मकवानपुर । मकवानपुर जिल्ला राक्सिराङ गाउंपालिका २ देउरालीमा भीरबाट लडेर एक जनाको मृत्यु भएको छ ।
गाउंपालिका २ को चनौटा निवासी अन्दाजी ५५ को माईला थिङ शनिबार दिउँसो ५ बजे भिरबाट खस्दा मृत्युु भएको प्रहरीले जनाएको छ । आफन्तको बिहेबाट घर फर्कदै थिङ भिरबाट अन्दाजी १५० मिटर तल खसी मृत्यु भएको प्रहरी सहायक निरीक्षक सिताराम सुबेदीले बताए ।
थप अनुसन्धान तथा मुचुल्काको लागी आज आइतबार मकवानपुर मनहरी इलाका प्रहरी घटना स्थल जाने छ । उक्त स्थान प्रहरी चौकी चैनपुर राक्सिराङबाट ३ घण्टा पैदल पुर्व उत्तर पर्छ ।

