मकवानपुर । हेटाैडा–काठमाडाैं छोटो दुरी मार्ग अन्तरगत भीमफेदी–कुलेखानी सडकखण्ड जेठ २५ गतेसम्म बन्द हुने भएकाे छ । सडकखण्ड कालाेपत्रे गर्नका लागि बैशाख १० गतेबाट जेठ २५ गते सम्म डेढ महिना बन्द गरिने यातायात पूर्वाधार विकास निर्देशनालय बागमती प्रदेशले जनाएको छ ।
भीमफेदी–कुलेखानीको सडक फराकिलो पार्ने काम यसअघि नै सकिएकाे थियाे । सडक फराकिलाे गर्ने काम सकिएकाेले शुक्रबारबाट स्लाब ढलान र पीच गर्ने काम गर्न लागिएको निर्देशनालयले जनाएकाे छ । सडकका धेरै स्थानमा स्लाब ढलान समेत सकिएकाे बताइएकाे छ । केही स्थानमा स्लाब ढलान र कालाेपत्रेकाे काम गर्न लागिएको हाे ।
यसअघि २ महिना उक्तखण्ड सडक बन्द गरेर मोड र अप्ठेरो स्थान फराकिलाे बनाइएकाे थियाे । भीमफेदीदेखि देउराली भञ्ज्याङसम्मको ८ किलोमिटर सडकका लागि १८ करोड रुपैयाँ तथा देउरालीदेखि कुलेखानीको हेबीचौरसम्मको साढे ७ किलोमिटर सडकका लागि १६ करोड रुपैयाँगरी ३४ करोडबाट भीमफेदी–कुलेखानी–हेबीचौरसम्म सडक फराकिलो पारिएको छ ।
मकवानपुर । समुदाय-प्रहरी साझेदारी कार्यक्रम अन्तर्गत हाल बढ्दै गइरहेकाे काेराेना भाइरस सम्बन्धमा सचेतना अभिवृद्धि गर्न प्रहरीले हेल्थ डेस्क स्थापना गरेकाे छ ।
विहीबार जिल्ला प्रहरी कार्यालय मकवानपुर, सामुदायिक प्रहरी सेवा केन्द्र थानाभर्याङ, सामुदायिक प्रहरी सेवा केन्द्र बसपार्क र सामुदायिक प्रहरी सेवा केन्द्र पशुपतिनगर मकवानपुरको संयुक्त पहलमा कोरोना माहामारीबाट बच्न सचेतना अभिवृद्धि गर्ने प्रयोजनले बुद्धचोक, बसपार्क र थानाभर्याङमा हेल्प डेस्क स्थापना स्थापना गरेकाे छ ।
साना हातहरु मकवानपुर शाखाको सहकार्यमा हेल्प डेक्स सञ्चालनमा आएको हाे । विहीबार जिल्ला प्रहरी कार्यालय मकवानपुरका प्रहरी प्रमुख प्रहरी उपरिक्षक सोमेन्द्र सिंह राठौरले वसपार्कमा कोरोना सम्बन्धी हेल्प डेक्सको उद्घाटन गरेका छन्। प्रहरी तथा साना हातहरुका सहजकर्ताले सर्जिकल मास्क दिएर सर्वसाधारणलाइ मास्क लगाउन प्रेरित गरेका छन् । सामाजिक रूपमा प्रतिकात्मक सन्देश दिन यस्तो अभियान सुरु गरिएको बताईएको छ । कार्यक्रममा प्रहरी उपरिक्षक राठौरले सर्वसाधारणहरुलाई माक्स वितरण समेत गरेका थिए ।

हेल्थ हेस्कबाट विहीबार मास्क १ हजार ३ सय वटा, सचेतनामूलक पर्चा ५ सय थान बितरण गरिएकाे छ । काेराेना सम्बन्धी सचेतना अभिवृद्धी गर्न माईकीङ समेत गरिएकाे जिल्ला प्रहरी कार्यालयका प्रवक्ता प्रहरी नायव उपरीक्षक जयश्वर रिमालले जानकारी दिए । कार्यक्रममा मकवानपुर प्रहरी प्रमुख प्रहरी उपरीक्षक राठौर, सामुदायिक केन्द्रका अध्यक्षहरू तथा सामुदायिक प्रहरी सेवाकेन्द्रमा कार्यरत प्रहरी कर्मचारी साना हातहरु मकवानपुर शाखाका कर्मचारीहरू समेतको उपस्थिती रहेको छ।
