मकवानपुर/बागमती प्रदेशमा गठबन्धनको तर्फबाट नेकपा समाजवादी र नेपाली काँग्रेसले आधा आधा समय नेतृत्व गर्ने समहती भएको छ ।
आज विहीबार १ बजे बस्ने भनिएको प्रदेश सभाको बैठक गठबन्धनको बैठक लम्बिएको कारण ३ बजे मात्रै सुरु भएको छ । गठबन्धनको बैठकले नेपाली कांग्रेस र नेकपा एकीकृत समाजवादीले पालैपालो आधा–आधा समय बागमती प्रदेश सरकारको नेतृत्व गर्ने सहमति जुटेको हो । मुख्यमन्त्री अष्टलक्ष्मी शाक्यले संसदबाट विश्वासको मत नपाउने निश्चित भएपछि गठबन्धनबीच आधा–आधा समय सरकारको नेतृत्व गर्ने सहमति जुटेको हो । मुख्यमन्त्री शाक्यले आज प्रदेशसभामा विश्वासको मत लिन राखेको प्रस्तावमाथि प्रक्रिया सुरु भएको छ ।
गठबन्धनको शीर्ष नेतृत्व तहमा भएको छलफल र सहमतिअनुसार पहिलो आधा कार्यकाल एकीकृत समाजवादीका राजेन्द्र पाण्डे र आधा काँग्रेसको इन्द्र बानियाँ सरकारको नेतृत्व गर्दै मुख्यमन्त्री बन्नेछन् । मुख्यमन्त्री शाक्यले गएको असोज २४ गते बसेको प्रदेशसभा बैठकमा नेपालको संविधानको धारा १८८ को उपधारा २ तथा प्रदेश नियमावली २०७४ को नियम १४३ को उपनियम १ बमोजिम विश्वासको मतसम्बन्धी प्रस्ताव पेस गरेकी थिइन् ।
सो प्रस्तावमाथि आजको बैठकमा छलफल हुने र विश्वासको मत लिने प्रकृया अगाडि बढाइने प्रदेशसभा सचिवालयका प्रमुख सचिव कृष्णहरि खड्काले जानकारी दिए । भदौ २ गते नेकपा एमालेको एकल बहुमतबाट मुख्यमन्त्री नियुक्त भएकी शाक्यको सरकार अहिले अल्पमतमा छ ।आज बस्ने बैठकमा मुख्यमन्त्री अष्टलक्ष्मी शाक्य बोहराले विश्वासको मत लिने कार्यसूचि छ । बैठक अहिले जारी छ ।
एमालेका १३ सांसदले नेकपा एकीकृत समाजवादी रोजेपछि मुख्यमन्त्री अल्पमतमा परेकी हुन् । प्रमुख सचिव खड्काका अनुसार, बैठकमा हुने विश्वासको मतको लागि सत्तापक्ष र प्रतिपक्षहरुको लागि मतदान कार्यको निमित छुट्टाछुट्टै कोठाको व्यवस्था गरिएको छ । बागमती प्रदेश सभामा कुल ११० सदस्यमध्ये हाल १०९ सांसद छन्। जसमा एमालेका ४३, नेपाली कांग्रेसका २२, माओवादी केन्द्रका २३, एकीकृत समाजवादीका १३, विवेकशील साझाका तीन, नेमकिपाका दुई, राप्रपाका दुई र स्वतन्त्र सांसद एक जना छन्।
मकवानपुरगढीका कृषि अधिकृत चौधरी ‘ईन्टीग्रेटी आईकन २०२१’बाट सम्मानित
Tags: No Comments
मकवानपुर/मकवानपुरगढी गाउँपालिकाका मकवानपुरगढी गाउँपालिकाका कृषि अधिकृत चन्द्रकान्त चौधरी राष्ट्रसेवक ईन्टीग्रेटी आईकन २०२१ बाट सम्मानित भएका छन् ।अकाउन्टविलिटी ल्याब नेपालले यसवर्षको अवार्ड सार्वजनिक गरेको हो ।
जेटिए अध्ययन गरेका चौधरी २०६० सालमा प्राविधिक चौथोबाट सरकारी सेवामा प्रवेश गरेका हुन् । व्यवसायिक तरकारी खेतिको क्षेत्र बिस्तार गरे । थोरै क्षेत्रमा खेती गर्दा लगानी बढी लाग्ने र घर खर्चलाई मात्र पुग्ने हुन्छ । क्षेत्र विस्तार गरेर खेती गर्दा राम्रो कमाउन सकिन्छ भनेर उनले शुरुमा मकवानपुरगढी गाउँपालिका वडा नं. ३ का ५/७ जना किशानहरु भेला गरेर यसबारे ज्ञान दिलाए । उनकै ज्ञान र सल्लाहबाट बाँकी पेज ५ मा मकवानपुरगढी गाउँपालिकामा १० कठ्ठा जग्गामा खेती गर्ने कृषक अहिले ८/९ बिगाहामा खेती गर्ने भएका छन् ।

