मकवानपुर । बागमती प्रदेशका प्रदेश प्रमुख यादवचन्द्र शर्माले सीमान्तीकृत र विपन्न समूहलाई लाभ पुर्याउने गरी कार्य गर्नु बताएका छन् । हेटौँडामा जातीय छुवाछुत अन्त्यका लागि सरकार र नागरिक समाजको भूमिका विषयक अन्तरक्रिया कार्यक्रममा प्रदेश प्रमुख शर्माले कानुनी व्यवस्था तथा संरचना थप प्रभावकारी बनाउँदै जातीय वर्ग वर्गभित्र पनि सीमान्तीकृत र विपन्न समूहलाई बढी लाभ पु¥याउने गरी कार्य गर्नु पर्ने बताएका हुन् ।
सम्पूर्ण दलित अधिकारकर्मी, अभियान्ताहरुलप्रति सम्मान व्यक्त गर्दै भेद्भाव र छुवाछुतलाई पूर्ण रूपमा अन्त्य गर्न अहिलेकाे आन्दोलनले मात्र नपुग्ने शर्मा बताए । उनले भने, ‘कोही पनि मानिस जातीय विभेद र छुवाछुतबाट अपहेलित र अपमानित हुनुहुँदैन,मुलुकमा जातीय भेद्भाव र छुवाछुतलाई पूर्ण रूपमा अन्त्य गर्न अझै नीति तथा कार्यक्रम निर्माण गर्न आवश्यक रहेको छ ।’
कार्यक्रममा बागमती प्रदेश सभासदस्य मुनु सिग्देलले दिवसको अवसरमा शुभकामना सन्देश दिँदै जातीय विभेद तथा छुवाछुत मानव समाजको कलंक भएको उल्लेख गर्दै २१ औँ शताब्दीमा कोही पनि मानिस जातीय विभेद र छुवाछुतबाट अपहेलित र अपमानित हुन नहुने बताइन् । उनले जब सम्म आर्थिक र समाजिक विकास हुँदै तव सम्म छुवाछुतको अन्त्य नहुने उद्घोष गरिन्। निर्णय तहमा पिछडिएका समुदायका व्यक्तिहरु पुग्न जरुरी रहेको भन्दै अबको स्थानिय तहमा महिलालाई आगडि बढाउन महिलाले नै अग्रसर हुनुपर्नेमा जोड दिइन् ।
नेकपा माओवादि केन्द्रका सचिव भिम पाख्रिनले निति निमार्ण बनाउन सरकारले खुट्टा कमाईरहेको बताए। उनले विभिन्न ऐन, नियम व्यवस्था बने पनि जातीय भेदभाव तथा छुवाछुतलाई उन्मूलन अन्त्य नभएको भन्दै सरकारले नै यस बिरुद्ध अभियान संचालन गर्नुपर्नेमा जोड दिए ।
कार्यक्रमका अवधारण पत्र प्रस्तुत गर्दै मानव अधिकारी तथा जातिय भेदभाव सरोकार केन्द्र नेपालका अध्यक्ष कमल कुमार विश्वकर्माले सरकारमा बस्नेहरुकै कारण जातीय भेदभाव तथा छुवाछुत भएकाे बताए । उनले विभिन्न दलित अधिकारीकर्मीहरु तथा अभियान्ताहरुले सदनदेखि सरकार र गाउँदेखि शहरसम्म विभिन्न कार्यक्रम गरेता पनि सरकारले यस दिवसलाई वेवास्ता गरेको बताए । सामाज जातीय भेदभाव निर्मुल नहुने कारण सरकारको उदासीनता भएको विश्वकर्माले बताए ।
जातीय भेदभाव गर्न नपाईने स्पष्ट कानुनी व्यवस्था भएपनि पछिल्लो समय जातिय भेदभाव तथा छुवाछुतका घटना वृद्धि भइरहेको भन्दै दलित समुदायका अधिकारलाई सुनिश्चित गर्नुपर्ने सहभागिहरु त्था अधिकारकर्मीहरुको माग छ । छुवाछूत अन्त्यका लागि कडा कानुन बनाएर कार्यान्वयनमा ल्याउनु पर्नेमा समेत सहभागिहले जोड दिएका छन् ।
