मकवानपुर । व्यवसायिक रुपमा पुशपालन गरिरहेका र व्यावसाय उन्मुख किसानलाई तालिम प्रदान गरिएकाे छ । मकवानपुरकाे बकैया गाउँपालिकामा रहेकाे हात्तिसुँडे दुग्ध उत्पादक सहकारी संस्था लिमिटेडले कृषकहरुकाे लागि ५ दिने तालिम दिएर व्यवसायकाे लागि प्रेरित गरेकाे हाे ।
सफा दुध उत्पादन,व्यवसायिक पशुपाल, घाँस तथा आहार व्यवस्थापन सम्बन्धी तालिममा सहकारीका १२५ जना सदस्य किसानहरु सहभागी थिए ।
किसानहरुलाई सुजल डेरी पाेखराका व्यवस्थापक डा लक्ष्मण ढकालले सफा दुध उत्पादन,व्यवसायिक पशुपाल, घाँस तथा आहार व्यवस्थापनका क्रममा ध्यान दिनुपर्ने बारेमा महत्वपुर्ण जानकारी प्रदान गरेकाे सहकारीका अध्यक्ष ताेयानाथ दाहालले बताए । व्यवसायकाे लागि किसानलाई सिप तथा क्षमता विकासमा तालिम उपयाेगी भएकाे र सिपलाई व्यवहारमा ल्याउनेलाई गाउँपालिकाले समेत सहयाेग गर्ने पालिका अध्यक्ष धर्मराज लामिछानेले बताए ।
सहकारीमा ३५३ जना रहेका छन् । दैनिक २ हजार लिटर दुध संकलन गर्दै आएकाे हात्तिसुँडे सहकारीमा आवद्धहरुले दुधकाे पैसा भुक्तानी नहुँदा भने समस्या भएकाे अध्यक्ष दाहालले बताए ।
विक्री भएकाे दुधकाे भुक्तानी नपाएर आजित भएका किसानलाई राहत दिनकाे लागि गाउँपालिका जमानि बसेर उद्याेग सञ्चालन गर्ने संभावनाकाे खाजि थालिएकाे लामिछानेले बताए ।

