मकवानपुर । मकवानपुरगढी गाउँपालिकामा स्वीकृत भन्दा बढी नदीजन्य पदार्थ उत्खनन् गरिएकाे पाइए पछी साे वापत थप राजश्व सकलन हुने भएकाे छ । गाउँपालिकाले नदीजन्य पदार्थ उत्खननबाट थप सवा करोड राजश्व उठाउने भएकाे छ । स्वीकृत १ लाख ३५ हजार घन मिटरमा १ लाख ६३ हजार ८ सय ७४ घन मिटर नदिजन्य पदार्थ उत्खनन भएको थियो । बढी उत्खनन् गरिएको नदीजन्य पदार्थको परिमाण २८ हजार ८ सय ६१ को हाल बिक्रि मुल्य १ करोड २२ लाख १८ हजार ५ सय ९२ रुपैयाँ गाउँपालिकाकाे आम्दानीमा राजश्व थप हुने भएकाे हाे ।
सामरी खोलामा ज्यालादारीका कामदार र स्वयमसेवकको लापरवाहीका कारण नदीजन्य पदार्थ उत्खनन् बढी भएको पुष्टि भएको छ । सोही बढी उठेको नदीजन्य पदार्थ बिक्री गर्दा पालिकाले राजश्व उठाउँदै गरेको गाउँपालिकाका प्रवक्ता भागवत घिमिरेले जानकारी दिए । बढी उत्खनन् गरिएको नदीजन्य पदार्थको परिमाण २८ हजार ८ सय ६१ बाट १ करोड २२ लाख १८ हजार ५ सय ९२ रुपैयाँ गाउपालिकालाई थप राजस्व रकम प्राप्त हुन आएको प्रवक्ता घिमिरेले जानकारी दिए ।
गाउँपालिका कार्यालयले बुधवार पत्रकार सम्मेलन गर्दै ज्यालादारी कर्मचारीको बदमासीले नदीजन्य पदार्थ बढी संकलन भएको जानकारी दिएकाे हाे । सामरी खोलाबाट वर्षातको समयमा खोलाको सतह बढेर वस्तीमा खोला पस्ने जोखिम न्यूनिकरणका लागि गाउँपालिकाले नदीजन्य पदार्थ उत्खनन् गरेको थियो । वस्ती जोगाउनका निम्ति उत्खनन् गरिएको नदीजन्य पदार्थ खोला क्षेत्रमै घाट गद्दी गरेर राखिएको थियो ।
उक्त घाट गद्दी गर्दा ज्यालादारी कर्मचारीले बढी उत्खनन् गरेको र यसलाई सबै राजनीतिक दल, पत्रकारहरुले चासो देखाएपछि गाउँपालिकाले कदम अगाडि बढाएको थियो । गाउँपालिकाका अनुसार नदीजन्य पदार्थ उत्खनन्मा खटिएका ज्यालादारीका कामदार र स्वयंमसेवकले प्रतिटिपको आधारमा गाउँपालिकालाई हिसाब बुझाएको पाइएको छ । हिसाबमा उनीहरुले १ लाख ३५ हजार घनमिटर नदीजन्य पदार्थ रहेको भन्ने प्रतिवेदन दिएको प्रवक्ता घिमिरेले बताए ।
उक्त प्रतिवेदनकै आधारमा नदीजन्य पदार्थ बिक्री गर्दा नेपाली कांग्रेसले नदिजन्य पदार्थ उत्खनन परिमाणमा चित्त नबुझेको भन्दै गाउँपालिकाको ध्यानाकर्षण गराएको घिमिरेले बताए । उत्खनन् गरेर राखिएको नदीजन्य पदार्थ जिल्ला समन्वय समिति र गाउँपालिकाको प्राविधिक टोलीले नापजाँच गर्दा स्वीकृत भन्दा बढी नदीजन्य पदार्थ उत्खनन् गरिएको पत्ता लागेको थियो ।