मानव अधिकार तथा जातिय भेदभाव सरोकार केन्द्र नेपालका अध्यक्ष विश्वाकर्मा तथा बागमती प्रदेश प्रमुख शर्माको प्रमुख आथित्थ्यतामा भएकाे कार्यक्रममा हेटौँडा उपमहानगर पालिकाकी उपमेयर मिना लामा,नेपाल उत्पिडिन जातीय मुक्ति समाजका केन्द्रीय सदस्य केशव रसाईली,गैसस महासंघ बागमती प्रदेशका उपाध्यक्ष आरती पाठक, सामाजिक विकास मन्त्रालयकी चन्द्रा ब्यान्जन्कार,मुक्ति मोर्चाका केन्द्रीय सदस्य जंग बहादुर विक लगायतले छुवाछुत तथा जातिय भेदभाव अन्त्यको गर्न सरकार लाग्नुपर्नेमा जोड दिएका थिए ।
संयक्त राष्ट्र संघले सन् १९६५ मा जातीय विभेद उन्मुलन सम्बन्धी महासन्धि पारित गरी जाति तथा रंगभेद उन्मुलन दिवसको रुपमा मनाउने घोषणा गरे पनि नेपालले भने सो महासन्धिलाई सन् १९७१ मा मात्रै अनुमोदन गरेको थियो । तर यो दिवस भने सज् १९६६ देखि हरेक वर्ष मार्च २१ तारिखमा मनाउने गरिन्छ । हेटाैडमा पनि मानव अधिकार तथा जातिय भेदभाव सरोकार केन्द्र नेपालको आयोजनामा ५७ औँ अन्तराष्ट्रिय जातिय विभेद उन्मुलन दिवस मनाइएको हो ।
मकवानपुर । प्रथम बागमती खेलकुद प्रतियोगिता अन्तरगत पुरुषतर्फको क्रिकेट खेलकाे उपाधि मकवानपुरले हात पारेको छ । प्रदेश खेलकुद विकास परिषद् बागमती प्रदेशको आयोजनामा जारी खेलकुदमा क्रिकेट खेलकाे उपाधि मकवानपुरले जितेकाे हाे ।
सोमबार चितवनको गौतम बुद्ध अन्तर्राष्ट्रिय क्रिकेट मैदानमा धादिङ जिल्लालाई २४ रनले पराजित गर्दै मकवानपुरले उपाधि हात पारेको छ । मकवानपुरले २० ओभरमा ८ विकेट गुमाएर १ सय ५६ रन बनाएको थियो । मकवानपुरका खेलाडी रिजन ढकालले ४२ रन बनाएका थिए भने बलिङतर्फ धादिङका उज्वल थापाले ३ विकेट लिएको थियाे ।
धादिङले २० ओभरमा सबै विकेट गुमाउदैं १ सय २४ रनमा समेटिएर लक्ष्य पुरा गर्न सकेन । मकवानपुरले २४ रनले जित्दै उपाधि जितेकाे खेल संयोजक प्रेम बहादुर क्षेत्रीले बताए । विजेता र उपविजेतालाई ट्रफी, पदक, प्रमाणपत्रसहित जनही ५ हजर नगद पुरस्कार प्राप्त गरेका छन् । समापन कार्यक्रममा प्रदेश खेलकुद परिषदका सदस्य सचिव सुर्यलाल भण्डारी, बागमती क्रिकेट संघका अध्यक्ष राजु बस्नेत, क्रिकेट संघ चितवनका कार्यबहाक अध्यक्ष सुदीप पियाँ लगायतकाको उपस्थिती रहेको थियो ।
तेक्वान्दो खेलका विजयीलाई सोमबार पुरस्कार वितरण
हेटौंडामा भएको तेक्वान्दो खेलका विजयीलाई सोमबार पुरस्कार वितरण गरिएको छ । विभिन्न तौल समूहका महिला तथा पुरुष खेलाडीका साथै तेक्वान्दोको पुन्से खेलमा पुरुष तथा महिला र समूहका विजयी खेलाडीलाई पुरस्कृत गरिएको खेल संयोजक माधब कोइरालाले बताए ।

