मकवानपुर । जिल्ला बचत तथा ऋण सहकारी संघको शेयर पुँजी ४ करोड ४० लाख १५ हजार पुगेको छ ।
अघिल्लो आर्थिक बर्षमा ४ करोड ६ लाख ५५ हजार रहेकोमा यस बर्ष उक्त पुँजी बढेको प्रतिवेदन मार्फत सार्वजनिक गरिएको हो । संघमा ७६ करोड ११ लाख ३६ हजार ६७८ बचत रहेको प्रतिवेदनमा सार्वजनिक गरिएको छ ।
जिल्ला बचत तथा ऋण सहकारी संघको सनिवार १७ औ बार्षिक साधारण सभामा यस्तो प्रतिवेदन सार्वजनिक गरिएको हो । कार्यक्रममा जिल्ला सहकारी संघका अध्यक्ष नारायणप्रसाद देवकोटाले सहकारी क्षेत्रमा देखिएका समस्या र चुनौतीभित्र अवसर खोजेर अघिबढ्नु पर्ने बताए ।
सहकारीहरूले संवेदनशील समयमा शेयर लगानीकर्ताहरूसंग सहकारीको सहकार्य उत्कृष्ट रहेको देवकोटाले बताए । सहकारीको एकीकरणलाई प्राथमिकता दिनुपर्ने देवकोटाले बताए । सहकारी भित्रको विकृति बढेकोले यसतर्फ ध्यान दिन सहकारीकर्मीहरूलाई उनले आग्रह गरे ।

संघले विभिन्न बिधामा सहकारीहरुलाई सम्मान तथा पुरस्कृत गरेको छ । संघले उत्कृष्ट सहकारीको रुपमा महिला सहकारी अन्तरगत महिला मिलन साकोस, मिश्रत सहकारी अन्तरगत नमुना मकवानपुर साकोस उत्कृष्ट भएको उपाध्यक्ष मिना चौरेलले बताइन् ।
यसैगरी उत्कृष्ट सहकारी महिला कर्मचारी अन्तरगत महिला कल्याण साकोसको मेनुका हुमगाई, सहकारी अभियानकर्मीको रूपमा इन्द्र सरोवर गाउपालिका उमा लामा र जयप्रकाश घिमिरे, उत्कृष्ट दैनिक बचकर्ता सहकारीको रुपमा गणपति बाबा साकोस, एकीकरण भएका साकोसहरूमा श्रमिक सुरक्षित साकोस र दर्पण मनहरी साकोस, धेरै बचत जम्मा गर्न सफल साकोस हेटौंडा साकोस, सर्वाधिक ऋण परिचालन गर्ने सहकारीको रुपमा महिलासेवा साकोसलगायतलाई सम्मान गरेको हो । संघमा १३९ साकोसहरू सदस्य रहेका छन् । अध्यक्ष कल्पना श्रेष्ठको अध्यक्षतामा कार्यक्रम भएको थियो ।
नुवाकोटको निर्वाचन क्षेत्र नं २ मा नेपाली कांग्रेसका उम्मेदवार अजुर्ननरसिंह केसी निर्वाचित भएका छन् । २०७४ को निर्वाचनमा एमालेका उम्मेदवार नारायणप्रसाद खतिवडासँग दश हजार मतान्तरले पराजित भएका केसी यो पटक तेस्राे स्थानमा रहेका खतिवडाभन्दा १२ हजार पाँच सय ६४ मतान्तरले निर्वाचित भएका हुन् ।
सत्तारुढ पाँच दलीय लोकतान्त्रिक–वाम गठबन्धनको साझा उम्मेदवारको रुपमा रहेका कांग्रेसका उम्मेदवार केसीले २८ हजार १ सय सात मत ल्याएर विजयी भएका हुन् । निकटतम प्रतिस्पर्धी राष्ट्रिय स्वतन्त्र पार्टीका सुमनविक्रम पाण्डेले १६ हजार ४ सय ७७ र नेकपा (एमाले)का उम्मेदवार खतिवडाले १५ हजार पाँच सय ६१ मत ल्याए ।
मङ्सिर ४ मा भएको निर्वाचनमा कूल ७७ हजार चार मत खसेकाे थियाे । शनिबार बिहान सकिएकाे मतगणनाको अन्तिम नतिजाअनुसार राष्ट्रिय प्रजातन्त्र पार्टीका उम्मेदवार झनक प्याकुरेलले १ हजार ५ सय ७१ मत ल्याए । चुनावी प्रतिस्पर्धामा तीन स्वतन्त्रसहित ११ मध्ये अन्य उम्मेदवारको मत एक हजारभन्दा कम रहेको मुख्य निर्वाचन अधिकृतकाे कार्यालयले जनाएकाे छ ।
