मकवानपुर । मकवानपुरकाे हेटौडामा जारी स्थानीय तह सहिद स्मृति अन्तर्राष्ट्रिय फुटबल प्रतियोगिता अन्तर्गत साेमबार भएकाे खेलमा वीरगञ्ज युनाइटेडद्वारा एनआरटी पराजीत भएकाे छ । ए डिभिजन टोली न्यूरोड टीम (एनआरटी) माथि वीरगञ्ज युनाइटेडले जीत हात पार्दै अन्तिम आठमा स्थान बनाएकाे हाे ।
हेटौंडा–५ स्थित पिप्लेक्याम्पा रंगशालामा भएको खेलमा एनआरटीलाई ३–२ गोलअन्तरले पराजित गर्दै वीरगञ्ज अन्तिम आठमा प्रवेश गरेको हो । वीरगञ्जको तर्फबाट विवेक चौधरीले खेलकाे २९ औं मिनेट र कृपा चौधरीले खेलकाे ५० औं र ७० औं मिनेटमा गाेल गरेका थिए । त्यस्तै एनआरटीको तर्फबाट दिनेश आले र ललिनुन जामाले एक/एक गोल गरेका थिए । दिनेशले खेलकाे २३ र ललिनुनले खेलकाे ७८ औं मिनेटमा गोल गरेका थिए ।
खेलको म्यान अफ दी म्याच वीरगञ्जका कृपा चौधरी घोषित भए । उनले नगद दशहजार रुपैयाँ प्राप्त गरे । प्रतियाेगिता अन्तर्गत चौथाे खेल मंगलबार हिमालयन शेर्पा काठमाडाै र बागमती युवा क्लव सर्लाही बीच खेल हुने आयाेजक जिल्ला फुटबल संघ मकवानपुरले जनाएकाे छ ।
गत माघ २८ गतेबाट सुरु भइ फागुन १० गतेसम्म संचालन हुने प्रतियोगिताको उपाधि विजेता टोलीले नगद १५ लाख र उपविजेता टोलीले १० लाख रुपैयाँ प्राप्त गर्ने छन् । प्रतियोगितामा विद्यागत उत्कृष्ट खेलाडीले २५ हजार र म्यान आफ दि म्याच खेलाडीले १० हजार रुपैयाँ प्राप्त गर्नेछ ।
पहिलो संस्करणको उपाधि थ्रिस्टार क्लबले जितेको थियो भने २०७५ मा भएको दोस्रो संस्करणको उपाधि घरेलु टोली मकवानपुर–११ ले जितेको थियो । २०७७ मा भएको तेस्रो संस्करण र गत जेठमा सम्पन्न चौथो संस्करणको उपाधि त्रिभुवन आर्मी फुटबल क्लबले जितेको थियो ।
प्रतियोगिताको सर्वोकृष्ट खेलाडीले रोयल इन्फिल्ड (बुलेट) मोटरसाइकल पाउने छन् । त्यसका लागि अघिल्लो दुई संस्करणमा झैं यस वर्ष पनि हेटौंडा स्कूल अफ म्यानेजमेण्ट एण्ड सोसियल साइन्सेसले प्रायोजन गरेको छ ।
मकवानपुर । भेटेरिनरी अस्पताल तथा पशु सेवा विज्ञ केन्द्र, मकवानपुरको आयोजनामा पि.पी. आर विरुद्धको सप्ताहव्यापी खोप अभियान आजबाट सुरू गरिएको छ ।
हेटौडा उपमहानगरपालिका १२, अल्दमार कुना टोलमा भेडा बाख्राहरुमा लगाइने पि.पी आर बिरुद्दको खोप कार्य पशुपन्छी तथा मत्स्य विकास निर्देशनालयका निमित्त निर्देशक डा. बृज किशोर ठाकुरको उपस्तिथिमा सुरू गरिएको हो ।
हेटौडा उपमहानगरपालिका वडा १२ का कार्यवाहक वडा अध्यक्ष ज्ञान बहादुर श्रेष्ठले आफ्नो वडामा पिपिआर खोपसंगै पशु स्वास्थ जांचमा सरोकारवालाको समन्वय आवश्यक भएको बताए ।
कार्यक्रममा कृषि तथा पशुपन्छी विकास मन्त्रालय बागमती प्रदेशका पशु विकास अधिकृत निशान्त शर्मा गेलाल, बिज्ञ केन्द्रका पशु विकास अधिकृत डाक्टर आभाष कोइराला, पशु सेवा प्राबिधिक प्रदिप सापकोटालगायतको उपस्थिती थियो ।
भिडियो हेर्नुस्:
मकवानपुर । बागमती प्रदेशमा आजबाट पिपिआर खोप अभियान सुरू हुने भएको छ ।
