- विष्णु अवस्थी
सिमसिमे पानीले
मधुर तिम्रा यादहरू दिएर जान्छ ।
राप्तिको चिसो हावाले
तिम्रै नामको सुसेलि हालेर जान्छ
तिमीले नचाहदा नचाहदै नि
तिम्रै तस्विर नयनमा लुकेर बस्छ ।
सगसंगै साटेको माया
रातभरि भलाकुसारिमा बिताएका,
प्रेमिल पल सम्झाएर जान्छ ।
कहिले आउँछौ तिमी भनि
मायाका कोशेलिहरूले दसतक दिएर जान्छ
जहाँ केबल तिमी नै तिमी छौ ।
तिम्रो हसिलो मुहार
मेरा घाउहरूमा मलम लगाएर जान्छ
सम्झनाको शिखर चढि मौनता मै भए नि फेरि यो मन बियोगको पिडामा रुवाएर जान्छ ।
अनि,
म आफैलाई केलाएर हेर्छु,
ती फक्रिएका फुलहरू
कहाँ गुलाबी थिए र
जहाँ म प्रेमको बासना खोज्दै हिडे
माया गरेको मान्छे कहाँ मेरो थियो र
जो म हक जमाउदै हिडे
मेरो त मनको भ्रम मात्र थियो त्यो
जहा म आफै भ्रमित मात्र भई रहे
उ नै मेरो सात जुनिभरको माया ।
उ नै मेरो सब थोक ।
ठेगाना : भिमदत्त नगरपालिका – ६ कञ्चनपुर,
हाल हेटौंडा मकवानपुर ।
मकवानपुर । सिस्नुपानी नेपाल मकवानपुरले गाईजात्रा विशेष हास्यव्यङ्ग्य कार्यक्रम गर्ने भएकाे छ । हेटौंडा उपमहानगरपालिका ४ नम्बर वडा कार्यालयकाे प्रवर्धनमा सिस्नुपानी मकवानपुरले उक्त कार्यक्रम ४ भदौमा हेटौंडामा गर्ने भएकाे हाे ।
संस्थाका अध्यक्ष संप्रस पौडेलले समाजमा रहेका बेथिति र विसङ्गतिविरूद्ध साहित्य सिर्जना गर्दै आइरहेको संस्थाले १ दर्जन बढी कलाकारहरूमार्फत् विविध हास्यव्यङ्ग्यात्मक प्रस्तुतिहरू प्रस्तुत गर्ने बताए ।
वडाध्यक्ष नवीन सिग्देलले हास्यव्यङ्ग्य सिर्जनाले कमजोरीहरूलाई सुधार्नका लागि प्रेरणा मिल्ने र जनताको आवाजलाई व्यङ्ग्यका साथसाथै रमाइलो अनि ठट्यौली शैलीमा मुखतरित गर्ने बताए । ‘अघिल्ला वर्ष भएकाे कार्यक्रम उपलब्धी मुलक भएकाेले यो वर्ष समेत निरन्तरता पाएकाे छ’ उनले भने ।
कार्यक्रममा प्यारोडी गायन, व्यङ्ग्य प्रहसन, नाचलगायत विविध हास्यव्यङ्ग्य प्रस्तुतिहरू रहने संस्थाका सचिव सुमार्गी हुमागाईंले बताए ।साहित्यको उन्नयनमा होस्टेमा हैंसे गर्दा समग्र हेटौंडाकै र नेपालको साहित्यमाथि नै लगानी हुने र त्यसले साहित्यिक क्षेत्रमा ठुलो टेवा पुगेको उनले जानकारी दिए ।
४ नम्बर वडाले विगतदेखि नै सिस्नुपानीलगायतका अन्य संस्थाहरूमार्फत् साहित्य लेखन कार्यशाला, रचना वाचन, प्रतियोगिता, साहित्यकार तथा कलाकार सम्मान गरिरहेको छ । वडाले शिक्षामा समेत यथेष्ट लगानी गरिरहेकाेले सर्वाधिक शिक्षित जनसङ्ख्या रहेको वडाका रूपमा परिचित रहेको बताइएकाे छ । साहित्य सिर्जना जोसुकैले गर्न नसक्ने र सिर्जना गर्नेहरूलाई हौसला दिनुपर्ने भन्दै यस्ता काममा अन्य वडाहरूलाई समेत हातेमालो गर्न समेत सिस्नुपानीले आग्रह गरेकाे छ ।
४ नम्बर वडा कार्यालयको प्रवर्धनमा हुने कार्यक्रम हेटौंडा ४ स्थित ओम्याक्स सिनेमा हलमा आयोजना हुने आयोजकले जनाएकाे छ । कार्यक्रममा प्रवेश पासकाे व्यवस्था गरिएकाेले सिस्नुपानी तथा वडा कार्यालयमा सम्पर्क गर्न सकिने वडा सचिव आरपी गुरागाईंले जानकारी दिए ।
यसअघि राष्ट्रव्यापि कविता प्रतियोगिता, हास्यव्यङ्ग्यात्मक गाईजात्रा, देउसीभैलो, कार्टुन प्रदर्शनी, हास्यव्यङ्ग्यकार सम्मान तथा रचना वाचनलगायतका विविध कार्यक्रमहरू गर्दै आइरहेको सिस्नुपानी मकवानपुर सिस्नुपानी नेपाल(केन्द्र) काे पहिलो जिल्ला शाखा हो ।
मकवानपुर । नवसर्जक साहित्य चौतारी नेपाल केन्द्रीय समितिले शुक्रबार कवि रोश्नी चौलागाईंको एकल कविता वाचन एवं विमर्श कार्यक्रम गरेको छ । कवि रोश्नी चौलागाईंले हेटौंडामा भएको कार्यक्रममा दुई चरणमा गरी आधा दर्जन कविता सुनाइन् ।
नवसर्जक साहित्य चौतारी बागमती प्रदेशकी निवर्तमान अध्यक्ष चौलागाईंको कवितामाथि कवि शान्ति प्रियवन्दनाले विमर्श गरेकी थिइन् । मकवानपुरे अग्रज साहित्यकार आर.सी. रिजालले आगामी साहित्यिक यात्राका लागि कवि चौलागाईंलाई शुभकामना दिदैं कविता सुनाएका थिए । नवसर्जक साहित्य चौतारी नेपालका केन्द्रीय सल्लाहकार रमेशमोहन अधिकारीले कवि चौलागाईंको नवसर्जकसँगको यात्रा निरन्तर कायम राख्दै आगामी शैक्षिक र साहित्यिक यात्राको शुभकामना दिएका थिए ।
चौतारीकी केन्द्रीय अध्यक्ष कृतिका लौडारीको अध्यक्षता तथा अग्रज साहित्यकार आर.सी. रिजालकाे प्रमुख आतिथ्यमा आयोजना गरिएकाे चौलागाईंको एकल कविता वाचन एवं विमर्श कार्यक्रममा नवसर्जक साहित्य चौतारी नेपालका केन्द्रीय सल्लाहकार डी.बी. बर्तौला, साहित्यकार तुलसी घिमिरे, जनार्दन खनाल, साहित्यसेवी मुक्तिगोविन्द वैद्य, हास्यव्यंग्यकार/अग्रज साहित्यकार राजकुमार लामिछाने, साहित्यकारहरु राजुराम राउत, सम्प्रस पौडेल, सानु खनाल, संजित श्रेष्ठ, छवि अनित्य, एस.आर. मन्जरी, सागर तिमल्सिना, भावना सापकोटालगायत मकवानपुरका साहित्यकारहरुको उपस्थितिमा रहेकाे थियाे ।
मकवानपुर । मुक्तक मञ्च मकवानपुरले गोकर्ण लामाकाे विशेष मुक्तक वाचन कार्यक्रम गरेको छ । मञ्चकाे २६ औं शृङ्खलामा लामाले बुधबार हेटौंडामा मुक्तक सुनाएका हुन् ।
मुक्तक मञ्च मकवानपुरका संस्थापक सचिव समेत रहेका लामाले केही प्रेमिल मुक्तक सहित बेरोजगारका पीडा, राजनीतिक व्यङ्ग्य, विदेशमा रहँदाकाे पीडावोध भावका मुक्तक सुनाएका थिए ।
रोजगारीको सिलसिलामा दक्षिण कोरिया पुगेका लामा विदामा एक महिना अघि नेपाल आएका हुन् । गोकर्णले विदेशमा रहँदा पनि लेखन कार्यलाई जारी राखेको बताउँदै कार्यक्रममा साहित्य लेखन, पत्रकारिताको अभ्यासको स्मरण समेत गरे ।
लामा नेपाल आउनु भएकाे मौकामा मुक्तक वाचन कार्यक्रम राखिएकाे मञ्च अध्यक्ष सागर तिमल्सिनाले बताए । गोकर्णले वाचन गरेका मुक्तकको साहित्य संगम मकवानपुरका उपाध्यक्ष सानु खनालले समीक्षात्मक टिप्पणी गरेका थिए ।
मुक्तक मञ्च मकवानपुरका अध्यक्ष सागर तिमल्सिनाको अध्यक्षता तथा अग्रज साहित्यकार देवराज खरेलको प्रमुख आतिथ्यमा भएकाे कार्यक्रममा अन्य मुक्तककारले प्रतिनिधि मुक्तक सुनाएका थिए ।
प्रिय मन
कहाँबाट सुरु गरू
हरेक कुरा शब्दले मात्र
अभिव्यक्त गर्न नसकिने
जिन्दगिका माया सधै अपार सँगै निराकार
न बोलेर थाकिने
न लेखेर सकिने
न भोगेर पिडा हुने
न जोखेर जोख्न सकिने
जति भण्डारण गर्यो त्यति भरिने
मुटुबाट कहिलै नपोखिने
साँच्चै माया त माया नै रहेछ
अदभुत जादुमयि
जसको जादुमा परेर स्वयम
देवतासम्म दास भए
मायाको जाल साह्रै मिठो
जतिबेला नि अल्झि रहन मन लाग्ने ।
अनि
म कसरी अछुतो रहन्थे
त्यो मायाजालबाट
मेरा हरेक मायाका अध्याय
जो तिमीबाटै शुरू भएर
तिमी मै सकिन्छन
मेरो प्रत्येक हरफमा
मात्र तिमी बिहानीको नौलो किरणसँगै
तिम्रो मायाले दिनको आभास गराउँछ
अनि मध्यरातको सपनीमा
मह मिठास भर्छ
हरेक स्मरणमा तिम्रै ध्यान रहन्छ
जीवनका जटिल परिस्थितिहरू
तिम्रो कल्पना मात्रले सजिलो भईदिन्छ ।
मायाको दिप
जसले मेरो जीवनमा उज्यालो छर्छ
अटल विश्वास र भरोसा मेरो
आँखाको नानी भई ससार हेर्ने
धड्कन जसमा मेरो प्राण बसेको
उतारचढाव पुर्ण जीवनपथमा
तिमी मेरो एकमात्र सङ्घर्षको
निःस्वार्थ साथी
मेरा दुखको पीडाको भारी
बिसाउने मनको चौतारी
मलाई म बन्न प्रेरित गरी
मेरो सर्वस्व जोगाउने
अन्तःप्रेरणाको श्रोत
उज्यालो संसार देखाउने
मेरो सिङ्गो निलो आकाश
जिन्दगीको श्रुतिमधुर
कबिकर बनाई
मेरा मनका भावनाहरूलाई साक्षात
रूप दिने देवी सरस्वती
संसारकै अद्वितीय प्रिय तिमी
तिमीसँग जति मनमुटाव हुन्छ ।
त्यति माया बढेर आउँछ
मायाको डोरि झनझन
मजबुत हुदै जान्छ
तितो नि मिठो महसुसता दिने
लाग्छ तिमी छौ र त म छु
मेरो अस्तित्व केवल तिम्रै लागि
मेरो अन्ध आकर्षणको प्रेम
शरिर प्राप्ति होइनौ तिम्रो
मुटु माझको रासमा मिसिन हो
आत्मीयता हो मनको
चेतनाको सम्प्राप्ति हो
प्रेम दुई आत्मको मिलन हो
अन्तरआत्माको मधुर आवाज
जसको सुन्दरता नै
बयान गर्न नसकिने
ईश्वर प्राप्तिको आस्थाले
उब्जाऐको बिश्वास र
पवित्रताको बन्धन थियो ।
प्रेम देवी देवतादेखि
सारा जगतसम्म नतमस्तक भए प्रेममा
नत्र किन आगरामा ताजमहल बने
किन पाल्पामा रानिमहल बने
त्यहि एउटा अलौकिक शक्तिले त
म नि तिम्रै भएर बसेको छु
जन्मजन्मातरसम्मलाई प्रेममा
जति पियो त्यति प्यास लाग्ने
तिम्रो प्रेमको प्याला
कहिल्यै तृप्ति नहुने गरी
भोकाएको झै
जुनको उजेली रात
अनि फूलको सुगन्ध झै
प्रेमको सुवाश सधैभरी
बसिरहोस यो मनमा
आफूलाई समर्पण गरी सके
मायामा अब लैला मजनु
रोमियो जुलियट
मुना मदन झै
प्रेमिल जोडी बनि सच्चा आदर्श
प्रेमको प्रतीक बन्न खोजे
आज पनि तिम्रै नामको
प्रेम गीत गुन्जिन्छ यो मनमा
एउटा अस्मरिणय कथा बनि
त्याग तपस्या बलिदान सायद
प्रेमको अर्को रूप रहेछ
जुन मेरो हिस्सामा थियो
लाखौ कोशिस गर्दा नि त्यहि पाएँ
मेरो प्रेम एउटा नदी जस्तै थियो
तिम्रो लागि सधै निरन्तर बगिरहने छ ।
स्वच्छ पवित्र भई अनन्त कालसम्म
पर्खाईको पिडा सहदै
तिमी जता भए नि
यो मनबाट कहिले टाढिने छैनौ
जहा रहे नि
प्रेममा कहिले कमी हुदैन
तिम्रो नजरमा म
सधैको दोषी भए नी
सधैँ खुसी रहनु
उमगका सपना सजाउनु
सर्घषका गाथाहरू लेख्नु
अकाशगगा झै चम्किरहनु
मायाले भरिएका
सबै पलहरू रंगिन बनुन्
चाहनाहरू साकार हुन
सफतला तिम्रै अघिपछि
घुमीरहोस माहुरी झै
उहि तिमीलाई माया गर्ने
पागल मन ।
ठेगाना भिमदत्त नगरपालिका – ६ कञ्चनपुर,
हाल हेटौंडा मकवानपुर ।