मकवानपुर । बागमती प्रदेश सभाकाे बैठक आज बस्दैछ । आज बिहान ११ बजेकाे लागि बाेलाइकाे बैठकमा आर्थिक वर्ष २०८२/८३ को नीति तथा कार्यक्रम माथि छलफल हुने भएकाे छ ।
बागमती प्रदेश प्रमुख दीपकप्रसाद देवकोटाले प्रदेश सरकारकाे आगामी आर्थिक वर्ष २०८२/८३ को नीति तथा कार्यक्रम १४ जेठ बुधबार सार्वजनिक गरेका थिए । प्रदेश सभा सचिवालयका अनुसार आज (१९ जेठ) बस्ने बैठकमा सरकारको नीति तथा कार्यक्रमका लागि पूर्ण छलफल प्रारम्भ हुने जनाइएको छ ।
उक्त नीति तथा कार्यक्रममाथि छलफलका लागि ३ दिनकाे समय ताेकिएकाे सचिवालयले जानकारी दिएकाे छ । छलफल १९, २० र २१ गते हुनेछ ।

