भुटनदेवीमा रात्रिकालिन पाहुना विश्रामघर
Tags: No Comments
मकवानपुर । मकवानपुरकाे हेटौंडा १० मा अवस्थित भुटनदेवी मन्दिरमा रात्रिकालिन पाहुना घर सञ्चालनमा आएकाे छ । भुटनदेवी मन्दिर ब्यवस्थापन तथा धार्मिक पर्यटन विकास समितिले संचालन गर्ने गरी भुटनदेवी रात्रिकालिन पाहुना विश्रामघरकाे शनिबार उद्घाटन गरिएकाे हाे ।
नेपाली कांग्रेस बागमती प्रदेश सभापति एवं बागमती प्रदेशसभा सदस्य ईन्द्रबहादुर बानियाँले शनिबार उक्त विश्रामघरकाे उद्घाटन गरेका हुन् । भुटनदेवी मन्दिर ब्यवस्थापन तथा धार्मिक पर्यटन विकास समितिको २० औं साधारणसभा तथा अधिबेशनकाे प्रमुख अतिथि समेत रहेका बानियाँले विश्रामघरकाे उद्घाटन गरे ।
समितिको २० औं साधारणसभा तथा रात्रिकालिन पाहुना विश्रामघरको समुदघाटन गर्दै प्रमुख अतिथि बानियाँले भुटनदेवी मन्दिरको भौतिक पूर्वाधार निर्माण तथा पर्यटकीय प्रवर्द्धनका लागि विगत देखि नै सहयाेग गर्दै आएकाे बताए । उनले आगामी दिनमा पनि आफू र प्रदेश सरकारकाे तर्फबाट सकेकाे सहयोग गर्ने प्रतिवद्दता व्यक्त गरे । नेता बानियाँले धर्म भनेको सत्य र ठिक बाटो हिडाउने माध्यम भएकाे भएको बताउँदै यसको सम्वर्द्धन र प्रवर्द्धन गर्न हामी सबै लाग्नुपर्ने बताए । बागमती प्रदेश सरकारको आर्थिक सहयोगमा निर्मित २४ कोठे विश्रामघरमा ६० जनासम्म बस्न मिल्ने समिति अध्यक्ष राममान श्रेष्ठले बताए ।
समितिका अध्यक्ष श्रेष्ठको सभाध्यक्षतामा भएको साधारणसभा तथा अधिवेशनले नयाँ नेतृत्वसमेत निर्वाचित गर्ने बताइएकाे छ । साधारण सभामा मन्दिरलाई सहयोग र विभिन्न क्षेत्रबाट योगदान गर्ने समाजसेवीलाई मायाको चिनो र सम्मानपत्र प्रदान गरिएको थियो ।
मकवानपुर । लुम्बिनी प्रदेशका शहरी विकास मन्त्री कृष्णा केसी (नमुना)ले भालुबाङ बस दुर्घटनाका घाइतेहरूको उपचारमा कुनै कमी हुन नदिन निर्देशन दिएकी छिन् ।
नेपालगन्ज मेडिकल कलेज शिक्षण अस्पताल कोहलपुरमा पुगेर उपचाररत दुर्घटनाका घाइतेको स्वास्थ्य अवस्था बुझ्दै उनले उपचारमा कुनै कमी हुन नदिन निर्देशन दिएकी हुन् । दुर्घटनामा घाइते भएकाहरूको शीघ्र स्वास्थ्य लाभको कामना गर्दै मन्त्री केसीले उपचारमा गम्भीर बन्न र उपचारमा कुनै कमी हुन नदिन सम्बन्धित निकायलाई निर्देशन समेत दिइन् ।
‘बस समितिले घाइतेहरूको उपचार गर्छ र अहिले गरिरहेको पनि छ’ उनले भनिन्, ‘तपाईहरू (चिकित्सक) ले पनि उपचारमा कुनै कमी हुन नदिनुहोला ।’ आर्थिक अभावकै कारण घाइतेहरूको उपचारमा समस्या आउन नदिन समेत मन्त्री केसीले निर्देशन दिइन् ।
शिक्षण अस्पताल कोहलपुरमा उपचारत १३ जना घाइतेहरूमध्ये एक जना डिस्चार्ज गरिएको अस्पताल प्रशासनले जनाएको छ । हाल उपचारत १२ जना घाइतेमध्ये एक जनाको अवस्था गम्भीर रहेको छ ।
बाँकेको नेपालगञ्जबाट काठमाडौं आउँदै गरेको भे१ख ३९१२ नम्बरको बस शुक्रबार राति साढे १० बजेतिर पुलबाट तल राप्ती नदीमा खस्दा १२ जनाको मृत्यु भएको थियो भने २२ जना घाइते भएका थिए । दाङ देउखुरीको राप्ती गाउँपालिका-१ भालुबाङस्थित राप्ती नदीको पुलबाट बस खस्दा मृत्यु भएका ८ जनाको सनाखत भएको छ ।
