मकवानपुर । माटो जोगाऔं अभियानका अभियन्ताहरुलाई हेटौडामा स्वागत गरिएको छ । शुक्रबार मकवानपुर उद्योग वाणिज्य संघले अभियानलाई स्वागत गरेको हो ।
माटो जाेगानउकाे लागि गरिएकाे अभियानमा ३५ सय किलोमिटर दौड सुरु गरिएकाे छ । काठमाडौंबाट जेठ ३० गतेदेखि सुरु भएको दाैडका धावक नविन पुन मगरलगायतको टोलीलाई हेटौंडामा संघ अध्यक्ष कृष्ण कुमार गुप्ताले स्वागत गरेका हुन् । स्वागत तथा अभियान सम्बन्धी छलफल कार्यक्रममा अध्यक्ष गुप्ताले माटो जीवनको लागि अत्यन्त महत्वपूर्ण भएकोले अहिलेको पुस्ताको आवश्यकता पूर्तिसँगसँगै भावी पुस्ताको लागि समेत माटो जोगाउन पर्ने बताए ।
यसैगरी माटो जोगाऔं अभियानका अभियन्ताहरुको टोलीलाई प्राज्ञिक विद्यार्थी नेपाल र ईशा फाउण्डेशन नेपालका प्रतिनिधिहरुले समेत हेटौडामा स्वागत गरेका छन् । हेटौंडाको बुद्धचोकमा विभिन्न नाराहरु उद्घोष गर्दै स्वागत एवम् अभिनन्दन गरेको ती संस्थाले जानकारी दिएको छ ।
यस्तै असार ४ गते शनिबार विहान ८ बजे मकवानपुर उद्योग वाणिज्य संघको हलमा माटो जोगाऔं अभियान अन्तर्गत कार्यक्रम रहेको आयोजकले जनाएको छ । कार्यक्रम अघी बिहान ७ बजे पैदल तथा साईकल ¥याली आयोजना हुने बताइएकाे छ।
मकवानपुर । विश्वकप फुटबल २०२२ कतारमा सुरु हुने समय नजिकिदै गर्दा सन् २०२६ मा आयोजना हुने फिफा विश्वकपको आयोजक सहर र रंगशालाको नाम सार्वजनिक भएको छ ।
सन् २०२६ को विश्वकप राष्ट्र अमेरिका, क्यानडा र मेक्सिकोले संयुक्तरूपमा आयोजना गर्नेछन् । विश्व फुटबलको सर्वोच्च निकाय फिफाले २०२६ काे विश्वकप आयोजना हुने ती देशका १६ सहरका १६ रंगशालाको नाम सार्वजनिक गरेको हो ।
सन् २०२६ काे विश्वकपका खेलहरू अमेरिकाका ११, मेक्सिकोका ३ र क्यानडाका २ सहरमा आयोजना हुनेछ न्। उक्त विश्वकपमा ४८ राष्ट्रको सहभागिता रहने छ । हाल विश्वकपमा ३२ राष्ट्रले सहभागिता जनाउँदै आएका छन्
अमेरिकामा खेल हुने सहर र मैदान :
मर्सिडीज–बेन्ज स्टेडियम (एटलान्टा), एटी एन्ड टी स्टेडियम (डलास), जिलेट स्टेडियम (बोस्टन), एनआरजी स्टेडियम (ह्युस्टन), एरोहेड स्टेडियम (कन्सास सिटी), सोफी स्टेडियम (लस एन्जलस), हार्ड रक स्टेडियम (मियामी), मेटलाइफ स्टेडियम (न्यूयोर्क–न्यू जर्सी), लिंकन फाइनान्सियल फिल्ड (फिलाडेल्फिया), लेभिस स्टेडियम (सान फ्रान्सिस्को) र लुमेन फिल्ड (सिएटल) ।
मेक्सिकोमा खेल हुने सहर र मैदान :
एज्टेका स्टेडियम (मेक्सिको सिटी), स्टेडियो बिबीभीए (मोन्टेरी) र स्टेडियो एक्रोन(गुआडालाजारा)
क्यानडामा खेल हुन सहर र मैदान :
बिएमओ फिल्ड (टोरेन्टो), बिसी प्लेस (भ्यानकुभर)