उनले वडा नं. ८ मा बेमौसमी तरकारी खेतीको सम्भावना राम्रो भएको देखे । २०७५ सालमा गाँउपालिकाबाट बजेट बिनियोजन गरेर बेमौसमी तरकारी क्षेत्र घोषणा भयो । हाल त्यस क्षेत्रका ८२ जना किशानहरु बेमौसमी खेती गरेर आमदानी लिईरहेकाछन् ।
स्थानीय तहमा माटो परिक्षणको प्रयोगशाला स्थापनामा पनि उनको योगदान छ । बागमती प्रदेश सरकारले माटो परीक्षण प्रयोगशालालाई सहयोग गर्ने कार्यक्रम थियो । प्रदेश सरकारले ५ स्थानीय तहलाई प्रयोगशालाका सामानहरु सहयोग ग¥यो । ५ वटा मध्ये सबै भन्दा पहिले मकवानपुरगढी गाउँपालिकाले ल्याब सञ्चालन ग¥यो । पहिले अदुवामा रोग लाग्ने समस्या थियो । अहिले माटो परीक्षण गरेर अदुवा लगाउदाँ उत्पादन बढेको छ । यसले गर्दा कृषकहरु अदुवा खेती प्रती आकर्षित भएका छन् ।
गाउँपालिकामा कृषकहरुको उत्पादनलाई सहकारी मार्फत बजारीकरण गर्ने भूमिकामा पनि उनी अगाडि देखिएका छन् ।कृषकले उत्पादन बढाए पनि उचित मुल्य नपाउने समस्या समाधान गर्न उनले सहकारी मार्फत बजारीकरण अवधारणा पालिकामा पेश गरे । पालिकाले बजेट छुट्यायो । त्यसपछि खुला प्रतिश्पर्धाबाट एउटा सहकारी पसल सञ्चालनमा आयो । त्यसपछि कृषकले कम मूल्य पाउने र उपोभोक्ताले बढी मूल्य तिर्नु पर्ने समस्या न्यूनीकरण भयो । त्यसमाथी कृषकलाई प्रोत्साहन गर्न धान, गँहु, मकै, कोदो, फापर जस्ता अन्न सहकारी मार्फत बिक्रि गर्दा पालिकाले किलोको २ रुपैया थप दिने र सहकारीले पनि भण्डारन गरे बापत किलोको २ दुई रुपैया पाउने व्यवस्था लागु गर्न पनि उनले नै पहल गरे ।
यसैगरी किसान क्रेडिट कार्ड सुविधा पनि गाउँपालिकाले ल्याएको छ । दुई लाखसम्म ऋण उपलब्ध हुने गरी किसान क्रेडिट कार्ड २५ जनालाई वितरण गरिएको छ । यसको फोकल पर्सन चौधरी आफै छन् । उनले करिब ७० जना किसानको लागि क्रेडिट कार्ड सिफारिस गरिसकेका छन् । नेपाल बंगलादेश बैंकले प्रकृया पुरा गरेर कार्ड मार्फत कर्जा उपलब्ध गराउँदछ । विशेष गरेर व्यवसाय सुरुवात गर्ने साना किसान जस्तै, २ वटा गाई पाल्ने, १० वटा बाख्रा पाल्ने कृषकहरुलाई लक्षित गरेर यो कार्यक्रम ल्याईएको हो ।

कृषक व्यवसायिक खेतिबाट मनग्गे आमदानी गररे खुसी अनुहार लिएर कार्यालय आउँदा रमाउने चौधरीले व्यवसाय, बजार र प्रविधीसँग किशानलाई अभ्यस्त बनाएर एक उदाहरणीय कृषि प्राविधिकको रुपमा आफुलाई प्रस्तुत गरेका छन् । प्रतिफलकाे आशा नराखी आफ्नाे जिम्मेरी पुरा गर्दा आफूले सम्मान पाउँदा कामप्रतिकाे लगावमा झनै हैसला मिलेनकाे उनले सहीखबरसँग बताए ।
चौधरी सहित नवलपुरासी पुर्व जिल्लाका प्रमुख जिल्ला अधिकारी मनमाया पंगेनी,भेरी अस्पताल, नेपालगञ्ज बाँकेका नर्सिङ अधिकृत (कोभिड फोकल पर्सन) शिला शर्मा, भक्तपुर अस्पतालका मेडिकल सुपेरिटेन्डेण्ट डा. सुमित्रा गौतम, र भाषा आयोगका उपससचिव डा. लोक बहादुर लोप्चनलाई ईन्टीग्रेटी आईकन २०२१ बाट सम्मान गर्ने निर्णय भएको हो ।
