मकवानपुर । मकवानपुरकाे हेटौंडा उपमहानगरपालिकामा रहेकाे रानी सामुदायिक वन उपभोक्ता समूहले प्रदेशस्तरीय उत्कृष्ट सामुदायिक वन पुरस्कार प्राप्त गरेको छ । हेटौडा ६ चौघडामा रहेकाे सामुदायिक वन समूहले बागमती प्रदेशबाट उत्कृष्ट सामुदायिक वन पुरस्कार प्राप्त गरेको हाे ।
बागमती प्रदेशभित्रका सामुदायिक वन समूहमध्ये उत्कृष्ट हुँदै समूहले एकलाख पुरस्कार प्राप्त गरेको हाे । बागमती प्रदेश वन निर्देशनालय हेटौडामा भएकाे बैठकले रानी सामुदायिक वनलाई उत्कृष्ट सामुदायिक वनको पुरस्कार प्रदान गर्ने निर्णय गरेको समूहका अध्यक्ष विष्णुप्रसाद न्यौपानेले जानकारी दिए ।
वन समूहले वनको विकास, समूहको स्वीकृत विधान तथा कार्ययोजना बमोजिमका कामहरु सम्पन्न गरेको, संस्थागत विकास लगायतका काम पारदर्शी ढंगले सम्पन्न गरेकाे सूचकहरुकाे आधारमा पुरस्कार प्रदान गरेको वन निर्देशनालयले जनाएको छ । यसैगरी समयमै साधारणसभा, लेखापरीक्षण प्रतिवेदन, प्रगति प्रतिवेदन, आयआर्जन, पर्यापर्यटन, प्रचारप्रसार, आर्थिक प्रतिवेदन लगायतका कामहरु समेत समूहले व्यवस्थित राख्ने गरेको लगायतका आधार समेत लिइएकाे निर्देशनालयले जनाएको छ ।
यसअघि समूहले सर्वमान्य गणेशमान सिह वन संरक्षण पुरस्कार, वन संरक्षण युवा पुरस्कार, वनदेवी पुरस्कार र जिल्लास्तरीय पुरस्कारहरु प्राप्त गरिसकेको अध्यक्ष न्यौपानेले बताए ।
मकवानपुर । मकवानपुर जिल्लामा रहेका राजनीतिक दलहरुले हेटौंडा बजार क्षेत्रमा सडक विस्तार गर्न ऐक्यबद्धता जनाएका छन् । पूर्वपश्चिम राजमार्गअन्तरगत हेटौडा बजार क्षेत्रमा पर्ने सडक २५ मिटर विस्तार गर्ने विषयमा जिल्लामा क्रियाशील राजनीतिक दलका प्रमुख सहमत भएका हुन् ।
नेपाली कांग्रेस हेटौंडा उपमहानगरपालिकाको आयोजनामा हेटौंडामा जिल्ला क्रियाशील राजनीतिक दलका प्रमुखवीच आयोजित छलफलमा सडक डिभिजन कार्यालय हेटौंडाले जारी गरेको सूचनामा ऐक्यबद्धता जनाउँदै सडक विस्तार गर्ने विषयमा सम्बन्धित सवै निकाय अनुरोध समेत गरेको छ ।
‘सडक विस्तार गर्दा सम्मानित सर्वोच्च अदालतको फैसला अनुसार घरधनीहरुको हकमा उचित मुआब्जा तथा क्षतिपूर्ति एवम् व्यवसायीलाई उचित व्यवस्थापनका लागि सम्बन्धित निकायमा अनुरोध गर्ने निर्णय दलहरुले गरेका छन् ।
नेपाली कांग्रेस नगरसभापति उत्सव इटेनीको सभाध्यक्षतामा भएको छलफलमा नेकपा एमाले जिल्ला अध्यक्ष एवम् प्रदेश सदस्य एकालाल श्रेष्ठ, कांग्रेस जिल्ला सभापति बुद्ध लामा, जिल्ला समन्वय समिति प्रमुख ललितबहादुर घलान तथा विभिन्न राजनीतिक दलका प्रमुख एवम् प्रतिनिधिहरुको सहभागिता रहेको थियो ।


मकवानपुर । बागमती प्रदेशको कृषि तथा पशुपंक्षि मन्त्रालय घेर्न आएका किसान र प्रदेश सरकार बीच सहमति भएको छ ।

मन्त्रालयमा सचिव शरण कुमार पाण्डेको उपस्थितीमा किसानहरुको मागलाई आगामी बजेटमा समावेश गर्न कोशिस गर्ने सहमति भएको हो ।
दुध उत्पादनमा आधारित अनुदान कार्यक्रमको कार्यविधिमा भएको व्यवस्था अनुसार बजेट काटीएको बताइएको थियो । उक्त प्रावधान र व्यवस्था अनुसार दोहोरोपन भएकोले कार्यविधिले दुग्ध सहकारी संस्थाहरूले अनुदान पाउनबाट वञ्चित भएको सन्दर्भमा आगामी दिनमा उक्त अनुदानबाट बञ्चीतमा परेका सहकारी संस्थाहरुलाई बजेटबाट सम्बोधन गर्न मन्त्री राजेन्द्रमान श्रेष्ठको नेतृत्वका सम्बन्धी निकायसँग समन्वय गरिने सहमति भएको सचिव पाण्डेले बताए ।
बागमती प्रदेश सरकारले दोहोरो अनुदान भएको भन्दै आगामी आर्थिक वर्षको लागि किसानले दुधमा पाउने अनुदान कटौती गरेपछि किसानहरु चितवनबाट हेटौंडामा मन्त्रालय घेर्न आएका थिए ।
चितवनको राप्ती, खैरहनी र माडी नगरपालिकामा स्थानीय सरकारले पनि अनुदान दिएको प्रदेश सरकारले पनि दिंदा दोहोरो भएको भन्दै अनुदान काटएिको थियो । त्यसपछि यसैको बिरोधमा किसानहरु प्रदेशको मन्त्रालयमा आइपुगेका थिए । उनीहरुले कृषि मन्त्रीको राजिनामा मागेका थिए ।
मकवानपुर । यसियन हाइवेको सवाल बेला बेलामा तात्ने र ओझेल पर्ने गरेको छ । मकवानपुरमा २ सातायता फेरी यसबारे दिनदिनै दबाब सुरु भएको छ ।
गत असार १० गते संघीय सरकार अन्तरगतको डिभिजन सडक कार्यालय मकवानपुरले राजमार्ग विस्तारबारे ३५ दिने सूचना जारी गरेपछि यो सवाल फेरी तातेको हो ।
सर्बोच्च अदालतको आदेश बमोजिम क्षति पुर्तिको ग्यारेण्टी गर्नुपर्ने, जनता शुकुम्बासी नहुने बिकल्पको खोजी गर्नुपर्ने, सर्बोच्च अदालतको निर्णय बमोजिम जाँचबुझ सहित विवरण यकिन गर्नुपर्ने माग सहित बसोबास संरक्षण समिति संघर्षमा छ ।
हेटौंडा बसोबास संरक्षण समितिले जनतालाई शुकुमबासी बनाउन नपाइने भन्दै व्यक्तिगत सम्पती माथिको मौलिक हक सुनिश्चित गर्न माग गरेको हो । यस बारे स्थानीय सरकार हेटौंडा उपमहानगरपालिकाले आफूहरुलाई सहयोग नगरेको भन्दै स्थानीयहरु हेटौंडाको जनप्रतितिनिधि विरुद्ध खनिन थालेका छन् ।
आज पनि मकवानपुर उद्योग बाविज्य संघ, हेटौडा बसोबास संरक्षण मुलसमितीले स्थानीय सरकार विरुद्ध नारावाजी गरेका छन् । संघीय सरकारले यसियन हाइवे विस्तार गर्ने कार्यको विरोधमा रहेका उनीहरुले हेटौंडाको मेयर उपमेयर विरुद्ध नारावाजी गरेका हुन् ।
३५ दिने सूचना गरेपछि हेटौंडा उपमहानगरपालिकाको मेयर मिनाकुमारी लामाले हेटौंडाको एक सार्जवनिक कार्यक्रममा भाषणको क्रममा आफू सडक विस्तार गर्न रेडी रहेको बताएपछि यहाँका स्थानीयहरु जुर्मुराएका हुन् ।
आज मेयरलाई भेटेर ध्यानाकषर्ण गराउन आएका स्थानीयहरु मेयर उपमपेर दुबैले समय नदिएपछि प्रमुख प्रशासकिय अधिकृत शिबराज चौलागाईंलाई संघर्ष समिति अध्यक्ष कृष्णकुमार गुप्ताले ज्ञापनपत्र बुझाईएका थिए ।
मेयर लामा र उपमेयर राजेश बानियाँ दुबैले आफूहरुलाई नटेरेको भन्दै उनीहरुले मेयर र उपमेयरविरुद्ध नै नारावाजी गरेका थिए । राजमार्ग विस्तारको समयमा आफूहरु मेयरसँग भिड्न तयार रहेको र यसको भौतिक क्षेतिको जिम्मेवार स्थानीय सरकार हुने धम्की उनीहरुले दिनएका छन् ।
