मकवानपुर । नवौं याेग दिवसकाे अवसरमा हेटौंडामा रक्तदान गरिएको छ ।
पतन्जली योग समिति मकवानपुरको आयोजनामा मंगलबार भएको कार्यक्रममा १३ जनाले रक्तदान गरेका थिए । रक्तदानमा ब्लड बैंक हेटौंडाले सहजीकरण गरेको थियो ।
यसैगरी ‘गरौ योग, रहौ निरोग’ भन्ने मुल नाराका साथ नवौ माघ १ गते राष्ट्रिय योग दिवस मनाइएको छ ।
हेटौंडा उपमहानगरपालिका र पतंजलि योग समिति मकवानपुरको आयोजनामा योग दिवसको अवसरमा योग ध्यान प्राणायाम गरिएको थियो । यस्तै सोही अवसरमा तरुल, घ्यू र चाकुका साथ माघे सक्रान्ति समेत मनाइएको थियो ।