तस्बिर साभार: चाैधरीकाे फेसबुक
मकवानपुर । मकवानपुर प्रहरीले ग्याँस चोरी गर्ने ३ जनालाई पक्राउ गरेकाे छ । मंगलबार मनहरी गाउँपालिका–६ नयाँबस्तीमा ग्यासँ बुलेटकाे टंयाकीबाट २ जना चालक र होटल सञ्चालकले मिलेर ग्यास चोरी गरेको पाइएकाेले पक्राउ गरिएकाे प्रहरीले जनाएको छ ।
पक्राउ पर्नेमा मनहरी गाउँपालिका ६ नयाँबस्तीका होटल संचालक ४३ वर्षीय भरत कार्की, ग्याँस बुलेट एनएल ०१ एन०१३१ नंबरकाे चालक चुनु कुमार र यूपी–७० बीटी ९९९६ नंबरकाे चालक विपिन कुमार रहेको जिल्ला प्रहरी कार्यलय मकवानपुरका प्रहरी निरीक्षक देवेन्द्र दासले जानकारी दिए ।
होटल संचालक कार्कीले बुलेट ग्याँस ट्यांकी चालकहरु संग समन्वय गरी ग्यासँ सिलिण्डरमा ग्यासँ भरी गाउँ घरमा बेच्ने गरेको भन्ने विशेष सूचनाको आधारमा उनिहरुलाई ग्याँस सिलिण्डर सहित पक्राउ गरिएको प्रवक्ता दासले बताए । कार्कीको होटलबाट कम्पनीको खाली सिलिन्डर १८ थान र भरिएको १३ थान गरी ३१ थान सिलिन्डर बरामद गरिएको छ । पक्राउ परेका तीनै जनामाथि थप अनुसन्धान भईरहेको जिल्ला प्रहरी कार्यलय मकवानपुरले जनाएको छ ।
भाडा बढी लिने सुमो नियन्त्रणमा
यसै गरी ताेकिएकाे भाडा भन्दा बढी रकम यात्रुसँग लिने सुमाे प्रहरीले नियन्त्रणमा लिएकाे छ । कात्तिक ३ गते बुधबार हेटाैडाबाट काठमाडाैं जनाे यात्रुहरुसँग तोकिएको भाडा दर भन्दा बढी रकम लिने ना १ ज ६६२४ नं. को सुमोलाई नियन्त्रणमा लिई बढी भाडा फिर्ता गरिएकाे प्रहरी निरीक्षक दासले बताए ।
सुमाे सहित चालक मकवानपुर साबिक पदमपोखरी १ बस्ने बर्ष २९ को सुबास थिङलाई नियन्त्रणमा लिई आवश्यक कारवाही भइरहेकाे मकवानपुर प्रहरीले जनाएकाे छ ।

मकवानपुर । कात्तिक ४ गते विहीबारकाे लागि यस अघी नै तय भएकाे बागमती प्रदेशसभाको बैठक सार्न नेकपा एमालेले प्रदेशसभा सचिवालयलाई आग्रह गरेको छ । लिखित पत्र पठाउँदै एमालेले कात्तिक ४ काे प्रदेशसभा बैठक सार्न सचिवालयलाई आग्रह गरेको हो ।
बैठक कात्तिक ११ गतेका लागि बोलाउन एमालेले ३ कात्तिकमा लिखित प्रस्ताव गरेको हो । कात्तिक पहिलो हप्ताभित्र नेकपा एमालेको स्थानीय अधिवेशन हुने र सो अधिवेशनका कारण एमालेबाट प्रतिनिधित्व गर्ने प्रदेशसभा सदस्यहरु बैठकमा उपस्थित हुन नसक्ने कारण देखाउँदै बैठक ११ गते सार्न नेकपाका प्रमुख सचेतक दीपक निरौलाले प्रदेशसभा समक्ष लिखित प्रस्ताव गरेका हुन् ।
प्रदेश मुख्यमन्त्री अष्टलक्ष्मी शाक्यले गत असाेज २४ गते विश्वासको मतको लागि संसदमा प्रस्ताव पेश गरेकी थिइन् । साेही अनुसार कात्तिक ४ गते सम्मकाे लागि बैठक स्थगित गर्दै साेही दिन प्रदेश सभा बैठकमा शाक्यले विश्वासको मत लिने कार्यक्रम रहेको थियो । बैठकमा मुख्यमन्त्री शाक्यले विश्वासको मत लिने कार्यसूचि समेत रहेकाे प्रदेश सभा सचिवाललयले जनाएकाे छ ।