मकवानपुर । मकवानपुरमा प्रतिनिधिसभा समानुपातिकतर्फको मतगणनामा नेकपा एमालेले बढी मत प्राप्त गरेकाे छ । जिल्लामा २ वटै प्रतिनिधि सभा क्षेत्रमा एमालेले समानुपातिक मत बढी प्राप्त गरेकाे हाे ।
गणना भएको १ लाख ७७ हजार ८५८ मतमा नेकपा एमाले पहिलो दल बनेको हाे । एमालेले क्षेत्र नं.१ बाट २२ हजार ६११ र २ बाट २८ हजार १९६ गरी कुल ५० हजार ८०७ मत प्राप्त गरेको छ ।
नेपाली कांग्रेस ३६ हजार २६४ मत सहित दोस्रो दल बनेको छ । काँग्रेसले क्षेत्र नं. १ बाट १४ हजार ७५३ र क्षेत्र नं. २ बाट २१ हजार ५११ मत प्राप्त गरेकाे हाे । रबि लामिछाने नेतृत्व राष्ट्रिय स्वतन्त्र पार्टी(रास्वपा) २९ हजार ८८९ मत सहित तेस्रो भएको छ । उसले क्षेत्र १ बाट १८ हजार ६०७ मत प्राप्त गरेकाे छ भने क्षेत्र २ बाट ११ हजार २८२ मत प्राप्त गरेकाे छ ।
त्यस्तै नेकपा माओवादी केन्द्रले क्षेत्र १ बाट १३ हजार १३८ र क्षेत्र २ बाट १२ हजार ९९५ मत गरी २६ हजार १३३ मत सहित चौथो बन्दा राष्ट्रिय प्रजातन्त्र पार्टी १६ हजार ७७१ मत सहित पाँचौ स्थानमा रहेको छ । उसले क्षेत्र १ बाट १३ हजार ७४२ मत र क्षेत्र २ बाट ३ हजार २९ मत प्राप्त गरेकाे हाे । माधव कुमार नेपाल नेतृत्वको नेकपा एकिकृत समाजवादीले क्षेत्र १ बाट १ हजार २४७ र क्षेत्र २ बाट २ हजार ५८० सहित ३ हजार ८२७ मत मात्रै प्राप्त गरेको छ ।
१ लाख ७७ हजार ८५८ मतमध्ये १ लाख ७० हजार १६६ सदर हुँदा ७ हजार ६९९ मत बदर भएको मुख्य निर्वाचन अधिकृत कार्यालयले जनाएको छ । प्रत्यक्षतर्फ दुई प्रतिनिधिसभा रहेको जिल्लामा एमाले र राप्रपाले एक/एक स्थानमा जितेको छ । प्रदेशसभामा माओवादी केन्द्रले दुई स्थानमा बाजी मार्दा एमाले र कांग्रेस एक–एक स्थानमा जितेको छ ।
प्रदेश सभा तर्फकाे सममानुपातिक मत गणना भइरहेकाे छ । शनिबार आज साझसम्म प्रदेश सभानुपातिककाे समेत मत नतिजा सार्वजनिक भइसक्ने बताइएकाे छ ।
मकवानपुर । गत बैशाख ३० मा सम्पन्न स्थानीय तह सदस्य निर्वाचनकाे मतका आधारमा पहिलो भएको मकवानपुर काँग्रेस आम निर्वाचनसम्म आईपुग्दा उस्ले प्राप्त गरेकाे मत संख्याकाे आधारमा चौथो भएको छ ।
६ महिनाको अन्तरालमा मकवानपुर कांग्रेस कसरी यतिधेरै खुम्चियो ? यसमा कारण दुई कारण छन्, पहिलो मकवानपुर कांग्रेस पार्टी भित्र नै रहेको अन्तरद्वन्द्व, दोस्रो गठबन्धनभित्रको असन्तुष्टि । गत स्थानीय तहको निर्वाचनमा जस्तै गत मंसिर ४ मा भएको आम निर्वाचन २०७९ मा बाम लोकतान्त्रिक गठबन्धन थियो तर, उबेला पहिलो शक्ति बनेको कांग्रेस अहिले चौथो बन्यो ।