आजदेखी ७ गतेसम्म प्रदेशको मन्त्रालय, निर्देशनालय र मातहतका कार्यालयले भेडाबाख्राहरूमा पिपिआर खोप लगाउन लागेको हो ।
आव ७७/७८ को तथ्यांकअनुसार बागमती प्रदेशमा भेडाबाट ३४४ मेटिक टन र बाख्रा १३ हजार २ सय ६८ मेटिक टन मासु उत्पादन हुँदै आएको छ ।
अभियानको क्रममा २० भन्दा बढी भेडा बाख्रा भएको र खोप केन्द्रमा ल्याउन नसक्ने अवस्था भएमा सम्बन्धित खोरमै पुगेर सेवा प्रदान गरिने पशु चिकित्सक निशान्त शर्माले बताए ।
अभियानको क्रममा खोपको लागि ४२५ खोप कर्ता परिचालन गर्ने तयारी भएको उनले बताए । बागमती प्रदेश सरकारको कृषि तथा पशुपन्छि मन्त्रालयले प्रदेश भित्रका १२ लाख ६९ हजार भेडाबाख्रालाई पीपीआर खोप लगाउने भएको हो ।
पीपीआर भेडा बाख्रामा विषाणुबाट लाग्ने घातक संक्रामक रोग हो । पीपीआर संक्रमणको कारण वर्षेनि हजारौ भेडाबाख्रा मर्ने गरेको कारण किसानले ठुलो क्षति बेहोर्नु पर्ने समस्यालाई मध्यनजर गर्दै प्रदेश सरकारले प्रदेशमा रहेका भेडाबाख्रालाई पीपीआर खोप लगाउने कार्यक्रम सुरु गरेको मन्त्रालयले जानकारी दिएको छ ।
पीपीआर नियन्त्रणका लागि फागुन १ गतेदेखि ७ गतेसम्म सप्ताहव्यापी खोप अभियान सञ्चालन गरिने भएको छ । प्रदेशभर कुल २६ लाख १३ हजार २३२ भेडाबाख्रा रहेकामा ४९ प्रतिशत भेडाबाख्रालाई मात्र पीपीआर खोप लगाउन लागिएको हो ।
संघिय सशर्त मार्फत प्राप्त भएको खोपबाट प्रदेशभरका जम्मा ४९ प्रतिशत भेडाबाख्रामा खोप पुग्ने भएपनि यहि पेशामा रहेका किसानहरुलाई ठुलो आर्थिक क्षति हुनबाट रोकिने मन्त्रालयका निमित्त सचिब झलकनाथ कंडेलले बताए । नयाँ ठाउँमा यो रोग फैलदा ८० प्रतिशत संक्रमित जनावरको मृत्यु हुन्छ । देशभर सबै जिल्लामा फैलिसकेको कारण प्रदेशभरका किसानको ठुलो क्षति हुनबाट रोकिने कंडेलले बताए ।
विषाणुबाट फैलने रोग भएको कारण पीपीआरको सघन उपचार नभएको हुँदा सामुहिक खोप अभियान सञ्चालन गरिएको मन्त्रालय बताउछ । विश्व पशु स्वास्थ्य सँगठन र संयुक्त राष्ट्र खाद्य तथा कृषि सँगठनले सन् २०३० सम्म पिपिआर उन्मुलन गर्ने रणनीति अधि सारिसकेको परिप्रेक्षमा पशु स्वास्थ्य कार्यक्रम कार्यान्वयन कार्यविध, २०७५ को परिच्छेद ३ पिपिआर रोग नियन्त्रण कार्यक्रम कार्यान्वयनको माध्यमबाट यस रोगलाई प्रभावकारी तवरले नियन्त्रण गर्नको लागि स्पष्ट कार्य योजना बनाई पिपिआर खोप अभियान सञ्चालन गर्न लागिएको मन्त्रालय बताउछ ।
गत वर्ष मन्त्रालयले यहि अभियान अन्तर्गत ८ लाख ३० हजार १८७ भेडाबाख्रालाई पिपिआर खोप लगाएको थियो । प्रदेशमा हाल ९२ हजार ५ सय ६१ वटा भेडा र २५ लाख २० हजार ६ सय ७१ बाख्रा पालन भैरहेको छ ।
मकवानपुर । बागमती प्रदेशका श्रम, रोजगार तथा यातायात मन्त्री एकालाल श्रेष्ठले यातायात व्यवस्था तथा सेवा अन्तरगतको कामलाई पूर्ण ‘डिजिटल’ बनाइने बताएका छन् ।
