काठमाडौं–४ बाट नेपाली काँग्रेसका गगन थापा विजयी भएका छन् । थापाले फराकिलो अन्तरले नेकपा एमालेका राजन भट्टराईलाई हराएका हुन् । भट्टराईलाई थापाले ७,४५७ मतान्तरले पराजित गरे । थापाले २१ हजार ३०१ मत पाए भने नेकपा एमालेका उम्मेदवार १३ हजार ८५५ मात्र मत ल्याए । तर औपचारिक घोषणा हुन भने बाँकी छ ।
नेपाली कांग्रेसका महामन्त्री थापाले काठमाण्डाै ४ मा ह्याट्रिक जित हात पारेका हुन् । २०६४ मा थापा समानुपातिक सांसद थिए । २०७४ मा पनि थापाले एमालेका भट्टराईलाई नै पराजित गरेका थिए । त्यो चुनावमा वाम गठबन्धनका तर्फबाट एमालेका भट्टराई प्रतिस्पर्धामा थिए ।
२०७० मा पनि गगनले यही क्षेत्रबाट एमालेका निर्मल कुँइकेललाई पराजित गरेका थिए ।

