मकवानपुर । बागमती प्रदेशेका राजधानी हेटौडामा यू २१ हेटौंडा च्यालेन्ज कप फुटबल प्रतियोगिता हुने भएको छ ।एफसी मुण्डियाल क्लब हेटौंडाको आयोजनामा प्रतियोगिता हुने हेटौडामा पत्रकार भेटघाट गरी जानकारी दिइएकाे हाे ।
मंसिर ५ गते देखी १३ गते सम्म हुने प्रतियोगितामा जिल्ला बाहिरका ३ टिम र जिल्लाका ११ वटा टिम सहित १४ वटा टिमले प्रतिस्पर्धा गरिने जनाइएको छ । स्व. सुदर्शन घिमिरे स्मृतिमा हुन लागेकाे प्रतियाेगिताकाे नारा ‘राष्ट्रिय खेलाडी बन्ने होड, उत्पादनमा जोड’ भन्ने रहेकाे छ । सर्वाधिक राशी सहित मकवानपुर जिल्लाका युवा लक्षित खेलाडीको प्रोत्साहन गर्न प्रतियोगिताको आयोजना गरिन लागिएको कार्यक्रम संयोजक सुदीप सिं ठकुरीले बताए ।
विजेताले १ लाख ११ हजार १ सय ११ रुपैयाँ प्राप्त गर्ने छन् भने उपविजेताले ५५ हजार सहित शिल्ड र मेडल प्राप्त गर्ने उनले जानकारी दिए । विधागत तर्फ उत्कृष्ट हुनेले ५ हजार प्राप्त गर्नेछन् भने म्यान अफ द म्याचमा प्रत्येकले २ हजार ५ सय प्राप्त गर्ने एफ.सी मुण्डियालका अध्यक्ष सुविन घिमिरेले बताए ।
प्रतियोगितामा हिली फिल्डर्स गोरखा एफसी, नव जागृति यूवा क्लब सिमरा, वीरगञ्ज स्पोटर्स पर्सा, न्यू डाँफे युथ क्लब हेटौंडा, एफसी रिगल हेटौंडा रिसोर्ट, पदमपोखरी फुटबल एकेडेमी, निल गगन युवा क्लब हेटौंडा, सहिद स्मृति क्लब बागमती गाउँपालिका, हेटौंडा फुटबल एकेडेमी, थाहा नगरपालिका, रियल स्टार क्लब हेटौंडा, कमाने फुटबल एकेडेमी हेटौंडा, नागस्वती यूथ क्लब हेटौंडा र आयोजक एफसी मुण्डियाल हेटौंडाले सहभागिता जनाउने कार्यक्रम संयोजक ठकुरीले बताए ।
हेटौंडा ५ स्थित पिप्ले क्याम्पा रंगशालामा हुने एफसी मुण्डियाल अध्यक्ष घिमिरेले जानकारी दिए । प्रतियोगिताको लागि प्रथम पुरस्कार घिमिरे परिवारबाटै सहयोग प्राप्त भएको प्रतियोगिता ‘विशुद्ध नयाँ खेलाडीको खेल प्रतिभा उजागर गर्ने उद्देश्यले आयोजना गर्न लागिएको उनले बताए । मुख्य प्रायोजक हेटौंडा सिटी कलेज, सह प्रायोजक दाजुभाई स्वीट्स सहित अन्य विभिन्न व्यक्ति तथा संघसंस्थाकाे प्रतियोगितामा सहयोग रहने छ । २१ वर्ष मुनीको यस प्रतियोगितालाई आगामी वर्षहरु पनि निरन्तरता दिँदै जाने योजना रहेको अध्यक्ष घिमिरेले बताए ।
प्रतियाेगितामा खर्च भएर बचत भएकाे रकम जाजरकोट तथा रुकुम पश्चिमका भूकम्प पीडितका लागि सहयोग गरिने आयोजकले जनाएकाे छ ।
