मकवानपुर । शिक्षाकाे गुणस्तर सुधारकाे लागि हेटाैंडा उपमहानगरपालिका वडा नं. १५ ले वडा स्तरीय शैक्षिक महाेत्सव २०८० गर्ने भएकाे छ ।
वडामा रहेका ८ वटा सामुदायिक र २ वटा संस्थागत विद्यालयकाे प्रत्यक्ष सहभागितामा शैक्षिक महाेत्सव गर्न लागिएकाे हाे । वडा कार्यालयले शिक्षाकाे गुणस्तर सुधार र सिकाइ सिप आदनप्रदानकाे लागि याे शैक्षिक महाेत्सव महत्वपूर्ण थलाे भन्ने वडा अध्यक्ष सुनिल माेक्तानले बताए ।
वडा अध्यक्ष माेक्तानकाे अध्यक्षतामा वडा शिक्षा समिति गठन गरिएकाे छ । वडा कार्यालयकाे आयाेजना तथा उत्त समितीकाे समन्वयमा महाेत्सव गर्न लागिएकाे हाे । महाेत्सवमा १९ प्रकारका खेल तथा रचनात्मक प्रतियाेगीताहरु हुने जनजागृती माविका प्रध्यानाध्यापक केशव सञ्जेल जानकारी दिए । उक्त महाेत्सव ३ दिनसम्म चल्ने छ ।
वडा कार्यालयले शुक्रबार पत्रकार सम्मेलन गर्दै यस्ताे जानकारी गराएकाे हाे । आगामी फागुन ७,८ र ९ गते विहान १० बजेदेखि दिउँसाे ४ बजेसम्म वनदेवी आधारभूत माविमा महाेत्सव हुने प्रअ सञ्जेलले बताए । महाेत्सवमा मार्चपास, खेल प्रतियोगिता रिले रेस, बेलुन फुटाउने र बचाउने, म्युजिकल चियर, चित्रकला, हाईजम्प, लङजम्प, साहित्यिक कार्यक्रम , बतृत्वकला, नृत्य, हिसाब दौड प्रतियोगिता, हस्तकला शैक्षिक सामग्रीकाे प्रदर्शनीलगायत रहने छन् ।
खेल तथा प्रतियाेगितात्मक कार्यक्रममा विद्यार्थीहरुकाे तहगत प्रतिष्पर्धा हुने छ । यसैगरी विद्यालय व्यवस्थापक समिति, शिक्षक अभिभानक समिति, शिक्षकहरुबीचमा समेत प्रतियाेगिता रहने छ ।
यसैगरी वडा भित्रको शैक्षिक व्यक्तिलाई सम्मान समेत रहने छ । यसैगरी हरेक विद्यालयबाट उत्कृष्ट शिक्षक विद्यार्थी र अभिभावकलाई पनि सम्मान गरिने छ ।
कार्यक्रमकाे लागि ४ लाख बजेट छुट्याइएकाे छ । महाेत्स्कुसवबाट प्रत्यक्ष रुपमा २ हजार जनाले हरेक दिन लाभ लिन सक्ने वडा अध्यक्ष माेत्तानले बताए । यस वडामा १ हजार ७ सय विद्यार्थी रहेका छन् । कार्यक्रममा सहभागी हुने टाढाबाट आउनेलाई विद्यार्थीहरुलाई आवासको समेत व्यवस्था छ ।
महाेत्सवकाे बारेमा जानकारी दिन आयाेजना गरिएकाे कार्यक्रममा वडा अध्यक्ष मोक्तानले विद्यार्थीहरुकाे ड्रप आउटको कारण पत्ता लगाउनेको लागि पनि महोत्सव प्रभावकारी हुने बताए । ‘याे महाेत्सव स्कुल पिच्छे सिकाइको तरिका शेयर गर्ने थलो बन्नेछ’ उनले भने ।
बागमतीलाई हराउदै एपीएफ फाइनल प्रवेश
Tags: No Comments
मकवानपुर । मकवानपुरको हेटौंडामा जारी शहीद स्मृति स्थानीय तह अन्तर्राष्ट्रिय फुटबल प्रतियोगिता–२०८० मा शसस्त्र पुलिसको एपीएफ क्लब फाइनल प्रवेश गरेको छ । बागमती युथ क्लब सर्लाहीलाई ४–० को फराकिलो गोल अन्तरले हराउँदै एपीएफले फाइनलमा स्थान बनाएको हो ।
