मकवानपुर । मकवानपुर प्रहरीले १ थान सेमिअटोमेटिक पेस्तोल र २० थान गोली सहित पक्राउ परेका ३ जनालाई सार्वजनिक गरेको छ ।
मकवानपुर प्रहरीले शुक्रबार दिउँसो हेटौंडा उपमहानगरपालिका वडा नम्बर १० स्थित एक घरको कोठाबाट १ थान सेमी अटो मेटिक पेस्तोल सोमा लाग्ने गोली २० राउण्ड तथा अन्य सामान सहित ३ जनालाई पक्राउ गरेको थियो । पक्राउपछि ३ नै जनालाई शनिबार जिल्ला प्रहरी कार्यलय परिसरमा पत्रकार सम्मेलन गरि सार्वजनिक गरिएको हो ।
मकवानपुर हेटौंडा उपमहानगरपालिका वडा नम्बर ९ बस्ने ३३ वर्षीय निश्चल पौडेल, ३५ वर्षीय गणेश घले र ३० वर्षीय प्रितम क्षेत्रीलाई पेस्तोल गोली र घटनामा प्रयोग भएको अन्य सामानसहित शुक्रबार पक्राउ गरिएकोमा शनिबार सार्वजनिक गरिएको जिल्ला प्रहरी कार्यालय मकवानपुरले जनाएको छ ।
उनीहरु साथमा रहेको पेस्तोल (NO.0010.11.22 भएको ROUND 7 लेखेको), उक्त पेस्तोलमा लाग्ने गोली (KF 7.65 mm को) १९ राउण्ड, 9 mm को गोली (LOLO लेखेको) १ राउण्ड , हतियार सफा गर्ने रड बरामद गरिएको प्रहरीले जनाएको छ । यसैगरी लागु औषध खैरो हेरोईन जस्तो देखिने धुलो पदार्थ २ ग्राम ४ सय मिलिग्राम,लागु औषध तौल गर्ने २ थान डिजिटल तराजु, घटनामा प्रयोग भएको ना२५प ३३०५ नम्बरको सिवि युनिकर्न मोटरसाइकल, ना६३प ९६७८ नम्बरको RR310 CC को मोटरसाइकल, ५ थान मोबाईल सेट र नगद ५० समेत बरामद गरिएको जिल्ला प्रहरी कार्यालय मकवानपुरले जानकारी दिएको छ ।
गत मंसिर १८ गते सोमबार हेटौंडा–९ धर्मपथस्थित सुर्य प्रसाद पौडेलको घरमा लगातार धेरै पटक गोली पड्केको जस्ताे आवाज आएकाे तथा उनको घरको वरीपरी गोलीको थप्रै खोका फेला परेपछि मकवानपुर प्रहरीले अनुसन्धान थालेको थियाे ।
‘घटनाको जानकारी पाए लगत्तै हामीले तत्काल अनुसन्धान सुरु गरौं । अनुसन्धानकाे क्रममा उक्त घरको पिलर, बिम, रेलिङवालमा गोली लाग्दाको जस्तो दाग देख्यौ, त्यसैगरी प्रगति स्कुल अगाडीको सडकमा १ राउण्ड गोली समेत फेला परेकाे थियाे । घटनामा संलग्न ३ जनालाई शुक्रबार पक्राउ गरी,आज सार्वजनिक गरिएको हो’ मकवानपुर प्रहरी प्रमुख एसपी सिताराम रिजालले भने ।
मकवानपुर । मकवानपुरकाे हेटौंडा उपमहानगरपालिकामा १ थान प्रस्तोल र २० राउण्ड गोलीसहित ३ जना पक्राउ परेका छन्। जिल्ला प्रहरी कार्यालय मकवानपुरले तीनै जनालाई शनिबार दिउँसो पत्रकार सम्मेलन गरेर सार्वजनिक गर्ने भएकाे छ ।
शुक्रबार दिउँसो हेटौंडा उपमहानगरपालिका वडा नम्बर ४ हुप्राचौरस्थित एक घरको कोठाबाट १ थान सेमी अटो मेटिक पेस्तोल सोमा लाग्ने गोली २० राउण्ड सहित ३ जना पुरुषलाई पक्राउ गरेको मकवानपुर प्रहरीले जनाएकाे छ । मंसिर १८ गते सोमबार हेटौंडा–९ धर्मपथस्थित सुर्य प्रसाद पौडेलको घरमा लगातार धेरै पटक गोली पड्केको जस्ताे आवाज आएकाे तथा उनको घरको वरीपरी गोलीको थप्रै खोका फेला परेपछि मकवानपुर प्रहरीले अनुसन्धान थालेको थियाे ।
‘घटनाको जानकारी पाए लगत्तै हामीले तत्काल अनुसन्धान सुरु गरौं । अनुसन्धानकाे क्रममा उक्त घरको पिलर, बिम, रेलिङवालमा गोली लाग्दाको जस्तो दाग देख्यौ, त्यसैगरी प्रगति स्कुल अगाडीको सडकमा १ राउण्ड गोली समेत फेला परेकाे थियाे । घटनामा संलग्ना ३ जनालाई शुक्रबार पक्राउ गरिएकाे छ,आज दिउँसो पत्रकार सम्मेलन मार्फत सार्वजनिक गर्दैछौ ।’ मकवानपुर प्रहरी प्रमुख एसपी सिताराम रिजालले भने।
मकवानपुर । कुनै पनि प्रकारको हिंसा गर्नेलाई आफूले राजनीतिक संरक्षण नदिने बागमती प्रदेश सभा सदस्य एकालाल श्रेष्ठले बताएका छन् ।
लिङ्गको आधारमा हुने हिंसाले सामाजिक परिवेशलाई उदाङ्गो पारेको उनले बताएका छन् । हिंसामा परेकाको उद्वार गर्ने, हिंसा न्यूनीकरण गर्न कानुनी संशोधन, संघसंस्थाको पारदर्शिता र ग्रामीण भेगमा सचेतनामा ध्यान दिनुपर्ने श्रेष्ठले बताए । उपलब्धि हासिल गर्नको लागि अझै कानुन निर्माणदेखि अन्य सहकार्यको लागि आफू तयार रहेको श्रेष्ठले बताएका छन् ।
लैङ्गिक हिंसा अन्त्यको सुनिश्चितताः महिला र बालवालिकामा लगानीको ऐक्यबद्धताू भन्ने नाराका साथ मकवानपुर महिला समूहको आयोजनामा भएको लैङ्गिक हिंसा विरुद्धको १६ दिने अभियान अन्तर्गत प्रेषण प्रणाली सुदृढिकरणू र लैङ्गिक समानता तथा सामाजिक समावेशीकरण रणनीति सुदृढिकरणू सम्बन्धि कार्यक्रममा उनले यस्तो बताएका हुन् ।
कतिपय अवस्थामा महिलाको कारण पुरुष समेत पीडित हुने गरेको उनले बताए । समाजमा जुनसुकै बर्गमाथीको हिंसा अन्त्य गर्न लागिपर्नु पर्छू उनले भने । न्याय दिंदा पिडकलाई संरक्षण गर्नै नहुने र आफू र आफ्नो पार्टीले पीडकलाई संरक्षण नगरेको उनले बताए ।
शुक्रबार सुरु भएको कार्यशाला शनिबारसम्म चल्नेछ । एक्सन एड नेपालको सहयोगमा मकवानपुर महिला समूहको आयोजनामा । प्रेषण प्रणाली व्यवस्थित भएपछि कानुनी सहायता पुर्याउन सजिलो हुने हेटौंडा उपमहानगरपालिका प्रबन्धक बिष्णुकुमारी लामीछानेले बताइन् । पीडितलाई सहयोग गर्दा झनै पीडा थपिने भएकोले विशेष ध्यान दिनुपर्ने लामिछानेले बताइन् । प्रेषण प्रणालीका लागि स्थानीय तहको भूमिका लैगिक विभेदमा आधारित हिसाबाट पीडित प्रभावित महिलालाई कहाँ र कसरी पाउने भन्नेमा प्रष्टता सहितको प्रेषण प्रणाली आवश्यक हुने उनले आफ्नो प्रस्तुतिमार्फत बताएकी थिइन् । आवश्यकतामा केन्द्रित भएर स्थानीय तहहरूले प्रेषण प्रणाली मार्गदर्शन तय गरी लागू गर्नुपर्ने उनले बताइन् ।
कार्यक्रममा जिल्ला बार एशोसियसन अध्यक्ष अप्सरा बस्नेत,मानव अधिकार संरक्षण तथा मानव बेचबिखन विरुद्ध जिल्ला संजाल अध्यक्ष आरति पाठक, सेलर्डका जगन्नाथ सुवेदीलगायत हिंसाको क्रममा पहिले मेलमिलाप संभव नभएमा अदालत जाने बाटो रहेकोले सरकारी संयत्रबाट पहल आवश्यक भएको बताए ।
कार्यक्रममा माइती नेपाल मकवानपुर प्रमुख माया लामा,मन लामा, हिमराइट्स मकवानपुर प्रमुख कुमारी वाईबा, शान्ति फाउन्डेसन मकवानपुर जिल्ला अधिकृत सीता गुरुङ, साना हातहरू नेपालका दिपक रुम्बा, जिल्ला सेवा केन्द्रको बिन्दा बर्तौला, सिविन बाल हेल्प लाइन मकवानपुर सम्झना अधिकारी, कोशिश मकवानपुर प्रमुख सुनिरा लामा, जिल्ला प्रहरी तथा सामूदायिक प्रहरी सेवा केन्द्रका प्रतिनिधिहरू, ओसिएमसीको प्रतिनिधिहरू राजनीति दबाबको कारण पीडितलाई न्यायमा सहायता गर्न समस्या भएको बताए ।
मकवानपुर महिला समूहको अध्यक्ष कमला सुबेदीको अध्यक्षतामा भएको कार्यक्रममा मकवानपुर जिल्लाको मनहरी गाउँपालिका, हेटौंडा उपमहानगरपालिकाका जनप्रतिनिधि तथा कर्मचारीको उपस्थिति रहेको कार्यक्रम संयोजक निशा लामाले बताइन् ।
मकवानपुर । ट्रकहरुले मालसामान ढुवानी गर्दा सवारी धनीले नै मूल्य अभिवृद्धि करकाे विजक जारी गरेर मात्रै ढुवानी गर्न पाउनु पर्ने माग गरिएकाे छ । नारायणी यातायात व्यबसायी कम्पनी प्रालिले शुक्रबार पत्रकार भेटघाट गर्दै उक्त माग गरेका हुन् ।
कम्पनी आवद्ध सवारी साधन ट्रकहरुले लामो समय देखी मालसामान ढुवानी गरीरहेको सन्दर्भमा आर्थिक वर्ष २०८०/०८१ देखि आन्तरीक राजस्व कार्यालयमा दर्ता गरी मूल्य अभिबृद्धि करको विजक जारी पश्चात ढुवानी गर्दै आएका थिए । सुरुवाती समयमा मूल्य अभिबृद्धि करको विजक सवारी धनीकाे तर्फबाट जारी भइ सामान ढुवानी भइरहेकाेमा अवस्थामा केहि समयदेखि उद्योगी एवं ब्यापारीहरुले बिजक गाडि धनिको तर्फबाट काट्न नमानेकाे पत्रकार भेटघाटमा कम्पनी अध्यक्ष गाेकर्ण प्रसाद पराजुलीले बताए ।
हाल सवारी साधनले मूल्य अभिवृद्धि कर विना मालसामान लोड गरे मात्र ढुवानी गर्न पाउने नत्र मालसामान लोड गर्न नपाउने अबस्था उद्याेगी व्यपारीले श्रृजना गरेकाे भन्दै कम्पनीले त्यसकाे विराेध गरेकाे हाे । यस्ताे अवस्थगाले मूल्य अभिवृद्धि करमा दर्ता भएका सावरी साधन सचालनमा अवराेध भएकाेले सवारी धनीकाे तर्फबाट पूर्ण रुपमा मूल्य अभिवृद्धि कर विजक जारी गर्दै ढुवानी व्यवस्था लागू गर्ने वातावरण तयार गरिदिन समेत सम्बन्धित निकायमा अनुराेध गरिएकाे छ ।
सम्बन्धित निकायबाट मूअकरको विजक शतप्रतिशत लागु गराउने व्यवस्था नगरिए सवारी धनीले आन्तरीक राजश्व कार्यालयमा दर्ता गराएका मूअकर प्रमाणपत्रहरु खारेज गर्ने ब्यवस्था हुनु पर्ने भन्दै पराजुलीले ध्यानाकर्षण समेत गराएका छन् । पराजुलीले जारी गर्नु भएकाे बिज्ञप्तीमा सम्पूर्ण सवारी धनी धनिहरुलाई मूअकरको विजक जारी गरी मात्र मालसामान ढुवानी गर्न समेत अनुरोध गरिएकाे छ ।
मकवानपुर । मकवानपुरको मनहरी गाउँपालिकाले ग्रामीण अल्ट्रासाउन्ड(एक्स-रे) सेवा सुरु गरेको छ । पालिकाले गर्भवती महिला लक्षित कार्यक्रम अन्तर्गत अल्ट्रासाउन्ड मेसिन खरिद गरी सेवा सञ्चालन गरेको हो ।
गाउँपालिका अध्यक्ष रन्जन कालाखेतीले स्वास्थ्य शाखालाई भिडियो एक्स-रे मेशिन हस्तान्तरण गरे संगै सेवा सञ्चालन गरिएको बताए । ‘गर्भवती अवस्थामा आमा र बच्चाको स्वास्थ्य अवस्था बुझ्न भिडियो एक्सरे गर्न आवश्यक छ’ मेशिन हस्तान्तरण गर्दै उनले भने ‘वडाका स्वास्थ्य संस्थामार्फत सहजरुप सेवा दिनु पर्छ ।’
ग्रामिण भिडियो एक्सरे सेवा मार्फत प्रत्येक वडाका गर्भवती महिलाहरुले नजिकैको स्वास्थ्य चौकीबाट निःशुल्क सेवा प्राप्त गर्ने स्वास्थ्य शाखा प्रमुख रामचन्द्र दाहालले जानकारी दिए । एक्सरे सेवाले गर्भवती आमा र बच्चाको स्वास्थ्य अवस्थाको जानकारीसंगै शिशु तथा मातृ मृत्युदर न्यूनिकरण गर्न सहयोग पुग्ने उनले विश्वास व्यक्त गरे ।
यसअघि भिडियो एक्सरे सेवाका लागि मनहरीका दुर्गम गाउँका गर्भवती महिलाहरु महनरी बजारदेखि हेटौंडा आउनु पर्ने बाध्यता रहेको थियो । यस्तै उक्त सेवा लिन स्थानीय निजी अस्पतालमा महँगो शुल्क तिर्न बाध्य थिए ।
यस सेवाले विशेष गरी मनहरीका दुर्गम क्षेत्रका गर्भवती महिलाहरु बढी लाभान्वित हुने पालिकाको विश्वास छ । एक्सरेको लागि हेटौंडासम्म धाउनु पर्ने बाध्यताको अत्य भएपछि मनहरीका स्थानीयहरुले खुशी व्यक्त गरेका छन् ।
यसैगरी गाउँपालिकाले गर्भवती महिलाहरुलाई पुर्ण संस्थागत प्रसुती सेवाका लागि निःशुल्क एम्बुलेन्स सेवाको ब्यवस्था गरेको छ । त्यस्तै पालिकाले गर्भवती महिलालाई प्रयोगशालाको पनि सुविधा उपलब्ध गराएको अध्यक्ष कालाखेतीले जानकारी दिए।