स्वास्थ्याेपचारमा आर्थिक समस्या भएपछी सहयाेगकाे याचना
Tags: 3 Comments
मकवानपुर/ हेटौंडा उपमहानगरपालिका–३ बसामाडी निवासी ४३ वर्षीय दिनेश दाहालको स्वास्थ्य उपचारको लागि सहयोगको याचना गरिएको छ । क्यान्सरकाे कारण श्रीमती गुमाएकाे केही वर्षमै दिनेशलाइ नै स्वास्थ्य समस्या देखिएपछि उपचारमा आर्थिक समस्या परेकाे हाे ।
२ वर्षदेखि कलेजोको समस्याबाट पीडित दाहाल हाल हेटौंडाको सञ्चो हस्पिटलमा फलोअप गरिरहेका छन् । ‘नियमित उपचार कलेज अफ मेडिकल साइन्समा गराइरहेका थियौ, कोरोना महामारीको कारण जान सकिएन, अनि हेटौंडामै फलोअप गरिरहेका हौ, अवस्था धेरै नाजुक छ’ दिनेशकी बहिनी रीता दाहालले भनिन् ।
श्रीमतीको उपचारमा धेरै खर्च लागेको कारण नगद तथा जायजेथा सकेपछि बाहलमा बस्दै आएका उनी अहिले आफ्नो उपचारमा आर्थिक अभावकै कारण समस्या रहेको परिवार स्रोतले जनाएको छ । ‘भाउजुको जीवन बचाउनको लागि सबै खर्च गर्नुभयो, कमाउला भन्ने आँट दाइलाई थियो, भाउजुलाइ पनि बचाउन सकिएन २ वर्षदेखि दाइ नै बिरामी परेपछि वृद्ध आमा र साना साना २ सन्तानलाई भरण पोषणमा नै समस्या भयो’ बहिनी रीताले भनिन् ।
कलेजोसम्बन्धी समस्या (लिभर शिरोसिस) को कारण पेटमा पानी जमेर समस्या भएकोले तत्काल उपचार गर्नु पर्ने स्वास्थ्यकर्मीले सुझाव दिएको उनले बताइन् । ‘भाउजु गुमाएको चोट आलै, छ दाइको यो हालत भो, परिवारमा कमाउने र भरथेग गर्ने मान्छे कै यो अवस्था छ, मेरो दाइको जीवनको लागि सबैसँग मेरो अनुनय छ’ बहिनी रीताले सहीखबरसँग भनिन् ।
हालसम्म उपचारका लागि करिब ४० लाख रुपियाँ खर्च भएको र अबको आर्थिक अवस्था नै कमजोर भएपछि सहयोग माग्नु भन्दा कुनै विकल्पै नरहेको परिवारका सदस्यले जनाएका छन् ।
पछिल्लो समय डाक्टरले उपचारका लागि ६ लाख रुपैयाँ लाग्ने जानकारी दिएको बताइएको छ ।
दाहाल प्रतिष्ठान मकवानपुरले दिनेशको उपचारको लागि अभियान सुरु गरेको छ । तर कोरोना महामारीको कारण अभियानमा सहज रुपले आर्थिक संकलन हुन नसकेको प्रतिष्ठान अध्यक्ष सिताराम दाहाले बताए ।
दाहाल प्रतिष्ठानको आजिवन सदस्य समेत रहेका दिनेश दाहालको उपचाररार्थ आर्थिक सहयोग गर्नको लागि प्रतिष्ठानले आग्रह गरेको छ । उनको उपचारको लागि Comeupwith100 अभियानबाट २५००० स्वीकृत भएको दाहाल प्रतिष्ठान बागमती प्रदेश अध्यक्ष शिवहरी दाहालले बताए । रकम अपुग भएपछि प्रतिष्ठान जिल्ला शाखाले अभियान चलाएका हो ।

‘हुन त संसार नै अहिले महामारीको चपेटामा छ, हामीले आफ्नो सामान्य खर्च कटाएर पनि कसैको ज्यान बचाउन सकिन्छ भने सबैलाई सहभागी भैदिन अनुरोध गर्दछु’ दाहाल प्रतिष्ठान जिल्ला शाखा मकवानपुर कोषाध्यक्ष तथा दिनेश दाहाल बचाउ अभियान उपसमिति संयोजक तुलसा तिमल्सिना दाहालले भनिन् ।
यस अभियान अन्तरगत हालसम्म Comeupwith100 अभियानसँगै दाहाल प्रतिष्ठान बागमती प्रदेश समिती, दाहाल बन्धुहरु कुमारमणि दाहाल, सिताराम दाहाल (ए), दिपक दाहाल, सरिता दाहाल, सिताराम दाहाल (बी) दुर्गा दाहाल, राजेश्वर दाहाल, बिष्णु दाहाल, तारानाथ दाहाल गुरौखोला, गोपाल दाहाल तथा सहयाेगी ईन्द्रप्रसाद सन्जेलबाट समेत गरी ४६ हजार संकलन भएको प्रतिष्ठानले जनाएको छ । सहयोगको लागि दाहाल प्रतिष्ठान मकवानपुर शाखाको खाता नम्बर 05-085-01577768-01-8 मा र इ–सेवाबाट 9855075600मा जम्मा गर्न सकिने छ । अथवा दिनेश दाहालको नाममा प्रभु बैंकको खाता नम्बर ०४६०१३३९७६९०००३१२ मा जम्मा गर्न सकिनेछ ।
मकवानपुर /काेराेना संक्रमणकाे भइ उपचाररत रहेका बिरामीलाइ अक्सिजन सहज रूपले उपलब्ध गराउँन मकवानपुरका समाजिक संस्थाहरूले सहयाेगलाइ निरन्तरता दिंइरहेका छन् । यसैक्रममा अाइतबार जिल्ला युवा समिती मकवानपुरले पुनः ५० थान अक्सिजन सिलिन्डर हेटौंडा अस्पताललाई हस्तान्तरण गरेको छ ।
मदन भण्डारी स्वास्थ्य बिज्ञान प्रतिष्ठान हेटौंडा अस्पतालमा अक्सिजनको अभाव भएसंगै जिल्ला युवा समिति मकवानपुरले नेकपा एमालेको भ्रातृ संगठन राष्ट्रिय युवा संघ नेपाल र अनेरास्ववियुसङ्गको समन्वयमा बारा जिल्लाबाट ल्याइएको ५० थान अक्सिजन सिलिन्डर एक कार्यक्रम गरि हेटौंडा अस्पताललाई हस्तान्तरण गरेको हो ।
युवा समितिले अस्पताललाइ यस अघि पनि ५० सिलिन्डर हस्तान्तरण गरेको थियो । मकवानपुर जिल्लामा कोरोना महामारीको रुपमा दिनप्रतिदिन समुदाय स्तरमा फैलिरहेको र संक्रमितको संख्या पनि तिब्र रुपमा वृद्धि भैरहेकोले हेटौँडा अस्पतालमा अक्सिजनको समस्यालाइ टार्नको लागि अक्सिजन उपलब्ध गराइएको जिल्ला युवा समिती मकवानपुर अध्यक्ष शिबहरि दाहालले जानकारी दिए । अध्यक्ष दाहालले जिल्ला युवा समिती मकवानपुरले कोभिड महामारी सूचना तथा सहजीकरण केन्द्रको गठन गरि काम समेत गरिरहेको बताए ।
संबिधान सभा मन्चका अध्यक्ष माननिय अनन्त पौडेलले अस्पताल बिकास समितिका सदस्य हिरा वाइवालाइ अक्सिजन हस्तान्तरण गर्दै कोरोना महामारी बिरुद्द सबै एकजुट भै अगाडि बढ्नुको बिकल्प नभएको बताउदै सरकारलाइ सबैले साथ दिएर अगाडि बढन अनुरोध गरे । नेता पौडेलले मुलुकलाई समस्या परेको समयमा जिल्ला युवा समितिले यस्तै प्रकारका सृजनशिल काम गर्नुपर्ने बताए ।