प्रतियोगिता अन्तरगत विहीबारको दोस्रो सेमिफाइनलमा बिजयी भएपछि उपाधिकालागि एपीएफले न्यूरोड टीम (एनआरटी) संग प्रतिस्पर्धा गर्ने छ ।
छैठौं संस्करणको प्रतियोगिताको फाइनलमा पुग्न एपीएफकालागि अनिश महर्जन, प्रदीप लामा, विदेशी खेलाडीद्वय सर्ज संग र फोडे फोफनाले गोल गरेका थिए । खेलको म्यान अफ दी म्याच अनिश महर्जन घोषित हुदै नगद १० हजार रुपैयाँ हात पारे ।
मकवानपुर जिल्ला फुटबल संघको आयोजनामा हेटौंडा–६, गौरीटारमा जारी प्रतियोगिताको फाइनल शनिबार हुनेछ । प्रतियोगिताको विजेता र उपविजेताले क्रमशः नगद १५ र १० लाख रुपैयाँ प्राप्त गर्नेछन् । बागमती प्रदेश खेलकुद विकास परिषद्, सामाजिक विकास मन्त्रालय, हेटौँडा मकवानपुरका १० वटै स्थानीय तहको सहयोगमा प्रतियोगिता भएकाे हाे ।
प्रतियाेगितामा एक विदेशी क्लब, नेपालमा रहेका ८ वटा ए डिभिजन फुटबल क्लब, आयोजक टोली सहित मोफसलका तीन गरी १२ वटा टोेलीको सहभागिता रहेको छ । साविक विजेता मनाङ मर्स्याङ्दी क्लबले यस संस्करणमा सहभागिता जनाएकाे छैन ।
मकवानपुर । प्रविधिक तर्फ कक्षा ९ देखि १२ सम्म कम्प्युटर इञ्जिनियरीङ शिक्षा सञ्चालनका रहेकाे मकवानपुरकाे एकमात्रै सामुदायिक विद्यालय देबकी माविमा कक्षाकाेठाकाे अभाव हुँदा प्रयाेगात्मक सिकाइ प्रभावित हुने गरेकाे छ ।
८७६ जना विद्यार्थी अध्ययनरत देबकी माविमा हाल १८ वटा कक्षाकाेठा छन् । प्राविधिकतर्फ कक्षा सञ्चालनकाे लागि ल्याबलगायतकाे भाैतिक पूर्वाधार नहुँदा समस्या रहेकाे विद्यालयका प्रध्यानाध्यापक चन्द्रबहादुर थापाले जानकारी दिए । कक्षाकाेठाकाे अभावमा धेरै कष्टकर सिकाइ भइरहेकाे उनले बताए ।
‘विद्यार्थीमा रुचि छ तर पूर्वाधारकाे समस्या भयाे’ थापाले भने ‘पास आउट भएर गएका विद्यार्थीहरु काेही पनि बेराेजगार छैनन् याे देख्दा खुसी लाग्छ तर अझै साेचेजत्ति गर्न सकिएकाे छैन ।’ विद्यालयमा भवनकाे अभाव रहेकाेले समस्या भएकाे उनले बताए । ‘कक्षा ६ बाट माथि १२ सम्म २ देखि ३ वटासम्म सेक्सन छ प्रयाेगात्मक कक्षाकाे लागि कम्प्युटर किनियाे तर राख्ने कक्षा काेठा नै छैन’ थापाले भने । कक्षाकाेठा अभाव भएकाेले दाताकाे खाेजीमा रहेकाे उनले बताए ।
विद्यालयमा जाेड दुइतर्फ शिक्षा र मानविकी संकाय अध्यापन गराउँदै आएकाे भने प्राविधिक तर्फ कम्प्युटर इञ्जिनियरिङ पछिल्लाे ४ वर्षदेखि सञ्चालन गरिदै आएकाे छ ।
४८ औं भेला सम्पन्न, विव्यासकाे लागि ४ सदस्य सर्वसम्मत चयन
देबकी माविकाे ४८ औं भेला सम्पन्न भएकाे छ । भेलामा बागमती गाउँपालिका अध्यक्ष सर्केश घलानले शैक्षिक सुधारकाे लागि गाउँपालिका संधै सकारात्मक रहेकाे बताएका छन् ।