मुख्यमन्त्री शाक्यले गएको असोज २४ गते बसेको प्रदेशसभा बैठकमा नेपालको संविधानको धारा १८८ को उपधारा २ तथा प्रदेश नियमावली २०७४ को नियम १४३ को उपनियम १ बमोजिम विश्वासको मतसम्बन्धी प्रस्ता पेस गरेकी थिइन् । सो प्रस्तावमाथि कात्तिक ४ गतेकाे बैठकमा छलफल हुने र विश्वासको मत लिने प्रकृया अगाडि बढाइने प्रदेशसभा सचिवालयका प्रमुख सचिव कृष्णहरि खड्काले जानकारी दिए । प्रमुख सचिव खड्का अनुसार, ४ कात्तिकका हुने प्रदशे सभाको बैठकमा हुने विश्वासको मतको लागि सत्तापक्ष र प्रतिपक्षहरुको लागि मतदान कार्यको निमित छुट्टाछुट्टै कोठाको व्यवस्था गरिसकिएको छ ।
भदौ २ गते नेकपा एमालेको एकल बहुमतबाट मुख्यमन्त्री नियुक्त भएकी शाक्य अहिले अल्पमतमा छिन् । नेकपा (एमाले) विभाजन भएसँगै एमालेका १३ सांसदले नेकपा एकीकृत समाजवादी रोजेपछि मुख्यमन्त्री अल्पमतमा परेकी हुन् । मुख्यमन्त्री शाक्य अल्पमतमा परेपछी विश्वासको मत लिन लागेकी हुन्।
बागमती प्रदेश सभामा रहेका कुल १ सय १० सदस्यमध्ये हाल १ सय ९ सांसद छन्। जसमा एमालेका ४३, नेपाली कांग्रेसका २२, माओवादी केन्द्रका २३, एकीकृत समाजवादीका १३, विवेकशील साझाका ३, नेमकिपाका दुई, राप्रपाका २ र स्वतन्त्र सांसद १ जना छन्।

मकवानपुर । घरेलु हिंसाविरुद्ध आन्दोलनरत महिला अधिकारकर्मी र सरकारबीच सहमति भएकाे छ । बाँकेकी नन्कुन्नी धोबीको मृत्यु र निर्मला कुर्मी बेपत्ता प्रकरणमा सरकार र महिला अधिकारकर्मीबीच सहमति भएको छ ।
मंगलबार बिहान सरकार र महिला अधिकारकर्मी बिच ७ दिनभित्र प्रतिवेदन बुझाउने गरी गृह मन्त्रालयका सहसचिव हिरालाल रेग्मीको नेतृत्वमा ६ सदस्यीय समिति बनाउने लगायतको सहमति भएको हो । उक्त प्रकरणमा गहिरो अनुसन्धान र दोषीलाई कारबाहीको माग गर्दै नेपालगन्जदेखि २० दिन पैदल हिँडेर काठमाडौँ आएका अधिकारकर्मी र आफन्तले माइतीघरमा १२ दिनदेखि धर्ना दिइरहेका छन् । आन्दोलनको नेतृत्व गरिरहेकी रुबी खान ११ दिनदेखि आमरण अनशनमा छिन् ।
दुई पक्षबीच सहमती भएसंगै बाँकेकी महिला अधिकारकर्मी खानले मंगलबार आमरण अनसन तोडेकी छन् । गृह मन्त्रालयका सहसचिव रेग्मीको नेतृत्वमा ६ सदस्यीय समिति बनाउने सहमतिसँगै रुबीले १३ दिन लामो अनसन तोडेकी हुन् । माइतीघर मण्डलामा मानअवधिकार आयोगकी पूर्व सदस्य मोहना अन्सारी र गृह मन्त्रालयका प्रवक्ता फणिन्द्रमणि पोखरेलले जुस खुवाएर अनसन तोडाएका हुन् ।

सरकारले सोमबारदेखि आन्दोलनरत पक्षसँग वार्ता सुरु गरेको थियो । सोमबार माइती नेपालको कार्यालयमा पुगेर गृह सचिव टेकनारायण पाण्डे र प्रवक्ता फणीन्द्रमणि पोखरेलले संघर्षरत अधिकारकर्मी र आफन्तसँग सोमबार छलफल गरेका थिए ।
नन्कुन्नीको घरेलु हिंसाकै कारण ज्यान गएकाले त्यसका दोषी ४ जनालाई पक्राउ गरी अनुसन्धान र कारबाहीको प्रक्रिया अघि नबढेसम्म आन्दोलन स्थगित गर्न नसकिने आन्दोलनरत पक्षको माग थियो । प्रहरीले अहिले नन्कुन्नीका श्रीमान् र जेठाजुलाई मात्र पक्राउ गरेको छ । त्यस्तै, निर्मला कुर्मीको अपहरण, शरीर बन्धक बनाई बेपत्ता पारिएको विषयका दोषीलाई समेत पक्राउ गरी कारबाही गर्नुपर्ने उनीहरूको माग छ ।