नेपाली कांग्रेस मकवानपुरको राजनीतिमा आम निर्वाचनले उथलपुथल ल्याईदियो । पार्टीलाई अन्तरघात गर्नेहरूलाई कुनै पनि हालमा ‘नछोड्न’ कार्यकर्ताहरू दबाब दिइरहेका छन् । गत बैशाखमा सम्पन्न स्थानीय तहको निर्वाचनमा सबैभन्दा धेरै जनप्रतिनिधि जितेर पहिलो स्थानमा पुगेको कांग्रेस ६ महिनाको अन्तरालमा एक मात्र सिट जितेर चौथो स्थानमा पुगेको हो । मकवानपुरमा रहेको १० स्थानीय तहमध्ये ५ वटा स्थानीय तहमा अध्यक्ष, जितेर जिल्लामा प्रथम भएको मकवानपुर कांग्रेस प्रतिनिधि तथा प्रदेशसभा निर्वाचनसम्म आईपुग्दा चौथो बरियतामा पुगेपछि यतिबेला नेतृत्वलाई कार्यकर्ताले धोका दिनेलाई कारवाही गर्न दबाब दिइरहेका छन् ।
आम निर्वाचनमा नेकपा एमाले एक प्रतिनिधिसभा तथा एक प्रदेशसभा सहित प्रथम स्थानमा रहँदा नेकपा माओवादी केन्द्र दुईवटा प्रदेशसभा सहित दोस्रो, राष्ट्रिय प्रजातन्त्र पार्टी (राप्रपा) एक प्रतिनिधिसभा सहित तेस्रो हुँदा नेपाली कांग्रेस एउटा प्रदेशसभामा मात्र खुम्चियो ।
गठवन्धनबाट नेपाली कांग्रेसले एक प्रतिनिधिसभा सहित दुईवटा प्रदेशसभामा उम्मेदवारी दिएको थियो । तर कांग्रेसबाट प्रतिनिधिसभा क्षेत्र नंबर १ की उम्मेदवार महालक्ष्मी उपाध्यय डिना र १ को ‘१’ बाट प्रदेशसभा सदस्यको उम्मदवार बनेका आनन्दराम पराजुली पराजित बने । कांग्रेसको तर्फबाट क्षेत्र नंबर २ को ‘२’बाट इन्द्रबहादुर बानीयाँमात्र विजयी बने ।
एमालेबाट प्रतिनिधिसभा क्षेत्र नंबर २ मा महेश बर्तौला विजयी बन्दा क्षेत्र नंबर १ को ‘१’मा एकालाल श्रेष्ठ विजयी बने । माओवादी केन्द्रबाट मकवानपुरको क्षेत्र नंबर १ को ‘१’ र २ को ‘१’ मा क्रमशः प्रेमबहादुर पुलामी तथा कुमारी मोक्तान विजयी बने ।
गठबन्धनको बलमा गत स्थानीय तहको निर्वाचनमा पहिलो भएको मकवानपुर कांग्रेसले हार्नुको कारण खोजि गर्ने बताएको छ । नेपाली कांग्रेसकी सह–महामन्त्री महालक्ष्मी उपाध्यय ‘डिना’ गठवन्धनको पक्षमा जनलहर रहेको अवस्थामा पनि अप्रत्यासित हार भएको भन्दै हारको बारे समिक्षा गरिने डिना बताउँछिन् । चुनावी नतिजा सार्वजनिक भए लगत्तै मकवानपुर कांग्रेसले हार्ने समूह र जित्ने समूहले छुट्टाछुट्टै पत्रकार सम्मेलन गरे । यसले पनि मकवानपुर कांग्रेस भित्रको अन्तरद्वन्द्व छर्लङ्ग पारेको छ । अहिले कांग्रेसको एउटा पक्ष हारको समिक्षा गरिरहेको छ भने, अर्को पक्ष जितको उल्लास मनाइरहेको छ ।
नेता मिनेन्द्र रिजाल प्यानल निकट डिना र पराजुलीलाई हराउन कांग्रेसकै अर्को धारको कार्यकर्ता परिचालन गरिएको आरोप लगाईएको छ । जसमा कांग्रेस जिल्ला सभापति बुद्ध लामाको समेत नाम मुछिएको छ । जिल्ला सभापति लामा, प्रदेश सभा सदस्यमा नवनिर्वाचित इन्द्रबहादुर बानियाँ, शेरबहादुर देउबा प्यानलका हुन् । कांग्रेस बागमती प्रदेश सभापति समेत रहेका बानियाँले चुनावअघि गठबन्धनको समर्थन गर्ने निर्देशन गर्दै यो चुनावमा धोका दिनेलाई कुनैपनी हालतमा ‘नछाड्ने’ बताउंदै आएका थिए । तर जब आफूलाई जनमत प्राप्त भयो,र आफ्नो पार्टीको अर्को समूह पराजित भयो,अहिले उनको बक्तब्य फेरिएको छ ।
जितपछी आयोजित पत्रकार सम्मेलनमा नेपाली कांग्रेसका बागमती प्रदेश सभापति तथा मकवानपुर क्षेत्र नंबर २ को प्रदेशसभा ‘२’ का नवनिर्वाचित प्रदेशसभा सदस्य इन्द्रबहादुर बानीयाँले कांग्रेसले मकवानपुरको प्रतिनिधिसभा तथा प्रदेशसभा गुमाउनुको कारण गएको स्थानीय तहमा राप्रपाका दिपक बहादुर सिंहलाई दिईएको अनावश्यक राजनीतिक ‘स्पेस’ रेहेको बताए ।
बानीयाँले हिजो (स्थानीय तह निर्वाचनमा) कांग्रेस, माओवादी सहितका पार्टीका नेताहरुले सिंहलाई हेटौँडामा स्थान दिएको र सोहि स्थानको जगमा रहेर सिंहले अहिले जित हाँसिल गरेको बताए । “चुनावमा पराजय भोगेपछि आरोप प्रत्यारोपमा लाग्नु भन्दा आफूले गरेको कमजोरी सम्झेर ‘मम’ भन्दै बस्नुपर्छ” उनले भने । “चुनाव जितेपछि आफ्नो मेहनतको कारण भन्ने अनि हारेपछि अरुलाई आरोप प्रत्यारोप लगाईने काम गलत हो” बानियाँले भने “मकवानपुरमा गठवन्धनको मत सुरक्षित छ ।”
यता हार्ने समूहले हेटौंडामा छुट्टै पत्रकार सम्मेलन गरेर हारको समिक्षा गर्ने बताएको छ । पत्रकार सम्मेलनमा कांग्रेस सहमहामन्त्री समेत रहेकी डिनाले पार्टी भित्र भएका आन्तरिक त्रुटी र असन्तुष्टिको कारण हार भएको बताइन् । “कारबाहीको लागि कार्यकर्ताको दबाब स्वाभाविक हो, हामी समिक्षा गर्छौ र प्रमाण भेटिएपछि बोल्छौ” उनले भनिन् । यो तरिकाले कांग्रेस नरहने उनले प्रतिक्रिया दिइन ।
मकवानपुर–१ मा गठवन्धनको मतान्तर प्रतिस्पर्धीहरुको भन्दा १० औँ हजार बढि रहेको अवस्थामा हार बेहोरेपछि पत्रकार सम्मेलनको आयोजना गरि डिनाले हारको गम्भिर समिक्षा गरिने बताईन् । पार्टीको हारबारे समिक्षा सहित प्रमाण फेला परेको अवस्थामा कारबाही पनि गरिने उनले बताईन् ।
प्रदेशमा पहिलो हुंदा पनि कांग्रेसलाई तनाव
यता आम निर्वाचन २०७९ को हालसम्म सार्वजनिक अन्तिम नतिजामा नेपाली कांग्रेस बागमती प्रदेशमा पहिलो स्थानमा छ। सत्ता गठबन्धनमा कांग्रेस पहिलो स्थान हुंदा,अन्य दल भने पछि परेका छ । यो नतिजाले गठबन्धनमा सहभागी दलहरू कांग्रेसको भूमिकाप्रती असन्तुष्ट बनेका छन् । कांग्रेसमाथी गठबन्धनका दलहरूले शंका गर्न थालेका छन् । यसले हालको सत्ता गठबन्धनलाई धक्का दिनसक्ने विश्लेषण गर्न थालिएको छ ।
बागमती प्रद्रेशमा हालसम्मको नतिजा अनुसार कांग्रेस २३ सिट सहित पहिलो स्थानमा छ । माओवादी केन्द्र १३ सिट सहित दोस्रो र नेकपा एमाले १० सिट सहित तेस्रोमा छ भने गठबन्धनको साझेदार अर्को पार्टी एकीकृत समाजवादी ४ सिट सिट सहित पांचौ स्थानमा छ । ५ सिट सहित चौथो स्थानमा रहेको राष्ट्रिय प्रजातन्त्र पार्टीलाई कांग्रेसको समर्थन रहेको आशंका गरिएको छ ।
