सौराहा (चितवन) । तथ्य तथ्याङ्कमा आधारित पत्रकारितामार्फत यसकाे विश्वासनियता वृद्धि हुने भएकाेले यसतर्फ चासाे दिन थालिएकाे छ ।
बागमती प्रदेश सरकार अन्तरगत रहेकाे सञ्चार रजिष्ट्रार कार्यालयले यसबारे पत्रकारहरुकाे क्षमता अभिवृद्धिकाे लागि पटकथा लेखन कार्याशाला तथा तथ्यांकमा आधारित ५ दिने तालिमकाे आयाेजना गरेकाे छ ।
प्रदेशकाे चितवन जिल्लाकाे साैराहामा आयाेजना गरिएकाे तालिममा बागमती प्रदेशका आन्तरिक मामिला तथा कानून मन्त्री गंगा नारायण श्रेष्ठले तथ्य तथ्याङ्कमा आधारित पत्रकारिता विश्वासकाे आधार भएकाे बताएका छन् । जवाफदेहि र जिम्मेवारिता बढाउन तथ्य तथ्याङ्कमा आधारित पत्रकारिता अनिवार्य भएकाे उनले बताए । तालिमको उद्घाटन कार्यक्रममा मन्त्री श्रेष्ठले ‘फास्टफूड पत्रकारिताको सट्टा डेटाबेस’ पत्रकारिता गर्न सुझाब दिए ।
‘नेताहरु उडन्ते भाषण गर्छन्, पत्रकार त्यसलाई निबन्ध बनाउने प्रवृत्ति बढेको छ, तथ्य तथ्याङ्कका आधारमा जवाफदेही र जिम्मेवार पत्रकारीता गर्नुहोस्’ उनले भने । मन्त्री श्रेष्ठले भाषा संस्कृति आर्थिक सामाजिक जीवनलाई समेटेर वृत्त चित्र निर्माण गर्न कार्यविधि नै बनाएर बागमती प्रदेश सरकार अघि बढेको बताए।
सिनेमा क्षेत्रमा दर्शकलाई जबर्जस्ति सिनेमा हेर भन्ने जस्तो अवस्था रहेको बताउँदै दर्शकको चाहनालाई सम्बाेधन गर्ने सिनेमाकाे खाँचाे भएकाे उनले बताए । बागमती प्रदेशले नेपाल भाषा र तामाङ भाषालाई सरकारी कामकाजको भाषाका रुपमा अघि सारेको बताउँदै मातृभाषालाई प्राथमिकता दिन आग्रह गरे ।
कार्यक्रममा बागमती प्रदेशका सञ्चार रजिष्ट्रार रेवती सापकोटाले प्रविधिको विकाससँगै आफूलाई रुपान्त्तरण गर्नु जरुरी रहेकाे बताए । पत्रकारकाे क्षमतामा विकास गराउँन मोबाइल, अनलाइन, डेटाबेस पत्रकारितामा कार्यालयले पहल बढाएकाे उनले बताए । ‘ब्रेनमा गरेको लगानी खेर जादैन’ उनले भने ।
तालिममा सहभागीहरुले सिनेमाकाे लागि पटकथा स्कृप्ट लेखनकाे अभ्यास गर्नेछन् । उत्कृष्ट पटकथालाई प्रोत्साहन स्वरुप एकलाख बीउ पुँजी प्रदान गरिने छ । तालिममा दुवै विधाका गरी बागमती प्रदेशका ४२ जना कृयाशिल पत्रकारहरु सहभागी छन् ।
काठमाडौ । खोटाङको दिक्तेल रुपाकोट मझुवागढी नगरपालिकाले मुन्दुम अन्तर्राष्ट्रिय चित्रकला प्रदर्शनी २०८०’ आयोजना गर्ने भएको छ ।
नगरपालिकाले ‘नगरको शान दिक्तेलको स्वाभीमान, मुन्दुम अन्तर्राष्ट्रिय चित्रकता संस्कृतिको सम्मान’ भन्ने मूल नाराका साथ ‘मुन्दुम अन्तर्राष्ट्रिय चित्रकला प्रदर्शनी २०८०’ आयोजना गर्ने भएको छ ।