मकवानपुर । मेगा बैंक नेपाल लिमिटेडले कृषकहरुलाई आधुनिक बैंकिङ सुविधाका लागि प्रोत्साहन गर्ने नीति लिएको छ । नेपालको अर्थतन्त्रको अभिन्न अंग कृषिमा संलग्नमा रहेका कृषकहरुलाई आधुनिक बैंकिङ सुविधाको प्रयोग गर्नका लागि प्रोत्साहन गर्ने उद्देश्यले मेगा बैंकले क्यूआर कोड सुविधालाई तीब्रताका साथ विस्तार गरिरहेको हो ।
यसैक्रममा कृषि क्षेत्रमा डिजिटल बैंकिङलाई प्रबर्धन गर्न मेगा बैंकले ललितपुरको कुसुन्तीस्थित सांग्रिला एग्रो प्राइभेट लिमिटेडसँग सम्झौता गरेको छ । सम्झौता अनुसार, मेगा बैंकले सांग्रिला एग्रोले कुसुन्तीमा सुरु गर्न लागेको तरकारी तथा फलफुल बजारसँग आबद्ध सबै कृषि उत्पादक तथा बिक्रेतालाई बैंकिङ सुविधा तथा कर्जा सुविधा प्रदान गर्नेछ ।
यसका साथै, सांग्रिला एग्रोसँग आबद्ध कृषक र बिक्रेताहरुलाई निःशुल्क क्यूआर कोडको ब्यवस्था गरिनेछ भने क्यूआर कोड प्रयोग गरी तरकारी तथा फलफुल खरिद गर्ने ग्राहकहरुलाई १० प्रतिशतसम्म छुट अथवा बढीमा ५ सय रुपैंयासम्म छुटको ब्यवस्था गरिएको मेगा बैंकले जनाएको छ । यस सम्बन्धी सम्झौतापत्रमा मेगा बैंककी नायब प्रमुख कार्यकारी अधिकृत रविना देशराज श्रेष्ठ र सांग्रिला एग्रोका अध्यक्ष गणेशबहादुर सुवेदीले हस्ताक्षर गरेका छन् ।
केही दिन अघि मात्रै मेगा बैंकले काठमाडौं उपत्यका र आसपासका गोलभेंडा उत्पादक कृषकहरुलाई प्रोत्साहन गर्ने उद्देश्यले कर्मा समूहसँग सम्झौता गरेको थियो भने जोरपाटीस्थित विश्रान्ति होलसेल तरकारी तथा फलफुल बजारसँग आबद्ध तरकारी व्यवसायी र तरकारी बिक्रेतालाई क्यूआर कोड वितरण गरेको थियो ।
नेपालको आधारभूत तहमा रहेका कृषकहरुलाई आधुनिक बैंकिङतर्फ आकर्षित बनाउन सके बैंकिङ सेवाको विस्तारले पनि तीब्रता पाउने मेगा बैंकको विश्वास छ ।
मकवानपुर । विहीबार मकवानपुरमा २९ जनामा काेराेना भाइरस संक्रमण पुष्टि भएकाे छ । ५२ जनाको स्वाब परीक्षणको रिपोर्टमा २९ जनामा कोरोना संक्रमण पुष्टि भएको हो ।
काेराेना पुष्टि हुनेमा २२ जना हेटौंडा उपमहानगरपालिकाका, २ जना भीमफेदी गाउँपालिका र १ जना मनहरी गाउँपालिका ३ का रहेका छन् । यसैगरी ४ जना हेटौंडा बस्ने जिल्ला बाहिरका रहेका छन् । जसमा २ जना बारा र नुवाकोटका १ जना र भारतीय नागरिक १ जना रहेकाे छन् । बुधबार जिल्लामा २ जना बालक सहित २५ जनामा कोरोना पुष्टि भएको थियो । यो संगै जिल्लामा सक्रिय संक्रमितको संख्या ९८ जना पुगेको छ ।
जिल्लामा हालसम्म ४ हजारमा कोरोना पुष्टि भएकोमा ३ हजार ८ सय ६९ जना संक्रमण मुक्त भएको छ । मकवानपुरमा कोरोनाबाट हालसम्म ३३ जनाको ज्यान गएको छ । बुधबार हेटौंडामा १ संक्रमितको ज्यान गएको थियो ।
नेपालमा थप २ हजार ४ सय २८ जनामा कोरोना संक्रमण
यसैगरी नेपालमा पछिल्लो २४ घण्टामा थप २ हजार ४ सय २८ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएकाे छ ।