प्रदेश सरकारका स्वास्थ्य राज्यमन्त्री कल्पना नेपालीको प्रमुख अतिथ्यतामा पुरस्कार वितरण गरिएको हाे । तेक्वान्दो खेलमा सबैभन्दा बढी पदक चितवनले जितेकाे छ । चितवनले ६ स्वर्ण, ८ रजत र ३ कास्य पदक प्राप्त गरेको छ । यस्तै नुवाकोटले ४ स्वर्ण, ६ रजत र ४ कास्य पदक हात पार्दा मकवानपुरले २ स्वर्ण, २ रजत तथा ८ कास्य प्राप्त गरेको छ । काठमाडौंले ३ स्वर्ण, २ रजत र ५ कास्य पदक प्राप्त गरेको खेल संयोजक कोइरालाले बताए ।
काठमाडौंको दशरथ रंगशालामा आइतबार जारी एथलेटिक्स अन्तरगतका विभिन्न खेलहरु सम्पन्न भएका छन् । सिन्धुपाल्चोकको चौतारा कभर्डहलमा कराँतेका खेलहरु भएका छन् । त्यस्तै, काभ्रेको धुलिखेल खेल मैदानमा महिला फुटबल खेल सुरु भएको खेल संयोजक कल्पना शर्माले बताइन् । ९ गतेदेखी काभ्रेमै बक्सिङ खेलका प्रतियोगिता सुरु हुनेछ । खेलको समापन कार्यक्रम १२ गते शनिबार काभ्रेको धुलिखेलमा हुनेछ ।
मकवानपुर । डिफेन्डीङ च्याम्पेन पिप्ले युवा क्लब हेटौडा जारी छैठौँ राजर्षि जनक कप फुटबल प्रतियोगिताको सेमिफाइनलमा प्रवेश गरेको छ । बागमती नगरपालिका–११, स्थित स्वर्गीय सन्तोष श्रेष्ठ स्मृति खेल मैदानमा सम्पन्न पहिलो क्वाटरफाइनल खेलमा डिफेन्डीङ च्याम्पेन पिप्लेले हिमालयन सेर्पा काठमाडौंलाई ३–० गोल अन्तरले पराजित गरेको हो ।
खेलको सुरुदेखिनै पिप्लेका खेलाडी हिमालयन सामु हाबी भएका थिए । सुन्दर फिनिसिङका साथ मैदानमा रहेका पिप्लेका खेलाडी आक्रामक अवस्थामा देखिए । पिप्लेले खेलको १५ औँ मिनेटमा रूपक लामाको गोलबाट अग्रता बनाएको थियो । ४० यार्ड टाडा पाएको फ्रिकिकलाई पिप्लेका रूपक लामाले कुनै गल्ती नगरी हिमालयनको जाली चुमाउन सफल भए ।
पहिलो हाफमा १–० को अवस्था बनाएको पिप्लेले दोस्रो हाफको ४ मिनेटमै दोस्रो गोल थप्यो । रूपक लामाको क्रसमा कुलदिप कार्कीले हेडमार्फत पिप्लेका लागि दोस्रो गोल गरे । दोस्रो हाफ पछि पनि पिप्लेका खेलाडी पुरा समय लयमै खेलिरहे ।
यस्तै खेलको अतिरिक्त समयमा पिप्लेका रितिक खड्काले पाएको वान टु वानको अवस्थालाई सहजै गोलमा परिणत गर्दै टिममलाई ३–० को अवस्थामा पुर्याए । पिप्लेले खेलमा दुई गोल गरेपछि हिमालयन केही दबाबमा देखिएको थियो । सुरुदेखिने निकै कमजोर फिनिसिङ खेलेका हिमालयन सेर्पाको खेलमा फर्कने लगातारको प्रयास असफल भयो । सुरुदेखिनै लयमा खेल्न नसकेको हिमालयन त्यस पछि पनि खेलमा फर्कन सकेन ।