मकवानपुर । सुत्केरी हुँदा पोषिलो खानेकुराको अभावमा आमा र बच्चामा पर्ने स्वास्थ समस्यालाई मध्यनजर गरेरै सरकारले सुत्केरी पोषण कार्यक्रम सुरु गरेको छ ।
हरेक पालिकामा रहेको स्वास्थ सस्था मार्फत सुत्केरी पोषण कार्यक्रम कार्यान्वयन हुदै आएको छ। पालिका प्रमुख वा उपप्रमुख तथा वडा अध्यक्षले उक्त कार्यक्रमबाट प्राप्त पोषणयुक्त खानेकुरा बाडेर कार्यक्रमको प्रभावकारिता बढाइएको देखाउने समेत गरेको पाइन्छ ।
तर मकवानपुरको एक गाउँपालिकाका वडा अध्यक्षले भने आफ्नो व्यक्तिगत खर्चमा सुत्केरीलाई पौष्टिक खानेकुरा सहयोग गर्दै आएका छन् ।
सुत्केरी अवस्थामा पोषिलो खानेकुराको अभावमा आमा र बच्चामा कुपोषण तथा अन्य स्वास्थ्य समस्या आउने भन्दै बागमती गाउँपालिका वडा नं. ८ का अध्यक्ष इन्द्रमणी तिमल्सिनाले आफ्नै खर्चमा वडा भित्रका सुत्केरीलाई पौष्टिक आहार सहयोग गर्दै आएका छन् । उनले सुत्केरीलाई लोकल कुखुरा, तोरीको तेल, विभिन्न मसलाहरू र साबुन सहयोग गर्ने गरेको बताए ।
पछिल्लो समय अध्यक्ष तिमल्सिनाले वडा नम्बर ८ शान्तिपुरकी सुमिता घलानलाई पोसिलो खानेकुरा प्रदान गरे । हालसम्म वडा भित्रका ६ जना आमा (सुत्केरी)लाई अध्यक्षले आफ्नै खर्चमा पौष्टिक आहार सहयोग गरेको अध्यक्ष तिमल्सिना बताउँछन् ।
‘वडाभित्रका सुत्केरी महिलाहरूको पोषणमा सुधार ल्याउने उद्देश्यले आफ्नो व्यक्तिगत खर्चबाट पोषण सामग्री उपलब्ध गराएको छु’ अध्यक्ष तिमल्सिनाले भने २०८१ साल असार मसान्तसम्म वडाभित्रका सुत्केरी महिलाहरूलाई पोषण सामग्री सहयोग गर्नेछु ।’
वडावासीलाई समस्या परेको वेला केही राहत होस् भनेर आफूले पाउने तलबभत्ता र केही आफ्नो ब्यक्तिगत खर्च समेतबाट पोषण सामग्री वितरण गर्न सुरु गरेको उनले बताए । ‘आर्थिक अबस्था कमजोर भएका घर परिवारमा सुत्केरी अवस्थामा स्याहार सुसार गर्नु पर्ने जति गर्न सक्दैनन्’ उनले भने ‘पोषिलो खानेकुराको अभावमा बालबालिकाको भविष्य र आमाको स्वास्थ्य स्थितिमा समस्या आउन सक्ने भएकोले सहयोग गरेको हु ।’
आफूले गरेको सहयोगले केही राहत पुगेपनि बच्चा र आमा प्रति परिवारले गर्ने लगानीलाई अनावश्यक खर्च नभई लगानीको रूपमा लिनुपर्ने अध्यक्ष तिमल्सिनाले बताए ।
मकवानपुर । नेपालले सन् २०१८ मा क्रिकेटमा एक दिवसीय मान्यता प्राप्त गर्दा अन्तर्राष्ट्रिय मापदण्डको रंगशालाकाे लागि चौतर्फी आवाज उठ्न थालेकाे थियाे । नमुना नेपालकाे परिकल्पना गरिरहेका सिताराम कट्टेलकाे ‘नमुना नेपाल कि क्रिकेट रंगशाला पहिला’ भन्ने नमूना मत सर्वेक्षण प्रश्नमा शतप्रतिशत उत्तर क्रिकेट रंगशालाको मागमा आएपछि नमुना नेपालकाे परियाेजनालाई थाती राखेका उनीहरूले रंगशालाकाे परियोजना अगाडि बढाउने निर्णय गरेका थिए ।
वर्षाै अघि सामाजिक संजालका प्रतिक्रियामै करोडौं रकम घोषणा भए पछि रंगशाला निर्माण जुटेकाे धुर्मस सुन्तली फाउण्डेसन निर्माण कार्यकाे पहिलाे चरणकाे कार्य सकिदा कराेडौं रुपैयाँ ऋण लागेसँगै निर्माण राेकिएकाे रंगशालाकाे निर्माण पुनः सुरु हुने भएकाे हाे । । चितवनको भरतपुरमा निर्माणाधीन गौतमबुद्ध अन्तर्राष्ट्रिय क्रिकेट रंगशाला निर्माणको लागि बागमती प्रदेश सरकारले सहयाेग गर्ने भएकाे छ । बागमती प्रदेश सरकारले सहयाेग गर्ने भएपछि रंगशाला निर्माणकाे कार्य अघि बढ्ने भएको हाे ।
मंगलबार बागमती प्रदेश सरकार र भरपुर महानगरपालिका चितवनले रंगशाला निर्माण गर्ने सम्झौता गरेसँगै निर्माण हुने भएको हो । मुख्यमन्त्री शालिकराम जम्कट्टेल र भरतपुर महानगरपालिकाकी प्रमुख रेणु दाहालले रंगशाला निर्माणका समझदारी पत्रमा हस्ताक्षर गरेका छन् । रंगशाला निर्माण गर्दाको ऋणको जिम्मा भने संघीय सरकारलाई नै छोड्ने गरी प्रदेश सरकार र भरतपुर महानगरपालिकाले तत्काल निर्माणका लागि लगानी गर्ने भएको हो ।
बागमती प्रदेश खेलकुद विकास परिषद्का सदस्य सचिव सूर्यलाल भण्डारीका अनुसार अहिले पहिलो चरणमा १० हजार दर्शक क्षमताको रंगशाला निर्माणको कामलाई अघि बढाउने सहमति भएको छ । यसका लागि ७५ करोड रुपैयाँ खर्च लाग्ने प्राविधिक मूल्याङ्कन भएको उनले जानकारी दिए । बागमती प्रदेश सरकारले ७० प्रतिशत र भरतपुर महानगरपालिकाले ३० प्रतिशत रकम लगानी गर्ने सहमति भएको छ ।
रंगशाला प्रस्तावित क्षमता ३० हजार दर्शकको रहेकाे भएपनि तत्काल पहिलो चरणमा १० हजार दर्शक क्षमताकाे बनाउन सुरु गरिने र बाँकी पछिल्लो चरणमा निर्माण गर्दै जाने सदस्य सचिव भण्डारीले बताए । धुर्मुस सुन्तली फाउण्डेसनले निर्माण सुरु गरेको रंगशाला निर्माण कार्य ऋण लागेकाे भएको भन्दै रोकिएको थियो । सदस्य सचिव भण्डारीका अनुसार ३ अर्ब रुपैयाँमा बन्ने रंगशालामा अहिलेसम्म ५७ करोड रुपैयाँ बराबरकाे काम भएको छ ।
निर्माणकाे सुरुवाती समयमा व्यक्तिबाट रकम संकलन हुँदै आएकाेमा स्थानीय तहले समेत रंगशाला निर्माणकाे लागि सहयाेग गर्दै आएका थिए । हेटौडा उपमहानगरपालिकाले समेत ३० लाख रुपैंया निर्णय विनै सहयाेग गरेर पछि अनुमाेदन गरेकाे थियाे । तत्कालिन मेयर हरि बहादुर महतले उपमहानगरपालिकाकाे ३० लाख रुपैया रंगशालाकाे निर्माणकाे लागि सहयाेग गरेका थिए ।

यसरी सुरु गरिएकाे थियाे रंगशाला निर्माण
फाउन्डेसनले भरतपुर महानगरपालिकासँगको सहकार्यमा शिलान्यासको दुई वर्षभित्र निर्माण सक्ने गरी २०७५ माघ १६ गते बुधबार अन्तर्राष्ट्रिय क्रिकेट रङ्गशाला निर्माणको घोषणा गरेको थियो। माघ १६ गते सहिद दिवसको दिन रङ्गशाला निर्माणको लागि फाउन्डेसन र भरतपुर महानगरबीच जग्गा प्राप्ति सम्बन्धी सम्झौता भएको थियो। सम्झौतामा फाउन्डेसनका अध्यक्ष सिताराम कट्टेल (धुर्मुस) र भरतपुर महानगरपालिकाकी मेयर रेणु दाहालले हस्ताक्षर गरेका थिए ।
राज्यको सहभागितामा चितवनको रामपुरमा गौतम बुद्ध अन्तर्राष्ट्रिय क्रिकेट रंगशाला परियोजना घोषणा भएको थियो । तत्कालीन प्रधानमन्त्री केपी शर्मा ओली, हालका प्रधानमन्त्री पुष्पकमल दाहाल, कांग्रेस महामन्त्री शशांक कोइराला, त्रिभुवन विश्वविद्यालयका उपकुलपति, कृषि वन विश्वविद्यालयका उपकुलपतिलगायत मन्त्री, सांसद, खेलाडीको उपस्थितिमा घोषित परियोजनाकाे कार्य अगाडि बढाइएकाे थियाे ।
कृषि तथा वन विश्वविद्यालयले भोगचलन गरिरहेको त्रिभुवन विश्वविद्यालयको स्वामित्वमा रहेको भरतपुर– १६ को उक्त जग्गा क्रिकेट रङ्गशाला बनाउने भएपछि त्रिभुवन विश्वविद्यालयले भरपुर महानगरपालिका मार्फत फाउन्डेसनलाई उपलब्ध गराएको थियो। २० विगाह ८ कठ्ठा क्षेत्रफलमा बन्ने गरी डिजाइन तयार गरिएकाे रङ्गशाला रङ्गशाला कमलको फुल आकारको बन्ने भनिएकाे थियाे । बहुउपयोगी हुने रङ्गशालाभित्र क्रिकेट प्रशिक्षण मैदान, फुटबल, भलिबल बास्केटबल, ब्याडमिन्टन, स्वीमिङपुल र फिटनेस सेन्टरसम्म रहने बताइएकाे थियाे । रङ्गशालामा बाहिरी भागमा नेपाल चिनाउने सम्पदाहरु समावेश गरिनुका साथै साथै एक सिंगे गैँडा, हात्ती, पाटेबाघ लगायत जनावरहरूको धातुको मुर्ति रहने तथा नेपालका पर्यटकीय स्थलहरूलाई चिनाउने सामग्रीहरु समेत रहने गरी निर्माण गरिने गरी निर्माण थालिएकाे थियाे ।
क्रिकेट खेलाडीहरू उत्पादन गर्न एकेडेमी समेत रहने रङ्गशालाकाे निर्माणको लागत ३ अर्ब अनुमान गरिएको थियाे । देश–विदेशका नेपालीहरूबाट प्राप्त हुने स्वैच्छिक सहयोगबाट आर्थिक स्रोत जुटाइने गरी निर्माण थालिएकाे थियाे । प्रारम्भिक चरणमा फाउन्डेसनको मौज्दात २ करोड ८६ लाख ३७ हजार ११ रुपैयाँ खर्च गर्ने निर्णयसँगै रंगशाला निर्माण अगाडि बढाइएकाे थियाे ।