गाउँपालिकाका प्रवक्ता भागवत घिमिरेले ६ नम्बर वडामै मात्रै घाट गद्दी गरिएको नदीजन्य पदार्थमा बढी उत्खनन् भएको पाइएको जानकारी दिए । उनका अनुसार ६ नम्बर वडा क्षेत्रमा पर्ने खोलामा उत्खनन्का लागि खटिएको ज्यालादारीका कर्मचारीले बढी नदीजन्य पदार्थ उत्खनन् गरिएको पाइएको थियो ।
नदीजन्य पदार्थ उत्खनन्मा ज्यादालारी कामदार र स्वयमसेवकले बढी उत्खनन् गरेको आवाज उठेपछि गाउँपालिकाले तत्काल कदम चालेको पाइएको छ । गाउँपालिकाले सर्वदलीय बैठक बोलाएर सवै दलको निगरानीमा डम्पिङ गरी राखेको बाँध झोलुङगे पुल मुनिको थुप्रोवाट नदिजन्य पदार्थ बिक्रि वितरण गर्ने कार्य गरिएको जनाइएको छ ।
गाउँपालिकावाट जिल्ला विपद् व्यवस्थापन समितिमा पठाइएको थुप्रोका परिमाण थप घटबढ हुनुका कारण तथा नदीजन्य पदार्थमा देखिएको विवाद वारे यथार्थ विवरण गाउँकार्यापलिका पेश गर्नको लागि गाउँकार्यापालिकाको बैठकले गाउँपालिका उपाध्यक्षको संयोजकत्वमा छानविन समिति बनाएको थियो ।
मकवानपुर । मकवानपुर उद्योग वाणिज्य संघको विभिन्न पदहरुमा बुधबार मनोनयन गरिएको छ । संघको विधानमा व्यवस्था भए बमाेजिम विभिन्न पदहरुमा मनोनयन गरिएको संघले जनाएको हो ।
मनाेनयन हुनेहरु रोजगारदाता परिषदको सभापतिमा संघका उपाध्यक्ष उज्वल चौलागाई, बस्तुगत समन्वय समितिको संयोजकमा संघका उपाध्यक्ष राजु अधिकारी, महासचिवमा दिपक उप्रेती, सचिवहरुमा माधव ज्ञवाली, राजाराम कार्की र श्रीकृष्ण कर्माचार्य, सहकोषाध्यक्षमा निलम पाण्डे, महिला उद्यमी विकास समितिको सभापतिमा अंकिता सुमार्गी, बस्तुगत समन्वय समितिको सहसंयोजकमा तेजराज अधिकारी र प्रदिप अर्याल, सल्लाहकारमा उत्तमप्रसाद शर्मा, कानूनी सल्लाहकारमा ईश्वरराज ढकाल र आईटी परामर्शदातामा निरज श्रेष्ठ चयन भएका छन् ।
यसअघि संघको पदाधिकारीमध्ये वरिष्ठ उपाध्यक्षमा अनिल अग्रवाल, कोषाध्यक्षमा सन्तोष कुमार अर्याल, कार्यसमिति सदस्यमा रवि कडेल शर्मा, जगदिश दहाल, विशेष आमन्त्रित सदस्यमा राजेन्द्र लामिछाने र कृष्णराज कोइराला मनोनित भएका थिए ।
संघ सल्लाहकारहरुमा हिरालाल श्रेष्ठ, श्याम सुन्दर ढकाल, अशोक शाक्य, महेन्द्र राउत, नरोत्तम दहाल, सरोज खनाल र अध्यक्ष सल्लाहकारमा विष्णु प्रसाद घिमिरे यसअघि नै चयन भइसकेका छन् ।
मकवानपुर । मातृभूमि वचत तथा ऋण सहकारी संस्था लिमिटेडको ८ औं साधरण सभा भएको छ ।