मकवानपुर । जिल्ला समन्वय समिति मकवानपुरको प्रमुखमा निर्वाचित ललित कुमार घलानले पद तथा गाेपनियताको सपथ लिएका छन् । विहीबार दिउँसाे भएकाे निर्वाचनबाट घलान जिसस मकवानपुर प्रमुखमा निर्वाचित भएका थिए ।
घलानलाई प्रमुख निर्वाचन अधिकृत डिल्लीरत्न श्रेष्ठले पद तथा गोपनियताकाे सपथ खुवाएका थिए । सपथ ग्रहण लगत्तै प्रमुख घलानले उपप्रमुख सानुकाजी लुईटेल र निर्वाचित महिला तथा अन्य ७ सदस्यहरुलाई सपथ ग्रहण गराएका थिए । निर्वाचन पश्चात निर्वाचन कार्यालयले निर्वाचित भएको प्रमाणपत्र प्रदान गरिएको थियो ।
यस्तै जिसस मकवानपुरका नवनिर्वाचित प्रमुख ललितबहादुर घलानलाई निवर्तमान प्रमुख रघुनाथ खुलालले जिम्मेवारी हस्तान्तरण गरेका छन् । जिससकाे विहीबारकाे निर्वाचनबाट निर्वाचित घलानलाई मुख्य निर्वाचन अधिकृतको कार्यालयले सपथ ग्रहण गराएर जिम्मेवारी हस्तान्तरण गरिएको हो ।
मकवानपुर । आगामी आर्थिक वर्षको बजेट कार्यक्रममा बागमती प्रदेश सरकारले कृषिक्षेत्रको विकास तथा आत्मानिर्भरतालाई विशेष प्राथमिकता दिएको छ । प्रदेश सरकारले कृषि क्षेत्रको लागि कृषि तथा पशुपन्छी विकास मन्त्रालयको लागि ४ अर्ब ४९ करोड ३० लाख विनियोजन छुट्याएको छ ।
प्रदेश सरकारले कृषि तथा पशुपन्छी मन्त्रालयबाट कृषिमा आधुनिकीकरण, व्यवसायिकरण र यान्त्रीक रुपान्तरणको लक्ष्य लिएको छ । कृषिमा सीपयुक्त जनशक्ति र उद्यमशिलता विकास तथा रोजगारी र स्वरोजगारीका अवसरको सिर्जना गर्ने लक्ष्य लिइएको छ /
कृषि क्षेत्रलाई निर्वाहमुखी अवस्थाबाट आधुनिकीकरण, विशिष्टीकरण, यान्त्रिकरण, औद्योगिकीकरण र व्यावसायिकरण गरी रुपान्तरण गर्न र कृषि तथा पशुपन्छी पालनमा संलग्न किसान, व्यवसायी र सहकारीलाई प्रोत्साहन र बजारको पहुँच सहजीकरण गर्न जोड दिने योजनाहरु प्रदेश सरकारले अघि सारेको प्रदेशको आर्थिक मामिला तथा योजनामन्त्री शालिकाराम जमकट्टेले बताए ।
प्रदेश सरकारले कृषि तथा पशुपालनका क्षेत्रमा प्रदान गरिदै आएको अनुदानको प्रभावकारिता कम देखिएको भन्दै उत्पादनमा आधारित प्रोत्साहन बाहेकका सबै अनुदान खारेज गरेको छ । आगामी वर्षदेखि वास्तविक किसानलाई सहयोग पु¥याउने उद्देश्यले घुम्तीकोष स्थापना गरी समूह, नीजि तथा सहकारी लक्षित गरी कार्य प्रगतिको आधारमा र्निब्याजी बीउ पुँजी किस्ताबन्दीमा उपलब्ध गराउन ५० करोड विनियोजन गरेको छ ।
बीउ पुँजीको अन्तिम किस्ता प्रदान गर्दा उत्पादन परिमाणलाई आधार बनाईने र निश्चित वर्षपछि सो रकम फिर्ता गर्नुपर्ने गरी यथाशीघ्र कार्यविधि तर्जुमा गरिने प्रदेश सरकारले जनाएको छ।