विद्यालयकाे शैक्षिक गुणस्तर सुधारमा व्यवस्थापन समिती, शिक्षक, अभिभावक एक जुट भएर लाग्नु पर्ने र यसकाे लागि अन्य आवश्यकीय सर्त पुरा गर्ने पालिका तयार रहेकाे अध्यक्ष घलानले बताए ।

विद्यालय व्यवस्थापन समिती अध्यक्ष हस्तबहादुर थिङकाे अध्यक्षतामा भएकाे भेलाले व्यवस्थापन समितीकाे लागि नयाँ नेतृत्व चयन गरेकाे छ । जसमा चित्रबहादुर पुलामी, वीरबहादुर थिङ, प्रमिला वाइवा र सरस्वती सिंङ्तानलाई सर्वसम्मत चयन गरेकाे छ । उक्त ४ जनाकाे समितिले अन्य २ सदस्य मनाेनित गर्ने र उनीहरु मध्येबाट अध्यक्ष चयन गरिने विद्यालयका प्रध्यानाध्यापक चन्द्र थापाले जानकारी दिए ।
अभिभावक भेलामा जिल्ला समन्वय समिति मकवानपुरका खड्गबहादुर पुलामी गाउँपालिका उपाध्यक्ष फणिन्द्र तिमल्सिना तथा स्थानीय राजनीतिक दलका प्रतिनिधिहरुकाे सहभागिता रहेकाे थियाे ।
एकै दिन रोकिए ४ वटा बाल विवाह
Tags: No Comments
मकवानपुर । बालमैत्री स्थानीय शासन लागु गर्न स्थानीय, प्रदेश र संघीय सरकार लागि परिरहेको बेला बाल विवाह सबैभन्दा ठुलो चुनौतीको रुपमा देखा पर्दै आएको छ ।
मकवानपुरमा सिविन बाल हेल्प लाइन र स्थानीय तहको सक्रियतामा ४ वटा बाल विवाह रोकिएको छ । मकवानपुरको कैलाश गाउँपालिका वडा नं ३ मा २० र २१ वर्षिय युवाहरु, राक्सिराङ् गाउँपालिका वार्ड न ३ का १३ र १४ वर्षिया बालिकाबीच हुन लागेको बाल विवाह बदर गरिएको हो ।
दुई दिन अघि विवाह हुन लागेको सुचना हिमराइट्स मकवानपुरमा आएपछि बालहेल्पलाइन १०९८, राक्सिराङ् गाउँपालिका वार्ड ३ को सक्रियतामा बाल विवाह रोकिएको हो । वार्ड अध्यक्ष उत्तम वाइवा, कैलाश गाउँपालिका वाड ३ का अध्यक्ष तिलकबहादुर मोक्तान र इलाका प्रहरी कार्यालय मनहरीको समेत विशेष पहल रहेको हिमराइट्स मकवानपुरकी कार्यक्रम संयोजक कुमारी वाइवाले जानकारी जानकारी दिइन् । बालिकाहरु र युवाहरु, दुवै पक्षका अभिभावक, वडा प्रतिनिधि, हिमराइट्सकी कुमारी वाइवा, बालहेल्पलाइनका प्रवन्धक झविन्द्र ज्ञवाली, प्रजा जागृति माविका शिक्षक रामप्रसाद सापकोटा, अस्मिता नेपालकाे थापाबहादुर दाेङलगायतको सहभागितामा बालविवाह रोकिएको हो ।
मनहरी गाउँपालिका वार्ड न. ४ की १५ वर्षीया बालिका र हेटौडा ३ बसामाडिका १८ वर्षीय बालक, त्यसै गरी मकवानपरु गढी गाउँपालिका वार्ड न २ की १८ वर्षीया बालिका र हेटौडा वडा नम्वर १७ का २५ वर्षीय युवासँग विवाह हुन लागेको सुचना बालहेल्पलाइन १०९८ मा प्राप्त भए पश्चात जनप्रतिनिधि, बालहेल्पलाइन प्रतिनिधि र दुवै परिवारका अभिभावक सहित बालिकाहरुको उद्वार गरिएको थियो ।
उनीहरुलाई बालहेल्पलाइनमा छलफल पश्चात बालविवाहका सम्बन्धमा बीस वर्ष पूरा नभइ अब विवाह नगर्ने र अभिवकहरुले पनि यस विषयमा आफूहरु बालबालिकाको निगरानी गर्ने र यस्ता घटना दोहो-याउन नदिने प्रविबद्धता गरेको बालहेल्पलाइनकी कार्यक्रम अधिकृत सम्झना अधिकारीले बताइन् ।