नेपाल कला परिषद (नेपाल आर्ट काउन्सिल) बबरमहल काठमाडौँमा आगामी फागुन ५ गतेदेखि १७ गतेसम्म आयोजना गरिने चित्रकला प्रदर्शनीको राष्ट्रपति रामचन्द्र पौडेलले उद्घाटन गर्ने दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराईले बताए ।
प्रदर्शनीमा ५० देशका चित्रकारले बनाएका १ सय ७० भन्दा बढी चित्रहरु राखिनेछन् । जसमा दिक्तेल रुपाकोट मझुवागढी नगरपालिका लगायत खोटाङ जिल्लाका समग्र सांस्कृतिक, धार्मिक र पर्यटकीय क्षेत्र भल्किने आयोजकको विश्वास रहेको छ ।
गत असोज १७ देखि २१ गते १९ जना विदेशी र २४ जना स्वदेशी गरी ४३ जना चित्रकारको सहभागितामा जिल्लाका विभिन्न क्षेत्रको अवलोकन भ्रमण गराई स्थानीयस्तरका सांस्कृतिक, धार्मिक र पर्यटकीय क्षेत्रको प्रचारप्रसारका लागि १ सय ९ वटा जिवन्त चित्रहरु (लाइभ) समेत कोरिएको थियो ।
प्रदर्शनीको अवसरमा राई, नेवार, गुरुङ, क्षेत्री बाहुन लगायत जातजातिका सांस्कृतिक झाँकीसमेत प्रदर्शन गरिने नगरप्रमुख भट्टराईले बताए । प्रदर्शनीको अवधिमा पूर्वप्रधानमन्त्री, विभिन्न राजनीतिक दलका नेता, कुटनीतिक नियोगका अधिकारी, उद्योगी–व्यवसायी, लेखक लगायत विशिष्ट व्यक्तिहरुको उपस्थिति रहने उनले जानकारी दिए ।
मकवानपुर । छैठौंं संस्करणको बागमती गोल्डकप फुटबल प्रतियोगिता अन्तर्गत न्युरोड टिम (एनआरटी) सेमिफाइनलमा प्रवेश गरेको छ ।
मकवानपुरको बागमती गाउँपालिकाको जनता माविको खेल मैदानमा जारी खेलको पहिलो क्वाटरफाइनल खेलमा सिमराको नव जनजागृती युवा क्लबलाई १–० गोलले हराउँदै एनआरटी सेमिफाइनलमा प्रवेश गरेको हो ।
एनआरटीको जीतमा मोहित गुरुङले निर्णायक गोल गरे ।उनले खेलको पहिलो हाफको ३१ औं मिनेटमा फ्रिकिकमार्फत उत्कृष्ट गोल गरेका हुन् । खेलको म्यान अफ द म्याच गुरुङ घोषित भए । उनले १० हजार रुपैयाँ प्राप्त गरे । प्रतियोगितामा पहिलो पटक सहभागि जनाएको एनआरटी पहिलो प्रयासमै सेमिफाइनलमा प्रवेश गरेको हो ।
सेमिफाइनल प्रवेश गरेको एनआरटीले अब फाइनल प्रवेशका लागि ए डिभिजन क्बल जावलाखेल युथ क्लब र मछिन्द्र फुटबल क्लबबीचको विजेतासँग प्रतिस्पर्धा गर्नेछ । प्रतियोगिता अन्तर्गत दोस्रो क्वाटरफाइनल खेलमा शुक्रबार विभागीय टोली सशस्त्र प्रहरी बलको एपीएफ क्लब र चर्च ब्वाइज युनाइटेडसँग प्रतिस्पर्धा हुनेछ । विजयी टिमले सेमिफाइनलमा स्थान बनाउनेछन् ।
प्रतियोगिताको फाइनल खेल फाल्गुन १० गते हुनेछ । प्रतियोगिताको विजेता टोलीले १० लाख रुपैयाँसहित शिल्ड, मेडल तथा प्रमाणपत्र प्राप्त गर्नेछन् भने उपविजेता टिमले ५ लाख रुपैयाँ प्राप्त गर्नेछन् । यस्तै सर्वोत्कृष्ट खेलाडीले १ लाख १ हजार रुपैयाँ र अन्य विधागत उत्कृष्टले २५–२५ हजार रुपैयाँ प्राप्त गर्नेछन् ।