‘धुर्मुस–सुन्तली फाउन्डेसन’ले आर्थिक अभाव भन्दै रंगशालाकाे निर्माण राेकिए पछि गत वर्ष सरकारले रंगशाला निर्माणको बाँकी काम पूरा गर्न गर्ने नीति लिएकाे थियाे । रंगशाला निर्माण सम्पन्न गर्न भरतपुर महानगरपालिकाले सहयोग गर्ने प्रतिबद्धता जनाए पछि संघीय सरकारले निर्माणको बाँकी काम पूरा गर्ने नीति लिएको थियाे ।
निर्माणकाे काम गर्दै जादाँ सहयाेग रकम पर्याप्त जुट्न नसकेकाेले फाउण्डेसनलाई ऋण लागेपछि निर्माण कार्य राेकिएकाे थियाे । देश भरका स्थानीय तहबाट समेत फाउण्डेसनलाई सहयाेग गरिएकाे थियाे । तर पर्याप्त सहयाेग जुट्न नसक्दा ऋण लागेपछि फाउण्डेसनले रंगशालाकाे निर्माण राेकेकाे थियाे ।
मकवानपुर । जिल्ला समन्वय समिति मकवानपुरको नवौं जिल्ला सभा सोमबार भएको छ । सभाले जाजरकोट र रुकुममा गएको भूकम्पका कारण ज्यान गुमाएकाहरु प्रति श्रद्धञ्जली व्यक्त गर्दै शोक प्रस्ताव पारित गरेको छ ।
यस्तै, भूकम्पबाट पीडित परिवारकालागि मकवानपुरका सबै पालिकाहरुबाट जिससको समन्वयमा राहत संकलन गरि सहयोग गर्ने निर्णय गरेको छ । सभाले जिसस मकवानपुरको आयव्यय विवरणसहित बजेट पारित गरेको छ भने जिसस मकवानपुरले गर्ने कार्यक्रमहरुको अख्तियारी प्रदान गर्ने निर्णय समेत गरेको जिसस प्रमुख ललित बहादुर घलानले जानकारी दिए ।
यसैगरी ढुंगा गिट्टी, बालुवाको निकासी सम्बन्धमा नीतिगत व्यवस्थाका लागि सम्बन्धित निकायमा अनुरोध गर्ने निर्णय सभाले गरेको छ । लागु औषध गाँजाको वैकल्पिक व्यवस्थाका लागि प्रदेश र संघमा आवश्यक बजेट व्यवस्थापनका नीम्ति माग गर्ने निर्णय भएको जिसस प्रमुख ललित घलानले बताए ।
‘प्रदेश नाम र राजधानी यता उता हुन्न’
जिल्ला समन्वय समितिको सोमबारको नवौं जिल्ला सभाको उद्घाटन सत्रमा बागमती प्रदेशका मुख्यमन्त्री शालिकराम जम्कट्टेलले प्रदेशको राजधानी हेटौंडा र नाम बागमतीलाई यताउता नहुने बताएका छन् । ‘प्रदेश राजधानी र नाम परिवर्तन गर्ने कुरा गरेको होइन्’ नवौं सभालाई सम्वोधन गर्दै उनले भने ।
प्रदेशको नाम राखिसकिएको र राजधानी बनिसकेको छ यसमा दायाँबायाँ हुदैन् उनले स्पष्ट पारे । आफूले प्रदेशको राजधानी सार्छु नभनेको उनको जिकिर थियो ।
कार्तिक पहिलो हप्ता मुख्यमन्त्री जम्कट्टेलले बागमती प्रदेशको नाम र राजधानी परिवर्तन गर्नुपर्ने बताएका थिए । मध्यपुरथिमिमा नेकपा (माओवादी केन्द्र) मध्यपुर नगर समितिले आयोजना गरेको शुभकामना आदानप्रदान कार्यक्रममा उनले बागमती प्रदेशको नाम र राजधानी दुवै अनुपयुक्त रहेको बताएको खबर विभिन्न माध्यमबाट बाहिर आएको थियो ।
