मकवानपुर/वडा कार्यालयमा गरिएको तोडफोड तथा वडा अध्यक्षको कुर्सी सडकमा फ्याँक्ने कार्यमा संलग्नलाई कारवाहीको माग गर्दै जिल्ला प्रशासन कार्यालयमा ज्ञापन पत्र बुझाइएको छ ।
मकवानपुरको हेटौंडा उपमहानगरपालिकाको ८ नम्बर वडा कार्यालयमा शुक्रबार गरिएको तोडफोड विरुद्ध कारवाहीको माग गर्दै स्थानीयहरुले ज्ञापन पत्र बुझाएका हुन् । वडावासीले जिल्ला प्रशासन कार्यालयमा नारावाजी गर्दै मकवानपुरका सहायक प्रमुख जिल्ला अधिकारी बद्रीनाथ गैह्रेलाई आज ज्ञापनपत्र बुझाएका हुन् ।
गत शुक्रबार वडा कार्यालयमा भएको तोडफोड, गालीगलौज, वडा कार्यालयका महिला जनप्रतिनिधि तथा महिला कर्मचारीमाथि दुर्व्यहार भएको उल्लेख गर्दै ज्ञापनपत्र बुझाइएको छ । टेबल तोडफोड गर्नुका साथै अध्यक्षको कुसी सडकमा फ्याँकेर पेट्रोल लगाई आगजनी समेत गर्न खोजिएको भन्दै वडा कार्यालयले गैरकानुनी र अराजक गतिविधिबाट लज्जित भई अपमानित भएको उल्लेख गरेको छ ।

घटनामा संलग्नलाई अविलम्ब पक्राउ गरी कानुन बमोजिम हदैसम्मको कारबाही गरी वडामा शान्ति सुरक्षा कायम गर्न, निर्वाधरूपमा जनताका सेवा कायम गराइराख्न, महिला कर्मचारीको सुरक्षा गर्न वडाले माग गरेको छ । शुक्रबारहेटौंडा उपमहानगर –८ को वडा कार्यालयमा तोडफोड गर्दै अध्यक्ष गोपालबहादुर श्रेष्ठको कुर्सी फालिएको थियो । स्थानीय सेवाग्राहीले वडाअध्यक्ष श्रेष्ठ कार्यालयमा नबसेको र सेवाग्राहीलाई पूर्णरुपमा वेवास्ता गरेको आरोप लगाउँदै तोडफोड गरेको दाबि गरेका थिए ।
वडा अध्यक्ष श्रेष्ठ एमालेबाट निर्वाचित हुन् । लामो समयदेखि उनले सेवा प्रवाहमा पार्टीकरण गरेको आरोप लगाएका छन् । पछिल्लो समय स्थानीय निकायको निर्वाचन नजिकिएसँगै श्रेष्ठ अध्यक्षमा पुनः दोहोर्याउन मनसायले पार्टीको काममा बढि ध्यान दिन थालेको स्थानीयले बताए छन् । प्रशासनमा नाराबाजीपछि बुझाएका स्थानीयहरुको साथमा अहिले सहायक प्रमुख जिल्ला अधिकार गैह्रेको अध्यक्षता सर्वदलीय संयन्त्रको बैठक बसिरहेको छ ।
मकवानपुर/स्थानीय तह निर्वाचन तयारीका लागि विभिन्न राजनीतिक दलहरुले आफ्नो तयारी सुरु गरेका छन् । यसैचि नेकपा (एकीकृत समाजवादी) मकवानपुरले निर्वाचन परिचालनको लागि १ हजार १ जना सदस्य रहेको निर्वाचन परिचालन कमिटी गठन गरेको छ ।
पार्टीको सचिवालय बैठकले नेकपा (एकीकृत समाजवादी) मकवानपुरका अध्यक्ष श्रीधर पोखरेलको संयोजकत्वमा कमिटी गठन गरेको हो । कमिटीमा पार्टीका जिल्ला कमिटी, १० स्थानीय तह कमिटी, जनसंगठनहरुका कार्यसमितिसहित १ हजार १ सदस्यीय निर्वाचन परिचालन कमिटी गठन गरिएको पोखरेलले बताए ।
