मकवानपुर । मकवानपुरमा न्यायालयका कर्मचारीद्वारा पेन डाउन गरेका छन् । उच्च अदालत पाटन, हेटौंडा इजलास तथा मकवानपुर जिल्ला अदालतमा कार्यरत कर्मचारीद्वारा आइतबार पेन डाउन गरेका हुन् । ललितपुर जिल्ला अदालतमा कार्यरत नायब सुब्बा प्रेमीका तामाङलाई कार्यकक्षमै सेवा प्रवाहको क्रममा कानून व्यवसायीद्वारा गरिएकाे अभद्र व्यवहार एवं कुटपिट गरी घाइते बनाएको कार्यको विराेधमा शनिबार दिउँसो १ः३० बजेसम्म पेन डाउन गरेका छन् ।
नायब सुब्बा प्रेमीका तामाङलाई कार्यकक्षमै सेवा प्रवाहको क्रममा कानून व्यवसायीद्वारा गरिएकाे अभद्र व्यवहार भएकोमा उच्च अदालत पाटन वार एशोसियसन र ललितपुर जिल्ला अदालत बार एशोसियसनबाट प्रकाशित विज्ञप्ति र विज्ञप्तिमा उल्लेखित व्यहाेराबाट पिहित कर्मचारीलाई अझै पिडा एवं पिडकलाई संरक्षण दिने कार्य भएकाेले कानूनी राज्यको नै उपहास भएकोले विराेध स्वरुप पेन डाउन गरिएकाे बताइएकाे छ ।
उच्च अदालत पाटन, हेटौंडा इजलास तथा मकवानपुर जिल्ला अदालतमा कार्यरत कर्मचारीहरुद्वारा शनिबार संयुक्त ऐक्यवद्धता जारी गर्दै पक्राउ गरिएका कानून व्यवसायीलाई हदै सम्मको कानूनी कारवाही गरी आगामी दिनमा यस्तो प्रवृद्धीकाे पुनरावृत्ती नहुने तर्फ सम्बन्धित निकायको ध्यानाकार्षण समेत गराइएकाे छ । पिडित घाइते कर्मचारी तामाङको शीघ्र स्वास्थ्यलाभले कामना गर्दै सर्वोच्च अदालतमा क्रियाशील ट्रेड युनियनहरुबाट जारी प्रेस विज्ञप्ति प्रति पूर्ण ऐकबद्धता प्रकट समेत गरिएकाे छ ।
यस घटनाप्रती सम्बन्धीत निकायहरु संवेदनशिल भएको नपाइएमा यस पछि हुने बिरोध कार्यक्रम प्रती समेत ऐकबद्धता गर्दछौ । उच्च अदालत पाटन, हेटौंडा इजलास तथा मकवानपुर जिल्ला अदालतमा कार्यरत कर्मचारी परिवारले गरेकाे छ ।
यसैबीच आज देशभरका न्यायालयमा कार्यरत कर्मचारीहरु आन्दोलनमा छन् । सर्वोच्च अदालत अन्तर्गतका कर्मचारी संगठनहरुले आह्वान गरे अनुसार न्यायालयका कर्मचारीहरुले आज दिउँसो साढे १ बजेसम्म काम रोक छन् ।
१३ असारमा जिल्ला अदालत ललितपुरकी नासु प्रेमिका तामाङलाई कानुन व्यवसायी अमिर लामिछानेले आक्रमण गरेको भन्दै विरोध स्वरुप न्यायालयका कर्मचारीहरु आन्दोलनमा उत्रिएका हुन् ।
न्यायालयका कर्मचारीहरुले नासु तामाङमाथि हातपात गर्ने लामिछानेलाई कानुन अनुसार कारबाहीको माग गरेका छन् । अधिवक्ता लामिछाने विरुद्ध नासु तामाङले १३ असार मै जिल्ला अदालत ललितपुरमा अदालतको अवहेलनामा कारबाही गर्न माग गर्दै निवेदन दिएकी थिइन् ।

मकवानपुर । हेटौंडा उपमहानगरपालिकाको आगामी आर्थिक बर्ष २०८०/०८१ को नीति तथा कार्यक्रम र बजेट पारित भएको छ । उपमहानगरपालिकाको शनिबार १३ औं नगरसभाको दोस्रो वैठकले आगामी आर्थिक बर्ष कुल २ अर्ब ६८ करोड ६० लाख १० हजार ८ सय रुपैयाँको बजेट पारित गरेको हो।
असार २ गते १३ औं नगरसभाको पहिलाे वैठकमा उममेयर राजेश बानियाँले आगामी आर्थिक बर्ष २०८०/०८१ को नीति तथा कार्यक्रम प्रस्तुत गर्दै कुल २ अर्ब ६० करोड रुपैयाँ बराबरकाे बजेट प्रस्तुत गरेका थिए । प्रदेश सरकारकाे बजेट असार १ गते सार्वजनिक भएकाे तर स्थानीय तहकाे अनुदानकाे रकम प्राप्त नभएकाे अवस्थामा हेटौडाले असार २ गते २ अर्ब ६० कराेड बजेट सभामा प्रस्तुत गरेकाे थियाे ।
प्रदेशबाट प्राप्त अनुदानकाे रकम थप भए पछि नगर सभाकाे पहिलाे बैठकमा पेश भएकाे बजेटकाे आकार ८ कराेड बढेकाे हाे । यसैगरी शनिबारकाे नगरसभाकाे दाेस्राे वैठकले आर्थिक विधेयक २०८०, विनियोजन विधेयक २०८० सर्वसम्मत रुपमा पारित गरेकाे छ ।
नगर सभमा २५ मिटर सडक विस्तार पारित
हेटौँडा उपमहानगर क्षेत्र भएर गएकाे राष्ट्रिय राजमार्गकाे विस्तार २५ मिटर अभियानमा उपमहानगरकाे नगर सभाले सर्वसम्मत निर्णय गरेकाे छ । यससँगै विगत केही बर्ष देखि चर्चामा रहेको २५ मिटर सडक विस्तार अभियानमा स्थानीय सरकारको साथ रहकाे भएकाे छ ।
हेटौँडा उपमहानगरपालिकाकाे क्षेत्र भएर राष्ट्रिय राजमार्ग पूर्वपश्चिम राजमार्ग र त्रिभुवन राजपथले राजधानी तथा अन्य मुख्य शहरलाई जाेडछ । उपमहानगरपालिकाको शनिबार सम्पन्न १३ औं नगरसभाको दोस्रो वैठकले सडक विस्तार कार्य गर्न सर्वसम्मत निर्णय गरेको उपमहानगरका प्रवक्त एवम् हेटौँडा–१ का वडाध्यक्ष सविन न्यौपानेले बताए । उनले सडक विस्तार पछि उत्पन्न हुने समस्या र व्यवसायीहरुको व्यवस्थापन, क्षतिपूर्तिका लागि उपमहानगरले सम्बन्धित निकायलाई पहल र समन्वय गर्ने जानकारी दिए ।
डिभिजन सडक कार्यालयले हेटौंडाले असार १० गते हेटौँडा बजार क्षेत्रमा सडकको २५ मिटर भित्र पर्ने घरटहार र संरचना हटाउन ३५ दिने सूचना राष्ट्रिय दैनिक पत्रिकामा प्रकाशित गरी सकेकाे छ । हेटौडाकाे सडक विस्तार अभियान २०७४ सालमा सुरु भएकोमा अदालतको अन्तरिम आदेशका कारण रोकिएको थियो । यस अघी हेटाैडाकाे सडक विस्तार अभियान राजनैतिक दलहरुले निर्वाचनकाे समयमा प्रयाेग गर्ने गरेका थिए ।
सूर्तीजन्य पदार्थको विक्रीवितरणमा रोक लगाइने