दुर्घटनामा एक महिला सहित १२ जनाको मृत्यु भएको थियाे भने २२ जना घाइते भएका थिए । मृतक १२ जनामध्ये २ भारतीय नागरिकसहित ८ जनाको सनाखत भएको छ । बाँकी ४ जनाको सनाखत भएको छैन । सनाखत नभएका चार जना मृतक भएकाे प्रहरीले जनाकारी दिएकाे छ ।
मृत्यु हुनेमा मकवानपुर हेटौंडा १७ हटियाका ३९ वर्षीय सौरभ बिष्ट, नेपालगञ्जका ६० वर्षीया कुसम बस्नेत, जुम्लाको चन्दननाथ-९ का ४० वर्षीय मुनबहादुर रावत, बाँकेका ३० वर्षीय रामवरण हरिजन, रुकुम गोतामकोट-९ का २५ वर्षीय दीपक डाँगी, काठमाडौं चन्द्रागिरि नगरपालिका-१५ का ६५ वर्षीय ताराकान्त पाण्डे, भारत पूर्वी चम्पाटनमलाहीका ६७ वर्षीय योगेन्द्र राम र भारत उत्तरप्रदेश अतिकुल्ला खैरे बस्ने ३१ वर्षीय मुनेको खनाखत भएको छ ।
शिक्षण अस्पताल कोहलपुरमा उपचारत १३ जना घाइतेहरूमध्ये १ जना डिस्चार्ज गरिएको अस्पताल प्रशासनले जनाएको छ । हाल उपचारत १२ जना घाइतेमध्ये एक जनाको अवस्था गम्भीर रहेको छ । प्रहरीका अनुसार बसका चालक सल्यान घर भएका २८ वर्षिय लालबहादुर नेपालीलाई नियन्त्रणमा लिएको छ । घाइतेहरूमध्ये ७ जना बुटवल, २ जनाको भालुबाङ अस्पतालमा उपचार भइरहेको बताइएकाे छ ।
हेटौंडामा भीमविराग प्रतिष्ठान र गुन्जनको कवि गोष्ठी
Tags: No Comments
मकवानपुर । भीम विराग साहित्य कला प्रतिष्ठान नेपाल र गुन्जन नारी साहित्य संस्था काठमाडौको संयुक्त आयोजनामा हेटौंडामा कवि गोष्ठी गरिएको छ ।
शुक्रबार हेटौंडामा आयोजना गरिएको कवि गोष्ठीमा मकवानपुरका तथा गुन्जनमा आबद्ध समेत करिब ३ दर्जन सर्जकहरुले रचना वाचन गरेका थिए ।
गुञ्जनका तर्फबाट जलेश्वरी श्रेष्ठ, हिरण्यकुमारी श्रेष्ठ, सुलोचना मानन्धर,सुस्मिता नेपाल, पद्मावती सिंह,सन्ध्या पहाडी, डा. रेणुका सोलु,डा. रजनी ढकाल, विन्दु सुवेदी,रुकु कार्की,सावित्री श्रेष्ठ, मन्जिला शर्मा,कमला रिसाल,रीता खत्री,रश्मि रिमाल,शान्ता शाक्य,उषा केसी,विमला कार्की,निर्मला फुयाल , यशोधा अधिकारी,गीता कार्कीले गोष्ठीमा सहभागी जनाएका थिए ।
यसैगरि मकवानपुरका आरआर चौलागाईं, हयग्रीव आचार्य, भावना सापकोटा, पूर्णकला घिमिरे, सविता तिमल्सिना, सानू खनाल, हरिकृष्ण काफ्ले,रजनी पौडेल, गीताकुमारी न्यौपाने, जयन्ती आचार्य, गोपिनी गौतम, दिनेश शर्मा, किशन पौडेल , अश्लेषा अधिकारीले आ आफ्नो रचना सुनाएका थिए ।
गोष्ठीमा आठ दशक छुनै लागेकी पद्मावती सिंहले गीत गाउँदा ७३ वर्षको उमेरकी सुशीला पाण्डे मानन्धरले आफूलाई रोक्न सकिनन् । भीम विरागसँग कुनै समय अभ्यास गरिएको तर रेकर्ड हुन नपाएको गीत उनले सुनाइन् । यस्तै बालजागृती माध्यामिक बिद्यालयको कक्षा ४ मा अध्ययनरत छात्रा अश्लेषा अधिकारीले तिमिले त होइन तिम्रा आखाहरु बोलको गित संगीत मै प्रस्तुत गरिन ।
प्रतिष्ठान अध्यक्ष केशवलाल श्रेष्ठ तौजको अध्यक्षता तथा प्रतिष्ठानका सल्लाहकार सुशीला पाण्डे मानन्धरको प्रमुख आतिथ्यतामा भएको गोष्ठीमा विशिष्ट अतिथि जलेश्वरी श्रेष्ठ गुञ्जनका अध्यक्ष, अतिथि पद्मावती सिं गुञ्जन संस्थापक अध्यक्ष र कार्यक्रमको सेतु आरआर चौलागाईं रहेका थिए ।
प्रतिष्ठानका सदस्य गोपिनी गौतम ढकालले स्वागत गरेकी गोष्ठीमा कार्यक्रम अवधारणा गुञ्जन महासचिव सुस्मिता नेपालले राखेकी थिइन् । गोष्ठीको सहजीकरण प्रतिष्ठानका महासचिव छवि अनित्यले गरेका थिए।
मकवानपुर । मकवानपुरको साहित्यिक संस्था झरना साहित्यिक परिवारको २ सय ९८ औँ साहित्य शृङ्खलामा बदामसँग कविता कार्यक्रम भएको छ ।
कार्यक्रममा तीन दर्जन साहित्यिक स्रष्टाले बदाम र सुन्तलासंगै कविता सुनाएर मिठास भरेका थिए । झसापले २ सय ९८ औँ साहित्य शृङ्खला शुक्रबार हेटौँडा–१७ मा रहेको जुरेथुम पर्यटकीय पार्कमा आयोजना गरेको हो । उक्त अवसरम झरना साहित्यिक अर्धबार्षिक पत्रिका ‘झरना’ को ४० औँ अङ्क विमोचन गरिएको थियो ।
कार्यक्रमका नियात्राकार निर्मोही व्यासले यात्राले काव्य लेखनमा सहजता प्रदान गर्ने बताए । झरनाले राम्रो काम गरिरहेकोमा संस्थाको प्रशंसा समेत उनले गरे । कार्यक्रममा संस्थाका संरक्षक रमेशमोहन अधिकारी, सल्लाहकार दीपक गौतम, साहित्यकार समिर पाख्रिन, पुरुषोत्तम आचार्य, डिबि बर्तौला, सानु खनाल, सुवास खनाल, भावना सापकोटा, बैकुण्ठ लामिछाने, सागर तिमल्सिना, सुबास सजल, किशन पोडेल, गोकर्ण लामा, स्वस्तिका बानियाँ, देव निर्दोष, गायत्री रुपाखेति, विश्व राई, सन्तराम राई, अजर फुयाँल, ओमभक्त भण्डारीलगायतले रचना सुनाएका थिए ।
झसाप, मकवानपुरले हरेक महिना नियमित साहित्य शृङ्खला गर्दै आएको छ । झसापले आगामी महिना बकैया गाउँपालिकामा बिद्यार्थीहरूका लागि चित्रकला तथा हस्तकला प्रशिक्षण कार्यक्रम सञ्चालन गर्ने भएको छ ।
संस्थाका अध्यक्ष विश्वनाथ सञ्जेलको अध्यक्षता तथा निर्मोही ब्यासको प्रमुख आतिथ्यतामा भएको कार्यक्रममा संस्थाका संरक्षक उद्धव प्रसाद सापकोटा, सिस्नुपानी मकवानपुरका अध्यक्ष राजकुमार लामिछाने, मुक्तककार मिथिला अधिकारी, साहित्य सङ्गमका कोषाध्यक्ष मेनु तिमल्सिनालगायतको आतिथ्यता रहेको थियो । कार्यक्रमको सहजीकरण संस्थाका सचिव मसान उपासकले गरेका थिए ।

पतन्जली मकवानपुरको आयोजनामा दिव्यभोज
Tags: No Comments
मकवानपुर । मकवानपुरको हेटौंडा ६ चौघडामा दिव्यभाेज कार्यक्रम गरिएको छ ।
पतन्जली याेग समिति मकवानपुरकाे आयाेजना तथा पतन्जली याेग महिला समिति, युवा समिति, युवा नगर समिति, युवा ग्राम समितिकाे संयाेजनमा चाैघडास्थित शान्ति पार्कमा दिव्यभाेज कार्यक्रम गरिएको हो ।
दिव्यभाेजमा फलफूल, उमाारिएकाे गेडागुडी र पतन्जलीकाे स्पेशल जडिबुटिको दिब्य पेय, फापरकाे पिठाेकाे जेरी, सादा र स्वास्थ्यवर्द्धक खानाहरु समावेश गरिएकाे थियाे । पतन्जली याेग समिति मकवानपुरले हरेक वर्ष दिव्य भाेजकाे आयाेजना गर्ने गरेकाे जिल्ला अध्यक्ष रामकृष्ण थापाले बताए ।
नेपालीकाे सस्कृतिलाई सरल किसिमले जगेर्ना गर्दै साेहार्द पूर्ण रुपमा मनाउने गरेकाे पतन्जली याेग समितिले आउँदो माघ १ गते सर्वाेत्तमकाे उत्पादनकाे शख्खरबाट वनेकाे चाकु सामुहिक रुपमा खाने कार्यक्रम पनि तय भएकाे उनले जानकारी दिए ।
संविधानसभा सदस्य अनन्त पौडेल, सर्वोत्तम संचिति बचत ऋण सहकारी संस्थाका अध्यक्ष तथा पतन्जली योग समिति बागमती प्रदेश सदस्य धुर्व पौडेल, ७ नम्बर वडाका पूर्व वडाध्यक्ष राजन थापा, जिल्लास्थित विभिन्न सेन्टरका याेग प्रशिक्षक, सह प्रशिक्षक, याेग साधक साधिकाहरुकाे उपस्थितिमा दिव्यभोज आयोजना गरिएको थियाे ।