प्रतियोगितामा ७ वटा ए डिभिजन र तिन वटा मोफसलका गरी १० टिमको सहभागिता जनाएको बागमती गाउँपालिका खेलकुद विकास समितिले जनाएको छ ।
जावलाखेल युथ क्लव ललितपुर, बागमती युथ क्लब सर्लाही, मच्छिन्द्र फुटबल क्लब काठमाडौं, नव जन जागृती क्लव सिमरा बारा, एनआरटी फुटबल क्लव काठमाडौं, नेपाल आर्मीको त्रिभुवन क्लब काठमाडौं, हिमालयन शेर्पा क्लब काठमाडौं, आयोजक बागमती खेलकुद विकास समिति, शसस्त्र प्रहरीको एपिएफ फुटबल क्लब काठमाडौं, चर्च ब्वाईज युनाईटेड क्लव काठमाडौंको सहभागिता रहेको छ । पाँचौं संस्करणको उपाधीको विजेता भुट्निज युथ स्पोर्ट्स क्लवले भने यो प्रतियोगितामा सहभागिता जनाएको छैन ।
आयोजक बागमतीसँग शेर्पा पराजित
Tags: No Comments
मकवानपुर । मकवानपुरकाे बागमती गाउँपालिकामा जारी छैठौं बागमती गोल्डकप राष्ट्रिय फुटबल प्रतियोगिताकाे दोस्राे खेलमा आयोजक बागमती खेलकुद विकास समिति विजयी भएको छ । हिमालय शेर्पालाई ट्राइबेकरमा ५–४ गाेल अन्तरले हराउदै बागमती विजयी भएकाे हाे ।
प्रतियाेगिताकाे दोस्राे दिनकाे खेलकाे निर्धारित समयमा बराबरी भएपछि खेल ट्राइबेकरमा धकेलिएकाे थियाे । खेलकाे पहिलाे हाफमा कुनै पनि गोल हुन सकेन । दोस्राे हाफकाे सुरुवाती मिनेटमा बागमतीका लतिल चौलागाईले गोल गर्दै अग्रता कायम गरेकाे थियाे । दोस्राे हाफकाे अतिरिक्त समयकाे ९२ औं मिनेटमा शेर्पाले प्राप्त गरेका पेनाल्टीलाई सुदीप श्रेष्ठले गोल गर्दै खेलमा बराबरीमा ल्याएका थिए ।
ट्राइबेकरमा हिमालयन शेर्पाकाे तर्फबाट दिवस उराउ, सत्यम शर्मा, धिरज र फाकुलेनेले गोल गर्दा सुदिप श्रेष्ठकाे प्रहार बागमीतका गोल रक्षक पवन आले मगरले बचाएका थिए । यस्तै बागमतीका लागि लतिल चौलागाई, प्रितम स्याङ्गबो, सामेल सुनार, रोशन दोङ्ग र अमर पाख्रिनकाे प्रहार गोलमा परिणत भएकाे थियाे ।
बागमती खेलकुद विकास समितिकाे आयोजनामा भएकाे प्रतियाेगितामा आजकाे खेलका म्यान अफ द म्याच बागमतीका ललित चौलागाईं भए । उनले नगर १० हजार प्राप्त गरे । बागमती गाउँपालिका फापरबारी स्थित जनता माविको खेल मैदानमा भइरहेकाे प्रतियाेगिता अन्तर्गत विहीबार न्युरोड टिम (एनआरटी) र नव जन जागृती क्लव सिमरा बारा बीच खेल हुनेछ । फागुन १० गतेसम्म संचालन हुने प्रतियोगिताको विजेता टिमले नगद १० लाख रुपैंया तथा उपविजेताले नगद ५ लाख रुपैंया प्राप्त गर्ने आयोजकले जनाएको छ ।