अण्डा, माछा–मासु, आलु, प्याज, लसुन र अदुवालगायतका वस्तुहरूमा आत्मनिर्भर बनाउन उत्पादनमा आधारित प्रोत्साहन प्रदान गर्न ४४ करोड ५० लाख बजेट व्यवस्था गरेको प्रदेश सरकारले प्याज र लसुनको प्रवद्र्धनका लागि दश क्विन्टलभन्दा बढी उत्पादन गर्ने किसानलाई प्रति किलो एक रुपैयाँको दरले प्रोत्साहन दिने भएको छ ।
संघीय र स्थानीय तहसँगको समन्वयमा बाँझो एवं उपयोगविहीन खेतीयोग्य जमिन किसान, कृषक समुह र कृषि सहकारीलाई भाडामा उपलब्ध गराउने, संघीय सरकारबाट हस्तान्तरण भई आउने कृषि तथा पशु जोनलाई प्रभावकारी रुपले सञ्चालन गर्नको लागि प्रदेश सरकारले बजेट छुट्याएको छ ।
दुधको उत्पादनमा आगामी ३ वर्ष भित्र ३५ प्रतिशतले बृद्धि गर्न सम्भाव्यताका आधारमा डेरी एक्सेलेन्सी सेन्टर स्थापना गर्न सहकारी तथा नीजि क्षेत्रलाई प्रोत्साहन दिने कार्यक्रम ल्याइने भएको छ । प्रदेश सरकारले यस अघि दुध उत्पादनमा दिईदै आएको प्रति लिटर दुई रुपैया उत्पादनमा आधारित प्रोत्साहन कार्यक्रमलाईलाई भने आगामी वर्ष थप विस्तार गरिने जमकट्टेलले बताए । तर यस कार्यक्रमबाट वास्तविक किसान लाभान्वित भए नभएको सम्वन्धमा अनुगमन गर्न संयन्त्र बनाईने उनले बताए ।
उक्त प्रोत्साहन रकम किसानहरुको बैंक खातामा सोझै जम्मा हुने व्यवस्था मिलाईनेछ । दुध उत्पादन प्रवद्र्धन गर्ने कार्यक्रमको लागि प्रदेश सरकारले ३० करोड विनियोजन गरेको छ ।
यसैगरी कृषि क्षेत्रको विकासकै लागि हेटौंडामा निर्माणाधिन पाउडर प्लान्ट आगामी वर्षदेखि सञ्चालनमा ल्याउने गरी निर्माण कार्यलाई तिव्रता दिने भएको छ । यसैगरी काभ्रेपलाञ्चोक जिल्लामा मिनी पाउडर प्लान्ट स्थापनाको कार्य अगाडि बढाइने भएको छ ।
एकल महिलाद्धारा संचालित कृषि फर्म र कृषि उत्पादकमूलक कार्यक्रमलाई कामका आधारमा प्रोत्साहन दिईने, दलित किसानहरुलाई तरकारी, फलफूल, नगदे बालीमा आकर्षित गरी स्वआर्जन गर्ने अवस्था सिर्जना गरिने, बनकरिया, सुरेल, हायु, बोटे, माझी, जिरेल, थामी, चेपाङ र भुजेल जातिका किसानको जीवनस्तर उठाउन कृषि शिक्षा र बीउ पुँजी उपलब्ध गराउने जस्ता कार्यक्रम पनि आगामी वर्षको बजेटको प्राथमिकतामा परेका छन् ।
यसैगरी सिन्धुपाल्चोक जिल्लामा बाढीबाट प्रभावित किसान लक्षित गरी कृषि व्यवसाय पुनस्र्थापना गर्न ३ करोड र धादिङ जिल्लाको रुबी भ्याली गाउँपालिका सहितका मानव विकास सूचकाङ्कमा पछाडि परेका स्थानीय तहमा कृषि प्रवद्र्धन मार्फत किसानको आयआर्जन बृद्धि गर्न २ करोड विनियोजन गरेको छ ।
प्रदेशमा उत्पादन भएका तरकारीहरुको समर्थन मूल्य तोकी सहकारी तथा नीजि क्षेत्र मार्फत खरीद गर्न प्रोत्साहन गरिने भएको छ । साथै संघीय सरकार, सहकारी र नीजि क्षेत्रसँगको सहकार्यमा अन्य मुख्य बालीहरुको समर्थन मूल्यमा खरीद गर्ने व्यवस्था मिलाउन ७ करोड ४० लाख विनियोजन गरेको छ ।