आजको बिरोध र्यालीले बजार परिक्रमा गरि हेटौडा उपमहानगर पालिका कार्यालय र सडक डिभिजन कार्यालयमा ज्ञापनपत्र बुझाएको हेटौंडा बसोबास सरक्षणा मुल समिती संयोजक गुप्ताले बताए ।
मउवासंघका उपाअध्यक्ष अनिल अग्रवाल, पूर्व अध्यक्ष अरुणराज सुमार्गी, बागमती प्रदेश सभा सदस्य लक्ष्मी श्रेष्ठ, पिडित उद्योगी, घरधनीहरु, व्यवसायीहरुले आ आफ्नो पसल ब्यवसाय बन्द गरी विरोध कार्यक्रममा सहभागी भएका थिए ।
चार दशकदेखि विवादको अवस्थामा रहेको राजमार्ग विस्तारको सवाल मेयरकै कारण आगोमा ध्यु थपेजस्तो भएको हेटौडा ४ का वडा अध्यक्ष नविन सिग्देलले बताए । ‘मेयर चुप बसेर संघीय सरकारलाई सहयोग गर्ने पर्थ्यो म तयार छु भनेर मासमा किन बोल्नु परेको’ अध्यक्ष सिग्देलले भने ‘यो केटाकेटी खेलाई जस्तो भयो अवस्था बुझेर बोल्नु पर्थ्यो।’
मकवानपुरको हेटौंडा उपमहानगरपालिका क्षेत्रको मुख्य बजार क्षेत्रको राजमार्ग क्षेत्रमा परेका संरचना भत्काउनका लागि सडक डिभिजन कार्यालय हेटौंडाले १० असारमा सूचना प्रकाशित गरेको थियो ।
पूर्व पश्चिम महेन्द्र राजमार्ग अन्तरगत हेटौंडाको रातोमाटेदेखि बुद्धचोक हुँदै राप्ती पुलसम्मको संरचना भत्काउनका लागि पत्रिकामा सूचना प्रकाशित गरिएको हो । सूचना प्रकाशन गर्ने र काम गर्न नसक्ने कारण यो पाटो विवादमै अल्झिदै आएको छ ।
यसअघि पनि हरेक वर्ष हेटौंडा बजार क्षेत्रका संरचना भत्काउने भनेर सडक डिभिजन कार्यालय हेटौंडाले सूचना प्रकाशित गरेको भएपनि भत्काउन सकेको थिएन । हरेक वर्ष सडक डिभिजन कार्यालयले राजमार्ग क्षेत्रका संरचना भत्काउनका लागि सूचना जारी गर्ने र मकवानपुर उद्योग बाणिज्यसंघको नेतृत्वमा आन्दोलन हुने मात्र गरेको छ ।
४ दशकदेखि विवादीत र टुङ्गो लाग्न नसकेको विषय हो राजमार्ग २५ मिटर चौडा पार्ने विषय । विभिन्न शहरको राजमार्ग चौडा गरिदा मकवानपुरको हेटौंडा क्षेत्र चौडा पार्ने विषय अन्यौलमा नै रहंदै आएको छ । यो विषयले टुङ्गो नपाउँदा पीडितहरुले आफ्नो घर जग्गाको स्वामित्व नै पूर्ण सदुपयोग गर्न नपाएको भन्दै समय समयमा आन्दोलित हुँदै आएका छन् । साघुँरो सडक र घना बस्तिको रहेको हेटौंडा बजार मानवीय बस्तिको रुपमा विकास गरेर बजारको वाइपासबाट बाटो लैजाने वा बजारको मध्यमा रहेको बाटोलाई चौडा गर्ने भन्ने बारेमा विवाद अझै कायम नै छ ।
पुर्व मुख्यमन्त्री डोरमणी पौडेल नेतृत्वको सरकारले हेटौंडा १५ रातोमाटेदेखि हेटौंडा –१० राप्तिपुलसम्म वाइपास बाटो विस्तार गर्ने विकल्प अघि सारेको थियो । उक्त विकल्पलाई कार्यान्वयन गर्दै प्रदेश सरकारले २ वर्ष अघि बजेटको व्यवस्था गरी मुख्य राजमार्गमा जोड्ने गरी ट्याक ओपन गरिसकेको छ ।
