मकवानपुर । मकवानपुरकाे हेटौंडामा जारी भेट्रान्स फुटबल प्रतियोगिताको उपाधि आयोजक नागस्वाती भेट्रान्स क्लबकाे पोल्टामा परेकाे छ । नागस्वती भेट्रान्स क्लबको आयोजनामा भएकाे तेस्राे संस्करणकाे नागस्वती कप भेट्रान्स फुटबल प्रतियोगिता अन्तरगत शनिबार भएकाे फाइनलमा जोरपाटी भेट्रान्स काठमाडौंलाई ट्राई ब्रेकरमा ४–३ गोल अन्तरले पाखा लगाउँदै नागस्वती भेट्रान्स बी ले उपाधी हात पारेकाे हाे ।
यो सङै नागस्वती क्लबले लगातार तेस्रो संस्करणकाे उपाधी जितेकाे छ । उपाधीसँग नागस्वतीले २ लाख १ हजार नगद हात पारेकाे छ भने जोरपाटीले १ लाख १ हजार नगद सहित उपविजेतामा चित्त बुझाएकाे छ । हेटौडा ७ नागस्वती स्थित नवज्योति माविको खेल मैदानमा भएकाे फाइनल खेलकाे निर्धारित समयमा दुवै टोलीले एक/एक गोल गरेका थिए । खेल बराबरी भएपछि विजेताकाे छिनाेफानाे ट्राई ब्रेकरबाट लिइएकाे हाे ।
ट्राई ब्रेकरमा जोरपाटीको तर्फबाट राकेश लामा,निमा लामा र रञ्जित लामाले गोल गरेका थिए भने नागास्वतीको तर्फबाट मिलेन्द्र देवान,दिलीप छेत्री,विक्रम श्रेष्ठ र निमा लामाले गोल गरे । यसअघि भएकाे निर्धारित समयकाे खेलकाे ३९ औँ मिनेटमा नागस्वतीको तर्फबाट मिलेन्द्र देवानले गोल गरेका थिए । जोरपाटीको तर्फबाट ४६ औँ मिनेटमा निमा लामाले जवाफी गोल फर्काएका थिए । फाइनल खेलको म्यान अफ द म्याच नागस्वतीका गोलकिपर दिलीप छेत्री घोषित भएका थिए ।
खेलको सर्वोत्कृष्ट खेलाडी नागस्वतीका सन्तोष बस्नेत घोषित भएका थिए । बस्नेतले नगद ५० हजार प्राप्त गरे । यसैगरी खेलमा वेस्ट फर्वाड जोरपाटीका सुरज सुवेदी हुँदा वेस्ट गोलकिपर नागस्वतीका दिलीप छेत्री भए । वेस्ट डिफेन्डर मिलन राई, वेस्ट मिड फिल्ड राजकुमार घिसिङ,वेस्ट स्कोरर मिलेन्द्र देवान, वेस्ट टिम कोच भीम श्रेष्ठ घोषित भएका थिए । विधागत उत्कृष्ट खेलाडीलाई जनही १० हजार नगद प्रदान गरिएकाे थियो ।
प्रतियोगितामा देशभरका १५ वटा भेट्रान्स क्लबहरूको सहभागिता रहेको थियो । स्वास्थ्यका लागि खेलकुद भन्ने नाराका साथ आयोजना भएको प्रतियोगिता ४ मंसिरबाट सुरु भएकाे हाे । विजयी खेलाडीलाई प्रदेश खेलकुद विकास परिषद् बागमती प्रदेशका सदस्य सचिव दीपक लामाले पुरस्कार वितरण गरे ।
मकवानपुर । मकवानपुरकाे हेटौडा र चितवनकाे नारायणगढमा पत्रकार तथा लेखक सुधीर शर्माका २ वटा कृतिमाथि विमर्श गरिएको छ । शर्माका भिक्षु,व्यापार र विद्रोह र हिमालपारिको हुरी कृतिमाथि शुक्रबार हेटौडामा र शनिबार नारायणगढमा विमर्श गरिएको हो ।