सचिवालय बैठकले मकवानपुरका १० स्थानीय तहमा पार्टी अभियान सञ्चालनका लागि सहजकर्ताहरु पनि तोकेको छ । हेटौँडा उपमहानगरपालिकामा पार्टी अध्यक्ष श्रीधर पोखरेल, थाहा नगरपालिकामा पोलिटब्युरो सदस्य ललित बस्नेत, मनहरी गाउँपालिकामा केन्द्रीय सदस्य राजाराम स्याङ्तान र प्रदेश कमिटी सदस्य गोविन्दराम चेपाङ, भीमफेदी गाउँपालिकामा केन्द्रीय सदस्यद्वय मुनु सिग्देल र सूर्यचन्द्र न्यौपाने, राक्सिराङ गाउँपालिकामा कल्याण विक्रम घलान, बागमती गाउँपालिकामा प्रदेश कमिटी सदस्य यादव गजुरेललाई सहजकर्ता चयन गरेको छ ।
यसैगरी बकैया गाउँपालिकामा पार्टी सचिव विष्णु दाहाल, इन्द्रसरोवर गाउँपालिकामा केन्द्रीय सदस्य सूर्यचन्द्र न्यौपाने र निर्वाचन आयोग सदस्य रामचन्द्र बल, कैलाश गाउँपालिकामा प्रदेश कमिटी सदस्य गोविन्दराम चेपाङलाई सहजकर्ता चयन गरेको छ । सबै स्थानीय तहहरुमा चैत १५ भित्र बैठक बसी अभियानलाई सक्रिय बनाइने निर्णय भएको नेकपा (एकीकृत समाजवादी) मकवानपुरका प्रचार विभाग प्रमुख रामकुमार एलनले बताए ।
संघीय निर्वाचनको परिणामसम्म गठबन्धन कायम रहने पार्टी उपाध्यक्ष एवम् बागमती प्रदेश इञ्चार्ज केदार न्यौपानेले बताए । “स्थानीय तह निर्वाचनमा कयौँ स्थानमा हामीले चाहँदाचाहँदै पनि गठबन्धनलाई छाड्नु पर्ने अवस्था आउन सक्छ” न्यौपानेले भने “संघीय निर्वाचनसम्म गठबन्धनको चक्र रहने हाम्रो लक्ष्य हो ।” गठबन्धनले कार्यदल बनाएर नै स्थानीय तहको भागवण्डा हुने उनले बताए ।
मकवानपुर । प्रगतिशील लेखक संघ मकवानपुर अध्यक्षमा श्रीराम अधिकारी चयन भएका छन् । शनिबार भएकाे प्रलेस मकवानपुरकाे आठाैं जिल्ला सम्मेलनबाट अधिकारीकाे अध्यक्षतामा ११ सदस्यीय समिति सर्वसम्मत निर्वाचित भएका हुन् ।
यसैगरी प्रलेस मकवानपुरकाे प्रथम उपाध्यक्षमा विशाल अधिकारी ‘आशुतोष’ द्वितीय उपाध्यक्षमा सरस्वती तिमल्सिना, सचिवमा चिरञ्जीवी लामिछाने, सहसचिवमा लिला उर्वशी, कोषाध्यक्षमा विधान आचार्य चयन भएका छन् । यस्तै सदस्यहरु मिना श्रेष्ठ, कैलाश धिताल, सूर्य बहादुर गोले, अरुण थिङ र बिक्रम घलान सर्वसम्मत चयन भएका छन् ।
प्रगतिशील लेखक संघ मकवानपुरकी अध्यक्ष्य शान्ति प्रियबन्दनाको अध्यक्षता तथा प्रगतिशील लेखक संघका महासचिव समीर सिंहको प्रमुख आतिथ्यमा प्रलेस मकवानपुरकाे आठाैं जिल्ला सम्मेलन भएकाे हाे ।
मकवानपुर । हेटाैडा ११ काे डाङडुङ्ग र सिमलटार क्षेत्रमा पहिलो पटक बाटो स्ल्याब हुँदा विरोध गर्नेहरु नै विकास विरोधी रहेको माओवादी विशेष प्रदेश उपाध्यक्ष तथा प्रचण्डका पूर्व सुरक्षा प्रमुख प्रकाशचन्द्र पाण्डे (प्रलोक) ले बताएका छन् ।
शनिबार नेपाल कम्युनिस्ट पार्टी(माओवादी केन्द्र)हेटौंडा उपमहानगरपालिका-११ डाङडुङ्गे र गोल्फिन्टारमा भएकाे टोल भेलामा पाण्डेले भने “माओवादीले झुठो नबाेल्ले, भ्रष्टाचार नगर्ने, जनतालाई पूरा गर्न सक्नेजति मात्रै बोल्छ ।’