खेलमा हिमालयनका खेलाडीले बनाएको केही राम्रा अवसरलाई समेत सदुपयोग गर्न सकेनन् । खेलको ७ औँ मिनेटमा हिमालयनका विकास मेरागिलले गरेको सशक्त प्रहार पिप्लेका गोल रक्षक अशोक बरालले असफल गरिदिए । पहिलो हाफको अतिरिक्त समयमा हिमालयनका दिवस ओरओले सुन्दर हेड गरे । तर, क्रसबारमा ठोकिएर फक्रियो ।
दोस्रो हाफको ३२ र ३३औं मिनेटमा हिमालयनका सत्य शर्माले पिप्लेको गोल पोस्टमा दुई वटा सशक्त प्रहार गरे । तर, सफल भएनन् । बल क्रमशः पहिलो बारमा र क्रसबारमा लागेर फर्कियो । त्यस पछि पनि हिमालयनका खेलाडीले केही राम्रो अवसरहरू तयार गरे । तर सदुपयोग गर्न सकेनन्, योसँगै हिमालयन सेर्पाले उपाधि होडबाट बाहिरिनु पर्यो ।
पिप्लेको लागि पहिलो गोल गरेका रूपक लामा म्यान आफ दि म्याच घोषित हुँदै नगद १० हजार पुरस्कार समेत प्राप्त गरे । उद्घाटन खेलमा धु्रवतारा सर्पोटिङ झापालाई पराजित गर्दै हिमालयनले पिप्लेसगँको भेट पक्का गरेको थियो । एक खेल बाइपाएको पिप्लेले सिधै क्वाटरफाइनल खेलेको हो । यस प्रतियोगिता अन्तरगत सोमवार दोस्रो क्वाटरफाइनल खेलमा विभागीय टोली नेपाल पुलिस र सुदूर पश्चिम–११, धनगढी खेल्ने छन् ।
पुलिस नव जनजागृति युवा क्लब सिमरालाई हराउँदै क्वाटरफाइनलमा प्रवेश गरेको हो । सुदूर पश्चिम–११, एक खेल बाई पाएर अन्तिम चारमा रहेको थियो । १२ टिम सहभागी प्रतियोगिताको फाइनल खेल चैत १३ गते हुने आयोजक क्लबका अध्यक्ष किस्मत राज मैनालीले जानकारी दिए । प्रतियोगिताको विजेताले राजर्षि रनिङ सिल्ड नगद १० लाख १ हजार र उपविजेताले सिल्ड ५ लाख ५ सय पुरस्कार प्राप्त गर्ने छन् ।
मकवानपुर/ यौनिक तथा लैङ्गिक अल्पसंख्यक समुदायको चुनौतीलाई समाजले अस्वीकार गरेको गुनासो गरिएको छ । परिवारले हुर्काइको क्रममा, समाजले सामाजिकीकरणको सवालमा, स्कुलले शिक्षा आर्जनको समयमा यौनिक तथा लैङ्कि अल्पसंख्यकहरुमाथि विभेद गरिरहेको उनीहरुले बताएका हुन् ।
“संविधानले प्रदान गरेको अधिकार पनि कार्यान्वयनमा छैन”, यौनिक तथा लैङ्गिक अल्पसंख्यक महासंघको उपाध्यक्ष भूमिका श्रेष्ठले भनिन् “पाइलै पिच्छे विभेद र तिरस्कार सहेर पनि हामी संघर्ष गरिरहेका छौ ।” अमेरीकी सरकारबाट विश्वको साहसी महिलाहरुको सूचिमा सुचिकृत भइ हालै सम्मानित भएकी भूमिका श्रेष्ठले हेटौंडामा आयोजित एक कार्यक्रममा भनिन् “संघर्ष गर्न नडराएकै कारण आज हाम्रो समाज विस्तारै परिवर्तन हुदै आएको आभाष गर्दछौं ।”
आफ्नो पहिचान बताएपछि विभिन्न प्रकारको विभेद खप्नु परेको उनले बताइन् । नेपाल सरकार जनसेवा श्री पाँचौबाट पनि २०७८ द्वारा विभूषित भएकी श्रेष्ठले यौनिक तथा लैङ्गिक अल्पसंख्यकहरुलाई संविधानतः प्रदत्त अधिकारको उपभोगमा समेत समस्या भएको बताइन् । आफ्नो इच्छा चाहाना भन्दा फरक तरीकाले बाँच्न बाध्य रहेको उनले गुनासो गरिन् ।

