मकवानपुर । मकवानपुरकाे १० वटै पालिका मध्ये सबै भन्दा बढी उजुरी हेटौडा उपमहानगरपालिकाकाे रहेकाे तथ्याङ्कले देखाएकाे छ । चालु आर्थिक वर्षकाे जेठ मसान्तसम्म हेटौडा उपमहानगरपालिकाकाे उजुरी १८५ वटा परेकाे तथ्याङ्क बुधबार एक कार्यक्रममा प्रस्तुत गरिएकाे हाे ।
अख्तियार दुरुपयाेग अनुसन्धान आयोगकाे कार्यालय हेटौडा कार्यालयले भ्रष्ट्राचार नियन्त्रण र सुशासन प्रवर्धन विषयक पालिका स्तरीय अन्तरक्रियामा उक्त तथ्याङ्क प्रस्तुत गरिएकाे हाे । अख्तियार हेटौडा कार्यालयका सिनियर डिभिजनल इन्जिनियर सुरेन्द्र घिमिरे अघिल्लाे आर्थिक वर्षकाे दायित्व सारिएकाे ११३ समेत हेटौंडा उपमहानगरपालिकाकाे उजुरी संख्या २५८ रहेकाे जानकारी दिए ।
हेटौडा उपमहानगरपालिका पछि साेही अवधीमा मकवानपुर गढी गाउँपालिकाकाे ३४ उजुरी परेकाेमा अघिल्लाे आवकाे समेत १९ गरी ५५ वटा उजुरी रहेकाे घिमिरेले बताए । यसैगरी चालु आवकाे जेठ मसान्तसम्म इन्द्र सरोवर र कैलाश गाउँपालिकाकाे ४/४ वटा उजुरी परेकाे छ भने कैलाशकाे अघिल्लाे आवकाे ५ दायित्व सारिएपछि ९ उजुरी रहेकाे छ । तर इन्द्रसरोवरकाे अघिल्लाे आवकाे दायित्व सरेर चालु आवमा एउटा पनि उजुरी आएकाे छैन ।

यस्तै मनहरी गाउँपालिका बकैया गाउँपालिका थाहा नगरपालिका राक्सिराङ्ग भीमफेदी बागमती गाउँपालिकाकाे जेठ मसान्तसम्मकाे उजुरी संख्या क्रमशः २७,१४,१४,११,१० र ८ रहेकाे घिमिरेले बताए । उनकाे अनुसार ती पालिकाहरुमा अघिल्लाे आवबाट क्रमशः १०, १२, ५, ११, ५ र ३ उजुरी दायित्व सरेर आएकाे छ ।

यस्तै हेटौडाकाे फर्छ्यौट उजुरी १७९ वटा बाँकी ११९ वटा उजुरी रहेका छन् भने मकवानपुरगढीकाे ३९ वटा फर्छ्याौट हुँदा १४ वटा बाँकी रहेकाे छ । थाहानगरकाे १६ वटा उजुरी फर्छ्यौट भएकाेमा ३ वटा बाँकी, राक्सिराङ्गकाे ११ वटा फर्छ्यौट हुँदा ११ वटै वटा उजुरी फर्छ्यौट बाँकी रहेकाे छ । भीमफेदीकाे ६ वटा फर्छ्यौट हुँदा ९ वटा फर्छ्यौट बाँकी रहेकाे छ । बागमतीकाे ५ वटा फर्छ्यौट भएकाेमा ६ वटा फर्छ्यौट हुन बाँकी रहेकाे छ ।कैलाशकाे ६ वटा उजुरी फर्छ्यौट भएकाेमा ३ वटा फर्छ्यौट हुन बाँकी रहेकाे देखिन्छ । इन्द्रसरोवरकाे ३ वटा उजुरी फर्छ्यौट भएकाेमा १ वटा फर्छ्यौट हुन बाँकी रहेकाे तथ्याङ्क प्रस्तुत गरिएकाे थियाे ।
यसैगरी अख्तियारकाे हेटौडा कार्यालयमा सबै भन्दा बढी बारा जिल्लाकाे उजुरी दर्ता भएकाे छ । बारा जिल्लाकाे चालु आवकाे जेठ मसान्तसम्म ५८७ वटा उजुरी दर्ता भएका छन् । यसैगरी अघिल्लाे आवकाे दायित्व सरेर २०१ आएकाे गरी ७८८ उजुरी बारा जिल्लाकाे देखिन्छ । यस्तै रौतहट उजुरी पर्ने गरेकाे आधारमा दोस्राे जिल्ला रहेकाे छ । रौतहटमा जेठ मसान्तसम्म ४८४ उजुरी दर्ता भएकाे छ । अघिल्लाे आवबाट सरेर आएका १९९ वटा उजुरी समेत गरी रौतहटकाे उजुरी संख्या ६८३ रहेकाे छ ।