प्रतियोगितामा ७ वटा ए डिभिजन र तिन वटा मोफसलका गरी १० टिमको सहभागिता जनाएको बागमती गाउँपालिका खेलकुद विकास समितिले जनाएकाे छ । जावलाखेल युथ क्लव ललितपुर, बागमती युथ क्लब सर्लाही, मच्छिन्द्र फुटबल क्लब काठमाडौं, नव जन जागृती क्लव सिमरा बारा, एनआरटी फुटबल क्लव काठमाडौं, नेपाल आर्मीकाे त्रिभुवन क्लब काठमाडाैं, हिमालयन शेर्पा क्लब काठमाडाैं, आयोजक बागमती खेलकुद विकास समिति, शसस्त्र प्रहरीकाे एपिएफ फुटबल क्लब काठमाडाैं, चर्च ब्वाईज युनाईटेड क्लव काठमाडौंकाे सहभागिता रहेकाे छ । पाचौं संस्करणको उपाधीकाे विजेता भुट्निज युथ स्पोर्ट्स क्लवले भने याे प्रतियाेगितामा सहभागिता जनाएको छैन ।
मकवानपुर । मकवानपुरकाे हेटाैंडामा रहेकाे ब्रह्मकुमारी राजयोग सेवा केन्द्रले एकै पटक ६ जना न्यायधीशहरु र रजिष्ट्रारलाई सम्मानित गरेकाे छ ।
सरस्वती पूजाकाे अवसरमा उच्च अदालत पाटन हेटाैंडा इजलाशमा कार्यरत मुख्य न्यायधीश यमुना भट्टराइ सहित ६ न्यायधीश र रजिष्ट्रारलाई केन्द्रले सम्मानित गरेकाे हाे । केन्द्रले न्यायधीशहरु शान्ता सेडाई, सकुन्तला घिमिरे, मिना गाैतम, निर्मला शाक्य, सानुमैया डङ्गाेल र रजिष्ट्रार राम पियारी सुनुवारलाई सम्मानित गरेकाे हाे ।
स्वागत तथा सम्मान कार्यक्रमसँगै बरिष्ठ राजयाेग प्रशिक्षक राजु घलेले जीवनपयाेगी शिक्षाकाे बारेमा जानकारी गराएका थिए । ‘नारी शक्ति अघि बढेपछी नै धरती परिवर्तन संभव छ’ राजयाेग घलेले भने ‘हामी कुनै धर्मकाे प्रचार गर्दैनाै आध्यात्मकाे कुरा गर्छाै धर्ममा केही न केही दायरा हुन्छ, आध्यात्ममा त्यो दायरा छैन, केन्द्र सबै उमेर, जात लिङ्गलाई समान शिक्षा दिने थलो हाे’ घलेले भने । धर्मलाई मान्ने तर धर्मले सिकाएको कुरा धारणा नगर्ने गर्दा समाजका द्वन्द्व रहेकाे उनले बताए ।
ब्रह्मकुमारी राजयाेग सेवा केन्द्र नारी शक्तिद्वारा सञ्चालित विश्वको ठूलो संस्था भएकाे उनले बताए । शास्त्रले पनि नारी शक्तिलाई उच्चस्थानमा राखेकाे स्मरण गराउँदै उनले भने ‘जहाँ नारीहरुकाे नेतृत्व हुन्छ त्यहाँकाे संस्कार नै उच्च हुन्छ ।’
कार्यक्रममा उच्च अदालत पाटल हेटाैंडा इजलाशमा कार्यरत मुख्य न्यायधीश यमुना भट्टराइले आध्यात्म पनि जीवनकाे महत्वपूर्ण पाटाे भएकाे बताइन् । मान्छेमा आध्यात्मकाे ज्ञान रह्याे भने आफ्नाे जिम्मेवारीमा इमान्दारीता रहने भट्टराइले बताइन् । ‘सबैमा इमान्दारीता रह्याे भने मान्छेले खराब कर्म नै गर्दैन समाज सहज र सद्भावपूर्ण बन्नेछ’ उनले भनिन् । सबैमा आध्यात्मकाे ज्ञान भयाे भने देश समृद्विकाे बाटाेमा अघि बढ्ने उनले बताइन् ।

अदालतमा नारी शक्तिकाे नेतृत्व रहनुले न्याय सम्पादनमा अपेक्षा बढेकाे उनले बताए । ब्रमकुमारी राजयोग सेवा केन्द्र सयुक्त राष्ट्रसंघमा रेकर्ड भएकाे विश्वको ठूलो आध्यात्मिक संस्था हाे ।
केन्द्रकाे क्षेत्रिय सञ्चालिका शुशिला दिदिकाे अध्यक्षतामा भएकाे कार्यक्रममा मकवानपुर जिल्लाका नापि अधिकारी खेम रानालगायतकाे उपस्थिति प्रशिक्षक मणी सुवेदीले बताए ।