किसानहरुको आत्मसम्मान सहितको पहिचान कायम गराउन व्यावसायिकताका आधारमा किसानहरूको वर्गीकरण गरी किसान परिचयपत्र वितरण शुरु गर्ने काम प्रदेश सरकारले आगामी आर्थिक वर्षबाट सुरु गर्ने भएको छ । यही वर्गीकरणका आधारमा प्रदेश सरकारबाट दिईने प्रोत्साहनलाई लक्षित वर्गमा पु-याईनेछ ।
यसैगरी माटो परीक्षण गर्ने कार्यलाई तीव्रता दिई माटो स्वस्थता प्रमाणपत्र उपलब्ध गराउने, माटोमा ह्रास हुदै गएको प्राङ्गारीक पदार्थको मात्रालाई वृद्धि गर्न प्राङ्गारिक मल र गड्यौला मलको प्रयोगलाई प्रोत्साहन गर्न प्रदेश सरकारले ५ करोड ७५ लाख विनियोजन गरेको छ ।
आगामी तीन वर्ष भित्र प्रदेशलाई धान, मकै, गहुँलगायत तरकारी र फलफूलको बीउमा आत्मनिर्भर बनाउन नीजि तथा सहकारी क्षेत्रसँगको साझेदारीमा चितवन, मकवानपुर, धादिङ र काभ्रे जिल्लामा बीउ उत्पादनको पकेट क्षेत्र स्थापना गरी बीज प्रवद्र्धन कार्यक्रम सञ्चालन गर्न ५ करोड विनियोजन गरिएको छ ।
यसैगरी प्रदेशभित्र सम्भाव्यताका आधारमा रासायनिक मल कारखाना र कृषि औजार कारखाना स्थापना गर्ने प्रक्रिया अगाडि बढाईने, बीमा कम्पनीहरुसँगको सहकार्यमा बाली तथा पशु बीमा सेवालाई विस्तार गरिने, फलफूल तथा तरकारीको व्यावसायिक उत्पादन र भण्डारणलाई टेवा पु-याउन नीजि क्षेत्रसँगको साझेदारीमा शीतभण्डार स्थापना र सञ्चालन गरिने भएको छ ।
प्रदेश भित्र निर्माणाधिन दश वटा शीत भण्डार आगामी वर्षमा नै सम्पन्न गर्न ५ करोड विनियोजन गरेको छ । साथै मकवानपुरको थाहा नगरपालिकासँगको लागत साझेदारीमा पालुङमा निर्माण भएको शीत भण्डारका लागि आवश्यक यन्त्र उपकरण खरीद गर्न ३ करोड वजेट व्यवस्था गरेको छ ।
पाँच विगाहा वा पचास रोपनी भन्दा बढी जमिनमा तरकारी खेती गर्ने किसानको कृषि उपज भण्डारणको लागि कोल्ड च्याम्बर निर्माण गर्न सहयोग पु-याउने गरी बजेट व्यवस्था गरेको छ । खेती गरिएको क्षेत्रफलका आधारमा माग बमोजिमका आधुनिक यन्त्र उपकरण उपलव्ध गराउन ११ करोड २५ लाख विनियोजन गरेको छ ।
आगामी वर्षभित्र मकवानपुरमा निर्माणाधीन कृषि थोक बजार सञ्चालनमा ल्याउन १५ करोड विनियोजन गरेको छ । धादिङ जिल्लाको धार्के र काभ्रेपलाञ्चोक जिल्लाको मण्डनदेउपुरमा शीत भण्डार सहितको कृषि बजार स्थापना गर्न बजेट व्यवस्था गरेको छ ।
पशुमा लाग्ने खोरेत, पिपिआर र रेबीज रोग उन्मुलन गर्न निःशुल्क खोप अभियान कार्यक्रम सञ्चालनका लागि ५ करोड व्यवस्था गरेको छ । पशु प्रजनन् सम्वन्धी काम गर्ने कार्यालयको संस्थागत सुदृढीकरण गरी उन्नत पशुपालनलाई प्रोत्साहित गर्ने प्रवन्ध गरेको छ ।
