मकवानपुर । मुक्तक मञ्च मकवानपुरले गोकर्ण लामाकाे विशेष मुक्तक वाचन कार्यक्रम गरेको छ । मञ्चकाे २६ औं शृङ्खलामा लामाले बुधबार हेटौंडामा मुक्तक सुनाएका हुन् ।
मुक्तक मञ्च मकवानपुरका संस्थापक सचिव समेत रहेका लामाले केही प्रेमिल मुक्तक सहित बेरोजगारका पीडा, राजनीतिक व्यङ्ग्य, विदेशमा रहँदाकाे पीडावोध भावका मुक्तक सुनाएका थिए ।
रोजगारीको सिलसिलामा दक्षिण कोरिया पुगेका लामा विदामा एक महिना अघि नेपाल आएका हुन् । गोकर्णले विदेशमा रहँदा पनि लेखन कार्यलाई जारी राखेको बताउँदै कार्यक्रममा साहित्य लेखन, पत्रकारिताको अभ्यासको स्मरण समेत गरे ।
लामा नेपाल आउनु भएकाे मौकामा मुक्तक वाचन कार्यक्रम राखिएकाे मञ्च अध्यक्ष सागर तिमल्सिनाले बताए । गोकर्णले वाचन गरेका मुक्तकको साहित्य संगम मकवानपुरका उपाध्यक्ष सानु खनालले समीक्षात्मक टिप्पणी गरेका थिए ।
मुक्तक मञ्च मकवानपुरका अध्यक्ष सागर तिमल्सिनाको अध्यक्षता तथा अग्रज साहित्यकार देवराज खरेलको प्रमुख आतिथ्यमा भएकाे कार्यक्रममा अन्य मुक्तककारले प्रतिनिधि मुक्तक सुनाएका थिए ।


2 Comments
Samraj karki
Sir samraj Karki ko muktak Pani haldinuna please
सहीखबर डेस्क
मुक्तक पठाउनुस न फोटो ठेगाना सहित प्रकाशित गरिने छ ।