मकवानपुर उद्योग वाणिज्य संघले व्यापारीहरुको हितलाई मध्यनजर गर्दै २५ मिटरको विकल्पमा १५ मिटर भत्काउने सहमति सहितको ज्ञापन पत्र २ वर्ष अगाडि नै संघीय सरकारको भौतिक मन्त्रालयमा ज्ञापन पत्र बुझाइसकेका छन् ।
विवादमा रहेको कारण आफूहरुले व्यापार व्यवसाय सञ्चालन गर्न, बैंकिङ कारोवार सञ्चालन गर्न समस्या झेल्नु परेको र लामो समयदेखि घरजग्गा विक्रि वितरणमा समेत रोकावट आएको कारण यसको चाँडोभन्दा चाँडो छिनोफानो लगाउन माग गर्दै भौतिक योजना मन्त्रीलाई ज्ञापन पत्र बुझाएका थिए । तर त्यसको पनि कुनै पहल कदमी अघि बढेन । मकवानपुर उद्योग वाणिज्य संघले नै टोलीको नेतृत्व गरेको थियो ।
सडक दायाँबायाँ २५।२५ मिटर विस्तार गर्ने कार्यका लागि सडक विभागले तथ्याङ्क समेत संकलन गरेर गरेर सार्वजनिक गरिसकेको छ । ३ वर्ष अगाडि मकवानपुरको मनहरी बजार र बारा जिल्लाको सिमानाबाट बाटो चौडा कार्य सुरु गरेको थियो । दुबैतर्फबाट चौडा गर्दै आएको बाटो हेटौंडा बजारको मुख्य क्षेत्र प्रवेश गर्दैगर्दा बजारवासीहरुले अदालतमा रिट हालेपछि अदालतले तत्कालको लागि काम रोक्न आदेश दियो । त्यसपछि सडक चौडा गर्ने काम रोकिएको थियो ।
डिभिजन सडक कार्यालयले बजारको २५ मिटर क्षेत्र भित्र रहेको बैङ्क तथा वित्तिय संस्थाहरुलाई कार्यलय सार्न पत्र काटेपछि बैंकिङ कार्यालयहरु मुख्य राजमार्गबाट अन्यत्र सरिसकेका छन् । डिभिजन सडक कार्यालयका अनुसार हेटौँडाको मेनरोडमा पर्ने डेढदर्जन बैँक र केही सरकारी कार्यालयहरुलाई २५ मिटर क्षेत्रबाट सरेका छन् ।
सडक अतिक्रमण गरिएका चुरियामाईदेखि लोथरसम्म ४० किलोमिटर क्षेत्रमा सयौं घरटहरा भत्काउनुपर्ने सडक कार्यालयले लगत सार्वजनिक गरिसकेको छ । ढिलोचाँडो सडक सबैलाई फराकिलो चाहिन्छ, २५ मिटर नभइ १५ मिटर भत्काउने सहमति व्यवसायीहरुले दिएका छन् ।
मकवानपुर । बागमती प्रदेशकाे कृषि तथा पशुपंक्षि मन्त्रालय किसानले घेरेका छन् । बागमती प्रदेश सरकारले दोहोरो अनुदान हुने भन्दै अनुदान राेकेपछि किसानहरु आन्दाेलित भएका हुन् ।
चितवनको राप्ती, खैरहनी र माडी नगरपालिकाका किसानलाई स्थानीय तहबाट पनि अनुदान प्राप्त भएकाे भन्दै प्रदेशको प्रतिलिटर दुधको अनुदान रोकेपछि किसानहरूले प्रदेशको मन्त्रालय घेरेका हुन् ।
व्यापारीले भारत बाट दुग्ध ल्याएपछि केही दिन यता चितवनको दुधले बजार नपाएको किसान किशोर बगालेले बताए। पशु बीमाको रकम समेत किसानले नपाएकाे बगालेले बताए । पीडित किसानहरूले कृषि मन्त्रीको राजिनामा मागेका छन् ।
चितवनमा मात्रै ६० वटा संस्थामा आबद्ध किसान मर्कामा परेको भन्दै किसानले यसअघि पनि पशुपन्छी तथा मत्स्य विकास निर्देशनालयमा गुनासोपत्र पेस गरेका थिए भने मुख्यमन्त्रीसहितलाई ध्यानाकर्षण गराएका थिए । यसकाे सुनुवाई नभएकाे उनीहरुकाे भनाई छ । किसानहरुले “जनामारा सरकार मुर्दाबाद, कृषि मन्त्री राजिनामा दे” भन्दै राजिनामा मागेका छन् ।