उच्च पहाडी र हिमाली भेगमा चौँरी र च्याङ्ग्र्रा पालनको प्रबद्र्धन गर्न पशु चिकित्सक सेवा सहितको नश्ल सुधार, आहार व्यवस्थापन, खर्क सुधार, तालिम लगायतका कार्यक्रमहरू सञ्चालन गर्न आवश्यक बजेट व्यवस्था गरेको छ ।
स्थानीय तहसँगको समन्वयमा हरेक वडामा कृषि प्राविधिकको व्यवस्था सहित ‘एक वडा एक पशु स्वास्थ्य क्लिनिक’ स्थापना गर्न १८ करोड २७ लाख विनियोजन गरेको छ ।
कृषिसँग सम्बन्धित विश्वविद्यालय र कृषि अनुसन्धान परिषद्सँग सहकार्य गरी कृषि सम्बन्धी अध्ययन अनुसन्धान, प्रविधि विकास र प्रसार मार्फत कृषि प्रणालीलाई प्रवद्र्धन र रुपान्तरण गर्न रकम विनियोजन गरेको छ ।
बागमती प्रदेश सरकारले आगामी आर्थिक वर्षको लागि कुल ७० अर्ब ९३ करोड ९२ लाख बजेट विनियोजन गरेका हुन् । कूल विनियोजन मध्ये चालु तर्फ १९ अर्ब ०२ करोड ४१ लाख, पुँजीगत तर्फ ४१ अर्ब ५६ करोड २४ लाख, वित्तीय हस्तान्तरण तर्फ ८ अर्व ३५ करोड २७ लाख र वित्तीय व्यवस्था तर्फ २ अर्ब विनियोजन गरेको छ । कूल विनियोजन मध्ये चालु तर्फ २७ प्रतिशत, पुँजीगत तर्फ ५८.५८ प्रतिशत, वित्तीय हस्तान्तरण तर्फ ११.७७ प्रतिशत र वित्तीय व्यवस्था तर्फ २.८१ प्रतिशत रहेको छ ।
आगामी आर्थिक वर्षको खर्च व्यहोर्ने स्रोत मध्ये कर राजस्वबाट २६ अर्व ९७ करोड ११ लाख, अन्य राजस्वबाट ६ अर्व २२ करोड ४४ लाख, संघीय वित्तीय हस्तान्तरणबाट २१ अर्ब ६ करोड ८७ लाख र चालु आर्थिक वर्षको अनुमानित सञ्चित कोषको बचत र अन्य प्राप्तीबाट १६ अर्ब ६७ करोड ५० लाख व्यहोरिर्ने प्रदेशका आर्थिक मामिला तथा योजनामन्त्री जम्कट्टेलले बताए ।
मकवानपुर । बागमती प्रदेश सरकारले आगामी आर्थिक वर्षको लागि ७० अर्ब ९३ करोड ९२ लाख बजेट प्रस्ताव गरिएको छ । बुधबार प्रदेश सभामा प्रदेशका आर्थिक मामिला तथा योजनामन्त्री शालिकराम जमकट्टेलले उक्त बजेट प्रस्तुत गरेका हुन् ।
आगामी वर्षको कार्यक्रम कार्यान्वयन गर्न ७० अर्ब ९३ करोड ९२ लाख बजेट विनियोजन गरेका हुन् । कूल विनियोजन मध्ये चालु तर्फ १९ अर्ब ०२ करोड ४१ लाख, पुँजीगत तर्फ ४१ अर्ब ५६ करोड २४ लाख, वित्तीय हस्तान्तरण तर्फ ८ अर्व ३५ करोड २७ लाख र वित्तीय व्यवस्था तर्फ २ अर्ब विनियोजन गरेको छ । कूल विनियोजन मध्ये चालु तर्फ २७ प्रतिशत, पुँजीगत तर्फ ५८।५८ प्रतिशत, वित्तीय हस्तान्तरण तर्फ ११.७७ प्रतिशत र वित्तीय व्यवस्था तर्फ २.८१ प्रतिशत रहेको छ ।
आगामी आर्थिक वर्षको खर्च व्यहोर्ने स्रोत मध्ये कर राजस्वबाट २६ अर्व ९७ करोड ११ लाख, अन्य राजस्वबाट ६ अर्व २२ करोड ४४ लाख, संघीय वित्तीय हस्तान्तरणबाट २१ अर्ब ६ करोड ८७ लाख र चालु आर्थिक वर्षको अनुमानित सञ्चित कोषको बचत र अन्य प्राप्तीबाट १६ अर्ब ६७ करोड ५० लाख व्यहोरिनेछ ।