हेटौंडा उपमहानगरपालिकाले सूर्तीजन्य पदार्थको विक्रीवितरणमा रोक लगाउने भएको छ । शनिबारकाे १३ औं नगरसभाको दोस्रो वैठकले आगामी आर्थिक वर्षबाट नगरको सीमाभित्र सूर्तीजन्य पदार्थको विक्रीवितरणमा रोक लगाउने निर्णय गरेको हाे । ‘सूर्तीजन्य पदार्थ विक्रीवितरणमा रोक लगाउने निर्णय भएकाे छ’ उपमहानगरका प्रवक्ता न्यौपानेले भने ‘कार्यविधि निर्माण गरेर निर्णय कार्यान्वयन गर्नेछाै ।’
मकवानपुर । मकवानपुरकाे वंशगाेपाल प्राविधिक विद्यालयका विद्यार्थीहरुले धान दिवसकाे दिन धान राेपेका छन् । मकवानपुरगढी गाउँपालिकाकाे सहयाेगमा उनीहरुले विद्यालयले भाडामा लिएकाे खेतमा धान राेपेका हुन् । धान दिवसकाे दिन गाउँपालिकाकाे कृषी शाखाले विशेष कार्यक्रमकाे संयाेजन गरेकाे थियाे । कार्यक्रममा गाउँपालिका अध्यक्ष दाेर्जे लामालगायत कार्यपालिका सदस्य तथा कमर्चारीहरुकाे समेत उपस्थिति रहेकाे थियाे । हेर्नुहाेस केही तस्बिरहरु ।




तस्बिरहरु सहीखबर डट कम
मकवानपुर । बालबालिकाको संरक्षण गर्ने उद्देश्य देखाएर स्थापित भएका बालगृहहरु कानुन अनुसार नभएको प्रति बागमती प्रदेश सभामुख भुवनकुमार पाठकले आफ्नो ध्यानाकर्षण भएको बताएका छन् ।
संरक्षण गृहहरु कानुन अनुसार नभएकाे र अनुगमन नियमन प्रदेश बल अधिकार प्रदेश समितिले गर्नु पर्ने, तर स्वीकृती दिने काम केन्द्रले दिने गरेकोले यस्तो नियम नै बाझिएको उनले बताए । जसले गर्दा प्रभावकारी नियमन समेत हुन नसकेको उनले बताए । बालबालिकाको संरक्षण उमेर अनुसार फरक फरक तवरले गरिनु पर्नेमा सबै उमेर समूहका बालबालिकाहरुलाई एउटै बालगृहमा राख्दा समेत समस्या हुने सभामुख पाठकले बताए ।
“बालबालिकाहरुको शारिरीक, मानसिक, मनोवैज्ञानिक समग्र पाटो हेरेर संरक्षण गर्नुपर्छ नीतिगत स्पष्टता चाहिन्छ” पाठकले भने, “एकै बालगृहमा सबै उमेर समूहका बालबालिका छन् या के छ भन्ने पनि अनुगमन गर्नुपर्छ ।”
उनले अबको २ वर्षपछि २०८२ मा नेपाललाई बालश्रममुक्त गर्न पनि संभव नभएको बताए । “हामी बढी नै महत्वकांक्षि भयौं, घोषणा गर्नु मात्रै ठूलो उपलब्धी हुदैन” उनले भने “मानसिक स्वास्थ्य समस्या भएका र बन्दीका बाल बालेका संरक्षणमा ध्यान कम भएको छ ।” “बालबालिकाको क्षेत्रमा काम कम भएको, सोत साधानको लगानी कम भएको र निगरानी समेत कम भएको उनले बताए ।
प्रदेश बाल अधिकार समिति, राष्ट्रिय बाल संरक्षण सञ्जाल, नेशनल इन्स्टिच्युट अफ कन्टेपोररी स्टडिज र बाल कल्याण समाज मकवानपुरको सयुक्त अयोजनामा भएको बालसंरक्षण प्रणाली र विशेष संरक्षणको आवश्यकता भएका बालबालिकाको हेरचाह सम्बन्धमा संसदीय छलफल कार्यक्रममा उनले यस्तो बताएका हुन् ।
कार्यक्रममा सामाजिक विकास मन्त्री कुमारी मोक्तानले कानुनमै बाध्यकारी ब्यावस्था नभए सम्म काम नहुने परम्परा बसेको प्रति गुनासो गरिन् । बालबालिकाको सवालमा पनि कानूनै बाध्यकारी भएमा काम हुने नत्र नहुने देखिएको भन्दै यस्तो कार्यको निगरानीमा प्रदेश सरकार प्रतिवद्ध रहेको उनले बताइन् ।
कार्यक्रममा सहभागी प्रदेश संसदहरु समिता खड्की, बिनु रायमाझी पौडेल, कुमारी तामाङ, प्रेमबहादुर पुलामी, माया श्रेष्ठलगायतले बालबालिका संरक्षणको सवाल हर नीतिनियममा जोडिनुपर्ने बताएका थिए । बाल आश्रम खोलेर आफूहरुको जीविका चलाउने प्रति सरकारले निगरानी गर्नु पर्ने उनीहरुको सुझाव थियो ।

कार्यक्रममा बाल कल्याण समाज मकवानपुरका अध्यक्ष प्रकाश खतिवडाले बालबालिका सम्बन्धी संरचना निर्माणमा समेत अधुरो रहेको बताए । स्थनीय तहमा हुनु पर्ने बालमैत्री प्रणालीको सुदृढीकरणको सवाल झनै टिठ लाग्दो रहेको बाल कल्याण समाज मकवानपुरका अध्यक्ष खतिवडाले बताए ।
अधिकारकर्मी मणीराम आचार्यले बालबालिक सम्बन्धी एने २०७५, नियमावली तथा बालबालिकाबारे वर्तमान अवस्थाबारे प्रस्तुती गरेको कार्यक्रममा सामाजिक विकास मन्त्रालय महाशाखा प्रमुख गोपाल कंडेल, हेटौंडा उपमहानगरपालिका महिला बालबालिका महाशाखा प्रमुख विष्णुकुमारी लामिछाने, सिविन बाल हेल्प लाइनका प्रबन्धक झविन्द्र ज्ञवलीलगायतले बालबालिकाको सवालमा हुदैं आएको काममा सुधार आवश्यक भएको बताए । कार्यक्रम अमेरिकी स्टेट डिपार्टमेन्ट र एक्प्याट लग्जेमवर्गको सहयोगमा भएको थियो ।
मकवानपुर । मनहरी गाउँपालिका अध्यक्ष रन्जन कालाखेती गाउँपालिका पालिकाभित्र कुनै पनि पदका कर्मचारी वा अन्यबाट आर्थिक वा कुनै पनि प्रकारको भ्रष्ट्राचार नसहने बताएका छन् ।
“अघिल्लो कार्यसमितिको बेरुजु फस्यौट गर्दा गर्दा हैसान छौ, मेरो कार्यकालमा कहि कसैबाट गैरकानूनी काम भएको थाहा पाएमा उजुरी दिनुस, म छोड्दीन” उनले भने । पत्रकार महासंघ मकवानपुरले मनहरी गाउँपालिकासँगको सहकार्यमा आयोजना गरेको निर्वाचित जनप्रतिनिधि र सञ्चारकर्मीबीच अन्तरक्रिया कार्यक्रममा यस्तो बताएका हुन् ।
अध्यक्ष कालाखेतीले आफूहरु सञ्चारकर्मीहरुसँग सहकार्य र समन्वयमा अघि बढ्ने बताए । उनले राज्यको अभिन्न अंगको रुपमा रहेको सञ्चारजगतलाई स्थानीय सरकारले साथमा लिएर पालिकाका कमीकमजोरी देखाउने र सुधार्दै लैजान पालिका अग्रसर रहने बताए ।