‘शैक्षिक सुधारको नाममा एनजीओ/आईएजीओ मार्फत भ्रष्टाचार गर्ने र बाटो विस्तारलगायतको नाममा बजेट कुम्ल्याउनेहरु वैशाख ३० गते पराजित हुने पाण्डेले बताए । उनले ११ नं. वडामा डाङडुङ्गे,नवलपुर,रुम्बा टोल र सिमलटार लगायत ठाँउहरुमा कुमारी मोक्तानकाे पहलमा बाटो, खानेपानी,मन्दिर र बत्तीको लागि बजेट विनियाेजन भएकाे बताए । ‘सिमलटार,गोल्फिन्टार लगायत ठाउँको खानेपानी समस्या समाधानको लागि आफ्नै पहलमा खानेपानी बोरिङको अध्ययन सुरु भइसकेको उनले जानकारी दिए ।
कार्यक्रममा माओवादी केन्द्र बागमती प्रदेश सदस्य शङ्करराज बानियाँ(सागर) को विशेष आतिथ्यता रहेकोे थियो। डाङडुङ्गेको भेलाले तिलकप्रसाद अगस्तीको अध्यक्षतामा १३ सदस्यीय टोल कमिटी र गोल्फिन्टारको भेलाले रामकृष्ण थापाको अध्यक्षतामा ११ सदस्यीय टोल कमिटी गठन गरेकाे छ।
कार्यक्रममा बागमती प्रदेश सदस्य तथा नगर इन्चार्ज विवेक राई,जिल्ला सचिवालय सदस्य कमलचन्द्र सुमन,नगर अध्यक्ष तिर्थबहादुर थापा,नगर उपाध्यक्ष गुणराज घिमिरे, वडा इन्चार्ज देवनारायण चौलागाईं, वडा सह-इन्चार्ज मधुकुमार थापा, वडा अध्यक्ष देवकृष्ण थोकर,वडा सह-सचिव ईन्द्र लामा, वाईसीएल वडा अध्यक्ष कमल हटुवल र वडा पार्टी सदस्यहरु रामचन्द्र कठायत, बलराम बि.क, गणेशबहादुर रसाइली, सुर्यमान लामा,जोशन योन्जन,टिकाबहादुर दुलाललगायतकाे उपस्थिति रहेकाे थियाे ।
मकवानपुर । मकवानपुरको मनहरीमा नेपाली कांग्रेसको टोल समिति गठन गरिएको छ । मनहरी गाउँपालिका वडा नम्वर २ मा कांग्रेसको टोल समिति गठन गरिएकाे हाे ।
नेपाली कांग्रेस मनहरी गाउँपालिका वडा नम्वर २ को आयोजनामा शनिबार भएको भेलाले मिलटोल तिनतल्ले टोल समिति गठन गरेको हो । भेलाले प्रताप स्याङ्तानको संयोजकत्वमा १३ सदस्यीय कार्यसमिति गठन गरेको छ । समितिको उपसभापति बाकसिङ थिङ, सचिव रवि रुम्बा, कोषाध्यक्षम ग्याब चयन भएका छन् । यसैगरी, सदस्यहरुमा क्रमशः दिपेश थिङ, कालदेन रुम्बा, सुर्यबहादुर तामाङ, सुर्यबहादुर घलान, कमल घलान, केशर थिङ, मनोज घलान, बुद्धिबहादुर घलान र मेनुका मोक्तान रहेका छन् ।
भेला कांग्रेस मनहरी गाउँपालिका वडा नम्वर २ का सभापति प्रेमबहादुर गोङ्बाको सभाध्यक्षता तथा कांग्रेस मकवानपुरको प्रतिनिधिसभा क्षेत्र नम्वर २ को प्रदेशसभा (ख) को सभापति पदमा रन्जन कालाखेतीको प्रमुख आतिथ्यतामा भएको हो । कांग्रेस मकवानपुरले ‘घरघरमा जाऔं, कांग्रेस जिताऔं’ अभियानअन्तरगत जिल्लाको विभिन्न स्थानीय तहमा अभियानकाे रुपमा टोल समिति गठन तथा प्रचार प्रसार गर्दै आएको छ ।