प्रदेश सरकारले सस्तो लोकप्रियताको लागि महत्वकाक्षि बजेट ल्याएको विश्लेषकहरुले प्रतिक्रिया दिएका छन् । बजेटमा केही नयाँ कार्यक्रम ल्याएको छ भने अधिकांश पुराना कार्यक्रमलाई निरन्तरता दिइएको छ । प्रदेशको गठबन्धन सरकारले प्रदेशमा नमुना समाजवादी कार्यक्रम संचालन गर्ने भएको छ । आगामी आर्थिक वर्ष २०७९/८० को लागि बजेट प्रस्तुत गर्दै प्रदेशका आर्थिक मामिला तथा योजनामन्त्री जम्कट्टेलले नमुना समाजवादी कार्यक्रमको लागि २५ करोड बजेट विनियोजन गरिएको बताए ।
प्रदेशमा पर्यटन प्रबद्धन गर्ने विभिन्न कार्यक्रम गर्ने गरी बजेटमा सम्बोधन गरीएको छ । आगामी आर्थिक वर्षलाई घुमफिर वर्षको रुपमा मनाइने र यसको लागि नयाँ पर्यटकीय क्षेत्रको खोज, प्रवद्धन गरिने भएको छ । प्रदेश सरकारले आन्तरीक पर्यटन प्रबद्धनको लागि घुमफिर वर्षको रुपमा मनाइने भएको हो । प्रदेश भित्रको पर्यटकीय गन्तव्यहरुमा साइकल लेनदेखि नि:शुल्क इन्टरनेट सुविधाको व्यवस्था गर्ने लक्ष्य प्रदेश सरकारले लिएको छ । यसको लागि दोलखाको जिरीमा मानव निर्मित ताल निर्माणको लागि १५ करोड रुपैयाँ बजेट विनियोजन गरेको छ ।
जिरीमा पर्यटकीय क्षेत्रको रुपमा विकास गर्न मानव निर्मित ताल निर्माण गर्न १५ करोड बजेट विनियोजन गरिएको बताए ।
प्रदेश सकारले कृषि क्षेत्रको विकास कार्यक्रम पनि बजेटमा समेटेको छ । किसानलाई दुधमा दिने अनुदान कार्यक्रमलाई निरन्तता दिने भएको छ ।
किसानलाई दुधमा प्रतिलिटर २ रुपैँया दिने अनुदान कार्यक्रमलाई निरन्तरता र उक्त रकम बैंक खातामा जम्मा गरिदेन व्यवस्था गरिने बताए । यसैगरी हेटौंडामा निर्माणधिन दुग्ध पाउडर प्लान्ट आगामी आवबाट संचालनमा ल्याउने भएको छ ।
बागमती प्रदेश सरकारले प्रदेशभरका १० हजार युवालाई स्वरोजगार बनाउन मुख्यमन्त्री सिप विकास कार्यक्रम गर्ने भएको छ । यसको लागि १५ करोड बजेट विनियोजन गरिएको अर्थ मन्त्री जमकट्टेलले बताए ।
बागमती प्रदेश सरकारले प्रदेश भित्रका ११९ वटा स्थानीय तहका लागि १ अर्ब ७५ करोड रुपैयाँ समानीकरण अनुदान विनियोजन गरेको छ । पेट्रोलको खपत घटाउन विद्युतीय उपस्थितीमा कार्यक्रम गर्न प्रोसाहन गर्ने तथा सवारी साधन खरिद कार्यलाई निरुत्साहन गरिने प्रदेश सरकारले जनाएको छ ।
नागरिकको स्वास्थ्यको लागि प्रदेशको सबै जिल्लामा कार्यक्रमहरु सञ्चालन गर्न बजेट प्रस्ताव गरिएको छ । यस अन्तरगत किशोरीहरुको स्वास्थ्य परिक्षणदेखि जटील प्रकृतिको रोग उपचारमा अनुदानसम्मको कार्यक्रमहरु रहेको छन् ।
बजेटकाे पूर्णपाठ यस्ताे छ:
