मकवानपुर । आम जनता पार्टीका केन्द्रिय अध्यक्ष प्रभु साहले किसानले मल र परिश्रमकाे मूल्य नपाउने तर किसानकाे पसिनामाथि नेतृत्वले नै रजाइ गरिरहेकाे बताएका छन् । पार्टीकाे मकवानपुर जिल्ला भेलालाई सम्बाेधन गर्दै साहले यस्ताे कुरा बताएका हुन् ।
पूर्व भूमि व्यवस्थापन सहकारी र गरिबी निवारण मन्त्री समेत रहेका साहले शनिबार हेटौडामा भएकाे प्रथम जिल्ला भेलामा किसानलाई सम्मान गरिनु पर्ने धारणा व्यक्त गरे । ‘शासकहरुकाे लुटतन्त्रले युवाहरु विदेशिनु परेकाे छ’ साहले भने ‘नेपालमा विदेशिले काम गर्ने र विदेशमा नेपाली पलायन हुने परिपाटी देखिएकाेले यसलाई राेक्नु पर्ने र देशमै श्रम बजार सृजना गर्ने बताए । वैदेशिक राेजगारमा गएका नेपालीहरुकाे विदेशमा मृत्यु हुँदा कहिल्यै पनि छानविन नभएकाे बताउँदै उनले नेपालबाट श्रम स्वीकृति दिएर पठाउने मन्त्रालयमाथि समेत छानविन गरिनु पर्ने बताए ।
‘विदेशी अनुदान आउन समेत मुस्किल रहेकाे अहिलेकाे अवस्थामा अर्थतन्त्र समेत डामाडाेल छ’ उनले भने । ‘सकारले लक्ष्य अनुसारकाे राजश्व उठाउन सकेकाे छैन’ साहले भने अन्य मुलुकमा करका दर कम भएकै कारण सामान सस्ताे पाइन्छ तर नेपाल जस्ता सानाे मुलुकमा कर धेरै लिएर हरेक सामानकाे मूल्य महङ्गाे परिरहेकाे छ ।’ नेपालमा हाल भ्रष्टाचार मौलाउँदै गएकाे बताउँदै उनले भ्रष्टाचारीलाई राज्यले कारवाही नगरेकाेले अब जनताले कारवाही गर्ने वेला भएकाे जानकारी दिए ।
‘लघुवित्त, बैक तथा मिटरव्याजी पीडकलाई कारवाही गर्नुपर्छ‘ उनले भने । संविधानकाे पालना समेत नगर्ने हाे भने कसैलाई पनि पदमा बसी रहने नैतिकताले नदिने उनले बताए । ‘नेपाली जनताकाे मनाेबल गिरेकाे अवस्था छ’ उनले भने ‘डाक्टर तथा इन्जिनियरहरु समेत विदेश पलाएन हुन लालयित देखिएका छन् ।’
यसैगरी मकवानपुर जिल्ला जहिल्यै अगााडी रहेकाे बताउँदै जिल्लाकाे छविलाई माथि उठाउने नेतृत्वदायि भूमिका लिनु पर्ने उनले बताए । नेपालकाे गठवन्धन सरकारलाई लक्षित गर्दै उनले भने ‘दलीय लुट उखेलेर नफालेसम्म जनताकाे शासन कायम हुने छैन ।’ लाेकतन्त्रकाे नाममा मुठ्ठिभरका व्यक्तिहरुले देशलाइ लुटिरहेका बताउँदै उनले परिवर्तनका लागि आम जनता पार्टी लागिरहेकाे जानकारी दिए । जनतालाई मालिक बनाउने अभियानमा लागिरहेकाे उनले बताए ।
यस्तै भेलाले शिशिर राजथलाकाे अध्यक्षतामा ५१ सदस्यीय जिल्ला कमिटि गठन गरेकाे छ । कमिटिकाे उपाध्यक्ष श्रीनिवास साह र सुदिप राजथला रहेका छन् भने अन्य पद विभाजन हुन बाँकी रहेकाे अध्यक्ष राजथलाले जानकारी दिए । त्यसैगरि आम जनता पार्टीकाे भातृ संगठन इन्फरमेशन एण्ड टेक्नाेलाेजी आर्मी (आईटी आर्मी) पुकार थिङकाे संयाेजकत्व गठन गरिएकाे छ । आर्मीकाे उपाध्यक्षमा अरुण स्याङ्तान सहित ५१ सदस्यिय कार्यसमिति गठन गरेकाे हाे भने अन्यकाे पद विभाजन हुन बाँकी रहेकाे बताइएकाे छ ।