संस्थाका अध्यक्ष विनोदचन्द्र कोइरालाको सभाध्यक्षता तथा हेटौंडा उपमहानगरपालिकाका आर्थिक विकास महाशाखाका अधिकृत दुर्गाप्रसाद न्यौपानेको प्रमुख आतित्थ्यता साधारणसभा भएकाे हाे ।
कार्यक्रमकामा असल ऋणी उर्मिला गोले र असल वचतकर्ता शिवराम श्रेष्ठलाई सम्मान गरिएको थियो ।
यसैगरी संस्थाका अध्यक्ष विनोदचन्द्र कोइरालाले अध्यक्षको प्रतिवेदन, कोषाध्यक्ष इन्दिरा न्यौपानेले कोषाध्यक्षको प्रतिवेदन, घनस्याम नेपालले लेखा समितिको प्रतिवेदन र रामहरी तिमल्सिनाले ऋण समितिको प्रतिवेदन प्रस्तुत गरेका थिए ।
कार्यक्रममा नेपाली कांग्रेस मकवानपुरका प्रमुख सल्लाहकार माइकल रामचन्द्र अर्याल, हेटौंडा उपमहानगरपालिका वडा नम्बर ६ का वडा अध्यक्ष अर्जुनप्रसाद चौलागाई, वनविज्ञान अध्ययन संस्थानका सहप्राध्यापक कृष्णप्रसाद दहाल लगाएतले मन्तव्य व्यक्त गरेका थिए ।
मकवानपुर । नारायणी बहुउद्देश्यीय सहकारी संस्था लिमिटेडको २५ औ बार्षिक साधारण सभा शनिबार हेटौंडामा भएको छ ।
साधारणसभामा बोल्दै प्रदेश सहकारी बोर्ड कार्यकारी उपाध्यक्ष तथा जिल्ला सहकारी संघ अध्यक्ष नारायण देवकोटाले बहुउद्देश्यीय सहकारीले गर्दै आएको लगानी प्रभावकारी रहेको बताएका छन् । सहकारीको उदाहरणीय कामलाई अझै पारदर्शी बनाउनु पर्ने उनले बताए । सहकारीहरू धेरै हैन व्यवस्थित बनाउन तर्फ कसरत जारी रहेको उनले बताए ।
सहकारीलाई व्यवस्थित गर्न ल्याईएको ऐनमा अझै पनि केही कठिनाइ रहेकोले संशोधन आवश्यक भएको देवकोटाले बताए । प्रदेश सरकारले पनि सहकारीलाई प्रोत्साहन गर्दै विकासको मेरूदण्डको रूपमा स्वीकार गरेको उनले बताए । कार्यक्रममा विशेष अतिथि रहेका हेटौंडा ९ का वडा अध्यक्ष लक्ष्मण भण्डारीले स्थानीय सरकारले गर्ने काममा सहकारीको भूमिका महत्त्वपूर्ण रहेको बताए ।
यसैगरी सहकारीका अध्यक्ष रामहरि न्यौपानेले संस्थाको गतिविधि तथा भाबी कार्ययोजना प्रस्तुत दिएका थिए । अध्यक्ष न्यौपानेले सहकारीले सदस्यमुखी काम गरेको बताए । सहकारीले हेटौंडा सिमेन्ट, रिद्दिसिद्दी सिमेन्ट, शिवम सिमेन्ट र बिश्वकर्मा सिमेन्टको बिक्री गर्दै आएको न्यौपानेले अध्यक्ष बताए ।
सहकारीले वृद्ध शेयर सदस्यलाई मासिक ५ सयका दरले बार्षिक एकमुष्ट ६ हजार प्रदान गर्दै आएको छ । शनिबार भएको साधारणसभामा पनि ४ जना वृद्ध शेयर सदस्यलाई सम्मान सहित रकम हस्तान्तरण गरेको थियो ।