यस्तै अख्तियारमा पर्सा जिल्लाकाे ४३४ उजुरी जेठ मसान्तसम्म दर्ता भएका छन् । गत आवकाे दायित्व सरेर आएका १७३ समेत गरी पर्सामा ६०७ उजुरी दर्ता भएका हुन् । मकवानपुर जिल्लाकाे जेठ मसान्तसम्म ३११ उजुरी परेकाे छ । गत आवबाट १८३ उजुरी दायित्व सरेर आएकाे समेत गरी यो संख्या ४९४ रहेकाे छ । चितवनकाे जेठ मसान्तसम्म १८१ उजुरी दर्ता भएकाेमा गत आवबाट १८१ दायित्व सरेर आएकाे छ । यस्तै दोलखाकाे ४० धादिङ्गकाे २३ काभ्रेपलाञ्चोकको २२ नुवाकाेटकाे १७ रसुवाकाे ८ सिन्धुपाल्चाेककाे ५ रामेछापकाे ४ वटा उजुरी अख्तियारकाे हेटौडामा दर्ता भएकाे छ ।
बारा जिल्लाको गत आवकाे समेत गत जेठ मसान्तसम्म ४३६ उजुरी फर्छ्योट भएकाेमा ३५२ वटा उजुरी फर्छ्योट हुन बाँकी रहेकाे छ । रौतहटकाे ३८१ उजुरीकाे फर्छ्यौट हुँदा ३०२ वटा उजुरी फर्छ्यौट हुन बाँकी रहेकाे छ । पर्साकाे ३८२ वटा फर्छ्यौट हुँदा २२५ वटा उजुरी बाँकी रहेकाे तथ्याङ्कले देखाउँछ । जेठ मसान्तसम्म मकवानपुरकाे ३०५ उजुरी फर्छ्यौट हुँदा १८९ उजुरी बाँकी रहेकाे छ ।
यस्तै चितवनकाे १४७ फर्छ्यौट १२१ उजुरी बाँकी, दोलखा २८ फर्छ्यौट १२ उजुरी बाँकी, धादिङ्गकाे १० फर्छ्यौट १३ उजुरी बाँकी, काभ्रेकाे १८ फर्छ्यौट ४ उजुरी बाँकी, नुवाकाेटकाे १६ फर्छ्यौट १ उजुरी बाँकी, रसुवाकाे ७ फर्छ्यौट १ उजुरी बाँकी, सिन्धुपाल्चाेककाे ४ फर्छ्यौट १ उजुरी बाँकी र रामेछापकाे १ फर्छ्यौट ३ उजुरी फर्छ्यौट हुन बाँकी रहेकाे अख्तियार हेटौडाले प्रस्तुत गरेकाे तथ्याङ्कमा उल्लेख छ ।

मकवानपुर । नेकपा एमाले मकवानपुरका अध्यक्ष श्रीधर पोखरेलले राजनीतीमा लागेर समाजमा सकारात्मक परिवर्तन गर्नेहरुका योगदानलाई समाजले सदैब सम्झीरहने बताएका छन् ।
मीनबहादुर थपलिया स्मृती प्रतिष्ठानको १९ औँ स्मृति सभालाई सम्बोधन गर्दै अध्यक्ष पोखरेलले समाजको विकास र समृद्धिका लागि योगदान गर्नेहरु नै समाजमा अमर रहने बताएका हुन् । चुरियामाई गाविसका पुर्व उपाध्यक्ष मिन बहादुर थपलियाको स्मृतिमा गठन गरिएको मीनबहादुर थपलिया स्मृती प्रतिष्ठानले सामाजिक क्षेत्रमा योगदान पुर्याएका ८० बर्ष उमेर माथिका ५ जना बृद्धलाई सम्मान गरेको छ ।
१४ नम्बर वडाको विकासमा योगदान पुर्याएका ऋषिराम घिसीङ, डोलानाथ दुवाडी, प्रेम मोक्तान, देवन्द्रराज उपाध्याय र मान बहादुर लामालाई सम्मान गरिएको हो । कार्यक्रममा एमाले मकवानपुरका अध्यक्ष श्रीधर पोखरेल, १४ नम्बर वडाका अध्यक्ष दिपक खड्का हेटौँडा सिमेन्ट उद्योगका अध्यक्ष नरेन्द्र भण्डारीलगायत १४ नम्बर वडाका राजनीतिक दलका प्रतिनिधी र संघसंस्थाका प्रतिनिधीहरुको सहभागिता थियो ।