उनले काठमाडौंमा आयोजित कार्यक्रममा प्रदेशको नाम र राजधानी पायक नभएको भन्ने कार्यक्रमका सहभागीहरुको भनाइलाई मात्रै स्वभाविक भएको आफूले धारणा राखेको बागमती प्रदेशको राजधानी हेटौंडाबाटै प्रष्टीकरण दिएका हुन् ।
उपभोक्ता समितिले खाेले वडा कार्यालयमै बैंक खाता
Tags: No Comments
मकवानपुर । मकवानपुरको थाहा नगरपालिकाकाे १ वटा वडामा गठन भएका उपभाेक्ता समितिले वडा कार्यालयमै बैक खाता खाेलेका छन् । थाहानगरपालिकाकाे वडा नम्बर ८ मा चालु आर्थिक वर्ष २०८०/०८१ मा सञ्चालन हुने योजनाको लागि गठन भएका उपभोक्ता समितिले वडा कार्यालयमै बैंक खाता खोलेका हुन् ।
८ नम्बर वडा कार्यालयले वडा क्षेत्रमा गठन हुने उपभोक्ता समितिको खाता सञ्चालनका लागि बैंकसँग सहकार्य गरेर वडामै खाता खालिने सुविधा उपभाेक्तालाई उपलब्ध गराएकाे हाे । वडा कार्यालयले खाता सञ्चालन शिविर आयोजना गरेपछि उपभोक्ता समितिले वडामै खाता खोल्ने सेवा पाएका हुन् । वडाले यस किसिमको सेवा नगरमै पहिलो पटक दिएको वडाध्यक्ष हेम कुमार थिङले जानकारी दिए ।
वडा कार्यालयले महालक्ष्मी विकास बैंक पालुङ शाखासँग सहकार्य गरेर साेमबार वडा कार्यालयमा शिविर सञ्चालन गरेको हो । शिविरमा ८ नम्बर वडाका ९ वटा उपभोक्ता समितिले बैंक खाता खोलेका छन् । उपभोक्ताहरुको सहजीकरणका लागि बैंकले सहकार्य गरेपछि उपभोक्ताहरुलाई सजिलो भएको वडाध्यक्ष थिङले बताए ।
उनले भने–‘यहाँबाट पालुङ (बैंक रहेकाेस्थान) सम्म पुगेर खाता सञ्चालन गरेर फर्कदा समितिलाई असहजताका साथै आर्थिक भार समेत पर्ने अवस्था थियाे ।’ तर अव त्यो भार उपभोक्तालाई नपर्ने भएपछि खुशी भएकाकाे उनले बताए । ‘खाता सञ्चालनका लागि उपभोक्ता समिति अध्यक्ष, सचिव र कोषाध्यक्ष बैंकमा नै अनिवार्य उपस्थित हुनु पर्ने अवस्था रहेकाे छ । उपभोक्ता समिति मार्फत सञ्चालन हुने १५ मध्ये ९ वटा योजनाको उपभाेक्ता समितिकाे शिविरकै अवसरमा सम्झौता भएको वडा सचिव तथा प्राविधिक सीताराम ढकालले जानकारी दिए ।
‘घरछेवैको वडा कार्यालयबाट बैंक तथा योजना सम्झौताको सेवा पाएपछि स्थानीयहरु खुशी छन्’ थिङले भने ‘नागरिकलाई गाउँ गाउँमा सिहदरबारको अनुभूति हुने गरी काम गर्ने प्रतिवद्धता गरेकाे छु ।’ शिविरका लागि सहयोग र सहकार्य गर्ने महालक्ष्मी विकास बैंक पालुङ शाखालाई धन्यवाद दिदै वडाध्यक्ष थिङले जनमुखी कामलाई निरन्तरता दिने बताए ।