मकवानपुर । मकवानपुर क्षेत्र २ प्रदेश सभा २ बाट निर्वाचित ईन्द्रबहादुर बानियाले जीत घाेषणा पछी विजय जुलुस निकालेनन् । मकवानपुरबाट निर्वाचित प्रतिनिधि सभा सदस्य २ जना तथा प्रदेशसभा सदस्य ३ जनाले जीतकाे घाेषणा पछि विजयी जुलुस निकाले पनि नेपाली काँग्रेस प्रदेश सभापति बानियाले भने पत्रकार सम्मेलन आयाेजना गरे ।
विजय पश्चात विहीबार हेटौंडामा पत्रकार सम्मेलन गर्दै नेता बानियाँले भने न्यायमुखी, सेवामुखी र जनतामुखी भएर काम गर्नाले जीत हासिल भएकाे बताए । सत्ता गठबन्धनप्रति सम्मान व्यक्त गर्दै बानियाले आस्था र विश्वासगरी मतदान गरेका जनताप्रति आफू पाँच वर्ष सेवामै तल्लीन हुने बताए ।
बानियाँ निर्वाचित भएकाे क्षेत्र राक्सिराङ्ग कैलाश र मनहरी गाउँपालिका चेपाङ जातीकाे बसाेबास बाहुल्य क्षेत्र रहेकाे छ । उनले ती समूदाय प्रति लक्षित गर्दै भने ‘चेपाङ समुदाय भगवान हुन घरदैलोमा नपुग्दा पनि आफूलाई मतदान गर्नुभएकाेले विजयी भएको छु ।’ जब सम्म जनताको सेवा गरी जनताको काम गर्दै जनतामा खुसी ल्याउँछु जनताको काममा सफलतामा पुग्छु अनी मात्रै आफूले विजयी जुलुस निकाल्ने उनले बताए ।
कांग्रेसकै उम्मेदवार किन पारिजत भए भन्ने सञ्चारकर्मीको प्रश्नमा नेता बानियाँले भने ‘जनताले व्यवस्था फेर्न सक्छन्, मन परिवर्तन गर्न सक्छन्, जनता मनको परिवर्तनको बहाक हुन् ।’ उनले गठबन्धन हुँदा पनि सिद्धान्त फरक हुने भएकाेले त्यसलाई व्यवस्थापन गर्न नसक्नु हाम्रो कमजोरी रहेको समेत बताए ।
लोकतान्त्रिक प्रतिस्पर्धामा उत्रिनु भएका प्रतिस्पर्धीलाई उनले धन्यवाद दिएका छन् । नेता बानियाँले आफू प्रदेशको सभापति भएको नाताले प्रदेशका केही स्थानहरुमा गठबन्धनका उम्मेदवारहरु पराजित हुनुमा हाम्रो गठबन्धनको कमजोरी रहेको समेत स्वीकार गरेका छन् ।
पत्रकार सम्मेलनमा उनले प्रदेशभित्र ३५ सय पर्ने गरि स्वास्थ्य विमा कार्यक्रम, आर्थिक कमजोरीहरुको लागि १० हजार घर निर्माण, १२ सम्म गरिब, जेहेन्दार विद्यार्थीलाई निशुल्क पठाउने, प्रदेश राजधानी हेटौंडामा एयरपोर्ट बनाउने, जनताप्रति सेवाभावका साथ काम गर्ने लगायत प्रतिवद्धता समेत गरेका छन् ।
बाँनिया बाहेक काँग्रेसका कसैले पनि मकवानपुरमा जीत हासिल गर्न सकेका छैनन् । बामपन्थीहरुकाे गढ मानिएकाे मकवानपुरमा काँग्रेसकाे विउ राेपेका बानियाकाे याे तेस्राे जीत हाे । उनले २०७० सालकाे संविधान सभामा मकवानपुर क्षेत्र नम्बर १ बाट प्रतिनिधित्व गरेका थिए । २०७४ सालकाे प्रतिनिधि सभा तथा प्रदेश सभा निर्वाचनमा मकवानपुर २ काे २ बाटै निर्वाचित उनी मुख्यमन्त्रीकाे दाबेदार समेत बनेका थिए । सत्तागठबन्धन कायम रहे र बागमती प्रदेश सभामा गठबन्धनकाे सरकार बन्ने निश्चित भए उनलाई मुख्यमन्त्रीकाे दाबेदारकाे रुपमा हेरिएकाे छ ।