“स्कुलको पाठ्यक्रममा पनि विभेदीत शब्दावली छन्, बाटो घर परिवार स्कुल सबैतिर हेपिएर बाँचेका छौ, अवार्ड पाउँदा एकदम खुसि भएँ, विगतको दिन सम्झिएँ’ पुरस्कृत हुँदाको अनुभव स्मरण गर्दै उनले भनिन् ‘नीतिगत रूपमा र कानुनी रूपमा सुधार आवश्यक छ, सामाजिक न्याय संबिधानले दिएको छ, हामीलाई छैन, समानताको हक छ, हामीले पाएकै छैनौ, अवार्डले जिम्मेवारी बोध गराएको छ ।” हाम्रो समाजमा महिला र पुरूष बाहेक पनि मान्छे छ भन्ने समुदायलाई बुझाउन बाँकी रहेको उनले बताइन् ।
पहिचानको आधारमा नागरिकता दिन अझै पनि मेडिकल प्रमाण माग्ने गरेको, वैवाहिक सम्बन्ध बसाउन हक संविधानले दिए पनि व्यवहारमा नभएको उनले बताइन् ।
लैङ्गिक तथा यौनिक अल्पसंख्यकहरुको चुनौती र समाधानका उपायबारे हेटौंडामा भएको कार्यशालामा श्रेष्ठले यस्तो बताएकी हुन् । कार्यक्रममा यौनिक तथा लैङ्गिक अल्पसंख्यक समुदायकी मनिषा ढाकालले यौनिक तथा लैङ्गिक अल्पसंख्यकहरुले भोग्दै आएको समस्याबारे कार्यपत्र प्रस्तुत गरेकी थिइन् । यसैगरी निल हिरा समाज अध्यक्ष पिंकी गुरुङले सामाजिक, बहिस्कार, शिक्षा आर्जनमा असहजता, यौन दुव्र्यवहारका बाबजुत पनि आफूहरु निरन्तर संर्घषमा लागिरहेको बताइन् ।
प्रदेश सरकारले यौनिक तथा लैङ्गिक अल्पसंख्यक मैत्री नीति बनाएर कार्यान्वयमा ल्याउनु पर्ने र यसको लागि आफूहरुले सहकार्य गर्न तत्पर रहेको गुरुङले बताइन् ।
कार्यक्रममा सामाजिक विकास मन्त्रालय बागमती प्रदेश, महिला तथा बालबालिका महाशाखा प्रमुख गोपालप्रसाद कंडेलले नीति निमार्ण तहमा संलग्नहरुलाई यौनिक तथा लैङ्गिक अल्पसंख्यक समूदायको चुनौतीबारे जानकारी गराउन र यौनिक तथा लैङ्गिक अल्पसंख्यक मैत्री नीति बनाउन सहकार्य गर्न आफूले समन्वय गर्ने बताए । यसैगरी सामाजिक विकास मन्त्रालय महिला बालबालिका महाशाखाकी चन्दकुमारी व्यान्जनकार जिल्लाका सञ्चारकर्मीहरु तथा सरोकारवालाहरुको उपस्थिती रहेको थियो ।
मकवानपुर । जिल्ला प्रहरी कार्यालय मकवानपुरले लागु औषध र नगद सहित एक युवालाई नियत्रन्त्रणमा लिएको छ । प्रहरीले हेटौंडा वडा १४ घर भइ हेटौंडा २ मा बस्दै आएका २१ वर्षीय अजय गोलेलाई नियन्त्रणमा लिएको हो ।
उनलको डेराकोठामा चेकजाँच गर्दा लुकाई राखेको लागुऔषध डाईजेपाम ५८ एम्पुल, फेनारगन ५७ एम्पुल, नफिन ५७ एम्पुल बरामद गरिएको थियो । यसैगरी उनको साथबाट लागुऔषध नाईट्रोभेट ८१ ट्बलेट, लागु औषध ओनारक्स ३ बोतल, ट्रमाञ्जोल २१ क्याप्सुल र नगद २९ हजार ६ सय ५० फेला पारेको प्रहरी प्रवक्ता प्रहरी निरीक्षक राजकुमार सापकोटाले बताए ।