घिमिरेले हेटौडामा लेखक शर्मासँग अन्तरक्रिया समेत गरेका हुन् । विमर्शमा मकवानपुर बहुमुखी क्याम्पसका उपप्राध्यापक घनश्याम घिमिरेले शर्माका दुबै कृतिको समीक्षात्मक प्रस्तुति राखेका थिए । नारायणगढमा भएकाे संवाद र विमर्श कार्यक्रममा लेखक शर्मासँग पत्रकार सूर्यप्रकाश कँडेलले संवाद गरेका छन् ।
‘भिक्षु, व्यापार र विद्रोह’ मा शर्माले मल्लकाल, लिच्छवीकाल, नेवार समुदायले तिब्बतमा पुगेर गरेको व्यापारको इतिहास, नेपाल र चीनबीचको व्यापारिक सम्बन्ध र भारत,चीनमा माओत्सेतुङले गरेको साँस्कृतिक क्रान्तिको विषयमा समावेश गरिएकाे उपप्राध्यापक घिमिरेले जानकारी गराए । यसैगरी ‘हिमालपारिको हुरी’ मा शर्माले सन् २००८ पछि चीनले विश्वसामु व्यावसायीक खुलापनकाे रुपमा आफूलाई प्रस्तुत गर्न सुरु गरेको उनले बताए ।
किताब पब्लिसर्स र सम्पूर्ण किताबले संयुक्तरुपमा आयोजना गरेको कार्यक्रममा लेखक शर्मासँग पत्रकार कँडेलले पुस्तकको विषयवस्तु, रचना गर्भ र पुस्तकले समेटेका क्षेत्रबारे विस्तृत कुराकानी गरे । लेखक शर्माले सात वर्ष लगाएर दुई पुस्तक ‘भिक्षु, व्यापार र विद्रोह’ एवं ‘हिमालपारिको हुरी’ लेखिएको बताए ।
राजतन्त्र रहुन्जेल कुटनीतिक सम्बन्धमा मात्रै रही सकेकाे सहयाेग गर्दै आएकाे चीनले राजतन्त्रकाे समाप्ती पछि सरकारमा पुग्ने दलका नेतालाई आफ्नाे अनुकुलकाे मित्रता बढाउन खाेजेकाे हिमालपारीकाे हुरीमा रहेकाे छ । यता भिक्षु, व्यापार र विद्रोहमा लेखक शर्माले २ सय वर्ष पहिलेकाे इतिहासदेखि नेपाल र चीनबीचको व्यापार सम्बन्धको प्रसंग समावेश गरिएको छ । पत्रकारले सतहीरुपमा लेख्छन्, अध्ययन, अनुसन्धान गर्दैनन् भन्ने समाजको बुझाई रहेकाे भाष्यलाई पत्रकारिताकाे माध्यम हुँदै लेखक बनेका शर्मा मुलुकको इतिहासलाई दस्तावेजीकरण गर्ने काम पुस्तक मार्फत गरेका छन् । शर्माका दुई कृति महत्वपूर्ण सावित हुने हेटौडा र नारायणगढकाे विमर्शमा बताइएकाे छ ।
शर्माका उक्त कृति माथि हेटौडा विमर्शमा राजनीतिज्ञ, प्राध्यापक, साहित्यकार, विद्यार्थीलगायतले जिज्ञासा राखेका थिए । नारायण संवाद विमर्शमा शिक्षाविद् चोलेन्द्र पण्डित, प्रेम रिमाल, कवि विपिन पाठक, पत्रकार गोविन्द न्यौपानेलगायतले लेखकसँग जिज्ञासा राखेका थिए । पाठकका जिज्ञासामाथि बोल्दै लेखक शर्माले नेपाल र चीनबिचको आर्थिक, साँस्कृतिक र राजनीतिक सम्बन्धका आयाम र यसले पार्ने प्रभाव बताए । उनले आफ्ना दुवैकृति विद्यार्थीकालागि इतिहास बुझ्ने माध्यम हुने साथै अनुसन्धानमूलक कृतिको रुपमा रहेकाे बताए ।
