मकवानपुर । नेकपा एकीकृत समाजवादी पार्टी हेटौंडा उपमहानगरपालिका कमिटीको अध्यक्षमा विष्णुमायामा लामा चयन भएकी छिन् । शनिवार भएकाे प्रथम नगर अधिवेशनले लामाको अध्यक्षतामा ६५ सदस्यीय नगर कमिटी सर्वसम्मत चयन गरेको हो ।
यसैगरी उपाध्यक्ष तारा ढुंगाना लामा, सचिव सफल अधिकारी, उपसचिवद्वय देवेन्द्र पराजुली र हेम सुवेदी चयन भएका छन् । यस्तै, सदस्यहरुमा भूगोल तर्फबाट ३८, दलितबाट ३, युवा खुलाबाट ५, युवा महिलाबाट २, मुस्लिमबाट २ र खुलाबाट १० जना निर्वाचित भएका छन् ।
एघार जना अग्रज व्यक्ति सम्मानित
प्रथम नगर अधिवेशनमा नेपाली कम्युनिष्ट आन्दोलनमा महत्वपूर्ण भूमिका निर्वाह गरेका घननाथ अधिकारी, श्रीबहादुर घलान, इन्द्रसिं थिङ, खिलाकुमारी लामिछाने, कुलप्रसाद रुपाखेती, बद्रीप्रसाद न्यौपाने, सीता बराल, बद्री देवकोटा, कृष्णमाया थिङ, विशुकुमार थापा र सन्तबहादुर राना मगरलाई सम्मानित गरिएकाे छ । नेपाली कम्युनिष्ट आन्दोलनमा योगदान पुर्याएको भन्दै उनीहरुलाई सम्मान गरिएको हाे ।
पार्टी नगर कमिटी अध्यक्ष देवराज गौतमको अध्यक्षतामा भएको प्रथम नगर अधिवेशनमा स्थायी कमिटी सदस्य एवं पार्टी बागमती प्रदेश कमिटी सहइन्चार्ज ललितकुमार बस्नेत, पोलिटब्युरो सदस्य एवं बागमती प्रदेश सरकारका कृषि तथा पशुपन्छी विकास मन्त्री डा.राजेन्द्रमान श्रेष्ठ, पोलिटब्युरो सदस्य तथा पार्टी कानून विभागका प्रमुख घनप्रसाद गौतम,पार्टी मकवानपुर अध्यक्ष विष्णुप्रसाद दहाल लगायतकाकाे आतिथ्यता थियो ।
मकवानपुर । नेकपा एकीकृत समाजवादीका नेता तथा पुर्वप्रधानमन्त्री झलनाथ खनाल देश विकास समाजवादी अवधारणाले मात्र सम्भव हुने बताएका छन् । पार्टीको हेटौडा उपमहानगरपालिका प्रथम नगर अधिवेशनलाई शनिबार सम्बाेधन गर्दै खनालले यस्तो बताएका हुन् ।
उनले पूँजिवादी तथा अधिपत्य जमाउन खोज्ने दलका कारण देशको अवस्था कमजोर हुनै गएकाे बताए । ‘नेपालकाे कम्युनिष्ट आन्दाेलन नयाँ माेडबाट अघि बढिरहेकाे छ’ उनले भने ‘नेपालकाे जनवादी क्रान्ति अगाडि बढाउने क्रममा कम्युनिष्ट पार्टी अनेकाै वलिदानका बाबजुद यहाँ आइपुगेकाे छ ।’ हामी पूँजिवादी क्रान्ति मार्फत नयाँ साम्राज्यवाद र समाजबादी क्रान्तिकाे युगमा रहेकाे बताउँदै उनले भने ‘अमेरिकाले जति दमन गरेपनि विश्वका सम्पूर्ण नागरिक जागरुक रहेकाेले साम्राज्यवाद विस्तार गर्न सम्भव छैन ।’
पूर्वीय शक्ति र पश्चिमा शक्ति विच टकरावका कारण बालबालिका, महिला, स्वास्थ्यकर्मीलगायतकाे हत्या हुन् २१ औं शताब्दीकाे नरसंहार रहेकाे उनकाे भनाई थियाे । स्वतन्त्रता प्यालेस्टाइनी जनताकाे अधिकार हाे, केही समयमा स्वतन्त्र प्यालेस्टाइन जन्मने उनले बताए । ‘चिनलाई आक्रमण गर्न अमेरिकाकाे नेपाललाई प्रयाेग गर्ने चाहना रहेकाे छ’ खनालले भने ‘अमेरिका नेपालमा एमसीसी मार्फत सैन्य शक्ति निर्माण गरि चिनलाई असफल बनाउने याेजनामा लागेकाे छ ।’
नेपालमा बैचारिक, संगठानत्मक र राजनितिक विचलन पेैदा भएकाे बताउँदै संविधान बनेपछि भएकाे पहिलाे निर्वाचनकाे समयमा रहेकाे नेपाल कम्युनिष्ट पार्टी देशमा शक्तिमा रहेकाे उनकाे भनाई थियाे । खनालले भने ‘अब सबै दलले समाजवादको एजेन्डालाई अघि सार्नुपर्छ ।’ उनले जनताको बहुदलीय जनवाद अन्तर्गतका कार्यक्रमको सान्दर्भिकता सकिएको बताउँदै एमाले पनि समाजवादको एजेन्डामा आउनुपर्ने बताए । औधाेगिकरणकाे कारण राेजगारी पाउने, मुलुकलाई डिजिटलाइजेसन गर्ने, गरिबी घटाउने आशा गरिएकाे नेकपाबाट जनताकाे कुनेै पनि सपना र विश्वास पूरा नभएकाे उनले जिकिर गरे ।