यातायात अन्तरगतको सेवालाई थप प्रभावकारी बनाउन मन्त्रालय लागिपरेको मन्त्री श्रेष्ठले बताए । काठमाण्डौँ उपत्यकामा यातायात ब्यवस्था तथा सेवा कार्यालयको अर्धवार्षिक समिक्षा कार्याक्रममा मन्त्री श्रेष्ठले अहिलेको समयमा पनि यातायात कार्यालय पुरानै शैलिमा सञ्चालन हुनु दुखको विषय भएको भन्दै अब पूर्ण रुपमा डिजिटल प्रणालीबाट सेवा प्रदान गर्न मन्त्रालय लागि परेको बताए । ढड्डा खोजेर काम गर्ने प्रचलनले जनताले दुख पाएको भन्दै अब कर तिर्ने, नविकरण गर्ने जस्ता कामलाई डिजिटल माध्यमबाट लैजान मन्त्रालयले तयारी गरेको बताए ।
यातायात क्षेत्र देशकै महत्वपूर्ण क्षेत्रको रुपमा रहेको भन्दै जनतालाई अनावश्यक दुःख दिने परिपाटीको अब सुधार गरेर छिटो, छरितो सेवा प्रवाह गर्न लागिपर्ने उनले बताए ।
मन्त्री श्रेष्ठले सेवाको लागि कार्यालय आउने सेवाग्राहीलाई मुस्कान सहितको सेवा प्रदान गर्नको लागि कार्यालय प्रमुखलाई निर्देशन दिए। कार्यालयमा काम गर्न आउने जनताहरु उदास भएर हैन खुसी भएर फर्कनुपर्ने अवस्थाको सृजना हुनुपर्ने भन्दै मन्त्री श्रेष्ठले कार्यालय प्रमुखहरुलाई आफ्नो कार्यालयमा सोहि अनुसारको ब्यवस्थापन गर्न निर्देशन दिएका हुन् ।
यातायात क्षेत्रमा आम जनताको गुनासो अत्याधिक रहेको भन्दै मन्त्री श्रेष्ठले नियमित काम हुँदा पनि गुनासाहरु किन बढेको भन्नेतर्फ सचेत भएर काम गर्नको लागि कर्मचारीहरु चनाखो हुनुपर्ने बताए । उनले भने ‘हामीले नियमित जनतालाई सेवा दिने काम गरेका छौँ, तर हाम्रा कार्यालयहरुमा किन जनगुनासो बढि भए ? यो सोचनिय विषय छ, हामीमा भएका कमजोरीलाई सच्याउँदै लैजानु पर्छ र जनतालाई केन्द्रमा राखेर काम गर्नुको कुनैपनि विकल्प छैन् ।’
मकवानपुर । मकवानपुरको हेटौंडामा जारी पाँचौ संस्करणको ‘स्थानीय तह शहीद स्मृति मकवानपुर गोल्डकप’ फुटबल प्रतियोगिता अन्तरगत आइतबार भएको खेलमा नेपाल एपिएफ क्लब काठमाडौले सातदोबाटो क्लब ललितपुरलाई १-० गोल अन्तर पराजित गरेको छ ।
खेलको पाँचौ मिनेट एपिएफ क्लबका युवराज खड्काले गोल गरेका थिए । आजको खेलमा म्यान अफ द म्याच ए.पि.एफका मणि लामा घोशीत भएका थिए ।
मकवानपुरको हेटौंडा-५ स्थित पिप्ले क्याम्पा रंगशालामा हुने खेलमा ७ वटा ए डिभिजन र एक अन्तराष्ट्रिय क्लबसहित १२ टिमको सहभागिता रहेको छ ।
सोमबार एन आए टी फुटबल क्लब काठमाडौ र बिरगंज युनाईटेड पर्सा बिच खेल हुदैछ ।
प्रतियोगिताको उपाधि विजेता टोलीले नगद १५ लाख र उपविजेता टोलीले १० लाख रुपैयाँ प्राप्त गर्ने छन् । प्रतियोगितामा विद्यागत उत्कृष्ट खेलाडीले २५ हजार र म्यान आफ दि म्याच खेलाडीले १० हजार रुपैयाँ प्राप्त गर्नेछ ।
पहिलो संस्करणको उपाधि थ्रिस्टार क्लबले जितेको थियो भने २०७५ मा भएको दोस्रो संस्करणको उपाधि घरेलु टोली मकवानपुर–११ ले जितेको थियो । २०७७ मा भएको तेस्रो संस्करण र गत जेठमा सम्पन्न चौथो संस्करणको उपाधि त्रिभुवन आर्मी फुटबल क्लबले जितेको थियो ।
प्रतियोगिताको सर्वोकृष्ट खेलाडीले रोयल इन्फिल्ड (बुलेट) मोटरसाइकल पाउने छन् । त्यसका लागि अघिल्लो दुई संस्करणमा झैं यस वर्ष पनि हेटौंडा स्कूल अफ म्यानेजमेण्ट एण्ड सोसियल साइन्सेसले प्रायोजन गरेको छ ।