अन्तरक्रियाका क्रममा उठेका सञ्चारकर्मीहरुको सवालहरुको जवाफ दिदैं उनले भने भनेः म यहाँ पालिकामा कमाउन आएको होइन, जनताको काम गर्न आएको हुँ । आफ्नो पालिकालाई सुशासनतर्फ लैजान्छु र भष्ट्राचारविहिन बनाउने प्रतिवद्धता समेत व्यक्त गर्दछु ।”
कार्यक्रममा गाउँपालिकाका प्रमुख प्रशासकीय अधिकृत मोहन कुमार श्रेष्ठले चालु आवमा असार १० गते सम्म गाउँपालिकाबाट सम्पादन भएका विषयगत शाखाहरुको प्रगति विवरण प्रस्तुत गरेका थिए ।
उनले शिक्षा तर्फ विनियोजित बजेट खर्च ८० प्रतिशत भएको भन्दै योजना तर्फ २७४ वटा योजना मध्ये २५५ वटा सम्झौता भइसकेको बताए । पूर्वाधार शाखा तर्फ ठेक्कामा सञ्चालित योजनाहरु कतिपय सम्पन्न भइसकेको बताउँदै श्रेष्ठले भने खानेपानीका कामहरु तीव्रगतिमा भइरहेको बताए ।
वडातहमा हुने स्वास्थ्य ईकाइका भवनहरु निर्माणको अन्तिम चरणमा रहेको उनले बताए । १५ शैयाको मनहरी अस्पताल संघीय सर्शत बजेट छ तर जग्गा प्राप्त नभएकाले कार्य रोकिएको बताए । स्वास्थ्य क्षेत्रमा ओपिडी सेवा विस्तार मनहरी अस्पतालमा गरिएको भन्दै श्रेष्ठले भने गर्भवती, विद्यालय छात्रा, जेष्ठ नागरिक लक्षित स्वास्थ्य कार्यक्रम, आँखा सम्बन्धी कार्यक्रम, सुत्केरी भेटघाट कार्यक्रमहरु गर्दै आइरहेको बताए ।
कार्यक्रममा प्रमुख प्रशासकीय अधिकृत श्रेष्ठले आर्थिक प्रशासनतर्फ गाउँपालिकालाई हालसम्म ८३ प्रतिशत कुल आम्दानी भएको बताए । उनले ८३ करोड ३९ लाख ८६ हजार ३५२ रुपैयाँ आम्दानी भएको बताए । संघीय तर्फ ४३ करोड ६६ लाख २३ हजार ९५६ र प्रदेश तर्फ ९ करोड २८ लाख २१ हजार ९९१ रहनुका साथै आन्तरिक तर्फ ३० करोड ४५ लाख ४० हजार ४०४ रुपैयाँ रहेको बताए । उनले हालसम्म खर्च ५५।९२ प्रतिशत भएको बताएका छन् ।
चालुतर्फ ३१ करोड ९३ लाख ४६ हजार ३६ रुपैयाँ र पुजीँगत तर्फ २४ करोड ३४ लाख ६ट हजार ५१३ रुपैयाँ रहेको श्रेष्ठले बताए । उनले सामाजिक विकास शाखा अन्तरगत भएका विभिन्न बालबालिका तथा महिला लक्षित कार्यक्रमहरुको विवरण समेत प्रस्तुत गरेका थिए ।
कार्यक्रममा वडा नम्बर ३ का वडा अध्यक्ष अनन्त प्रकाश अर्याल, वडा नम्बर ९ का वडा अध्यक्ष राजकुमार श्रेष्ठले आफ्नो वडामा भएका विकास, सुशासन र विभिन्न विषयगत प्रगतिबारे जानकारी गराएका थिए । कार्यक्रममा नेपाल पत्रकार महासंघ बागमती प्रदेश समितिका उपाध्यक्ष रुपेश दुलाल, जिल्ला उपाध्यक्ष ध्रुव अधिकारीले आफ्नो भनाई राखेका थिए ।
कार्यक्रममा महासंघका अध्यक्ष मणिराज गौतमले पत्रकारहरुको हितको लागि सहकार्य गरेकोमा गाउँपालिका प्रति आभार प्रकट गरे ।