१० हजार १ पीसीआर परीक्षण गर्दा २ हजार ३ सय ६५ जना र ४ सय ४७ एन्टीजेन परीक्षण गर्दा ६३ गरी जम्मा २ हजार ४ सय २८ जनामा कोरोना संक्रमण पुष्टि भएको मन्त्रालयले जानकारी दिएकाे हाे ।
त्यस्तै पछिल्लो २४ घण्टामा २५२ जना कोरोना भाइरस संक्रमणमुक्त भई डिस्चार्ज भएका छन् । मन्त्रालयका अनुसार पछिल्ला २४ घण्टामा ५ जनाको कोरोना संक्रमणबाट मृत्यु भएको छ ।
मकवानपुर । आज विहानै देखि मकवानपुर सहित देशका विभिन्न स्थानमा वर्षा भइरहेको छ । स्थानीय वायु र पश्चिमी वायुको प्रभावका कारण प्रदेश २, बागमती प्रदेश, कर्णाली प्रदेश, गण्डकी प्रदेश र सुदूर पश्चिम प्रदेशमा सामान्यदेखि पूर्ण बदली र अन्य प्रदेशहरूमा आंशिकदेखि सामान्य बदली रहेको जल तथा मौसम विज्ञान विभाग मौसम पूर्वानुमान महाशाखाले जनाएकाे छ ।
विहीबार दिउँसो देशभर आंशिकदेखि सामान्य बदली रही सुदूरपश्चिम प्रदेश, कर्णाली प्रदेश, गण्डकी प्रदेश र बागमती प्रदेशका केही स्थानहरू तथा अन्य प्रदेशका पहाडी भू–भागका थोरै स्थानमा मेघगर्जन/चट्याङ्ग/हावाहुरीसहित क्षणिक वर्षाको सम्भावना रहेको छ । देशका केही स्थानहरूमा तुवाँलोको सम्भावना पनि रहेको महाशाखाले जनाएकाे छ।
यसै गरी आज राति देशभर पहाडी भू–भागहरूमा आंशिकदेखि सामान्य बदली रही पहाडी भू–भागका थोरै स्थानहरूमा मेघगर्जन/चट्याङ्ग/हावाहुरीसहित क्षणिक हल्का वर्षाको सम्भावना रहेको छ ।
चैत १० गते शुक्रवार दिउँसो देशको सुदूरपश्चिम प्रदेश, कर्णाली प्रदेश तथा गण्डकी प्रदेशका भू–भागमा आंशिकदेखि सामान्य बदली र अन्य पहाडी भू–भागहरूमा आंशिक बदली रहनेछ । सुदूरपश्चिम प्रदेश, कर्णाली तथा गण्डकी प्रदेशका पहाडी भू–भागहरूका थोरै स्थानहरूमा मेघगर्जन/चट्याङ्ग/हावाहुरीसहित क्षणिक वर्षाको सम्भावना रहेको छ ।
शुक्रवार राती देशको सुदूरपश्चिम प्रदेश र कर्णाली प्रदेशका भूभागहरूमा आंशिकदेखि सामान्य बदली तथा बाँकी प्रदेशका पहाडी भूभागहरूमा आंशिक बदली रही थोरै स्थानहरूमा मेघगर्जन/चट्याङ्ग/हावाहुरीसहित हल्का वर्षाको सम्भावना रहेको महाशाखाले जारी गरेकाे माैसम पूर्वानुमान वुलेटिनमा जनाएकाे छ ।
चैत ११ गते शनिवार बिहान देशभर आंशिकदेखि सामान्य बदली रही बागमती प्रदेश, सुदूरपश्चिम प्रदेश, कर्णाली प्रदेश र गण्डकी प्रदेशका केही र बाँकी प्रदेशहरूका थोरै स्थानहरूमा मेघगर्जन/चट्याङ्ग/हावाहुरीसहित हल्का वर्षाको सम्भावना रहेको छ । यस्तै राती देशका पहाडी भू-भागमा आंशिकदेखि सामान्य बदली रही अन्य भू-भागमा आंशिक बदली रहनेछ।
जल तथा मौसम विज्ञान विभागको मौसम पूर्वानुमान महाशाखाले आगामी २४ घण्टामा प्रदेश २, बागमती प्रदेश, कर्णाली प्रदेश, गण्डकी प्रदेश र सुदूरपश्चिम प्रदेशका केही र बाँकी प्रदेशहरूका थोरै स्थानहरूमा मेघगर्जन/चट्याङ्ग/हावाहुरीसहित क्षणिक वर्षाको सम्भावना रहेकोले आवश्यक सतर्कता अपनाउन आग्रह गरेको छ ।