कार्यक्रममा प्रदेश बचत संघ उपाध्यक्ष राधा सिंतान, सहकारी संस्थाका संस्थापक अध्यक्ष भोला शर्मा खरेल,हेटौंडा सिमेन्ट बिक्री बिभाग प्रमुख सीता गिरीलगायतको उपस्थिति रहेको थियो ।
कुल शेयर पुँजी ५ करोड ९ लाख ७४ हजार ५ सय रूपियाँ रहेको सहकारीमा १ हजार ८ सय ३३ जना शेयर सदस्यहरू रहेका छन् । संस्थाको कुल ऋणलगानी २० करोड ३६ लाख २६ हजार ५ सय र जगेडा कोष १ करोड ७० लाख ९९ हजार रहेको सहकारीले जनाएको छ । साधारणसभामा संस्थाका उपाध्यक्ष जंगबहादुर गुरुङले स्वागत गरेका थिए ।
मकवानपुर / जिल्ला बचत तथा ऋण सहकारी संघ लिमिटेड मकवानपुरको १६ औं बार्षिक साधारणसभा हेटौंडामा भएको छ ।
१ सय ४० वटा बचत तथा ऋण सहकारी संस्था आवद्ध संघमा ४ करोड ६ लाख ५५ हजार रुपैयाँ सेयर पुँजी रहेको छ । संघको बचत ६६ करोड ७९ लाख ७८ हजार रुपैयाँ रहेको छ भने ऋण लगानी ३३ करोड ९७ लाख ३० हजार रुपैयाँ रहेको छ ।
संघ अध्यक्ष कल्पना श्रेष्ठको अध्यक्षतामा भएको साधारणसभा प्रदेश सहकारी बोर्डका कार्यकारी उपाध्यक्ष एवम् मकवानपुर जिल्ला सहकारी संघका अध्यक्ष नारायणप्रसाद देवकोटाको प्रमुख आतिथ्य रहेको थियो । साधारणसभाको उद्घाटन समारोहमा संघका संस्थापक अध्यक्ष सुलोचना स्याङ्तान, निवर्तमान अध्यक्ष तथा प्रदेश बचत संघ उपाध्यक्ष राधा सिंतान जिल्ला सहकारी संघ मकवानपुरका पूर्वअध्यक्ष बद्रिप्रसाद लम्सालको पनि आतिथ्य रहेको थियो ।
कार्यक्रममा पुर्व अध्यक्ष लम्सालले सहकारीले सर्वसाधारणको अफ्ट्यारोमा साथ दिने गरेको बताए । ‘जहाँ संकट त्यहा सहकारी छ’ लम्सालले भने ‘त्यसैले सहकारी आपतको साथी हो ।’
कार्यक्रम भिमफेदी गाउँपालिका उपाध्यक्ष पार्वती रानाले सहकारीको अभियानकर्मी समाजमा सकारात्मक परिवर्तन गर्नमा महत्त्वपूर्ण भूमिका निर्वाह गरेको बताइन् । भौगोलिक रूपमा फरक फरक रहेका सहकारीहरूले फरक फरक भूमिका निर्वाह गर्दै आएको रानाले बताइन् । सहकारीको अभियानमा लाग्नेले राजनीति लडाइँ गर्न नहुने उनले बताइन् । पालिका भित्र स्थानीय सरकारले भन्दा राम्रो काम सहकारीले गरेको उनले बताइन् ।
संघमा ४ करोड ६ लाख ५५ हजार शेयर पुँजी तथा ६६ करोड ७९ लाख ७८ हजार बचत रहेको सहकारीको प्रतिवेदनमा उल्लेख छ ।
साधारणसभामा विभिन्न बिधामा उत्कृष्ट सहकारी संस्था तथा व्यक्तिहरूलाई सम्मान तथा पुरस्कृत गरिएको सचिब बिरेन्द्रप्रसाद ढुंगानाले बताए ।
यी हुन् सम्मानित व्यक्ति तथा संस्थाहरू:

