मकवानपुर / काेराेना संक्रमणकालमा उपभाेग्य वस्तुकाे मूल्य आकाशिएकाे छ । मुल्य बढेपछि हैरान भएका उपभाेक्ताहरूलाई राहत दिने लक्ष्यका साथ सरकारले आज विहीबारबाट सुपथ मूल्य पसल सञ्चालनमा ल्याउने तयारी गरेकाे छ ।
दशैँ, तिहार र छठ पर्वलाई लक्षित गरेर सरकारले विगतमा जस्तै आज विहीबारदेखि सुपथ मूल्य पसल खोल्ने भएको हाे । खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पोरेशनका देशभर रहेका कार्यालय, डिपो र डिलर तथा घुम्ती सेवामार्फत सुपथ मूल्य पसल सुरु हुने उद्योग वाणिज्य तथा आपूर्ति मन्त्रालयले जनाएको छ ।
काेराेना संक्रमणकालमा उपभाेक्ताले आवश्यक सामग्रीहरू अनलाइन अर्डरमार्फत पनि सुपथ मूल्य पसलका खरिद गर्न सकिनेछ । सुपथ मूल्य पसलका सामग्री काठमाडाै उपत्यकाका कालीमाटी, कोटेश्वर, टेकु, सिंहदरबार, सतुङ्गल, थापाथली, नख्खु, प्रयाग पोखरी, जावलाखेल र भक्तपुरका साथै देशभरका ४९ ठाउँमा खोलिने मन्त्रालयले जनाएको छ । यस्तै दुग्ध विकास संस्थानले पनि आफ्ना सबै कार्यालय र बिक्री केन्द्रबाट सुपथ मूल्यमा दुग्धजन्य वस्तुको बिक्री गर्नेछ ।
यस्तो छ मूल्य र छुट रकम
नुन प्रतिकिलो १८ रुपैयाँका दरले खरिद गर्न सकिनेछ । तर प्रति परिवार चार किलोका दरले मात्रै खरिद गर्न पाइनेछ । यस्तै चिनी प्रतिकिलो ७० रुपैयाँमा खरिद गर्न सकिनेछ । प्रति परिवार चार किलोका दर तोकिएको छ ।
सरकारले चामलमा प्रतिकिलो पाँच रुपैयाँ छुट दिएको छ । यस्तै खसी,बोका, च्याङ्ग्रामा प्रतिकिलो १० रुपैयाँ, दालमा प्रतिकिलो पाँच रुपैयाँ, सिमीमा प्रतिकिलो १० रुपैयाँ, फापरमा प्रतिकिलो पाँच रुपैयाँ र सेतो केराउमा प्रतिकिलो पाँच रुपैयाँ छुट दिइएको मन्त्रालयले जनाएको छ । सुपथ पसल छठ पर्वकाे भाेलिपल्टसम्म सञ्चालन हुने विज्ञप्तिमा भनिएकाे छ ।
हेर्नुहाेस् विज्ञप्ती

करिब २८ वर्षअघि भारतको उत्तर प्रदेशमा रहेको बाबरी मस्जिद भत्काउन भूमिका खेलेको आरोपमा ४८ जनामाथि मुद्दा चलाइएकोमा उक्त मुद्दाकाे आज टुंगाे लागेकाे छ । २८ वर्षसम्म टुंगो नलागेको मुद्दाको फैसला आज गरिएको छ। भारतको सर्वोच्च अदालतले आज आडवाणीसहित ३२ जना आरोपीहरुलाई सफाइ दिएको छ।
हिन्दुवादी संगठनले तोडफोड गरी मन्दिर भत्काएको आरोपमा भाजपाका नेताहरुमाथि मुद्दा चलाइयो थियाे। हिन्दुवादी युवाहहरुले मस्जिदको माथिल्लो ढाँचामा टेकेरै मस्जिद भत्काएकाे आराेप लागेकाे थियाे। मस्जिद बनेको स्थानमा राम मन्दिर रहेको दाबी हिन्दुवादी संगठनले गर्दै आएकाे छ ।
भारतीय जनता पार्टी र राष्ट्रिय स्वयमसेवक संघले उक्त स्थानमा मन्दिर रहेको दाबीसहित आन्दोलन गरेको थियो। मन्दिर बनाउन पर्ने मागसहित गरिएको आन्दोलनको नेतृत्व गरेका लालकृष्ण आडवाणी, मुरली मनोहर जोशी लगायतविरुद्ध मुद्दा चलाइयाे । गत नोभेम्बरमा सर्वोच्च अदालतले बाबरी मस्जिद रहेको स्थानमा राम मन्दिर नै रहेको फैसला सुनाएको थियो। त्यसपछि त्यहाँ गुरु योजना बनाएरै मन्दिर बनाउने काम सुरु भइसकेको छ। बाबरी मस्जिद विवादमा फैसला सुनाउने न्यायाधीश एसके यादवले आज नै अवकाश पाउँदै थिए। २ हजार पन्नाको फैसलामा उनले सबै आरोपीलाई निर्दोष घोषणा गरेका हुन्।
उनले आफ्नो फैसलामा मुद्दा चलाइएका कोहीविरुद्ध सीबीआइले प्रमाणहरु फेला नपरेको उल्लेख गरेका छन्। बाबरी मस्जिदमा भएको घटना अचानक भएको घटना भएको भन्दै अदालतले विवादित मस्जिद अज्ञात व्यक्तिहरुले भत्काएको उल्लेख गरिएको छ। अदालतले पत्रपत्रिकामा लेखिएको विषयलाई प्रमाण मान्न अस्वीकारसमेत गरेको छ।
अदालतले प्रमाणको रुपमा प्रस्तुत गरिएको अडियो टेप, भिडियो विश्वास गर्न लायक नभएको उल्लेख गरिएको छ। अदालतमा प्रस्तुत गरिएका अधिकांश तस्विरहरुको नेगेटिभ प्रस्तुत नगरिएकोले त्यसलाई पनि प्रमाण मान्न नसक्ने अदालतले फैसला गरेको छ। एजेन्सी
मकवानपुर । जनरल इन्स्योरेन्स कम्पनीले निष्काशन तथा बिक्री खुला गरेको आईपीओमा आवेदन दिने आज अन्तिम दिन हो। कम्पनीले गत असोज ११ गतेबाट आईपीओ निष्काशन गरेको थियो ।
कम्पनीले एक सय रुपैयाँ अंकित दरका ३० करोड रुपैयाँ बराबरको ३० लाख कित्ता आईपीओ निष्काशन गरेको हो। लगानीकर्ताले न्यूनतम १० कित्तादेखि अधिकतम १० हजार कित्तासम्म आवेदन दिन सक्नेछन्।
कम्पनीको शेयर निष्काशन तथा बिक्री प्रबन्धकमा एनआईबिएल एस क्यापिटल लिमिटेड रहेको छ। ईच्छुक लगानीकर्ताहरुले आस्वा सेवा प्राप्त बैंक तथा वित्तीय संस्थाहरुका साथै मेरो शेयरमार्फत आवेदन दिन सक्नेछन्।
कम्पनीले निष्काशन गरेको कुल शेयरमध्ये १ लाख २० हजार कित्ता संस्थाका कर्मचारी र १ लाख ५० हजार कित्ता म्युचुअल फण्डहरुका लागि छुटयाइएको छ। सर्वसाधारणले बाँकी २७ लाख ३० हजार कित्ता शेयरका लागि आवेदन दिन सक्नेछन्। हाल कम्पनीको चुक्ता पूँजी ७० करोड रुपैयाँ छ। आइपीओ निष्काशन पश्चात कम्पनीको चुक्ता पूँजी एक अर्ब रुपैयाँ पुग्नेछ।
इन्स्योरेन्सले गत आर्थिक वर्षको अन्त्यसम्ममा २० करोड ९६ लाख रुपैयाँ खुद बीमाशुल्क आर्जन गरी ५ करोड ६ लाख खुद नाफा कमाएको थियो। सो अवधिसम्ममा ७० करोड चुक्ता पूँजी रहेको यस कम्पनीको वार्षिक प्रतिशेयर आम्दानी ७ रुपैयाँ २३ पैसा छ। कम्पनीको जगेडा कोषमा ४ करोड ६६ लाख रुपैयाँ सञ्चित छ।
मंगलबार कार्यालय समयसम्म इन्स्योरेन्सको आईपीओमा ६ लाख ८२ हजार ७७२ वटा आवेदनबाट एक करोड ९१ लाख ९४ हजार ८३० कित्ता शेयरको लागि आवेदन परिसकेको छ।
मकवानपुर /मकवानपुरको हेटौंडा उपमहानगरपालिका –४, कमलडाँडास्थित नवोदय शिशु सदन अङ्ग्रेजी विद्यालयले आगामी असोज १५, १६ र १७ गते संयुक्त राष्ट्रसंघको कार्यक्रममा सहभागीता जनाउने भएको छ । हालको कोरोना महामारीको समयमा विभिन्न कार्यक्रमहरू सञ्चालन गर्दै विद्यार्थी सिकाइलाई निरन्तरता दिदै आएको विद्यालयले भर्चुअल प्रविधिबाट एम.यू.एनको कार्यक्रममा सहभागी हुने अवसरलाई पनि निकै राम्रो सिकाईको रुपमा लिन पाइने विद्यालयले जनाएको छ ।
एम.यू.एन.को मोडल कार्यक्रममा सहभागी भएर आफ्ना विद्यार्थीहरुले विश्वको गम्भीर समस्याका बारेमा चर्चा परिचर्चाबाट सिकाई आर्जन गर्न सक्ने अपेक्षा गरिएको छ ।
“हामीले छलफलको आधारमा एउटा ठोस् समझदारी निकाल्छौँ, विद्यार्थीहरूमा कुटनीतिक ज्ञान बोध गर्न, नेतृत्व विकास गर्न, सिर्जनातमक क्षमता वृद्धी गराउन नै विद्यालयले यस कार्यक्रमको आयोजना गरेको हो” कार्यक्रमकी महासचिव राधा कुमारी महतोले बताइन् । एम.यू.एनका लागि इकोफिन (इकोनोमिकल एण्ड फाइनेनसियल डेब्लप्मेन्ट काउन्सिल, यू.एन.एस.सी. (युनाइटेड नेसन सेक्युरिटी काउन्सिल), डव्ल्यु.एच.ओ (वल्र्ड हेल्थ अर्गनाइजेसन), यूनेप (युनाइटेड नेसन इन्भाइरोमेन्टल प्रोग्राम) गरेर कूल चारवटा कमिटीहरू रहेका छन् ।
सबै कमिटीका आ–आफ्नै नेतृत्वकर्ता छन् भने पूरा एम.यू.एनको नेतृत्व, नवोदय विद्यालयको कक्षा–१० मा अध्ययनरत छात्रा राधाकुमारी महतोले गरिरहेकी छिन् । कार्यक्रममा सहभागीका रूपमा नवोदय, जी.एस.निकेतन, मकवानपुर मल्टिपल क्याम्पस, चन्द्रोदय मा।वि र अर्किड स्कूल (चितवन) ले सहभागिता जनाउने विद्यालयले जनाएको छ । कार्यक्रममा राम्रा प्रस्तुति दिनेहरूका लागि विद्यालयले अबार्डको व्यवस्था गरेको छ ।
कृषकका लागि आत्मनिर्भर कार्यक्रम सञ्चालन
Tags: No Comments
मकवानपुर । ग्रामिण स्तरका कृषकहरुलाई आत्मनिर्भर मात्र नभई स्वराेजगारमुलक बनाउन महिला सशक्तिकरण तथा गरिवी निवारण समूह नेपालले वकैया गाउँपालिकामा विभिन्न कार्यक्रमहरु संचालन गरेकाे छ ।
सिंचाइकाे उचित प्रबन्ध भएकाे तथा कृषि पेशाबाट आफ्नाे जीवनस्तर उकास्न खाेज्ने बकैया ९ च्याउच्याउ र ४ नं वडाका कृषकहरुलाई संस्थाले साेमबार उन्नत जातकाे तरकारीका विरुवाहरु प्रदान गरेकाे छ । उन्नत जातका काउलि, वन्दा, गाेलभेडा, खुर्सानि लगायतका ४० हजार थान तरकारिका बिरुवा तथा अन्य आवश्यक कृषि सामाग्रि वितरण गरेकाे छ ।

COVID-19 Response and Socio-economic Recovery project अन्तर्गत संचालित कार्यक्रममा कृषकहरुलाइ साेमबार नै हजारि, स्प्रे, कम्पाेष्ट मल १०० वाेरा लगायतका कृषि सामाग्रि वितरण गरेकाे हाे । युएनडिपि तथा बकैया गाँउपालिकाकाे संयुक्त लगानी तथा संस्थाकाे आयाेजनामा भएकाे कार्यक्रममा संस्थाकी अध्यक्ष इन्दिरा न्याैपानेले उर्जाशिल कृषकहरुका लागि काम गर्न पाउँदा खुसि भएकाे बताइन। उनले कृषकहरुलाई आत्मवल बढाउँदै परिणाममुखी काम गरेर नमुना गाउँकाे रुपमा विकास गर्न हाैसला प्रदान गरिन ।
यस अघि संस्थाले वकैया गाउँपालिकाका साेहि स्थानमा कृषक समुहका लागि आँप, कटहर, लिचि, स्वेजन लगायतका विरुवाहरु वितरण गरेकाे थियाे । साथै साविक धियाल गाविसका कृर्षकहरुका लागि समेत उन्नत जातका वाख्रा प्रदान गरेकाे थियाे । कार्यक्रममा समूह नेपालकी अध्यक्ष ईन्दिरा न्याैपान, वकैया ९ का वडाध्यक्ष टंक ध्वज लाेप्चन , वकैया कार्यपालिका सदस्य लक्ष्मि माझी, कृषि प्राविधिक भिम तिमल्सिना, संस्थाका सदस्य कृष्ण प्रसाद घिमिरे स्थानिय कृषकहरुकाे सहभागिता रहेकाे थियाे ।