कार्यक्रममा नेकपा एमाले मकवानपुरका अध्यक्ष एकालाल श्रेष्ठ, सुनचाँदी ब्यबसायी संघ बागमती प्रदेश समितीका सभापति ज्योतिरत्न बज्राचार्य, हेटौंडा उपमहानगरपालिका ३ नं वडा अध्यक्ष रामकुमार पुडासैनी, जिल्ला युवा समितिका अध्यक्ष शिवहरी दाहाल, युवा संघ नेपालका स्थाइ कमिटी सदस्य सन्तोष चौलागाइ, अनेरास्ववियुका केन्द्रिय सदस्य किसन घिसिंङ, राष्ट्रिय युवा संघका केन्द्रिय नेताहरु कृष्ण लामिछाने, नरेन्द्र भण्डारी, बिश्व राई, चन्द्र शाही, तिर्थ रोक्का तथा समाजसेवी जनार्दन नेपाल लगायतकाको उपस्थिति रहेको थियो ।
मकवानपुर / बागमती प्रदेश सरकारलाई काेराेना भाइरसकाे महामारीबाट बच्न स्वास्थ्य सामग्री सहयाेग प्राप्त भएकाे छ । जर्मनको एक गैरसरकारी संस्था ‘ब्याक टु लाइफ’ (Back to Life) ले बागमती प्रदेश सरकारलाई स्वास्थ्य सामग्री प्रदान गरेको हाे ।
बागमती प्रदेशका मुख्यमन्त्री डोरमणि पौडेल र सामाजिक विकास मन्त्री सरस्वती बस्नेतको उपस्थितिमा सामाजिक विकास मन्त्रालयमा सहयोग सामग्री हस्तान्तरण भएको हो । शनिबार प्रदेशको सामाजिक विकास मन्त्रालयमा संस्थाका कार्यक्रम निर्देशक डिकेन्द्रलाल ढकालले प्रदेशका मुख्यमन्त्री डोरमणि पौडेललाई स्वास्थ्य सामग्री हस्तान्तरण गरेका हुन् । संस्थाले अक्सिजन कन्सेन्टेटर, हाई फ्रिक्वेन्सीको मोवाईल एक्सरे, पीपीई, मास्कलगायतका विभिन्न स्वास्थ्य सामग्री सहयोग गरेको मुख्यमन्त्री पौडेलका स्वकीय सचिव अनुप पौडेलले जानकारी दिए ।
संस्थाले अक्सिजन कन्सन्टेटर १८ थान, हाई फ्रिक्वेन्सीको मोवाईल एक्सरे २ थान,पल्स अक्सो मिटर ६० थान, सिरिंज पम्प (syringe pumps), ईन्फेसन पम्प ( infusion pump) ५/५ थान, के.एन.नाइन्टीफाइप (kn95) मास्क ६ हजार थान, सर्जिकल मास्क १ लाख थान, फेशसिल्ड २ हजार ७ सय थान, पीपीई १ हजार १ सय थान, मोनीटर ३० थान, इलेक्ट्रो कार्डियोग्राम १० थान स्वास्थ्य सामग्री मुख्यमन्त्री पौडेललाई हस्तानतरण गरेको हाे । स्वास्थ्य सामग्री हस्तान्तरण कार्यक्रममा प्रदेशका सामाजिक विकास मन्त्री सरस्वती बस्नेतलगायतको सहभागिता थियो ।
स्वास्थ्य सामग्र ग्रहण गर्दै मुख्यमन्त्री पाैडेलले महामारीसँग मुकाविला गर्न सबैजनताकाे साथ र सहकार्य अनिवार्रय रहेकाे बताए ।

जर्मनीको अन्तराष्ट्रिय संस्था ब्याक टु लाइफले नेपालमा सन् २००९ देखि शिक्षा, स्वास्थ्य र सामुदायिक विकासको क्षेत्रमा काम गरिरहेको छ । हाल बागमती प्रदेशका अति विपन्न तामांग र चेपाङ्ग समुदाय रहेका चितवन र नुवाकोट जिल्लामा र विकासका दृष्टिकोणले पछाडि परेको कर्णाली प्रदेशको मुगुमा कार्य गरिरहेकाे छ ।
मकवानपुर । मकवानपुरमा थप १ सय १२ जना कोरोना संक्रमणमुक्त भएका छन् । पछिल्लाे समय काेराेना पुष्टि हुनेको संख्या थपिदै गएकाे भए पनि कोेरोना संक्रमणमुक्त हुनेकाे संख्यामा पनि उल्लेख बृद्धी भएकाे छ ।
गत २४ घण्टामा होम आइसोलेसनबाट १ सय ६ जना र संस्थागत आइसोलेसनबाट ६ जना काेराेना संक्रमणमुक्त भएकाे स्वास्थ्य कार्यलय मकवानपुरले जनाएको छ । कोरोना संक्रमणमुक्त हुनेमा सबैभन्दा बढी १ सय १ जना हेटौंडा उपमहानगरपालिकाका रहेका छन् । मकवानपुरगढीका ९ जना, मनहरी,भीमफेदी र कैलाशका २/२ जना तथा बागमती र राक्सिराङका !१/१ जना काेराेना मुक्त भएकाे कार्यलयले जनाएको छ । यो संगै मकवानपुरमा कोरोना जित्नेको संख्या ४ हजार ८ सय पुगेको छ ।
यस्तै मकवानपुरमा थप १ सय ७४ जनामा कोरोना भाइरस संक्रमण पुष्टि भएको छ । पछिल्लो २४ घण्टामा ३ सय २८ जनामा गरिएको पिसिआर र एन्टीजेन परीक्षणमा थप १ सय ७४ जनामा कोरोना संक्रमण पुष्टि भएकाे स्वास्थ्य कार्यलय मकवानपुरले जनाएको छ ।
काेराेना संक्रमण पुष्टि हुनेमा १ सय १८ जना हेटौंडा उपमहानगरपालिकाका, १८ जना थाहा नगरपालिकाका, ११ जना मकवानपुसरगढीका, ९ जना राक्सिराङका, ८ जना भीमफेदीका ६ जना मनहरीका, ३ जना ईन्द्रसरोबरका र १ जना कैलाशका रहेका छन् । यो संगै मकवानपुरमा कोरोना पुष्टि हुनेको संख्या ७ हजार २ सय ३१ पुगेको छ ।
यसैगरी मकवानपुरमा हाल २ हजार ३ सय ६९ जना सक्रिय संक्रमित उपचाररत रहेको स्वास्थ्य कार्यलय मकवानपुरले जनाएको छ । जसमा २ हजार २ सय ४६ जना घरमा र १ सय २३ जना संस्थागत आइसोलेसनमा उपचारत रहेको कार्यलयले जनाएको छ ।
यस्तै गत २४ घण्टामा कोरोना संक्रमण पुष्टि भएर हेटौंडा उपचारत ३ जनाको मृत्यु भएको छ ।
हेटौंडामा रहेको मदन भण्डारी स्वास्थ्य विज्ञान प्रतिष्ठान अन्तर्गत हेटौंडा अस्पतालमा उपचाररत ३ जना कोरोना संक्रमितको मृत्यु भएको स्वास्थ्य कार्यलय मकवानपुरले जानकारी दिएको छ ।
मृत्यु हुनेहरुमा हेटौंडा उपमहानरपालिका वडा नंबर ६ का ७४ वर्षीय पुरुष, हेटौंडा–११ का ६० वर्षीय पुरुष र रौतहट चन्द्रपुर–१ का ४६ वर्षीय रहेका छन् । यो संगै मकवानपुरमा कोरोनाबाट मृत्यु हुनेको संख्या ६९ जना पुगेको छ ।
नेपालमा कोरोना संक्रमण पुष्टि भएका थप १ सय ७७ जनाको मृत्यु
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोना संक्रमण पुष्टि भएका थप १ सय ७७ जनाको मृत्यु भएको छ । यस्तै ८ हजार ६ सय ७ जना संक्रमित थपिँदा ७ हजार ८ सय ९० जना संक्रमणमुक्त भएकाे मन्त्रालयले जनाएकाे छ ।
२२ हजार ३ सय ५३ जनाकाे पीसीआर परीक्षणमा ८ हजार ४ सय ७ र ८ सय ७३ जनाकाे एन्टिजेन परीक्षणमा २ सय जनामा संक्रमण संक्रमण पुष्टि भएको स्वास्थ्य मन्त्रालयले जनाएकाे छ । योसँगै नेपालमा कोरोना भाइरस संक्रमितको कुल संख्या ४ लाख ९७ हजार ५२ पुगेको छ । जसमध्ये १ लाख १६ हजार १९२ जना सक्रिय संक्रमित छन् ।
संक्रिय संक्रमितमध्ये १ लाख ८ हजार ४ सय ९५ जना होम आइसोलेसनमा र ७ हजार ६ सय ९७ जना संस्थागत आइसोलेसन उपचाररत रहेका छन् । शुक्रबारसम्म १ हजार ७ हजार १६ जना आईसीयूमा र ५ सय ११ जना भेन्टिलेटरमा उपचाररत छन् । कोरोना भाइरस संक्रमणबाट मृत्यु हुनेको संख्या ६ हजार २४ पुगेको छ ।
मकवानपुर / माइती नेपाल मकवानपुरले मदन भण्डारी स्वास्थ प्रतिष्ठान हेटौंडा अस्पताललाई आज शुक्रबार स्वास्थ्य सामग्री सहयोग गरेको छ ।
कोरोना भाईरस संक्रमणको महामारी चलिरहेको बेलामा अग्रभागमा खटिएर कामगर्ने स्वास्थकर्मीको सुरक्षार्थ स्वास्थ सामग्री सहयोग गरिएको माइती नेपाल मकवानपुर प्रमुख माया लामाले बताइन् । माइती नेपाल मकवानपुरले प्रतिष्ठानलाई २३ सेट पीपीई, १० लिटर सेनिटाईजर, ४ सय थान सर्जिकल मास्क, २ वटा पल्स अक्सिमिटरलगायतको स्वास्थ सामग्री सहयोग गरेको हो ।
स्वास्थ सामग्री हस्तान्तरण कार्यक्रममा प्रतिष्ठानका रजिस्ट्रार राजेश प्रसाईं, हेटौंडा अस्पताल विकास समिति अध्यक्ष प्रकाश पौडेल, अस्पतालका बालरोग विशेषज्ञ डाक्टर हरिबहादुर खड्का, प्रतिष्ठानका सदस्य सुपेन्द्र कार्की, माइती नेपाल मकवानपुर प्रमुख माया लामा, फिल्ड सुपरभाइजर मन लामालगायतको उपस्थिति रहेको थियो ।
स्वास्थ्य सामग्री ग्रहण गर्दै रजिस्ट्रार प्रसाईंले महामारीमा सबैले आफ्नो स्वास्थको ख्याल गर्न अनुरोध गरे । “हालको विषम परिस्थितिमा अस्पताल आईपुग्ने बिरामीको उपचारका लागि यस्ता सहयोगले धेरै अर्थ” उनले भने ।
“महामारीको समयमा आफ्नो भन्दा सर्वसाधारणको स्वास्थको ख्याल गर्ने स्वास्थकर्मीहरुलाई सहयोग गर्नु हाम्रो दायित्व हो” माइती नेपाल मकवानपुर प्रमुख लामाले सामग्री हस्तान्तरण कार्यक्रमपछि सहीखबरसँग भनिन् “स्वास्थकर्मीलाई सुरक्षित रहन हामीले सहयोग गरेमा समाजलाई महामारीबाट उहाँहरूले बचाउन सक्नुहुनेछ।”
