चितवन । गजल मन्च चितवनले स्वर्गीय अध्यक्ष द्वारिका नेपाललाई सम्झदै गजलसङ्ग साताैँ श्रृङखला सम्पन्न गरेकाे छ । चितवन साहित्य परिषदकाे सभाहलमा शनिबार आयोजना गरिएकि उक्त श्रृङखलामा गजलकारहरु दिलु थापा मगर ,नवराज ढकाल ,विक्रम ढकाल अनुराग , सरस्वती पाैडेल र अविरत शुमनले वेजाेड गजल वाचन गरेका थिए ।
साहित्यकार द्वारिका नेपालकाे निधन पश्चात् पहिलाे कार्यक्रम गरेकाे गजल मन्चले स्वर्गीय नेपालकाे आत्माको चिरशान्तिका लागि माैन धारण समेत गरिएको थियो ।

स्वर्गीय द्वारिका नेपालकाे स्मृतिमा गजल मन्च चितवनले स्थापना गरेकाे अक्षय काेषकाे घाेषणा गरिनुका साथै गजलकार चेतनाथ रुवालीकाे आमा र अमला अधिकारीकाे आश्रय गजल कृति लाई रमादेवी हिरालाल स्मृति पुरस्कार सँयुक्तरुपमा प्रदान गरिएको थियाे । पुरस्कारको राशि १० हजार १ सय१ रुपैयाँ रहेकाे छ । राशिकाे काेष वृद्धि गरिदैलै जाने कार्यवाहक अध्यक्ष लेखराम सापकाेटाले बताए । कार्यक्रम सापकोटाकाे सभाध्यक्षतामा भएकोमा सचिव रामकृष्ण अनायासद्वारा सहजिकरणगरिएको थियाे । सदस्य अम्विका कार्कीद्वारा स्वागत गरिएको थियाे ।
चितवन र आसपासका वरिष्ठ साहित्यकार , गजलकारहरुकाे वाक्लाे उपस्थिति रहेकाे साे गजलसङमा स्वर्गीय द्वारिका नेपालकाे याेगदानकाे चर्चा समेत गरिएको थियाे ।
द्वारिका नेपालको गत दशै समय्मा मस्तिष्कघातका कारण निधन भएकाे थियाे ।
धनु शर्मा
सुन्दर पुष्प मगमगाउँछन् धरतीमा आज
आकाशसरी विशाल छाती हजुरको बाबा
कोखमा राख्ने नपाएनी सृष्टिबाट अधिकार
अदृश्य छन अनगिन्ती हजुरका अभिभारा ||
बाल्नुपर्छ घरको चुलो टाल्नुपर्छ घर पनि
अहोरात्र जुट्नुपर्छ तरबारसरि बनी
बिर्सिएर आफ्ना खुशी सन्तानकै मुख हेरी
त्याग् समर्पण हजुरको सकिँदैन वर्णन गरी ।।
चुलोचौकोदेखि बाबा आकाशसम्मै छ योगदान
सन्तानकै लागि सधैं सुम्पिएका ती पसिना
तातेताते गर्दै औंला समाएर हिँड्न सिकाई
सन्सार बुझ्न सिकाउनुभो आज फेरि मलाई ।।
सन्तान खातिर आँसु लुकाई मुस्कुराउने ओठ
सन्तानकै पिर् बुझिदिने लुकाएर आफ्ना चोट
आँधी- बाढी ,पहाड बनी छेकी त्याग गर्ने बाबा
छाडी जाँदा सारा सृष्टि सुनसान भाछ आज ||
पाेखरा
मकवानपुर । साहित्यकार राजकुमार लामिछानेको हास्यव्यङ्ग्य निबन्धसंग्रह बुद्विपुराण शुक्रबार लोकार्पण भएको छ । सिस्नुपानी नेपाल मकवानपुरको आयोजनामा साहित्य संगम मकवानपुरको सभाहलमा बुद्धिपुराणको लोकार्पण गरेको हो । यस अघी २०७४ सालमा लामिछानेको ‘पुतलाको पावर’ हास्यव्यङ्ग्य निबन्ध संग्रह प्रकाशन भएकाे थियाे ।
मिनप्रसाद लामिछानेको सभाध्यक्षता तथा वरिष्ठ साहित्यकार आरसी रिजालको प्रमूख आतिथ्यमा पुस्तक लोकार्पण कार्यक्रम भएको थियो । रिजालले समाजका विकृति र बेथितिहरुमाथि व्यङ्ग्य गर्नुका साथै सामाजिक परिवर्तनमा यस पुस्तकको मागदर्शन रहेको बताए ।
सिस्नुपानी नेपाल मकवानपुरका अध्यक्षसमेत रहनुभएका लामिछाने कानुन सेवाका कर्मचारी हुनुहुन्छ । निबन्धसंग्रह बुद्विपुराणमा प्रेमकुमारीलाई पत्रदेखि दरको रहर गरी २० वटा शिर्षकमा लेखकले समाजका स्थिति, वेथिति र विकृति माथि व्यङ्ग्य प्रहार गरेका छन् । भैरव स्मृति सम्मान—२०७४ बाट सम्मानित लामिछाने सिस्नुपानी नेपाल मकवानपुरका अध्यक्ष छन् । उनी कानुन सेवाका सरकारी कर्मचारी हुन् ।
निबन्धसंग्रह बुद्विपुराण लोकार्पण कार्यक्रममा साहित्यकारहरु ह्रग्रीव आचार्य, अनिता न्यौपाने, नवराज शर्मा, रमेशमोहन अधिकारी, सुवास खनाललगायत सहभागिता रहेकाे थियाे ।
प्रीति आत्रेय ज्ञवाली
आ-आफ्नै कर्ममा व्यस्त सबै जनहरू यहाँ ।
हुँदा फुर्सदमा बल्ल झुल्किन्छन् सब नै जहाँ ॥१॥
बसी चुपै नियाल्ने छन् कता के पो भयो भनी ।
कतै फेरि भए केही पोस्टिने जन छन् यहीँ ॥२॥
अरूको बाल नै दिन्नन् सर्वोपरि छु झैँ गरी ।
आफूले जो गरेको छ त्यही राम्रो भने सरी ॥३॥
कतै छन् सबका वार्ता बुझ्छन् र हाल हेर्दछन् ।
एकार्काको बुझी भाव टिप्पणी अनि गर्दछन् ॥४॥
कोही ता मौन नै हुन्छन् बोल्ने लेख्ने हुँदैन है ।
देखिइन्नन् बुझी बस्छन् अदृश्य नै भई सधैँ ॥५॥
कोही फेरि कुरा मिल्ने सखासँगै त बोल्दछन् ।
अन्यथा जति जे राम्रो देखिए चुप बस्दछन् ॥६॥
सञ्जालको छ यो चाला बुझेरै चल्नुपर्दछ ।
जो व्यक्ति जसरी बोल्छ उसरी बोल्नुपर्दछ ॥७॥
बात सञ्जालमा जे छ सञ्जालै छोड्नुपर्दछ ।
घरायसी कुरालाई घरमै राख्नुपर्दछ ॥८॥
जसले जे गरे लेखे बोलिहाल्ने नगर्नु है ।
खाएन मनले भन्दै कुनै बात नलेख्नु है ॥९॥
भन्नुपरे कसैलाई राम्रो सन्देशमा हुने ।
व्यक्तिको क्यै कुरालाई किन छर्लङ्ग पार्दिने ॥१०॥
इच्छाविना कसैलाई नगर्नू ट्याग है कुनै ।
इच्छाए यदि आफैँले गर्छन् सन्देश जोड्न नै ॥११॥
बुझेकी यति ता मैले यो सञ्जाल चलाउँदा ।
अरू पनि भए केही टिप्पणी गर्नु है यता ॥१२॥
बुटवल हाल न्होम पेन्ह, कम्बोडिया
सरिता न्यौपाने पाैडेल
१.
दिलमै बास दिन्छु भनी,बोलाएकी छु
उनकै बाटो कुर्दै आज, टोलाएकी छु
मैले गर्या बिस्वास कतै तोडीनेपो होकी
डर बोकी आँखा भित्र , लोलाएकी छु।
२.
आफू बाहेक जीवनमा कसैको, भर लाग्न छोड्यो
पिडा दिने धेरै भएपनि कसैको, डर लाग्न छोड्यो
आफ्नो मान्छे अर्कै भइ, पराइको कांध थाप्दा
एक्लो भयो जीवन बाच्ने ,रहर लाग्न छोड्यो ।
३.
मनको भाव बुझ्ने भए, सुन्न आउ तिमी
अश्रुधारा बगेकै छन, थुन्न आउ तिमी
आफ्नैलाइ पराइ सम्झि बैरी भाव किन
टालेको मन फाटे फेरी, बुन्न आउ तिमी ।
४.
भित्र ब्यथा लुकाएर , बाहिर हाँस्ने धेरै छन् यहाँ
मनमा लाखौं स्वार्थ बोकी,माया गाँस्ने धेरै छन् यहाँ
स्वार्थी यो दुनियाँमा कस्को के कुरामा भर पर्नु छ र ?
क्षणिक सुखका लागि चोखो माया मास्ने धेरै छन् यहाँ ।
५.
दुखिरहन्छ जिवन यो, सधैं यसैगरी
ढुकढुकि नै रोकिन्छ झैं, हुन्छ घरिघरी
ओइलिएर कोपिला नफक्रिए जस्तै,
उजाड उजाड फूलबारी, लाग्छ वरिपरी ।
चन्द्रागिरी ६ काठमाडौं