आगामी तीन दिनको मौसम पूर्वानुमान (२०७८/०१/०९ देखि २०७८/०१/११)
नेपाल सरकार
ऊर्जा, जलस्रोत तथा सिंचाई मन्त्रालय
जल तथा मौसम विज्ञान विभाग
मौसम पूर्वानुमान महाशाखा
मौसम पूर्वानुमान बुलेटिन (Weather Forecast Bulletin)
(जारी मिति: २०७८/०१/०९ बिहान ६:०० बजे)
मौसम विश्लेषण (Meteorological Analysis):
हाल देशमा स्थानीय वायु र पश्चिमी वायुको प्रभाव रहको छ ।
हाल मौसमको अवस्था (Present Weather Status):
देशको प्रदेश २, बागमती प्रदेश, कर्णाली प्रदेश, गण्डकी प्रदेश र सुदुर पश्चिम प्रदेशमा सामान्य देखि पूर्ण बदली र अन्य प्रदेशहरुमा आशिक देखि सामान्य बदली रहेको छ ।
आगामी तीन दिनको मौसम पूर्वानुमान
२०७८ बैशाख ९ गते (बिहीबार)
दिउँसो: देशभर आँशिक देखि सामान्य बदली रही सुदुर पश्चिम प्रदेश, कर्णाली प्रदेश, गण्डकी प्रदेश र बागमती प्रदेशका केही स्थानहरु तथा अन्य प्रदेशका पहाडी भू-भागका थोरै स्थानमा मेघगर्जन/चट्टयाङ्ग/हावाहुरी सहित क्षणिक/हल्का वर्षाको सम्भावना रहेको छ । देशका केही स्थानहरुमा तुवाँलोको सम्भावना छ।
राती: देशभर पहाडी भू-भागहरुमा आँशिक देखि सामान्य बदली रही पहाडी भू-भागका थोरै स्थानहरुमा मेघगर्जन/चट्टयाङ्ग/हावाहुरी सहित क्षणिक/हल्का वर्षाको सम्भावना रहेको छ ।
२०७८ बैशाख १० गते (शुक्रबार)
दिउँसोः देशको सुदुरपश्चिम प्रदेश, कर्णाली प्रदेश तथा गण्डकी प्रदेशका भू-भागमा आशिक देखि सामान्य बदली र अन्य पहाडी भू-भागहरुमा आंशिक बदली रहनेछ । सुदुरपश्चिम प्रदेश, कर्णाली तथा गण्डकी प्रदेशका पहाडी भू-भागहरुका थोरै स्थानहरुमा मेघगर्जन/चट्टयाङ्ग/हावाहुरी सहित क्षणिक/हल्का वर्षाको सम्भावना रहेको छ ।
राती: देशको सुदुरपश्चिम प्रदेश र कर्णाली प्रदेशका भूभागहरुमा आँशिक देखि सामान्य बदली तथा बाँकी प्रदेशका पहाडी भूभागहरुमा आँशिक बदली रही थोरै स्थानहरुमा मेघगर्जन/चट्टयाङ्ग/हावाहुरी सहित क्षणिक/हल्का वर्षाको सम्भावना रहेको छ ।
२०७८ बैशाख ११ गते (शनिबार)
बिहान: देशभर आँशिक देखि सामान्य बदली रही बागमती प्रदेश , सुदुर पश्चिम प्रदेश, कर्णाली प्रदेश र गण्डकी प्रदेशका केही र बाँकि प्रदेशहरुका थोरै स्थानहरुमा मेघगर्जन/चट्टयाङ्ग/हावाहुरी सहित क्षणिक/हल्का वर्षाको सम्भावना रहेको छ ।
राति: देशका पहाडी भू-भागमा आँशिक देखि सामान्य बदली रही अन्य भू-भागमा आंशिक बदली रहनेछ।
आगामी २४ घण्टाका लागि चेतावनी तथा परामर्श (Warning/Advisory for next 24 hours)
प्रदेश २, बागमती प्रदेश, कर्णाली प्रदेश, गण्डकी प्रदेश र सुदुर पश्चिम प्रदेशका केही र बाँकि प्रदेशहरुका थोरै स्थानहरुमा मेघगर्जन/चट्टयाङ्ग/हावाहुरी सहित क्षणिक/हल्का वर्षाको सम्भावना रहेको हुनाले आवश्यक सतर्कता अपनाउन हुन अनुरोध छ ।