कार्यक्रम संयाेजक शिशिर राजथलाकाे सभाध्यक्षता तथा पार्टीका केन्द्रीय अध्यक्ष एवं पूर्व मन्त्री साहकाे प्रमुख आतिथ्यतामा भएकाे मकवानपुर प्रथम जिल्ला भेलामा केन्द्रीय उपाध्यक्ष अरुण घिसिङ र अशाेक लामा , केन्द्रीय महाासचिव त्रिभुवन साह, चन्द्र भूषण साह, मधेष प्रदेशका अध्यक्ष उमेश कुशवाह, आम महिला कमिटि केन्द्रीय अध्यक्ष कुमारी वविता गाैर हत्या काण्डका सहिद राजन पाेखरेलकी आामा सीता पाेखरेललगायतकाे आथित्यता रहेकाे थियाे ।
मकवानपुर /दुध किसानहरुको मागलाई सरकारले बेवास्ता गरेको भन्दै मकवानपुरमा दुग्ध उत्पादक किसानहरुले राजमार्ग बन्द गराएका छन् ।
मकवानपुर जिल्ला दुग्ध उत्पादक सहकारी संघ कै नेतृत्वमा राजमार्ग बन्द गरेको हो । केन्द्रीय दुग्ध सहकारी संघ लिमिटेडको आन्दोलनलाई ऐक्वबद्धता जनाउँदै दुग्ध संघ मकवानपुरले राजमार्ग बन्द गरेको हो । मकवानपुरका करिव ६ हजार दुग्ध किसानको प्रतिनिधिमुलक उपस्थितिमा राजमार्ग बन्द गरेका हुन् । किसानहरुले मकवानपुर जिल्ला चारनाकाबाट मुख्य बजार हेटौंडामा भेला भएका किसानहरुले मुख्यचोक बुद्ध चोकमा नारबाजी गर्दै राजमार्ग बन्द गराएका हुन् ।
जिल्लाको पूर्वी क्षेत्र बकैया र बागमती गाउँपालिका, हेटौंडा वडा नम्वर १७ र १८ तथा मकवानपुरगढी गाउँपालिका र सुकौराका दूध किसानहरु हेटौंडाको सानोपोखरा चोकमा भेलाएका थिए । यसैगरी उत्तरी तर्फ भीमफेदी गाउँपालिका र पुरानो मकवानपुरगढी गाउँपालिका वडा नम्वर ५ र ६ का किसानहरु चौकिटोलमा भेला भए । पश्चिम क्षेत्र हेटौंडा १९, ३ र ११ तथा मनहरी गाउँपालिकाका किसान राप्ती पुलमा र दक्षिणतर्फ मनहरी १ र हेटौंडा १२, १३, १४ र १५, ७ र ८ का किसानहरु कर्रा पुलमा भेला भएर नाराबाजी सहित बुद्धचोकमा जम्मा भएका थिए ।
र्याली राप्ती रोड, जिल्ला प्रहरी कार्यालय, बसपार्क, राम मन्दिर, मेनरोड, उद्योग वाणिज्य संघबाट चौकिटोल ओरालो सहकारी मन्त्रालयसम्म पुगेर कोणसभामा परिणत भएको थियो । सडकमा किसानहरु हिँडेर करिब २ घण्टा राजमार्ग अवरुद्ध गर्ने मकवानपुर जिल्ला दुग्ध उत्पादक सहकारी संघका अध्यक्ष हरिप्रसाद कंडेलले जानकारी दिए ।

सरकारी स्वामित्वको दुग्ध वितरण आयोजना र निजी क्षेत्रबाट सञ्चालित डेरी उद्योगहरुबाट किसानले पाउनुपर्ने भुक्तानी रकम पाउन सकेका छैनन् । विगत ६ महिनादेखि करिव ६० करोड बाँकी रहेको संघका अध्यक्ष कंडेलले जानकारी दिए ।
आन्दोलनरत किसानहरुले दुग्धको रकम भुक्तानी पाउनु पर्ने, दुग्ध विक्रीको ग्यारेन्टी हुनुपर्ने, मिल्क होलिडे सदाको लागि बन्द हुनुपर्ने उत्पादनका आधारमा अनुदान दिनुपर्ने, प्रति लिटर अनुदान कायम गनुपर्ने, किसानलाई सहुलियत कर्जाको व्यवस्था गर्नुपर्ने, सहकारी मार्फत पशुधन संरक्षण कार्यक्रम लागु हुनुपर्ने माग गरेको अध्यक्ष कंडेलले बताए । यसैगरी दुग्धजन्य पदार्थ निर्यातको प्रबन्ध तथा आयात प्रतिबन्ध गर्नुपर्ने माग रहेको उनले बताए ।
