मकवानपुर । बागमती प्रदेशको शैक्षिक अवस्था सुधारको लागि सांसदहरुले ऐक्यबद्धता जनाएका छन् ।
प्रदेशको शैक्षिक अवस्था सुधारको लागि सरोकारवालाहरुले दिएको सुझावलाई संसदमा राख्ने र शैक्षिक सुधारको लागि नीति बनाउन आफूहरुले महत्वपूर्ण भूमिका निर्वाह गर्ने उनीहरुले बताएका हुन् ।
प्रदेश सांसद समिता खड्की श्रेष्ठले नेपालको शैक्षिक अवस्था सुधारको लागि प्राविधिक र व्यवसायिक शिक्षा आवश्यक भएको बताइन् । शिक्षाको गुणस्तर सुधारको लागि शिक्षकहरुलाई आपसमै सम्मानित महसुस गर्दै कक्षा प्रवेश गर्ने बातावरण आवश्यक भएको सांसद रामकुमार पाहाडीले बताए ।
अर्का सांसद कुमारी तामाङले विद्यालय-विद्यालयले आपसमा नतिजामा प्रतिष्पर्धा गरेर गुणस्तर सुधारको पहल गर्नु पर्ने बताइन् । पछिल्लो समय सामुदायिक विद्यालयहरुको भौतिक अवस्था सुधार भएको तर गुणत्मक पाटो झनै खस्केको प्रति उनले आपत्ति जनाइन् ।
बागमती प्रदेशको वर्तमान शिक्षाको अवस्था सम्बन्धमा सरोकारवालासंग सार्वजनिक सुनुवाई कार्यक्रममा यस्तो बताएका हुन् । मकवानपुरको हेटौडामा संसद सहयोग परियोजनामा संयुक्त राष्ट्रसंघ विकाश कार्यक्रम अन्तरगत शान्तिका लागि साझा अभियान कोक्यापले सार्वजनिक सुनुवाई गरेको थियो ।
कार्यक्रममा डाक्टर विजय नेपालले विश्व विद्यालयहरु सबैभन्दा जोखिममा रहेको बताए । शिक्षामा राज्यले गर्नुपर्ने धेरै जिम्मेवारी सामुदायिक क्याम्पसहरुले पुरा गरेको तर राज्यले तिनै क्याम्पसहरुलाई क्याम्पसको रुपमा स्वीकार नगरेको प्रति नेपालले आपत्ति प्रकट गरे ।
यसैगरी डाक्टर एम सिलवालले युवा पुस्ताहरु विदेश किन जान्छन् भन्ने सवालमा अनुसन्धान बिना उनीहरुलाई रोक्ने योजना सफल हुन नसक्ने बताए । पढ्नको लागि भनेर विदेश गएकाहरु पढ्न नै नभएर लेवर काम गरिरहेको उनले बताए । “उनीहरु यहाँबाट पढ्ने भनेर जाने अनि विदेशमा पुगेर दैनिक १० घण्टासम्म काम गर्छन, पढ्न गएकै हैनन्, मुख्य उद्देश्य कमाउने नै हो काम गर्ने नै हो” सिलवालले भने ।

राष्ट्रिय मानव अधिकार आयोग बागमती प्रदेशकी रेवा रेग्मीले व्यवसायिक शिक्षाले कमाउँदै पढ्दै गर्ने बातावरण सिर्जना गर्ने भएकोले युवालाई विदेश जानबाट रोक्नको लागि एउटा उपाय व्यासायिक शिक्षा हुन सक्ने सुझाव दिइन् ।
यसैगरी श्रमिक माविका प्रध्यानाध्यापक श्रीराम दाहालले शिक्षकहरुको सेवा सुविधाको पाटोमा पुनर्विचार गर्नुपर्ने औलाउँदै अहिलेका निवार्चित जनप्रतिनिधिको रवैया ठिक नभएको शिक्षकहरु हतोत्सायि हुनु पर्ने अवस्था आएको बताए ।
कोक्याप बागमति प्रदेशको अध्यक्ष दिनेश परियारको अध्यक्षतामा भएको कार्यक्रममा विद्यार्थी नेता अभि मैनालीले विद्यालय स्तरमा हुने राजनीतिक कार्यक्रम पूर्ण रुपमा रोक्नु पर्ने बताए । नेपालको संविधानमा राम्रो व्यवस्था भएको तर कार्यान्वयको पाटो फितलो भएको कारण शिक्षामा सुधार हुन नसकेको मैनालीले बताए ।
कार्यक्रममा सांसदहरु मोनिका श्रेष्ठ, उर्मिला लामा, सुष्पा भुजेल, शिक्षाका सरोकारवालाहरुको उपस्थिति रहेको थियो ।
मकवानपुर । विद्यालय शिक्षा विधेयेकका सन्दर्भमा नेपाल शिक्षक महासंघको नेतृत्वमा विभिन्न शिक्षक संघ तथा संगठनहरुले एमाले सचेतक महेशकुमार बर्तौलासंग भेट गरेको छ ।
विहीवार सचेतक बर्तौलासंग भेट गरेर महासंघको अध्यक्ष कमला तुलाधरले नेकपा (एमाले)ले शिक्षा विधेयेकमा भएका गलत प्रावधानहरु हटाउन संसदमा भुमिका खेलिदिन आग्रह गरेका छन् ।
नेपाल शिक्षक महासंघका अध्यक्ष तुलाधर सहित नेपाल राष्ट्रिय शिक्षक संघका अध्यक्ष विष्णु भण्डारी, नेपाल शिक्षक संघका अध्यक्ष सोमनाथ गिरीलगायतको टोली नेकपा (एमाले)को संसदीय दलमै पुगेर भेट तथा अनुरोध गरेको हो । शिक्षक महांघका प्रतिनिधिहरुसंग एमाले सचेतक बर्तौलाले शिक्षक र सरकारकाबीचमा भएका मुख्य सम्झौताहरु कार्यान्वयनमा सरकार पक्षकै मुख्य भुमिका रहने, सरकारले भएका सम्झौताहरु विधेयेक फिर्ता गररै विधेयेकमा समावेश गरि पुनः दर्ता गर्नुपर्ने बताए ।
सचेतक बर्तौलाले यद्यपी एमालेले शिक्षकका महत्वपुर्ण मुद्धाहरु आफ्ना मुद्धाका रुपमा संसदमा उठाउने, संसाधन प्रस्ताव हाल्ने तथा सरकारलाई दवाव सृजना गरेरै कार्यान्वयनमा लैजान पहल गर्ने बताए ।
भदौ २७ मा संघीय सांसद्मा दर्ता भएको विद्यालय शिक्षा विधेयकका प्रावधानलाई लिएर असन्तुष्ट शिक्षकहरूले असोज ३ गतेबाट राजधानी केन्द्रित आन्दोलन गरिरहेका थिए। आन्दोलनरत शिक्षक र सरकारकाबीचमा दुई चरणमा विभिन्न वुंदाहरुमा छलफल तथा सम्झौता भई शिक्षकहरुले आन्दोलन समेत फिर्ता लिई सकेको छ ।
सरकारले संसद्मा दर्ता भएको विधेयकमा शिक्षकका मागहरु समेट्ने प्रतिबद्धता जाहेर समेत गरेको छ।
मकवानपुर । मकवानपुरको धरान चतरा सडक खण्डअन्तर्गतको सडकमा ट्याङ्कर दुर्घटना हुंदा एकजनाको ज्यान गएको छ ।
मकवानपुर जिल्लाको बकैया गाउँपालिका ५ मा आज दूध ट्याङ्कर दूर्घटना हुँदा चालकको मृत्यु भएको छ भने सहचालक घाइते भएको जिल्ला प्रहरी कार्यालय मकवानपुरले जनाएको छ ।
प्रहरीका अनुसार हेटौंडाबाट छतिवनतर्फ जाँदै गरेको ना १ घ ५४४ नम्बरको दुध बोक्ने खाली ट्यांकर अनियन्त्रित भई पल्टिँएको थियो ।
दुर्घटनामा चालक हेटौंडा–९ का ३४ वर्षीय सिद्धान्त लामाको मृत्यु भएको हो । सहचालक धादिङ गजुरी गाउँपालिकाका ४५ वर्षका प्रेम अधिकारी घाइते भएको जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले जानकारी दिए ।
ट्याङ्कर सडकबाट १ सय मिटर तल खोल्सामा खसेको थियो ।
कैलाली । मंगलबार दिउसोको भूकम्पपछि बझाङमा लगातार भूकम्पले झट्का दिन थालेकोमा स्थानीय त्रसित भएका छन ।
बुधबार बिहान ५ बजेर ४२ मिनेटमा पुन: ५.७ रेक्टर स्केलको भूकम्प गएको भूकम्प मापन केन्द्रले जानकारी दिएको छ । भूकम्प जाने क्रम नरोकिएपछी स्थानीयहरु खुला आकाशमुनि रात बिताउन बाध्य भएका छन ।
बाल बिकास मावि बझाङका शिक्षक नरेन्द्र उपाध्यायले बेलाबेला भुकम्पको झट्का आउने क्रम नरोकिएका कारण आफूहरु खुला आकाशमुनि रात बिताउन बाध्य भएको बताए ।
बझाङलाई नै केन्द्र बिन्दु बनाएर मंगलबार दिउँसो गएको भूकम्पका कारण घाइते भइ जिल्ला अस्पताल बुझाङ पुगेकाहरु समेत खुला आकाशमुनि उपचाररत रहेको चिकित्सकले जानकारी दिएका छन ।
जिल्ला अस्पताल बझाङका डाक्टर इन्द्र शाहका अनुसार अस्पतालमा उपचाररत अन्य बिरामी समेत भुकम्प आउने क्रम नरोकिएपछी खुला आकाशमुनि बसेका छन । उनले बिरामीहरु भित्र बस्न नमानेपछि बाहिरै उपचार गरिरहेको बताए । इकागजबाट

मकवानपुर । हेटौंडामा वृहत नागरिक सम्मेलन हुने भएको छ । सरकारलाई खबरदारी गर्न वृहत नागरिक सम्मेलन गर्न लागिएको हो ।
गैर सरकारी संस्था महासंघ बागमती प्रदेशको साधारणसभाका अवसर पारेर हेटौंडामा प्रदेश स्तरीय वृहत नागरिक सम्मेलन गरिने भएको हो । मंगलबार हेटौंडामा जिल्लाका विभिन्न संघसस्थामा आवद्ध नागरिक समाजका अगुवाहरुको भेलामा असोज २१ गते नागरिक सम्मेलन गर्ने र यसको तयारीबारे छलफल भएको थियो ।
गैसस महासंघ बागमती प्रदेशको आयोजनामा हुने नागरिक सम्मेलनमा प्रदेशभरीका विभिन्न संघसंस्थाका करीब पाँच सय पेशाकर्मीहरुको सहभागीता रहने अध्यक्ष आरती पाठकले जानकारी दिइन ।
छलफलमा गैसस केन्दीय सचिव बुद्धशरण लामाले नागरिकहरुको आवाज बुलन्द बनाउने कार्यक्रमको उद्देश्य रहेको बताए । सम्मेलनमा नागरिक समाजका अगुवाहरु केदार खड्का,गौरी प्रधान लगायतले सम्बोधन गर्ने कार्यक्रम रहेको बताइएको छ ।
सम्मेलनमा बालबालिका, मानवअधिकार, सुशासन, दीगो विकास लक्ष्य लगायतका विषयहरुमा छलफल हुने सरकारलाई खबरदारी गर्ने र आफना आवाजहरुलाई बुलन्द गराउने अध्यक्ष पाठकले जानकारी दिइन ।
