदघाटन गर्दै प्रमुख अतिथि बानियाँले भुटनदेवी मन्दिरको भौतिक पूर्वाधार निर्माण तथा पर्यटकीय प्रवर्द्धनका लागि विगत देखि नै सहयाेग गर्दै आएकाे बताए । उनले आगामी दिनमा पनि आफू र प्रदेश सरकारकाे तर्फबाट सकेकाे सहयोग गर्ने प्रतिवद्दता व्यक्त गरे । नेता बानियाँले धर्म भनेको सत्य र ठिक बाटो हिडाउने माध्यम भएकाे भएको बताउँदै यसको सम्वर्द्धन र प्रवर्द्धन गर्न हामी सबै लाग्नुपर्ने बताए । बागमती प्रदेश सरकारको आर्थिक सहयोगमा निर्मित २४ कोठे विश्रामघरमा ६० जनासम्म बस्न मिल्ने समिति अध्यक्ष राममान श्रेष्ठले बताए ।
समितिका अध्यक्ष श्रेष्ठको सभाध्यक्षतामा भएको साधारणसभा तथा अधिवेशनले नयाँ नेतृत्वसमेत निर्वाचित गर्ने बताइएकाे छ । साधारण सभामा मन्दिरलाई सहयोग र विभिन्न क्षेत्रबाट योगदान गर्ने समाजसेवीलाई मायाको चिनो र सम्मानपत्र प्रदान गरिएको थियो ।
हेटौंडामा भीमविराग प्रतिष्ठान र गुन्जनको कवि गोष्ठी
Tags: No Comments
मकवानपुर । भीम विराग साहित्य कला प्रतिष्ठान नेपाल र गुन्जन नारी साहित्य संस्था काठमाडौको संयुक्त आयोजनामा हेटौंडामा कवि गोष्ठी गरिएको छ ।
शुक्रबार हेटौंडामा आयोजना गरिएको कवि गोष्ठीमा मकवानपुरका तथा गुन्जनमा आबद्ध समेत करिब ३ दर्जन सर्जकहरुले रचना वाचन गरेका थिए ।
गुञ्जनका तर्फबाट जलेश्वरी श्रेष्ठ, हिरण्यकुमारी श्रेष्ठ, सुलोचना मानन्धर,सुस्मिता नेपाल, पद्मावती सिंह,सन्ध्या पहाडी, डा. रेणुका सोलु,डा. रजनी ढकाल, विन्दु सुवेदी,रुकु कार्की,सावित्री श्रेष्ठ, मन्जिला शर्मा,कमला रिसाल,रीता खत्री,रश्मि रिमाल,शान्ता शाक्य,उषा केसी,विमला कार्की,निर्मला फुयाल , यशोधा अधिकारी,गीता कार्कीले गोष्ठीमा सहभागी जनाएका थिए ।
यसैगरि मकवानपुरका आरआर चौलागाईं, हयग्रीव आचार्य, भावना सापकोटा, पूर्णकला घिमिरे, सविता तिमल्सिना, सानू खनाल, हरिकृष्ण काफ्ले,रजनी पौडेल, गीताकुमारी न्यौपाने, जयन्ती आचार्य, गोपिनी गौतम, दिनेश शर्मा, किशन पौडेल , अश्लेषा अधिकारीले आ आफ्नो रचना सुनाएका थिए ।
गोष्ठीमा आठ दशक छुनै लागेकी पद्मावती सिंहले गीत गाउँदा ७३ वर्षको उमेरकी सुशीला पाण्डे मानन्धरले आफूलाई रोक्न सकिनन् । भीम विरागसँग कुनै समय अभ्यास गरिएको तर रेकर्ड हुन नपाएको गीत उनले सुनाइन् । यस्तै बालजागृती माध्यामिक बिद्यालयको कक्षा ४ मा अध्ययनरत छात्रा अश्लेषा अधिकारीले तिमिले त होइन तिम्रा आखाहरु बोलको गित संगीत मै प्रस्तुत गरिन ।
प्रतिष्ठान अध्यक्ष केशवलाल श्रेष्ठ तौजको अध्यक्षता तथा प्रतिष्ठानका सल्लाहकार सुशीला पाण्डे मानन्धरको प्रमुख आतिथ्यतामा भएको गोष्ठीमा विशिष्ट अतिथि जलेश्वरी श्रेष्ठ गुञ्जनका अध्यक्ष, अतिथि पद्मावती सिं गुञ्जन संस्थापक अध्यक्ष र कार्यक्रमको सेतु आरआर चौलागाईं रहेका थिए ।
प्रतिष्ठानका सदस्य गोपिनी गौतम ढकालले स्वागत गरेकी गोष्ठीमा कार्यक्रम अवधारणा गुञ्जन महासचिव सुस्मिता नेपालले राखेकी थिइन् । गोष्ठीको सहजीकरण प्रतिष्ठानका महासचिव छवि अनित्यले गरेका थिए।
मकवानपुर । बागमती प्रदेशका मुख्यमन्त्री शालिकराम जम्कट्टेलले प्रदेश सरकारले कृषि क्षेत्रमा काम र उत्पादनमुलक सीप मात्र दिन सक्ने बताएका छन् । मकवानपुर उद्योग वाणिज्य संघको ५७ औ बार्षिक साधारण सभालाई सम्बाेधन गर्दै जम्कट्टेलले प्रदेश सरकारको अधिकारको क्षेत्र सानाे भएकाेले उद्योग वाणिज्यकाे क्षेत्रमा धेरै काम गर्न सक्ने बताएका हुन् ।
अहिले सबैतिर निराशै निराशा र असन्तुष्टि बाहेक केही छैन भनिरहेका छौ तर प्रधानमन्त्रीको सोचअनुसार नै नेपालमा विकास सम्भव रहेकाे उनले बताए । ‘सरकारले ल्याउने मौद्रिक नीतिमा व्यवसायीक व्यक्तिहरुले सहयाेग गर्दा उद्योग वाणिज्यकाे क्षेत्रमा पर्याप्त वातावरण बन्छ’ उनले भने ’ठुला औद्योगिक क्षेत्रको दायरा प्रदेश सरकारसँग नभएकाेले हस्तकला र घरेलु उद्योगलाई अगाडि बढाउन सक्छौ ।’ प्रदेशमा उद्योगग्राम,कोशेली घर निर्माणको चरणमा रहेकाे उनले बताए ।
‘संसारका धेरै मुलुकहरुले नीति बनाउनु र लगानी गर्नु अघि आन्तरिक र वाह्य उत्पादन र निर्यातको आंकलन गरेरमा मात्र उद्योग सुरु गर्छन्’ मुख्यमन्त्री जम्कट्टेलले भने ‘नेपालमा त्यस्तो अवस्था छैन, चामल मिल चाहिँ खोल्ने तर धान अन्तवाट ल्याउने भने जस्तै परिपाटी छ ।’ हचुवाको भरमा उद्योगहरु खुलेको कारण व्यवसाय धरासायी भयको उनले बताए । ‘नेपाल कृषि प्रधान मुलुक भएपनि वैदेशिक भेटवार्ता भने राजनैतिक र व्यवसायीक भएको छ’ उनले भने । उद्यमशीलता भनेको स्थानीय उत्पादनको उपज गर्नु हो तर नेपालमा निर्यातमुखि व्यवसाय तथा उधोग मात्र रहेको उनले बताए ।
‘प्रदेशकाे ८५ वटा पालिकालाई उत्पादनको पकेट क्षेत्र तोकिने योजना छ’ उनले भने ‘प्रदेशलाई खाधान्नमा आत्मनिर्भर बनाउने लक्ष्य रहेको छ ।’, व्यवसायीक ढंगले हेर्ने हो भने बिचौलिया पनि खराब नभएकाेले उद्योग वाणिज्य संघ र प्रदेश सरकार उत्पादनको सवालमा सम्झौता गरेर अघि वढ्नुपर्ने उनले बताए । एउटा घर बनाउनु पर्यो भने मधेश प्रदेशबाट ढुङ्गा गिट्टि बालुवा ल्याउनुपर्ने अवस्थाकाे सृर्जना हुन नदिन ढुङ्गा गिटि वालुवा निकाल्न पाउनु पर्ने उनकाे भनाइ छ । सडकमा लगानी बढेको भएपनि सडक निर्माण सम्पन्न हुन नसकेकाे बताउदै उनले भने ‘केही ठुलो कार्यक्रम गर्नुपर्यो भने राम्रो होटलकाे व्यवस्था समेत छैन ।’ कृषकलाई उद्योग वाणिज्य संघले समेट्न नसकेकाे मात्रै नभई आफ्नो सदस्यको रुपमा मान्दैन कृषकलाई उनले भने ।
हेटौडाकाे सडक विस्तारकाे सवालमा उनले आफ्नाे क्षेत्राधिकार नभएपनि व्यक्तिगत रुपमा सडक विस्तार गर्नु पर्ने बताए । सधै सडकको नाममा राजनीति भएकाे पाएकाे छु, विस्तार गर्ने वा विकल्प खोज्ने हो भने उद्योग वाणिज्य संघले निर्णय गरी सरकारमा पेश गर्नुपर्ने उनले बताए । ‘विकास पूर्वाधारमा मुख्य साधन सडक भएकाेले निर्णय गरेर जानुहाेस’ उनले भने ‘धर्ना बस्नुस, एउटा निर्णय लिएर आउनुस तर सधैभरि सडकको नाममा राजनिति गर्ने छुट छैन।’
त्यसैगरि राष्ट्रिय सभा सदस्य रामचन्द्र राईले उत्पादन गरेको सागको मुठा शहरमा बस्ने छोराले थोरै लगानी गरेर किन्न सक्ने वातावरण बन्नु पर्ने बताए । ‘उत्पादकले १० रुपैमा विक्रि गर्ने तरकारी उपभोक्ता सम्म पुग्दा ४० रुपैया हुन्छ, विचको लगानी कहाँ पुग्छ? उनले प्रश्न गर्दै भने उद्योग वाणिज्य संघले उपभोक्ता र उत्पादकको विचको पुल बनेर काम गर्नुपर्छ ।’ वस्तु र सेवा सरकारी निकायको नियन्त्रणमा आम नागरिकले सुलभ ढंगले प्रयोग गर्न पाउनुपर्छ त्याे वातावरण उद्योग वाणिज्य संघले बनाउन भूमिका खेल्नु पर्ने उनले बताए ।
मकवानपुर उधोग बाणिज्य संघको ५७ औ बार्षिक साधारण सभा संघ अध्यक्ष कृष्ण गुप्ताको अध्यक्षतामा तथा बागमती प्रदेश मुख्यमन्त्री शालिकराम जमकट्टेलको प्रमुख आतिथ्यतामा भएकाे हाे । साधारण सभामा प्रतिनिधि सभा सदस्य दिपक बहादुर सिह, महेश बर्तौला, राष्ट्रिय सभा सदस्य रामचन्द्र राईको बागमती प्रदेश सदस्य एकालाल श्रेष्ठ, लक्ष्मी श्रेष्ठ, उद्योग बाणिज्य महासंघ सदस्य मणिराज घिमिरे, कृष्ण कटुवाल, जिसस प्रमुख ललित घलान, प्रमुख जिल्ला अधिकारी सुर्य सेढाई, रास्वपा सह सम्योजक प्रकाश गौतम, नेपाली काङ्ग्रेस जिल्ला सचिव भिमसेन महत, नेकपा माओवादी जिल्ला सचिव भिम पाख्रिन, प्रहरी उपरीक्षक सिताराम रिजाल स्थानीय तहका प्रमुख, उपप्रमुखलगायतकाे उपस्थिति रहेकाे थियाे ।
थाहानगरको पर्यटन प्रवर्द्धनका लागि हेटौडामा फोटो प्रदर्शनी (तस्विरसहित)
Tags: No Comments
मकवानपुर । मकवानपुरको थाहा नगर तथा उत्तरी क्षेत्रको पर्यटन प्रवर्द्धन गर्नका लागि शुक्रबारबाट फोटो प्रदर्शनी गरिएृकाे छ । हेटौंडाको बुद्धचोकमा शुक्रबारदेखि सुरु फोटो प्रदर्शनी शनिबारसम्म हुनेछ ।
फाेटो प्रदर्शनीमा ६० वटा फोटो राखिएको हो । शु्क्रबार हेटौंडा उपमहानगरपालिका नगर प्रमुख मिना कुमारी लामाले फोटो प्रदर्शनीको उद्घाटन गरेकी छिन् । उद्द्घाटन गर्दै मेयर लामाले मकवानपुरलाई अन्तर्राष्ट्रिय स्तरमा प्रचारप्रसार गर्ने विषयमा जनप्रतिनिधिहरुबिच छलफल भइरहेको बताईन् ।
थाहानगरका फाेटाेग्राफरहरु गणेश विष्ट, सुरजकुमार भुजेल, विज्ञान विष्ट, रामकुमार कार्की, कृष्ण अधिकारी, रुपेश गाेपाल, श्रीकृष्ण श्रेष्ठ, प्रेम बलामी र शम्भु अधिकारीले खिचेको फोटोहरू प्रदर्शनीमा राखिएका छन् । थाहा नगरको पर्यटकीय क्षेत्र, प्राकृतिक, धार्मिक स्थल, सभ्यता, संस्कृति र जीवनशैली समेटिएका फोटो प्रदर्शनीमा राखिएको छ ।
काठमाडौँबाट नजिक रहेको थाहामा पर्यटनको प्रचुर सम्भावना रहेको उत्तरी मकवानपुरको सम्पदा, सभ्यता र जीवनशैलीलाईसमेटेर फोटाे प्रदर्शनी गरिएकाे फरक सोचका संयोजक यादवजंग रायमाझीले बताए । थाहा नगरसँगै इन्द्रसरोवर गाउँपालिका आसपासका क्षेत्र आन्तरिक एवम् बाह्य पर्यटकको रोजाइमा परिरहेको सन्दर्भमा आयोजना गरिएको फोटो प्रदर्शनीले मकवानपुरकाे उत्तरी क्षेत्रकाे पर्यटन क्षेत्रको विकासमा थप मद्दत पुग्ने आयोजकले बताएकाे छ ।
थाहा नगरपालिकाको आयोजना एवम् हेटौँडा उपमहानगरपालिका, नेपाल पत्रकार महासङ्घ मकवानपुर शाखा र फोटो पत्रकार सङ्घ मकवानपुरको सहयोगमा तथा फरक सोच र शिखर क्लबको व्यवस्थापनमा भइरहेको प्रदर्शनी शनिबारसम्म हुनेछ ।








बृहत् खेलकुद तथा व्यापार महोत्सवको समापन
Tags: No Comments
मकवानपुर । मकवानपुरकाे हेटौंडामा आयोजना भएको बृहत् खेलकुद तथा व्यापार महोत्सवको समापन गरिएको छ । मकवानपुर जिल्ला खेलकुद विकास समितिले औद्योगिक शान्ति नेपाल संस्थासँगको सहकार्यमा पुष ५ गतेबाट सञ्चालन भएको महोत्सव बुधबार समापन गरिएको हो ।
बागमती प्रदेशका सामाजिक विकास मन्त्री कुमारी मोक्तानको प्रमुख आतिथ्यतामा महोत्सव समापन भएको हो । खेल क्षेत्रको विकास गर्ने उद्देश्यसहित आयोजित महोत्सव सफलतापूर्वक सम्पन्न भएको भन्दै उनले आयोजकलाई धन्यवाद ज्ञापन गरिन् । उद्देश्य अनुरुपको काम गर्न अनुरोध गर्दै उनले खेलसहित जिल्लाको विकासका लागि आफ्नो तर्फबाट गर्नुपर्ने भूमिका निर्वाह गर्न कुनै कसर बाँकी नराख्ने उनको प्रतिबद्धता रहेको थियो । खेलकुद क्षेत्रको विकासका लागि योजनाबद्ध काम गर्न उनले खेल सम्बद्ध संघसंस्थाका प्रमुख प्रतिनिधिहरुलाई अनुरोध समेत गरिन् ।
केही विवाद र रस्साकस्सी बीच हेटौंडामा सुरु भएको खेलकुद तथा व्यापार महोत्सव सबैको सहयोगबाट सम्पन्न भएको आयोजक खेलकुद विकास समितिका अध्यक्ष वेष खड्कीले जानकारी दिए । महोत्सवमा एथ्लेटिक्स, ब्याड्मिन्टन, तेक्वान्दो, महिला फुटबल, राष्ट्रिय तेक्वान्दो, क्युकोसिन, आइटिएफ, राष्ट्रिय उसु, हक्की, महिला राष्ट्रिय भलिबल, रेस्लििङ र कबड्डी प्रतियोगिता सञ्चालन भएको थियो । महोत्सवमा ४० जना भन्दा बढी राष्ट्रिय तथा स्थानीय कलाकारले दैनिक प्रस्तुती दिएका थिए । विभिन्न व्यावसायका २ सयवटाभन्दा बढी स्टल राखी व्यापार गरिएकाे थियाे ।
आयोजक खेलकुद विकास समितिका अध्यक्ष खड्कीको अध्यक्षतामा भएको कार्यक्रममा हेटौंडा उपमहानगरपालिका १ नम्बर वडा अध्यक्ष एवम् प्रवक्ता सविन न्यौपाने, बागमती प्रदेश खेलकुद विकास परिषद्का सदस्य एवम् खेलकुदका पूर्व अध्यक्ष माधव तिमल्सिना, नेपाल बक्सिङ महासंघका केन्द्रीय उपाध्यक्ष सविन भट्टाचार्य, खेलकुद विकास समितिका अध्यक्ष आलोक स्याङ्तान, औद्योगिक शान्ति नेपाल संस्थाका अध्यक्ष सन्दिप महत लगायतले महोत्सवमा सहयोग गर्ने सबैलाई धन्यवाद ज्ञापन गर्दै जिल्लाको खेल क्षेत्रको विकासका लागि आयोजित महोत्सव सफल भएको धारणा राखे ।
महोत्सवको समापनका क्रममा खेलकुद विकास समितिका पूर्व अध्यक्षहरुलाई सम्मानपत्रसहित दोसल्ला ओढाएर सम्मान सम्मान गरिएको थियो । महोत्सव अवधिभर राष्ट्रिय, प्रदेश तथा जिल्लास्तरीय गरी १३ वटा विधामा खेलकुद प्रतियोगिता भएको थियो । महोत्सवको अन्तिम दिन महिला तथा पुरुष कबड्डी प्रतियोगिता सञ्चालन भएको थियो । समापनका क्रममा मकवानपुर जिल्ला खेलकुद विकास समितिका पूर्व अध्यक्षहरु, हेटौंडा उपमहानगरपालिकाका वडा अध्यक्षहरु, विभिन्न खेलकुद संघका अध्यक्षहरु लगायतको आतिथ्यता रहेको थियो । महोत्सवको अन्तिम दिन गायक राजनराज शिवाकोटी, गायिका प्रतिमा अर्याल, लोकेन लामा, मानस राज र रमेश श्रेष्ठ मेलोडीले आफ्ना चर्चित गीतमार्फत दर्शकहरुलाई मनोरञ्जन प्रदान गरेका थिए ।