हामी वैचारिक समाजवादी क्रान्तिकाे पथमा अघि वढिरहेका छाैं खनालले बताए । पूँजिवादले मानिसलाई झनझन गरिवी तर्फ लैजादै गरेकाे बताउँदै पूँजिवादी संस्कृतिकाे विकासले समाजमा विकृति पैदा भएकाे उनकाे भनाई थियाे ।
मकवानपुर । नेकपा (एमाले) मकवानपुरले श्रीधर पाेखरेलकाे नेतृत्व पाएकाे छ । पार्टीको १२ औँ जिल्ला अधिवेशनमा पाेखरेलले झण्डै ४१ प्रतिशत प्रतिनिधिकाे मत पाएका हुन् ।
पाेखरेलले कुल कुल ७६५ मतमध्ये ३१३ मत पाएका थिए । उनका निकटतम प्रतिष्पर्धि इन्द्रमान स्याङ्तानले २६२ मत प्राप्त गरे ।

पार्टी जिल्ला उपाध्यक्षका लागि हिदम लामालाई मत प्राप्त भएकाे छ । लामाले कुल मतकाे ४७६ मत पाएका थिए । लामाका निकटतम प्रतिष्पर्धि सुनिल माेक्तानले १९७ मत पाएका थिए ।
यसैगरी सचिवमा सिता बिष्ट विजयी भएकी छिन् । २९७ मत सहित बिष्ट विजयी हुँदा निकटतम प्रतिष्पर्धि मदन दाहाललाई २५५ मत प्राप्त भएकाे थियाे ।
यसैगरी उप सचिवमा फुर्वा दाेर्जे लामा र आरती पाठक विजयी भएका छन् । लामा र पाठकले समान मत २४१ मत पाएका थिए । उनीहरुका निकटतम निकटतम प्रतिष्पर्धिहरु क्रमश दिपक खड्काले १६७ र कल्पना बलामीले १५६ मत पाएका थिए ।
पदाधिकारीहरुकाे अन्तिम मत परिणाम सर्वजनिकपछि अब सदस्यहरुकाे मतगणना गरिने छ । हिजाे सम्पन्न निर्वाचनपछि आज बिहान पाैने १० बजेबाट मत गणना सुरु गरिएकाे थियाे ।
मकवानपुर । नेकपा (एमाले) मकवानपुरको १२औँ जिल्ला अधिवेशनअन्तर्गत जिल्ला नेतृत्वको लागि भएको निर्वाचनको मतगणना पदाधिकारी तर्फ अन्तिम चरणमा पुगेकाे छ ।
कुल ७६५ मतमा ७०० मत गनिसक्दा अध्यक्षमा श्रीधर पाेखरेलले लिड गरेका छन् । यसैगरी उपाध्यक्षमा हिदम लामा सचिवमा सिता बिष्ट उप सचिवमा फुर्वा देर्जे लामा र आरती पाठकले लिड गरिरहेका छन् ।
यस्ताे छ पछिल्लाे अपडेट
अध्यक्ष:
श्रीधर पोखरेल – 291
ईन्द्रमान स्याङ्तान – 227
देवराज रिमाल – 11
लाल बहादुर थापा – 158
उपाध्यक्ष :
हिदम लामा -438
सुनिल मोक्तान -178
भरत दुलाल -33
धुर्व चौलागाईं – 24
सचिव
सिता बिष्ट – 279
मदन दाहाल – 230
राजन थापा – 152
उपसचिव (पुरुषतर्फ )
फुर्वा दाेर्जे लामा – 215
ईन्द्र नेपाल – 122
दिपक खड्का – 153
खेम जर्गा मगर – 90
कृष्ण प्रसाद चौलागाईं -81
उपसचिव (महिलातर्फ )
आरति पाठक – 222
जुना दाहाल – 140
पार्वती राना -153
कल्पना बलामी -142
मकवानपुर । नेकपा (एमाले) मकवानपुरको १२औँ जिल्ला अधिवेशनअन्तर्गत जिल्ला नेतृत्वको लागि भएको निर्वाचनको मतगणना सुरु भएको छ ।
आइतबार भएकाे निर्वाचनकाे मतगणना आज पाैने १० बजे सुरु गरिएकाे हाे । मतगणना हेटौंडा-४ स्थित पशुपति मन्दिरको सभाहलमा सुरु भएको हो । सुरुमा पदाधिकारीको मतगणना थालिएको निर्वाचन समितिले जनाएको छ ।
जिल्ला अध्यक्षका लागि श्रीधर पोखरेल, इन्द्रमान स्याङतान, लालबहादुर थापा र देवराज रिमाल प्रतिस्पर्धामा छन् । अधिवेशनले पाँच पदाधिकारीसहित १ सय ५ सदस्सीय जिल्ला कमिटी निर्वाचित गर्नेछ । नयाँ नेतृत्व चयनका लागि आइतबार ७६५ जना प्रतिनिधिले मतदान गरेका थिए ।