मकवानपुर । मकवानपुर क्षेत्र नम्बर १ को प्रदेशसभा ख मा नेकपा एमालेका उम्मेदवार एकालाल श्रेष्ठले अग्रता लिएका छन् ।
पछिल्लो मतपरिणाम अनुसार एमालेका एकालालले ६ हजार ३९६ मतसहित अग्रता बढाएका छन् । उनलाई राप्रपाका उम्मेदवार गुञ्जनबहादुर न्यौपानले ६ हजार ९१ मतसहित पछ्याइरहेका छन् ।
यसैगरी सोही क्षेत्रमा नेपाली कांग्रेसका उम्मेदवार आनन्दराम पराजुलीले ५ हजार ५३९ मतसहित श्रेष्ठ र न्यौपानेलाई पछ्याइरहेका छन् ।
यस क्षेत्रमा हालसम्म २० हजार ५३३ मतगणना भएको छ ।
काठमाडौं–४ बाट नेपाली काँग्रेसका गगन थापा विजयी भएका छन् । थापाले फराकिलो अन्तरले नेकपा एमालेका राजन भट्टराईलाई हराएका हुन् । भट्टराईलाई थापाले ७,४५७ मतान्तरले पराजित गरे । थापाले २१ हजार ३०१ मत पाए भने नेकपा एमालेका उम्मेदवार १३ हजार ८५५ मात्र मत ल्याए । तर औपचारिक घोषणा हुन भने बाँकी छ ।
नेपाली कांग्रेसका महामन्त्री थापाले काठमाण्डाै ४ मा ह्याट्रिक जित हात पारेका हुन् । २०६४ मा थापा समानुपातिक सांसद थिए । २०७४ मा पनि थापाले एमालेका भट्टराईलाई नै पराजित गरेका थिए । त्यो चुनावमा वाम गठबन्धनका तर्फबाट एमालेका भट्टराई प्रतिस्पर्धामा थिए ।
२०७० मा पनि गगनले यही क्षेत्रबाट एमालेका निर्मल कुँइकेललाई पराजित गरेका थिए ।
मकवानपुर । बागमती जिल्लाको दोलखा जिल्लामा अझै मतगणना सुरु भएको छैन । मंसिर ४ गते सम्पन्न मतदान प्रक्रिया निष्पक्ष नभएको भन्ने विषयमा विवादपछि यहाँको मतगणना अझै सुरु नभएको हो ।
प्रदेशको अन्य जिल्लाहरुमा मतगणना धमाधम चलिरहदा र केही जिल्लाको केही क्षेत्रमा अन्तिम नतिजा समेत आइसक्दा पनि दोलखा जिल्लामा भने मतगणना नै सुरु हुन सकेको छैन ।
निर्वाचनको दिन दोखला जिल्लाको बैतेश्वर गाउँपालिकाको वडा न १,२, ३, र ६, तामाकोशी जफे गाउँपालिकाको ३, गौरीशंकर गाउँपालिकाको वडा न १ र कालिञ्चोक गाउँपालिकाको वडा न १ मा सक्ता गठबन्धनले बुथ कब्जा गरेको आरोपमा विवाद चुलिदै आएको दोलखाबाट सञ्चारकर्मी बुना घिमिरेले जानकारी दिइन् ।
सत्ता गठकन्धनले बुथ कब्जा गरेर आफ्ना मतदाताहरुलाई मात्र भोट हाल्द दिएको एमालेको आरोप छ । एमालेले यि क्षत्रमा पुन मतदान कार्यक्रम नभइ मतगणना सम्बन्धी सबै कार्यक्रम बहिष्कार गरेको छ ।
आज विहानको लागि बोलाईको सर्वदलीय बैठक समेत एमालले बहिष्कार गरेपछि बैठक बस्न सकेन । यि क्षेत्रमा पुन मतदान हुनुपर्ने माग गर्दै एमालेतर्फमा प्रतिनिधि सभाका उम्मेदवार बालकृष्ण सिवाकोटीले निर्वाचन कै दिन मुख्य निर्वाचन अधिकृतको कार्यालयमा पुन मतदानको माग गर्दै उजुरी दर्ता गराएका थिए ।
