स्थानीय तह शहीद स्मृती गोल्डकपः आर्मीलाई हराउँदै राजारानी सेमिफाइनल प्रवेश
Tags: No Comments
मकवानपुर । मकवानपुरको हेटौडामा जारी शहीद स्मृति स्थानीय तह अन्तर्राष्ट्रिय फुटबल प्रतियोगितामा धनकुटाको राजारानी क्लब सेमिफाइनल प्रवेश गरेको छ । त्रिभुवन आर्मीलाई ५–४ गोलअन्तरले पराजित गर्दै राजारानीले सेमिफाइनलमा स्थान बनाएको हो ।
हेटौंडा–६ स्थित गौरीटार रंगशालामा भएकाे छैठौं संस्करण अन्तरगत साेमबारकाे तेस्राे क्वार्टरफाइनल खेलको निर्धारित समय १–१ को बराबरीमा सकिएपछि खेल ट्राइब्रेकरमा धकेलिएकाे थियाे । ट्राइब्रेकरमा समेत ३–३ गाेल भए पछि सडनडेथमा राजारानीले मकवानपुर गोल्डकपको तेस्रो र चौथौँ संस्करणको विजेतासमेत रहेकाे त्रिभुवन आर्मी पराजीत गरेकाे हाे ।
ट्राइब्रेकरमा राजारानीकाे तर्फबाट विशाल घलान, रुपेश केसी, दीप कार्कीकाे प्रहारले जाली चुम्याे । सुनिल खड्काकाे प्रहार आर्मीमा गाेल रक्षकले राेकिदिदा अशोक खवासकाे प्रहार बाहिरिएकाे थियो । आर्मीको तर्फबाट जितेन्द्र कार्की, कमल थापा र रसबहादुर मगरले गोल गरेका थिए । ट्राइब्रेकरमा आर्मीका बसन्त जिम्बा र श्रीराम चौधरीकाे प्रहार बाहिरियाे ।
सडनडेथमा राजारानीका प्रवेश दनुवार र उमेश कार्कीले गोल गरेका थिए । आर्मीका विमल पाण्डेले गोल गर्दा सिद्धान्त चौधरीका प्रहार धनकुटाका गोलरक्षक दीप कार्कीले बचाएका थिए । खेलमा गोलरक्षक दिप कार्कीले उत्कृष्ट प्रदर्शन गर्दै म्यान अफ दी म्याच घोषित भए । उनले दश हजार रुपैयाँ प्राप्त गरे । आर्मीले खेलकाे पहिलाे हाफकाे १० औं मिनेटमा गोल गर्दै खेलमा अग्रता कायम गरेका थियो । राजारानीले दाेस्राे हाफकाे ८३ औं मिनेटमा गोल गर्दै खेलमा बराबरी गरेका थियाे ।
आर्मीले प्रतियाेगिता अन्तरगत क्वार्टरफाइनलमा स्थान वाइ पाएर बनाएकाे थियाे । राजारानी भने क्बल चर्च ब्वाईज युनाटेडलाई हराउँदै क्वाटरफाइनमा प्रवेश गरेको थियो । अब सेमिफाइनलमा राजारानी धनकुटाले न्यूरोड टिम (एनआरटी)सँग प्रतिस्पर्धा गर्नेछ । यसअघि सर्लाहीको बागमती युवा क्लब र न्यु रोड टिम एनआरटी सेमिफाइनल प्रवेश गरिसकेको छ । प्रतियोगिता अन्तर्गत् मंगलबार थ्रीस्टार र सशस्त्र प्रहरीको एपीएफ क्लबसँग क्वार्टरफाइनल अन्तरगत चौथो खेल हुने आयाेजकले जनाएकाे छ । ।
आगामी माघ २७ गतेसम्म सञ्चालन हुने प्रतियोगिताको विजेताले १५ लाख रुपैयाँ पुरस्कार प्राप्त गर्नेछ। उपविजेताले दश लाख रुपैयाँ तथा सर्वोत्कृष्ट खेलाडीले बुलेट बाइक प्राप्त गर्नेछन्। यस्तै विधागत उत्कृष्ट खेलाडी तथा प्रशिक्षकले जनही २५/२५ हजार रुपैयाँसहित ट्रफी प्राप्त गर्नेछन् ।मकवानपुर जिल्ला फुटबल संघकाे आयोजनामा बागमती प्रदेश खेलकुद विकास परिषद्, सामाजिक विकास मन्त्रालय, हेटौँडा मकवानपुरका १० वटै स्थानीय तहको सहयोगमा प्रतियोगिता भएकाे हाे ।
प्रतियाेगितामा एक विदेशी क्लब, नेपालमा रहेका ८ वटा ए डिभिजन फुटबल क्लब, आयोजक टोली सहित मोफसलका तीन गरी १२ वटा टोेलीको सहभागिता रहेको छ । पाँचौँ संस्करणको उपाधि विजेता मनाङ मर्स्याङ्दी क्लबले याे संस्करणमा सहभागिता जनाएकाे छैन ।
मकवानपुर । मकवानपुरकाे मनहरीमा प्रथम उपाध्यक्ष कप पुरुष भलिबल प्रतियोगिता हुने भएको छ । खेलकुद विकास समितिको मनहरीकाे आयोजना र मनहरी गाउँपालिकाको आर्थिक सहयोगमा प्रतियोगिता हुने भएको हो ।
आयोजक समितिले मनहरीमा आइतबार पत्रकार भेटघाट गरी प्रतियोगिताबारे जानकारी गराएको हो । माघ २३ गतेदेखि २६ गतेसम्म संचालन हुने प्रतियोगीता मनहरी–४ गोलघर खेल मैदानमा सञ्चालन हुने खेलकुद समिति अध्यक्ष बीरु लामाले जानकारी दिए । कार्यक्रममा गाँउपालिका उपाध्यक्ष सीता पुलामी मगरले प्रतियोगितामा प्रयोग हुने जर्सी सार्वजनिक गरेकी थिइन् ।
प्रतियोगितामा नौ वटा टिम सहभागी हुनेछ । प्रतियोगिताको विजेताले नगद ५० हजार तथा उपविजेता ३० हजार रुपैयाँसहित शिल्ड, मेडल र प्रमाणपत्र प्राप्त गर्नेछन् । यस्तै, विधागत रुपमा उत्कृष्ट हुने खेलाडीहरुले पुरस्कार प्राप्त गर्ने समितिका अध्यक्ष लामाले बताए ।
स्थानीय तह शहीद स्मृती गोल्डकपः आयोजक मकवानपुर, बागमतीसँग पराजीत
Tags: No Comments
मकवानपुर । मकवानपुरको हेटौडामा जारी शहीद स्मृति स्थानीय तह अन्तर्राष्ट्रिय फुटबल प्रतियोगितामा बागमती युथ क्लब सर्लाही सेमिफाइनल प्रवेश गरेको छ । आयोजकको मकवानपुर–११ लाई टाइब्रेकरमा ४–२ गोलअन्तरले पराजित गर्दै बागमतीले सेमिफाइनलमा स्थान बनाएको हो ।
हेटौंडा–६ स्थित गौरीटार रंगशालामा भएकाे छैठौं संस्करण आयतबारकाे दोस्राे क्वार्टरफाइनल खेलको निर्धारित समय २–२ को बराबरीमा सकिएपछि खेल ट्राइब्रेकरमा धकेलिएकाे थियाे । ट्राइब्रेकरमा बागमतीका लागि सिर्जन गौतम, आयुष रानामगर, निर्मल बल र अनिल मगरले गोल गरेका थिए । आयोजकका तर्फबाट ञ्जन विष्ट र स्टेफन समिरको प्रहार मात्र गोलमा परिणत भएको थियो । मकवानपुरका अमित तामाङको प्रहार बाहिरिएको थियो ।
बागमतीका गोलरक्षक रोनक चौलाागाईंले उत्कृष्ट प्रदर्शन गर्दै आयोजककाे सुरजज्यू ठकुरीको प्रहार बचाएका थिए । उनी खेलको म्यान अफ दी म्याच घोषित भइ दश हजार रुपैयाँ प्राप्त गरे । निर्धारित समयकाे पहिलाे हाफकाे ४५ औं मिनेटमा गोल गर्दै खेलमा अग्रता कायम गरेका थियो । सर्लाहीले ८१ औं मिनेटमा पुनः अर्काे गोल गरेकाे थियाे । आयोजक हेटौंडाकाे तर्फबाट दोस्राे हाफकाे ५५ औं मिनेटमा र खेल सकिन एक मिनेट बाँकी रहँदा गोल भएकाे थियाे ।
प्रतियोगिता अन्तर्गत् सोमबार त्रिभुवन आर्मी क्लब र राजारानी क्लब धनकुटाबीच तेस्राे क्वार्टरफाइनल खेल हुनेछ । आगामी माघ २७ गतेसम्म सञ्चालन हुने प्रतियोगिताको विजेताले १५ लाख रुपैयाँ पुरस्कार प्राप्त गर्नेछ। उपविजेताले दश लाख रुपैयाँ तथा सर्वोत्कृष्ट खेलाडीले बुलेट बाइक प्राप्त गर्नेछन्। यस्तै विधागत उत्कृष्ट खेलाडी तथा प्रशिक्षकले जनही २५/२५ हजार रुपैयाँसहित ट्रफी प्राप्त गर्नेछन्।
मकवानपुर जिल्ला फुटबल संघकाे आयोजनामा बागमती प्रदेश खेलकुद विकास परिषद्, सामाजिक विकास मन्त्रालय, हेटौँडा उपमहानगरपालिकासहित मकवानपुरका १० वटै स्थानीय तहको सहयोगमा प्रतियोगिता भएकाे हाे । प्रतियाेगितामा एक विदेशी क्लब, नेपालमा रहेका ८ वटा ए डिभिजन फुटबल क्लब, आयोजक टोली सहित मोफसलका तीन गरी १२ वटा टोेलीको सहभागिता रहेको छ । पाँचौँ संस्करणको उपाधि विजेता मनाङ मर्स्याङ्दी क्लबले याे संस्करणमा सहभागिता जनाएकाे छैन ।
मकवानपुर । मकवानपुरकाे हेटौडामा जारी स्थानीय तह शहीद स्मृती गोल्डकपमा न्यूराेड टिम (एनआरटी) सेमिफाइनल प्रवेश गरेकाे छ । शनिबार भएकाे प्रतियाेगिताकाे पहिलाे क्वाटरफाइनलमा एनआरटीले लिग विजेता चर्च ब्याइच युनाइटेडलाई ट्राइबेकर ४–३ ले हराउँदै सेमिफाइनलमा स्थान बनाएकाे हाे ।
हेटौंडा–६ स्थित गौरीटाार रंगशालामा भएको टाइब्रेकरमा विजयी टोली एनआरटीको लागि अभिषेक लिम्बु, जय गुरुङ, प्रिसो र विवेक गुरुङले गोल गरेका थिए । एनआरटीका मोहित गुरुङको प्रहार विपक्षीका गोलरक्षक रेम्बो चौधरीले बचाए । चर्च व्वाइजको तर्फबाट निरज कार्की, बिकु राई, कमल श्रेष्ठकाे प्रहारले जाली चुमेकाे थियाे । चर्च व्वाइजका विदेशी खेलाडी बाउण्डोमाको प्रहार गाेलपोष्ट बाहिर गएकाे थियाे भने लक्षु थापाको प्रहार एनआरटीका गोलरक्षक प्रिसोले राेके ।
चर्च व्वाइजको तर्फबाट खेलको ५४ औं मिनेटमा राजेश परियार र ७६ औं मिनेटमा मार्टिनले गोल गरेका थिए । दुई गोलले पछाडि परेको एनआरटीले खेलकाे ९० औं मिनेटमा असाेक थापाले १ गोल गर्दै लयमा फर्किएकाे थियाे । यस्तै निर्धारित समयकाे खेलमा थपिएकाे ४ मिनेट अतिरिक्त समयको अन्तिम मिनेटमा विदेशी खेलाडी ग्लोरीले १ गोल गर्दै खेललाई बराबरीमा ल्याएको थियो । पहिलो हाफ गोलरहित बराबरी भएकाे खेलको दाेस्रो हाफमा दुवै टोलीबाट २–२ गाेलकाे बराबरी भएपछि खेल ट्राइबेकरमा धकेलिएकाे थियाे ।
यसैगरी, आइतबार आयोजक टाेली रिगल हेटौडा मकवानपुर र बागमती क्लब सर्लाही बीच प्रतिस्पर्धा हुनेछ । प्रतियाेगिताकाे उद्घाटन खेलमा बागमतीले भुटानको पारो फुटबल क्लबलाई ३–१ गोलअन्तरले पराजित गर्दै क्वार्टरफाइनलमा प्रवेश गरेका थियाे । आगामी माघ २७ गतेसम्म सञ्चालन हुने प्रतियोगिताको विजेताले १५ लाख रुपैयाँ पुरस्कार प्राप्त गर्नेछ। उपविजेताले दश लाख रुपैयाँ तथा सर्वोत्कृष्ट खेलाडीले बुलेट बाइक प्राप्त गर्नेछन्। यस्तै विधागत उत्कृष्ट खेलाडी तथा प्रशिक्षकले जनही २५/२५ हजार रुपैयाँसहित ट्रफी प्राप्त गर्नेछन्।
मकवानपुर जिल्ला फुटबल संघकाे आयोजनामा बागमती प्रदेश खेलकुद विकास परिषद्, सामाजिक विकास मन्त्रालय, हेटौँडा उपमहानगरपालिकासहित मकवानपुरका १० वटै स्थानीय तहको सहयोगमा प्रतियोगिता भएकाे हाे । प्रतियाेगितामा एक विदेशी क्लब, नेपालमा रहेका ८ वटा ए डिभिजन फुटबल क्लब, आयोजक टोली सहित मोफसलका तीन गरी १२ वटा टोेलीको सहभागिता रहेको छ । पाँचौँ संस्करणको उपाधि विजेता मनाङ मर्स्याङ्दी क्लबले याे संस्करणमा सहभागिता जनाएकाे छैन ।
चितवन। मैयाँदेवी स्मृति राष्ट्रिय महिला यू–१९ क्रिकेट प्रतियोगिताको उपाधि बागमती प्रदेशले हात पारेकाे छ । उपाधि भिडन्तमा शुक्रबार गण्डकी प्रदेशलाई हराउँदै बागमती च्याम्पियन बनेको हो ।
प्रतियाेगिताकाे विजेतासँगै बागमतीले १ लाख ७९ हजार ७ सय ५ रुपैयाँ र उपविजेता गण्डकीले ९५ हजार ७ सय ५ रुपैयाँ हात पारेको छ ।फाइनलमा बागमतीले गण्डकी प्रदेशलाई ६ विकेटले पराजित गरेको हो । विजयनगरस्थित गौतमवुद्ध अन्तर्राष्ट्रिय क्रिकेट रंगशालाको नमूना मैदानमा गण्डकीले दिएको ८५ रनको लक्ष्य बागमतीले १८ ओभरमा ४ विकेट गुमाएर भेट्टायो ।
बागमतीको जितमा कप्तान सोनी पाख्रिनले २० रन बनाईन् । सोनीले २३ बलमा २ चौका प्रहार गरिन् । सेविका यादवले २० तथा एलिसा खड्काले १५ रन जोडे । गण्डकीकी सीमाना केसीले एक विकेट लिईन् । त्यसअघि टस जितेर पहिलो ब्याटिङ रोजेको गण्डकीले निर्धारित २० ओभरमा ५ विकेट गुमाउँदै ८४ रन जोडेको थियो । गण्डकीकी ज्योत्स्निका मरासिनीले ३७ र सीमाना केसीले २१ रन बनाए । बागमतीकी विपिशा शाही र मनिषा उपाध्यायले एक– एक विकेट लिए ।
गण्डकीकी अलराउण्डर सीमाना केसी प्लेयर अफ दि टुर्नामेन्ट भईन् । सुदुरपश्चिमकी सावित्री धामी उत्कृष्ट ब्याटर तथा गण्डकीकी निरु जिटी प्रतियोगिताभर उत्कृष्ट बलर बनिन् । नेपाल लोकतान्त्रिक खेलकुद संघको आयोजनामा सम्पन्न प्रतियोगितामा सातै प्रदेशले सहभागिता जनाएका थिए ।