पूर्व गाविस उपाध्यक्ष थपलियालाई १९ वर्ष अघि शसस्त्र युद्धका बेला उनको घरमै गोलीहानी हत्या गरिएको प्रतिष्ठानका अध्यक्ष बालकृष्ण अधिकारीले बताए । उनको हत्याको जिम्मेवारी राज्य वा विद्रोही पक्ष कसैले लिएको छैन । थपलियालाई राज्यले सहीद घोषणा गरेको छ ।
मकवानपुर । प्रधानमन्त्री पुष्पकमल दाहाल ‘प्रचण्ड’ले मकवानपुरकाे हेटौंडा उपमहानगरपालिका ११, थानाभर्याङमा नवनिर्मित विद्युत प्रशारण लाइन सवस्टेशनको उद्घाटन गरेका छन् ।
नेपाल प्राधिकरणकाे ४००/२२०/१३२/११ केभी सवस्टेसनको प्रधानमन्त्री प्रचण्डले शुक्रबार उद्घाटन गरेका हुन् ।उद्घाटन कार्यक्रममा प्रधानमन्त्री प्रचण्डले विद्युत व्यापारका लागि हेटौंडा सबस्टेसन ठुलाे हबकाे रुपमा रहकाे बताए । नेपालकाे प्राविधिक क्षमता विकास हुँदै गएकाेले हामीले नकारात्मक साेचलाई परिवर्तन गर्न जरुरी रहेकाे उनले बताए ।
‘नेपालका तीन ठुला सबस्टेसन प्रणालीहरु मेरुदण्ड र व्याक बाेण्डकाे रुपमा रहेका छन्’ प्रधानमन्त्रीले भने ‘देशकाे विकासका लागि उत्पादित विधुत वितरण संजाल अभियानकाे रुपमा अघि बढिरहेकाे छ ।’ हाल करिव ९५ प्रतिशत भूभागमा राष्ट्रिय प्रणालीकाे विद्युत पुग्नु महत्वपूर्ण उपलव्धी भएकाे उनले बताए । एक बर्ष भित्र भरपर्दाे सुरक्षित विद्युत सेवा प्रसारणका लागि कार्य गरिने बताउँदै प्रधानमन्त्रीले प्रचन्डले भने ‘४० मेगावाट विद्युत वंगलादेशमा निर्यात गरिनुका साथेै नेपाल भारत र बंलादेश बिच विद्युत व्यापारमा त्रिपक्षिय सम्झाैतामा हस्ताक्षर हुनेछ ।’
आवश्यक पूर्वाधारकाे अभावमा विद्यतकाे पूर्ण खपत हुन नसकेकाेले खपतकाे क्षमता बढाउनु जरुरी रहेकाे उनले बताए । नेपालमा जलविद्युत विस्तारका लागि थप प्रक्रिया अघि बढेकाे छ तर सबस्टेसन निर्माण कार्यमा स्थानीयले बाधक पैदा गर्ने गरेकाे उनकाे भनाई थियाे । ‘आम नागरिक विद्युत विस्तारमा बाधक नभै साधक बनिदिनु पर्छ’ उनले भने । एक अर्काे प्रसंङ्गमा हेटौंडाकाे बटाे विस्तारका सम्बन्धमा चुनाैति रहेकाेले सरकारले समेत ध्यान दिइरहेकाे उनले बताए ।
देशकै तेस्रो ठूलो उक्त सवस्टेशनको उद्घाटनपछि पूर्वमा इनरुवादेखि पश्चिम नवलपरासीसम्मको विद्युत वितरण प्रणालीको गुणस्तरमा सुधार आउने भएकाे छ । सवस्टेशनले हेटौंडा–ढल्केबर–इनरुवा ४०० केभी प्रसारण लाइन र हेटौंडा–भरतपुर–नवलपरासी २२० केभी प्रसारणलाइनलाई जोड्ने आयोजना प्रमुख शुक्रराज देवकोटाले जानकारी दिए ।
हेटौंडा–भरतपुर–नवलपरासी २२० केभी प्रसारणलाइनको निर्माण कार्य पूरा भइसकेको छ । हेटौंडा सवस्टेसनबाट इनरुवा सवस्टेसनसम्म २८८ किलोमिटर प्रसारणलाइनलाई दुई खण्डमा विभाजन गरी निर्माण सुरुमा ढल्केबर–इनरुवा १५४ किलोमिटरको प्रसारणलाइन निर्माण सम्पन्न भइसकेको छ । यस्तै हेटौंडा–ढल्केबर खण्डको १३४ किलोमिटर प्रसारणलाइन भने निर्माणाधीन रहेको उनले बताए । हेटौंडा–ढल्केबर खण्ड अन्तर्गत हेटौंडा उपमहानगरपालिकाको वडा नम्बर १५, १६ र १७ मा निर्माणको काम केही बाँकी रहेको छ ।
नेपाल बिधुत प्राधिकरण कार्यकारी निर्देशक कुलमान घिसिङको सभाध्यक्षता तथा प्रधानमन्त्री प्रचण्डकाे प्रमुख आतिथ्यतामा भएकाे उद्घाटन कार्यक्रममा उर्जा जलस्रोत तथा सिचाइ मन्त्री तथा नेपाल बिधुत प्राधिकरणका सन्चालक समिती अध्यक्ष शक्ति बहादुर बस्नेत, बागमती प्रदेश मुख्यमन्त्री शालिकराम जमकट्टेल, आन्तरिक मामिला तथा कानुन मन्त्री गङ्ग नारायण श्रेष्ठ, मकवानपुरका संघीय सांसद दिपक कुमार सिंह, महेश बर्तौलालगायतकाे उपस्थिति रहेकाे थियाे ।
मकवानपुर । प्रतिनिधि सभा सांसद महेश कुमार बर्तौलाले हेटौडा सिमेन्ट उद्योग संचालनमा राजनीति गर्न नहुने बताएका छन् ।
बिहीबार उद्योगको निरीक्षण गर्दै बर्तौलाले जिल्लाका सबै राजनीतिक दलका नेतृत्वले उद्योग सञ्चालनका लागि एक भएर प्रयास गर्नुपर्ने बताए ।‘राजनीतिक दलहरु हेटौंडा सिमेन्ट उद्योग संचालनको मुद्दामा एकतावद्ध हुनु पर्छ’ बर्तौलाले भने । ‘उद्योग संचालन र उत्पादनमा राजनीति गर्न हुन्न’ उनले भने ‘उद्योग संचालनका लागि सबैको साझा प्रयत्न जरुरी छ ।’
‘सिमेन्ट उद्योग नियमित सञ्चालन तथा उत्पादन पुरानो मेसिनबाट सम्भव हुदैन’ नेकपा एमालेका प्रमुख सचेतक समेत रहेका बर्तौलाले भने ‘पुरानो मेसिन हटाएर नयाँ मेसिन जडान गरेपछी मात्र उद्योग सञ्चालन गर्न सकिन्छ ।’ उनले उद्योगकाे लागि नयाँ मेसिन खरिद गर्ने फाइल उद्योग मन्त्रालय हुँदै अर्थ मन्त्रालय पुगेको जानकारी दिए ।
उद्योग दीर्घकालीन रुपमा संचालनका लागि नयाँ मोडलमा अघि बढ्नु पर्ने उनकाे भनाई थियाे । उद्योग संचालनको मोडल तयार भइरहेको बताउँदै उनले भने ‘उद्योगमा नयाँ प्रविधि जडान गरी संचालनका लागि लगानी सहितको प्रस्ताव अर्थ मन्त्रालयमा स्वीकृतिको चरणमा रहेको छ ।’ अर्थ मन्त्रालयसँग १ अर्ब १२ करोड रुपैयाँ मागसहित दीर्घकालीन सोंचसहित योजना बनाइएको उनले बताए ।
बर्तौलाले उद्योग संचालनका लागि राज्यले अभिभावकत्व लिएर काम गर्नुपर्ने बताए । ‘तत्कालका लागि उद्योग संचालन गर्न केही रकम राज्यका तर्फबाट लगानी गर्नुपर्छ’ उनले भने । उपलब्धी हुनेगरी उद्योगको विकास र संरक्षणमा काम गर्नुपर्छ’ उनले भने ’उद्योग संचालनका लागि पहल गर्छु ।’ उद्योगमा थप आर्थिक लगानी गर्नुपर्ने परिस्थिति रहेकाले सरकारले त्यसतर्फ ध्यान दिन जरुरी रहेको र उद्योगलाई निरन्तरता संचालन हुने वातावरण निर्माण गर्नुपर्नेमा उनले बताए ।
उद्योग नवनियुक्त अध्यक्ष नरेन्द्र भण्डारीकाे निमन्त्रणामा उद्योग निरीक्षण गर्न बर्तौला उद्योग परिसर पुगेका हुन् ।
मकवानपुर । नेकपा एकीकृत समाजवादीका नेता तथा पुर्वप्रधानमन्त्री झलनाथ खनाल देश विकास समाजवादी अवधारणाले मात्र सम्भव हुने बताएका छन् । पार्टीको हेटौडा उपमहानगरपालिका प्रथम नगर अधिवेशनलाई शनिबार सम्बाेधन गर्दै खनालले यस्तो बताएका हुन् ।
उनले पूँजिवादी तथा अधिपत्य जमाउन खोज्ने दलका कारण देशको अवस्था कमजोर हुनै गएकाे बताए । ‘नेपालकाे कम्युनिष्ट आन्दाेलन नयाँ माेडबाट अघि बढिरहेकाे छ’ उनले भने ‘नेपालकाे जनवादी क्रान्ति अगाडि बढाउने क्रममा कम्युनिष्ट पार्टी अनेकाै वलिदानका बाबजुद यहाँ आइपुगेकाे छ ।’ हामी पूँजिवादी क्रान्ति मार्फत नयाँ साम्राज्यवाद र समाजबादी क्रान्तिकाे युगमा रहेकाे बताउँदै उनले भने ‘अमेरिकाले जति दमन गरेपनि विश्वका सम्पूर्ण नागरिक जागरुक रहेकाेले साम्राज्यवाद विस्तार गर्न सम्भव छैन ।’
पूर्वीय शक्ति र पश्चिमा शक्ति विच टकरावका कारण बालबालिका, महिला, स्वास्थ्यकर्मीलगायतकाे हत्या हुन् २१ औं शताब्दीकाे नरसंहार रहेकाे उनकाे भनाई थियाे । स्वतन्त्रता प्यालेस्टाइनी जनताकाे अधिकार हाे, केही समयमा स्वतन्त्र प्यालेस्टाइन जन्मने उनले बताए । ‘चिनलाई आक्रमण गर्न अमेरिकाकाे नेपाललाई प्रयाेग गर्ने चाहना रहेकाे छ’ खनालले भने ‘अमेरिका नेपालमा एमसीसी मार्फत सैन्य शक्ति निर्माण गरि चिनलाई असफल बनाउने याेजनामा लागेकाे छ ।’
नेपालमा बैचारिक, संगठानत्मक र राजनितिक विचलन पेैदा भएकाे बताउँदै संविधान बनेपछि भएकाे पहिलाे निर्वाचनकाे समयमा रहेकाे नेपाल कम्युनिष्ट पार्टी देशमा शक्तिमा रहेकाे उनकाे भनाई थियाे । खनालले भने ‘अब सबै दलले समाजवादको एजेन्डालाई अघि सार्नुपर्छ ।’ उनले जनताको बहुदलीय जनवाद अन्तर्गतका कार्यक्रमको सान्दर्भिकता सकिएको बताउँदै एमाले पनि समाजवादको एजेन्डामा आउनुपर्ने बताए । औधाेगिकरणकाे कारण राेजगारी पाउने, मुलुकलाई डिजिटलाइजेसन गर्ने, गरिबी घटाउने आशा गरिएकाे नेकपाबाट जनताकाे कुनेै पनि सपना र विश्वास पूरा नभएकाे उनले जिकिर गरे ।
हामी वैचारिक समाजवादी क्रान्तिकाे पथमा अघि वढिरहेका छाैं खनालले बताए । पूँजिवादले मानिसलाई झनझन गरिवी तर्फ लैजादै गरेकाे बताउँदै पूँजिवादी संस्कृतिकाे विकासले समाजमा विकृति पैदा भएकाे उनकाे भनाई थियाे ।