तर भोली पल्ट मंसिर ५ गतेसम्म पुन मतदानबारे कुनै निर्णय नआएपछि एमालेबाट प्रदेश सभातर्फमा उम्मेदवारहरु भरतबहादुर केसी र नर बहादुर श्रेष्ठले समेत पुन मतदानको माग गर्दै उजुरी दिएका छन् ।
उनीहरुको उजुरी निर्वाच आयोगको केन्द्रीय कार्यालयमा पुगेको र केन्द्रले जे निर्णय पठाउँछ त्यही गर्ने भन्दै जिल्ला निर्वाचन कार्यालय पर्ख हेरको अवस्थामा रहेको बताइएको छ ।
सत्ता गठबन्धनले बजारको चोकचोकमा मतगणनाको माग गर्दै नाराबाजी गरेपछि स्थिती अशान्त बनेको छ । प्रहरीले सुरक्षा व्यवस्था बलियो बनाएको कारण कुनै घटनाभने हालसम्म भएको छैन । गएराती समेत मतगणनाको माग गर्दै नाराबाजी गरिएको थियो । अहिले पनि सातदोबाटो चोकलगायतमा प्रहरी परिचालन गरिएको र सुरक्षा व्यवस्था चुस्त पारीएको जिल्ला प्रशासन कार्यालय दोलखाले जनाएको छ ।
नेपाली कांग्रेसका नेता प्रकाशमान सिंह काठमाडौं-१ बाट प्रतिनिधिसभा सदस्यमा निर्वाचित भएका छन् । उनी निकटतम् प्रतिष्पर्धी राष्ट्रिय प्रजातन्त्र पार्टी (राप्रपा) का रवीन्द्र मिश्रलाई १२५ मतले पराजित गर्दै विजयी भएका हुन्।
सिंहले ७ हजार १४३ मत ल्याएर विजयी हुँदा निकटम प्रतिद्वन्द्वी मिश्रले ७ हजार १८ मत पाए । यसअघि २०७४को चुनावमा पनि सिंहले मिश्रलाई नै पराजित गरेर चुनाव जितेका थिए ।
राष्ट्रिय स्वतन्त्र पार्टीका पुकार बमले ४ हजार ११५, एमालेका किरण पौडेलले ३ हजार ५३२ मत र सुशासन पार्टीका रमेश खरेलले ३ हजार १२४ मत पाएका छन् ।
आइतबार सम्पन्न मतदानमा काठमाडौं–१ मा २७ हजार १८ मत खसेको थियो। निर्वाचन आयोगबाट औपचारिक घोषणा हुन बाँकी रहेको बताइएको छ।
मकवानपुर । नेकपा एमालले आमनिर्वाचन २०७९ मा ललितपुरबाट एमालेको विजय सुरुवात गरेको छ । प्रतिनिधिसभा सदस्य निर्वाचनमा ललितपुरको निर्वाचन क्षेत्र नम्बर २ मा नेकपा एमालेमा उम्मेदवार प्रेम महर्जन विजयी भएका छन् ।
निर्वाचन अधिकृतको कार्यालयका अनुसार महर्जन १५ हजार ३५ मत प्राप्त गरी विजयी भएका हुन् । कुल सदर मत ५१ हजार तीन सय ५५ मध्ये एमालेका महर्जन १५ हजार २५ मतसहित विजय भएका हुन ।
उनका प्रतिद्वन्द्वी हाम्रो नेपाली पार्टीका सुदिन शाक्यले ८ हजार ८ सय ८६ मत प्राप्त गरे भने राष्ट्रिय स्वतन्त्र पार्टीका उम्मेदवार बुद्धरत्न महर्जनले ८ हजार ६ सय ६६ मत प्राप्त गरे ।
साथै, सत्ता गठबन्धनका साझा उम्मेदवार नेकपा (एकीकृत समाजवादी)का कृष्णलाल महर्जनले ८ हजार २ सय ६४ र राष्ट्रिय प्रजातन्त्र पार्टीका उम्मेदवार रघुवरराज थापाले ६ हजार ६ सय ४६ मत प्राप्त गरे ।