मकवानपुर । बागमती प्रदेशका मुख्यमन्त्री जमकट्टेलले संघीयताप्रति जनताकाे विराेधी धारणा आफूले नदेखेका दावी गरेका छन् ।
सामन्ती एकात्मक राज्यसत्ताका मानिसहरु मात्र संघीयताको विराेधमा रहेको जमकट्टेलले दाबी गरेका हुन्। “संघीयताकाे प्रभाव हेर्न गाउँमा जानुपर्छ, विकास विराेधीहरुले मात्र हाे अनावश्यक टीका टिप्पणी गर्ने” उनले भने “जनमत संग्रह गर्ने हाे ? संघीयताकाे विराेधमा छन कि सपाेटमा छ भने, जनमत संग्रह गर्न सडकमा जाउँ अनि देखिन्छ।”
न्युज २४ काे सिधा कुरा मुख्यमन्त्रीसंग कार्यक्रममा मुख्यमन्त्री जमकट्टेलले यस्तो बताएका हुन् । जनताले खारेज गरिसकेकाे राजसत्ता सम्बन्धी तर्क मिडियाकर्मीहरुले उठाउन खाेजेको उनले बताए । सामान्य नागरिक नेतृत्व तहमा पुगेकाेमा सामन्ती साेचले संघीयता पचाउन नसकेकाे मुख्यमन्त्री जमकट्टेलले जिकिर गरे ।
प्रदेश सरकारले दुधमा अनुदान रकम ५० कराेड छुट्टाउने निर्णय गरेकाेमा गल्तिले ५ कराेड भएकाे उनले बताए । किसानको अनुदानको बजेट बृद्धि गर्ने निर्णय गरिसकेकाे र पर्सा राष्ट्रिय निकुन्ज सम्बन्धमा हिउँदे अधिवेशनबाट कानूनगत रुपमा अघि बढ्ने तयारी रहेको उनले बताए ।
बागमती प्रदेश सरकारमा विज्ञहरुले सही सल्लाह दिनुपर्नेमा आपसमा जुधाउने भूमिका खेलेको संकेत गर्दै उनले भने “सत्ता र प्रतिपक्षीबीचको टकराब रहे पनि १० दिनभित्र सहमति जुटाउने वचन दिए ।
कार्यक्रममा नेकपा एमालेका संसदीय दलका नेता जगन्नाथ थपलियाले बागमती प्रदेश सरकार गठवन्धनबाट चलेकाे कारण सेवाप्रवाहमा कमिकमजाेरी रहेकाे आरोप लगाए । संघीय संरचनालाइ जसरी संचालन गर्नु पर्ने थियाे त्याे ताैरतरिका नमिलेकाे उनको भनाइ थियो । प्रदेश सरकारकाे बजेट पक्षपाती रहेकाे, सरकारलाइ कसरी जनमुखि बनाउने, भाैगाेलिक तथा जनजाती तथा स्थानीय तहसम्म असन्तुलित भएकाे थपलियाले बताए ।
मकवानपुर । आगामी १३ गतेबाट सुरु हुने दादुरा रुबेला खोप अभियानमा बागमती प्रदेशको ८ लाख ४८ हजार ३२५ जना बालबालिकाहरुलाई खोप लगाइने भएको छ ।
प्रदेशको काठमाडौं, भक्तपुर, ललितपुर र चितवनमा ९ महिना देखि १५ बर्षसम्मका बालबालिकालाइ खोप लगाइने छ । यि जिल्लाहरुमा विद्यालय र समूदाय स्तरदेखि खोप केन्द्र रहने छन् । प्रदेशको अन्य ९ वटा जिल्लामा ९ महिनादेखि ५ बर्षसम्मका बालबालिकालाई खोप लगाइने छ । यि जिल्लाहरुमा समुदायस्तरमा खोप केन्द्रहरु रहने छन् ।
खोप अभियानको आगामी १३ गतेदेखि राष्ट्रिय दादुरा रुवेला खोप अभियान चितवन जिल्लाको ईच्छामनकामना गाउँपालिकाको सर्व शान्ति मावि कुरिनटारबाट बागमती प्रदेशका स्वास्थ्य मन्त्रि उत्तम जोशीबाट उद्घाटन गर्ने छन् ।
नेपाल मुलुकमा ४ प्रतिशत र बागमती प्रदेशमा ९ प्रतिशत बालबालिकाहरुले एक पटक पनि खोप नलगाएको स्वास्थ्य मन्त्रालय बागमती प्रदेशले जनाएको छ । यस पटकको खोप कार्यक्रममा दादुरा रुवेलासँगै डीपीटी, हेप–बी–हिप चार प्रकारको खोप समावेश गरिएको बागमती प्रदेश स्वास्थ्य निर्देशक दिपक तिवारीले बताए ।
अभियानमा लगाइने खोपमा ग्रामिणभन्दा शहरी क्षेत्रका बालबालिका छुट्ने गरेकोले सूचना सञ्चारलाई प्रभावकारी बनाउन तिवारीले आग्रह गरे । “ग्रामिण व्यक्तिहरु खोप कार्यक्रमलाई प्राथमिकताका रुपमा लिने गरेका छन् तर खोप केन्द्र पहुँच भएको शहरी क्षेत्रमा अन्य आवश्यकता प्राथमिकतामा पर्ने र खोप छुट्ने गरेको पाईएको छ” उनले भने ।
बागमती प्रदेश सरकार स्वास्थ्य मन्त्रालय स्वास्थ्य निर्देशनालय हेटौडाको आयोजनामा दादुरा–रूबेला खोप अभियान सम्बन्धी सञ्चारकर्मीहरुसंगको अभिमूखीकरण तथा अन्तरक्रियात्मक गोष्ठीमा यस्तो जानकारी गराइएको हो ।
कार्यक्रममा स्वास्थ्य मन्त्रालय सचिव बद्रीबहादुर खड्काले खोप अभियानलाई सफल पार्नको लागि स्थानीय स्तरदेखि मन्त्रालयतहसम्म समन्वय र सहकार्य हुँदै सबै तयारी सकिएको बताए ।
खोप छुटको कारण पहिल्याइ पुर्ण खोप शतप्रतिशत बनाउने लक्ष्य रहेको खड्काले बताए । अभियानमा लगाइने खोपबाट रोग तथा महामारी नियन्त्रण गर्न, अपाड्डता र मृत्युदरलाई कम गर्न, रोगहरुको निवारण र उन्मुलनको लक्ष्य हासिल गर्न सकिने र दिगोपन कायम राख्न सकिने भएकोले सबैको सहकार्य आवश्यक भएको उनले बताए ।
नेपालले सन् २०२६ सम्ममा पोलियो रोग उन्मूलन गर्ने लक्ष्य लिएको छ । खोप कार्यक्रमको चुनौति धेरै भएको निर्देशनालयका फोकल पर्सन उत्तम राज प्याकुरेलले बताए । अपेक्षित प्रगति ९५ प्रतिशत रहेको र सबै तहमा एकरुपता नभएको, राष्ट्रिय स्तरको तुलनामा प्रादेशिक, प्रदेशको तुलनामा जिल्लाहरुको र जिल्लाको तुलनामा स्थानिय तहको प्रगतिमा एकरुपता नभएको, शून्य खोप तथा ड्रप आउटको सख्या बढ्दै जानुले पनि चुनौती रहेको उनले बताए ।
नेपालमा सन् २०२६ सम्ममा दादुरा, रुबेला रोग निवारण गर्न नेपाल सरकारको प्रतिवद्धता गरेको भए पनि नियमित दादुरा–रुबेला खोपको कभरेज ९५ प्रतिशतभन्दा कम भएकोले अझै लक्ष्य हासिल गर्न चुनौती रहेको उनले बताए । दादुरा–रूबेला खोप अभियान २०७६÷७७ पछि गरिएको सर्भेक्षणअनुसार दादुरा–रुवेला खोपको कभरेज ८८ प्रतिशत मात्र रहेको छ ।
यसपटकको खोप अभियानमा दादुरा रुबेलासँगै डि.पि.टी.–हेप बी–हिव खोपको पनि समाबेश गरिएको छ । १५ वर्ष मुनिका १४ प्रतिशत बालबालिकाको मृत्युको कारण न्यूमोनिया रहेको र विगत तीन वर्षमा पि.सि.भी. खोपको कभरेज कम रहेकोले अभियानमा यो समाबेश गरिएको हो ।
सर्वसाधारणमा खोपमा पहुँच विस्तारको लागि शहरका घना बस्ती, सुकुम्बासी वस्ती, उद्योग, कारखाना, बाल मन्दिर, अनाथ आश्रम, इटा भट्टा, अन्तरदेशीय सिमा, बसपार्क जस्ता ठाउँमा पनि खोप केन्द्र राख्ने सकिने व्यवस्था सरकारले गरेको छ ।
गाउँपालिकाको प्रत्येक वडामा एउटा खोप केन्द्र, नगरपालिकाको प्रत्येक वडामा दुईटा खोप केन्द्र, उमहानगरपालिकाको प्रत्येक वडामा तीनवटा खोप केन्द्र र महान निकाको प्रत्येक वडामा चारवटा खोप केन्द्र थप गरिएको छ ।
कार्यक्रममा स्वास्थ्य कार्यालय मकवानपुर प्रमुख कृष्णबहादुर मिजार, युनिसेफका तापक्रम विशेषज्ञ हेमराज जोशी, विश्व स्वास्थ्य संगठनका सर्भिलेन्स मेडिकल अफिसर डा सस्मृता बास्तोलालगायतले खोप अभियानको तयारीबारे जानकारी गराएका थिए ।
मकवानपुर । बागमती प्रदेश सभा स्थापना भएको ६ वर्ष पुरा भएको छ । छैटौं वार्षिक उत्सवको अवसरमा बागमतीको प्रदेश सभाले विहीबार विशेष कार्यक्रम गरेका छ ।
कार्यक्रममा प्रदेश प्रमुख यादबचन्द्र शर्माले प्रदेशको भविष्य उज्यालो बन्ने गरी काम गर्न निर्देशन दिएका छन् । प्रदेश सरकारले बनाएका नीति योजनाहरुले निर्दिष्ट लक्ष्य प्राप्त गर्नुपर्ने उनले बताए । सहिद दिवसको स्मरण गर्दै सहिदहरुको त्याग, वलिदान र सपनाको साकार गर्नुपर्ने बताउँदै प्रदेश प्रमुख शर्माले विगत जतिसुकै सुन्दर वा कुरुप भए पनि भविश्य निर्माणको आधार तय गर्नेतर्फ ध्यान दिन आग्रह गरे ।
“विगत प्रति सजग रहंदै भविश्य प्रति सजग बन्नुपर्र्छ, आवश्यकता रहे थप ऐन कानुन निर्माण गरि सकारात्मक परिमाण आउने गरी काम गर्नु जरुरी छ” शर्माले भने “विकासका गति ढिलो होला तर गन्तव्यमा अवश्य पुगिन्छ, उचित समयमा वाच्छित परिणाम नआउदा संकटको स्थिति आउँछ ।”
विकासका कतिपय संभावना उजागार भएको र कतिपय खुल्न नसकेको बताउँदै प्रदेश प्रमुख शर्माले भने “विकासका सम्भावनालाइ थप पहिचान गर्दै अघि बढ्नु पर्छ, प्रदेश स्तरिय औद्योगिक विकास गर्न र अध्ययन अनुसन्धान गर्नुपर्छ ।” वातावरणीय स्वच्छतामा ध्यान दिंदै घरघरमा सिंहदरवार भन्ने नारा नारामा मात्र सिमित नराख्न प्रदेश प्रमुख शर्माले ध्यानाकर्षण गराए । “के कार्यान्वय भयो के भएन भन्ने अनुगमनमा पनि ध्यान दिनु जरुरी छ” उनलेभ ने ।
प्रदेश सभा लामो समयदेखि नबसेको र सर्वसाधारणको समस्यालाई वास्ता नगरीएको गुनासा मिडियाबाट आएको भन्दै समस्याका सम्बन्धमा सत्ता पक्ष र प्रतिपक्ष विच छलफल हुनुपर्ने उनलेब ताए । “छलफलमा जाने बातावरण बनाउनु होस्, समाधानका बाटाहरु भेटिने छन् ।”