शैलीगत रुपमा आख्यानकाे रुपमा साहित्यकारले लिन सक्ने पुस्तक अनुसन्धानकर्ताको रुपमा अध्ययन, अनुसन्धानमा आधारित र थप अध्ययन अनुसन्धानका लागि कतिपय सन्दर्भ समेत उजागर गरिएको उनले बताए । दुई छिमेकी भारत र चीनमध्ये चीनलाई बुझ्न भाषाका साथै सामाजिक सास्कृतिक र भौगोलिक अवस्था लगायतका विविध कारणले गाह्रो भएको शर्माले जानकारी दिए । दुई ठूला देशबीचको नेपालले चीनसम्बन्धमा बुझ्ने, विश्लेषण गर्ने र रणनीतिक हिसाबले काम गर्न विज्ञ व्यक्तिहरु आवश्यक रहेको बताए । चीन भारतसँग नभई अमेरिकासँगको प्रतिस्पर्धामा रहेको तथा विश्वकै पहिलो शक्ति राष्ट्र बन्ने लक्ष्यमा अगाडि बढिरहेको उनले जानकारी दिए ।
मकवानपुर । मकवानपुरकाे हेटौंडामा जारी तेस्रो नागस्वती कप भेट्रान्स फुटबल प्रतियोगिताको फाइनल समिकरण पुरा भएकाे छ । शुक्रबारकाे सेमिफाइनल खेलबाट आयोजक नागस्वती भेट्रान्स र जोरपाटी भेट्रान्स काठमाडौं फाइनल प्रवेश गरेका छन् ।
नागस्वती भेट्रान्स क्लबको आयोजनामा हेटौडा ७ नागस्वती स्थित नवज्योति माविको खेल मैदानमा प्रतियोगिता भएकाे हाे । प्रतियोगिता अन्तरगत शुक्रवार भएको पहिलो सेमिफाइनल खेलमा हेटौंडा भेट्रान्सलाई १–० गोलले पराजित गर्दै जोरपाटी भेट्रान्स फाइनल प्रवेश गरेको हो । जोरपाटीकाे जीतका लागि खेलको ८ औँ मिनेटमा जोरपाटीका सुरज सुबेदीले गरेको गोल नै निर्णायक बन्यो । खेलको म्यान अफ द म्याच जोरपाटीका सुवेदी घोषित भए ।
यस्तै दोस्रो सेमिफाइनल खेलमा आयोजक नागस्वती भेट्रान्स बि ले लेक साइड भेट्रान्स पोखरालाई १–० गोल अन्तरमा हराउँदै फाइनल यात्रा तय गरेकाे हाे । खेलको ४३ औँ मिनेटमा नागस्वतीको तर्फबाट राजकुमार घिसिङले गोल गर्दै टिमलाई फाइनल प्रवेश गराए । खेलको म्यान अफ द म्याच घिसिङ घोषित भएका थिए ।
प्रतियाेगिता अन्तरगतकाे फाइनल खेल शनिवार दिउँसो २ बजे नागस्वती भेट्रान्स बी र जोरपाटी भेट्रान्स बीच हुनेछ । प्रतियोगितामा १५ वटा भेट्रान्स क्लबहरूको सहभागिता रहेको थियाे । ४० वर्ष माथि उमेर समूहका पूर्व राष्ट्रिय खेलाडीहरूको सहभागी रहेकाे भेट्रान्सकाे यो तेस्राे संस्करण हाे । चार वर्ष अघि स्थापना भएको क्लबले लगातर गर्दै आएकाे प्रतियोगितामा विजेताले २ लाख १ हजार र उपविजेताले एक लाख १ हजार नगद हात पार्ने छन् ।
मकवानपुर । मकवानपुरकाे हेटौडा उपमहानगरपालिका वडा नम्बर १५ मा बस दुर्घटना हुँदा १७ जना घाइते भएका छन् । शुक्रबार विहान पुर्व पश्चिम राजमार्ग अन्तर्गत हेटौडा १५ चुरियामाई मन्दिर सडकखण्डमा ग २ ख १६२१ नम्बरको बस दुर्घटना भएकाे मकवानपुर प्रहरीले जनाएकाे छ ।
बिरगंजबाट पोखरा जादै गरेको उक्त बस हेटौडा १५ चुरियामाईमा ब्रेक फेल भई खोल्सामा पल्टिएर दुर्घटना भएकाे हाे । जिल्ला प्रहरी कार्यालय मकवानपुरका अनुसार बसमा सवार १८ जना यात्रु मध्ये चालकसहित १७ जना घाईते भएको हाे । घाईतेहरुलाई उद्धार गरी उपचारको लागि हेटौडा अस्पताल ल्याइएकाे छ । प्रहरीका अनुसार सबै घाइतेकाे अबस्था सामान्य रहेको छ ।
हेटौडा अस्पतालमा उपचार भई रहेकोका १७ जनाकाे विवरणः
१. जिल्ला बारा कलैया उ.म.न.पा. २३ बस्ने बर्ष ३२ को सुरेन्द्र शर्मा शरिरको बिभिन्न भागमा चोट अवस्था मध्यम
२. देश भारत हाजियापुर बस्ने बर्ष ४१ को रन्जन कुमार शिङ शरिरको बिभिन्न भागमा चोट अवस्था मध्यम
३. जिल्ला बारा पर्सैनि गा.पा. ३ बस्ने बर्ष ९ की जोनीशा कुमारी ठाकुर टाउकोमा चोट अबस्था गम्भिर
४. जिल्ला पर्सा घर भएकी बर्ष १६/१७ की रमिता चौधरी टाउकोमा चोट अवस्था मध्यम
५. ऐ.ऐ. बर्ष अं. ३ की निकिता चौधरी शरिरको बिभिन्न भागमा चोट अवस्था मध्यम
६. ऐ.ऐ. बस्ने ११ की अमिता चौधरी शरिरको बिभिन्न भागमा चोट अवस्था मध्यम
७. जिल्ला बारा कलैया उ.म.न.पा.३ बस्ने अलोक ठाकुरको छोरी १८ महिना शरिरको बिभिन्न भागमा चोट अवस्था मध्यम
८. ऐ.ऐ. बस्ने वर्ष अं. २८ की अन्जु ठाकुर शरिरको बिभिन्न भागमा चोट अवस्था मध्यम
९. ऐ.ऐ. बस्ने बर्ष अं. १८ की रन्जना ठाकुर शरिरको बिभिन्न भागमा चोट अवस्था मध्यम
१०. जिल्ला चितवन भरतपुर म.न.पा. ९ बस्ने बर्ष अं.४ की बद्रि प्रसाद पैडेल शरिरको बिभिन्न भागमा चोट अवस्था मध्यम
११. देश भारत घर भएका बर्ष अं. २४ को इन्जमान खान टाउकोमा चोट अबस्था मध्यम
१२. ऐ.ऐ. बस्ने वर्ष अं. २३ को आर्यव खान नाधारमा चोट अबस्था मध्यम
१३. जिल्ला कैलाली ३ बस्ने बर्ष ३५ की सिमा चौधरी शरिरको बिभिन्न भागमा चोट अवस्था मध्यम
१४. जिल्ला बारा पर्सैनि गा.पा. ३ बस्ने बर्ष ७ की जेस्मी ठाकुर नाक र टाउकोमा चोट अवस्था मध्यम
१५. जिल्ला स्याङजा घर भएका बर्ष अं. ५२ को भिम ब.रेग्मी टाउकोमा चोट अबस्था मध्यम
१६. जिलल् बाता पर्सैनि बस्ने शुनिल ठाकुर को छोरी अं. बर्ष ५ रिया ठाकुर अवस्था सामान्य
१७. देश भारत बिहार पट्ना बस्ने बर्ष अं. २५ की अल्कामा युसुफ घाटीमा चोट अवस्था सामान्य
मकवानपुर । मकवानपुरकाे हेटौंडा उपमहानगरपालिका वडा नम्बर ७ नागस्वतीमा जारी तेस्रो नागस्वती कप भेट्रान्स फुटबल प्रतियोगितामा नागरस्वती,लेकसाईड,जोरपाटी भेट्रान्स सेमिफाइनल प्रवेश गरेकाे छ । बिहीबार भएकाे क्वाटरफाइनलका खेलसँगै आयोजक नागस्वती भेट्रान्स बीसँगै लेक साइड भेट्रान्स पोखरा, जोरपाटी भेट्रान्स सेमिफाइन प्रवेश गरेका छन् ।
नागस्वती भेट्रान्स ए र हेटौडा भेट्रान्स बिच भएकाे क्वार्टरफाइनलकाे चौथो खेलकाे पहिलो हाप मात्र भएको छ । खेलकाे समय नसकिदैं रात परेपछि उक्त क्लब बिचकाे दोस्राे हाफकाे खेल शुक्रबार बिहान खेलाइने आयोजकले जनाएकाे छ । बिहीबारको पहिलो खेलमा आयोजक नागस्वती भेट्रान्स बिले पशुपति भेट्रान्सलाई २–० गोल अन्तरमा पराजित गर्दै सेमिफाइनल प्रवेश गरेको हाे । खेलको १६ र २३ औँ मिनेटमा नागस्वतीका तर्फबाट मिलेन्द्र देवानले दुई गोल गर्दै टिमलाई सेमिफाइनलकाे यात्रामा पुर्याए ।
यस्तै बिहीबार दोस्रो क्वाटरफाइनल खेलमा लेक साइड भेट्रान्स पोखराले चितवन भेट्रान्सलाई २–१ काे गोल अन्तरमा पराजित गर्दै सेमिफाइनल प्रवेश गरेको छ । खेलमा लेसाइकड्को तर्फबाट ७ औँ र १६ औ मिनेटमा कन्या सुब्बा गरुङ्ले दुई गोल गर्दै टिमलाई विजयी बनाए । चितवनको तर्फबाट खेलको १९ औँ मिनेटमा भूपेन्द्र कार्कीले सान्त्वना गोल गरे ।
यसैगरी तेस्रो खेलमा जोरपाटी भेट्रान्सले प्ले टुगेदर भेट्रान्स झापालाई ट्राई ब्रेकरमा ४–३ गोल अन्तरमा हराउँदै सेमिफाइनलमा स्थान बनाएकाे छ । खेलको निर्धारित समयमा दुवै समूहबाट एक–एक गोल भएपछि खेल ट्राई ब्रेकरमा धकेलिएकाे थियो । यस्तै चौथो खेल नागस्वती भेट्रान्स ए र हेटौडा भेट्रान्स बिच भएकोमा पहिलो हापमा नागस्वती भेट्रान्सले २ गोल गर्दै अग्रतामा छ भने हेटौडाको तर्फबाट एक गोल भएको छ । दोस्राे हाफकाे खेल रात परेपछि स्थगित गरिएकाे छ । बाँकी खेल शुक्रबार बिहान खेलाइने आयोजकले जनाएको छ ।
शुक्रवार आयोजक नागस्वती भेट्रान्स बि र लेक साइड भेट्रान्स बिच पहिलाे सेमिफाइनल खेल हुनेछ भने जोरपाटी भेट्रान्स र आयोजक नागरस्वती भेट्रान्स ए र हेटौडा भेट्रान्स बीचकाे विजेता बिच हुनेछ । नागस्वती भेट्रान्स क्लबको आयोजनामा भएको प्रतियोगिताकाे फाइनल ८ मंसिरमा हुनेछ । प्रतियोगितामा देशभरका १५ वटा भेट्रान्स क्लबहरुकाे सहभागिता रहेकाे छ । ४० वर्ष माथि उमेर समूहका पूर्व राष्ट्रिय खेलाडीहरूको सहभागिता रहेको क्लबले प्रतियोगितामा सहभागिता जनाएकाे आयोजक क्लब अध्यक्ष सोम बहादुर तितुङ्ले जानकारी दिए ।
प्रतियोगिताकाे विजेताले २ लाख १ हजार र उपविजेताले एक लाख १ हजार नगद हात पार्नेछन् । चार वर्ष अघि स्थापना भएको क्लबले तेस्रो सिरिजकाे प्रतियोगिता आयोजना गरेको हो । स्वास्थ्यका लागि खेलकुद भन्ने नाराका साथ आयोजना भएको प्रतियोगिता हेटौडा ७ नागस्वती स्थित नवज्योति माविको खेल मैदानमा भइरहेको छ ।