बालबालिकाहरुलाइ बालिकालाई थप परामर्शको लागि बाल हेल्पलाइनको संरक्षणमामा राखिएको जनाइएको छ ।
बीस वर्ष उमेर पुरा नभएका बालबालिकाको विवाह गैरकानूनी भएपनि बालबालिकाहरु आफूखुसी बिवाह गर्ने क्रम बढेपछि बालबालिकाहरु र परिवारलाई प्रभावकारी परामर्श गराउन सकिएको छैन । यसैकारण बाल विवाह सबैभन्दा ठूलो चुनौती भएको बालमैत्री अभियानका प्रशिक्षक विष्णुप्रसाद चौवे बताउँछन् ।
मकवानपुर । मकवानपुरको हेटौडामा जारी शहीद स्मृति स्थानीय तह अन्तर्राष्ट्रिय फुटबल प्रतियोगितामा न्युरोड टिम (एनआरटी) क्लब फाइनल प्रवेश गरेको छ । सडनडेथमा धनकुटाको राजारानी क्लबलाई १७–१६ गोलअन्तरले पराजीत गर्दै एनआरटी फाइनल प्रवेश गरेको हाे । माेहित गुरुङकाे स्पाेर्ट किक व्याकअप ब्याटल गाेल मार्फत एनआरटी फाइनल प्रवेश गरेकाे हाे ।
हेटौंडा–६ स्थित गौरीटार रंगशालामा भएकाे छैठौं संस्करण अन्तरगत बुधबारकाे पहिलाे सेमिफाइनल खेलकाे निर्धारित समयमा दुबै टाेली तर्फबाट गाेल रहित बराबरी भएपछि खेल ट्राइबेकरमा धकेलिएकाे थियाे । ट्राइबेकरमा समेत बराबरी भएपछी सडेन डेथमा एनआरटीले जीत निकालेकाे हाे । १८ औं पटककाे प्रहारबाट राजारानीलाई पराजीत गर्दै एनआरटी फाइनल प्रवेश गर्ने पहिलाे टाेली बनेकाे छ ।
टाइब्रेकरमा ५–५ गोल भएको थियो । सडनडेथमा दुवै टिमका ११/११ खेलाडीको प्रहारमा १०/१० गोल भएपछि पुनः दोहोर्याएर प्रहार गरेका थिए । टाइब्रकेर र सडनडेथमा गरी कुल ३८ वटा प्रहार भएको थियो ।
खेलमा एनआरटीका गाेलकिपर क्रिपाे म्यान अफ दी म्याच घोषित हुदै दश हजार रुपैयाँ प्राप्त गरे । प्रतियाेगिता अन्तरगत विहीबार शसस्त्र पुलिसको एपीएफ र बागमती युबा क्लब सर्लाही बीच दाेस्राे सेमिफाइनल खेल हुने आयाेजकले जनाएकाे छ । एनआरटीले फाइनलमा बिहीबार हुने दोस्रो सेमिफाइनलको विजेतासँग प्रतिस्पर्धा गर्नेछ ।
आगामी माघ २७ गतेसम्म सञ्चालन हुने प्रतियोगिताको विजेताले १५ लाख रुपैयाँ पुरस्कार प्राप्त गर्नेछ। उपविजेताले दश लाख रुपैयाँ तथा सर्वोत्कृष्ट खेलाडीले बुलेट बाइक प्राप्त गर्नेछन्। यस्तै विधागत उत्कृष्ट खेलाडी तथा प्रशिक्षकले जनही २५/२५ हजार रुपैयाँसहित ट्रफी प्राप्त गर्नेछन् ।मकवानपुर जिल्ला फुटबल संघकाे आयोजनामा बागमती प्रदेश खेलकुद विकास परिषद्, सामाजिक विकास मन्त्रालय, हेटौँडा मकवानपुरका १० वटै स्थानीय तहको सहयोगमा प्रतियोगिता भएकाे हाे ।
प्रतियाेगितामा एक विदेशी क्लब, नेपालमा रहेका ८ वटा ए डिभिजन फुटबल क्लब, आयोजक टोली सहित मोफसलका तीन गरी १२ वटा टोेलीको सहभागिता रहेको छ । साविक विजेता मनाङ मर्स्याङ्दी क्लबले यस संस्करणमा सहभागिता जनाएकाे छैन ।