कार्यक्रममा मुख्यमन्त्री शालिकराम जमर्कटेलले प्रदेश सरकारसंग स्पष्ट नीति नै नभएको बताए । “नयाँ काम गर्न जोखीम हुने हुनाले जे छ तेसैमा चल्दै जावस, ठिकै छ यो यस्तै प्रकियाले अघि बढ्छ भन्दै अघि बढको छ” जमकट्टेलले भने “बागमती प्रदेशको समृद्धि र विकासका लागि नीतिहरु बनाउदैछौ ।” संघीयतामा प्रदेशको आवश्यकता छ कि छैन भन्ने कुरा ग्रामिण क्षेत्रमा भएका विकास निर्माण हेर्न उनले आग्रह गरे । “जवाफ हामीले कामबाट दिने हो, अहिले प्रदेश सरकारले भौतिक पुर्वाधारमा खर्च गरेको छ, सडक र पुल सम्बन्धी नीति बनाउदै छौ” उनले भने “६६ निर्वाचन क्षेत्रमा ७०/८० पुल र ५५० किलोमिटर सडक रहेको अनुमान गरिएको छ ।” यि सबै योजना ५० लाखभन्दा माथिका मात्र हुन् त्यो भन्दा कम वजेटका योजना स्थानीय तहमा पठाउने, शिक्षा क्षेत्रमा विशेष लगानी अभिबृद्धि गर्ने गरिएको उनले बताए ।
कार्यक्रममा प्रमुख प्रतिपक्ष दलका नेता नेकपा एमालेका संसदिय दलका नेता जगन्नाथ थपलियाले प्रदेश सरकार शसक्त हुँदै सुविचारी शैलीमा भव्य रुपमा अघि बढोस् भन्ने शुभकामना व्यक्त गरे ।
प्रदेश सरकारको काम सरकार बनाउनु, कानुन निर्माण गर्नु, सरकारलाई नागरिक प्रति जवाफदेहि बनाउनु र प्रदेश सरकारका काम अनुगमन गर्नु भएको उल्लेख गर्दै उनले केही पाटोमा प्रदेश सरकार जिम्मेवार हुन नसकेको संकेत गरे । प्रदेश सभाको दोस्रो कार्यकालमा ५६ वटा बैठक बसेको तर ती बैठकहरु एकै दिनमा ३/४ वटा बसेर पु¥याइएको प्रति उनले रोश प्रकट गरे । “प्रदेश सरकार जनता प्रति जवाफदेहि र सरकारका कामको अनुगमन भए नभएको प्रति ध्यान दिइएको छैन, कर्मचारीको पुर्णता भएको छैन सो प्रति सरकारले ध्यान दिनु पर्छ” उनले भने ।
विगतका धेरै आन्दोलनपछि प्राप्त भएको संघीय संरचना औचित्यपुर्ण रहेको तर प्रदेशहरु छायामा परेको कुरा प्रति समीक्षा गर्न जरुरी रहेको उनले बताए । नेपालमा प्रदेशका बारेमा नकारात्मक कुरा चर्चा गर्ने परिपाटिको विकास भएको, काम त धेरै गरेका छन प्रदेश सरकारले तर जनताहरु किन असन्तुष्ट छन सो प्रति सोच्न जरुरी रहेको उनले बताए । गठवन्धन जोगाउने नाममा मन्त्रालय थप गर्दै खर्चको भार बढाउने काम गरेको प्रति थपलियाले प्रश्न गरे ।
कार्यक्रममा प्रदेश प्रमुख यादबचन्द्र शर्माले प्रदेश सभाको मोवाइल एप उद्घाटन गरे । त्यस्तै दोस्रो कार्यकालको हालसम्मको गतिविधि समेटेर तयार पारिएको पुस्तक विमोचन गरिएको छ ।
कार्यक्रममा प्रदेश सभामा नियमति उपस्थित भएका प्रदेश सदस्यहरु गिता गुरुङ, मधुसुधन पौडेल, माया श्रेष्ठ, रामप्रसाद ढुड्डाना, लक्ष्मिदेवि श्रेष्ठलाई सम्मान गरिएको थियो । प्रदेश सभा सचिवालयलाइ पु¥याएको योगदान राष्ट्र सेवक कर्मचारीहरुलाइ पुरस्कार तथा सम्मान पत्र प्रदान गरेएको छ । कार्यालय सहयोगी मिना ओझा, हलुका सवारी चालक सन्तोष राई, कम्प्युटर अपरेटर सरिता घिमिरे, कम्प्युटर अधिकृत रोशन प्रधान, कानुन अधिकृत मनोज कुमार गुप्तालाई नगद सहित सम्मान गरिएको सचिव पूर्णबहादुर दर्जीले बताए ।