मकवानपुर/ मकवानपुर हेटौंडा निवासी दिनेश दाहालको उपचारार्थ अमेरिका बस्दै आएका नेपालीहरुले झण्डै ४ लाख रुपियाँ सहयोग संकलन गरेर नेपाल पठाएका छन् । दाहाल प्रतिष्ठान मकवानपुरले दिनेश दाहाल बचाउन आर्थिक सहयोग संकलन अभियान सञ्चालन गरेपछि अमेरिका बस्दै आएका नेपालीहरुले सहयोग प्रदान गरेका हुन् ।
उक्त अभियानबारे सहिखबर अनलाइनले सूरुदेखि नै समाचार सार्वजनिक गर्दै आएको थियो । उक्त अभियानबाट प्रभावित भइ हाल रोजगारीको शिलसिलामा अमेरिका बस्दै आएका हेटौंडा–२ निवासी जनार्दन कडेलको अगुवाइमा अमेरिकामा बस्नुहुने नेपालीहरुले आफ्नो दैनिक खर्च कटाई रकम सङ्कलन गरेर पठाएको कंडेलले बताए ।
दाहाल प्रतिष्ठान मकवानपुर अध्यक्ष सिताराम दाहाल, दिनेश दाहालकी बहिनी रीता दाहाल समेतको उपस्थितीमा रकम हस्तान्तरण गरिएको छ । एक मुस्ट ३ लाख ८९ हजार ५ सय ९५ रुपियाँ हेनपा २ निवासी बासु मैनाली मार्फत पठाइएको हो ।
हेनपा २ का वडा अध्यक्ष हरिबहादुर राउत, सदस्य रामेश्वरमान श्रेष्ठ ,वडा नम्बर ५ वडा सदस्य सरस्वती दाहाल , प्रतिष्ठान अध्यक्ष सिताराम दाहाल , सदस्य बिष्णुप्रसाद दाहाल , हेनपा २ निवासी राजाराम कडेल, उपस्थितिमा उक्त रकम हस्तान्तरण गरिएको थियो ।
प्राप्त रकम हेनपा २ का वडा अध्यक्ष हरि बहादुर राउतले प्रतिष्ठानका अध्यक्ष दाहाललाई हस्तान्तरण गरेका छन् । ‘आफ्नो घर परिवार छोडेर टाढा रहनु भएका हाम्रा दाजुभाइ दिदीबहिनीको मन भावनात्मक हिसाबले अत्यन्तै नजिक रहेको आभाष भयो’ प्रतिष्ठान अध्यक्ष दाहालले भने ।
‘आर्थिक बिपन्नताले मेराे दाइकाे उपचार गराउन नसकी रहेको अबस्थामा रकम जम्मा गरेर पठाउनु भइ लगाउनु भएको गुन हामीले किहल्यै बिर्सन सक्ने छैनौ’ दिनेशकी बहिनी रीताले भनिन् ‘सबैलाई हार्दिक नमन छ ।’ दिनेश दाहाल बचाउ अभियानमा साथ दिएकोमा प्रतिष्ठान अध्यक्ष दाहालले पनि अमेरिका निवासी सहयोगी दाताहरुलाइ आभार प्रकट गरे ।
अमेरिका निवासी मनकारी नेपालीहरू, जसले दिनेश दाहाल बचाउन आफ्ने खर्च काटेर सहयाेग नेपाल पठाए

स्वास्थ्याेपचारमा आर्थिक समस्या भएपछी सहयाेगकाे याचना
हेटौंडा उपमहानगरपालिका–३ बसामाडी निवासी ४३ वर्षीय दिनेश दाहालको स्वास्थ्य उपचारको लागि सहयोगको याचना गरिएको थियो । क्यान्सरको कारण श्रीमती गुमाएको केही वर्षमै दिनेशलाइ नै स्वास्थ्य समस्या देखिएपछि अहिले दिनेश नै उपचारमा आर्थिक समस्यामा छन् ।
श्रीमतीको उपचारमा धेरै खर्च लागेको कारण नगद तथा जायजेथा सकेपछि बाहलमा बस्दै आएका उनी अहिले आफ्नो उपचारमा आर्थिक अभावकै कारण समस्या रहेको परिवार स्रोतले जनाएको छ । कलेजोसम्बन्धी समस्या (लिभर शिरोसिस) को कारण पेटमा पानी जमेर समस्या भएकोले तत्काल उपचार गर्नु पर्ने स्वास्थ्यकर्मीले सुझाव दिएका छन् ।
‘पछिल्लो समयको रिपोर्टले आशा जगाएको छ, मनकारीहरुको सहयोगले जीवन पाउने आशा छ’ बहिनी रीताले सहीखबरसँग भनिन् । हालसम्म उपचारका लागि करिब ४० लाख रुपियाँ खर्च भएको र अबको आर्थिक अवस्था नै कमजोर भएपछि सहयोग माग्नु भन्दा कुनै विकल्पै नरहेको परिवारका सदस्यले जनाएका छन् ।
दाहाल प्रतिष्ठानले यस अघि ९४ हजार आर्थिक सहयोग संकलन गरेर दिनेशको परिवारलाई प्रदान गरिसकेको छ ।
याे पनि पढ्नुहाेस
मकवानपुर । राष्ट्रिय महिला अधिकार दिबश अबसरमा स्वास्थ्य सामाग्री हस्तान्तरण गरिएको छ । लैगिंक समानताको लागि पुरुष सहभागिता संजाल मकबानपुरद्धारा मदन भण्डारी स्वास्थ्य बिज्ञान प्रतिष्ठान हेटौडा अस्पताललाई पीपीइसेट, ग्लोब्स्, सेनिटाईजर, हेण्डबास, मास्क, थर्मागन र अक्सिजन मापन यन्त्र अक्सिमीटरलगायतका स्वास्थ्य सामाग्री हस्तान्तरण गरिएकाे हाे ।
लैगिंक समानताको लागि पुरुष सहभागिता संजाल – (मेन ईगंज एलायन्स) मकबानपुर द्वारा कोभिड १९ लाई न्युनिकरण र यसबाट हुने क्षती कम गर्ने उद्धेश्यले हिंसा पिडित महिला, गर्भबती र सुत्केरी महिला, अपाङ्गता र बिपन्न बर्गका लागि मदन भण्डारी स्वास्थ्य बिज्ञान प्रतिष्ठान
स्वास्थ्य सामाग्री हस्तान्तरण गरिएकाे बाल कल्याण समाज मकबानपुर तथा संजालका अध्यक्ष प्रकाश खतिवडाले बताए ।
अध्यक्ष खतिवडा र प्रदेश सभा सदस्य जुनेली श्रेष्ठले संयुक्त रुपमा प्रतिष्ठानअध्यक्ष राजेश प्रसाईलाई स्वास्थ्य सामाग्री हस्तान्तरण गरेका हुन् । हस्तान्तरण कार्यक्रममा प्रदेश सभा सदस्य श्रेष्ठले महिलाको अधिकार स्थापितको लागि सरकार कटिबद्ध भएको र यस बर्षको बजेट महिला अधिकार मुखि भएको बताइन् । महिला अधिकार दिबशको यसबर्षको नारा ”महिलाको सुरक्षा र अधिकार ः संकटकालिन ब्यबस्थापन हाम्रो सरोकार“ भन्ने रहेको ले यस बमाजिम कार्य गर्नका लागि प्राथमिकता तोकि कार्यको थालनी प्रदेश सरकारबाट गरिएको उनले बताइन् ।
लैगिंक समानताको लागि पुरुष सहभागिता संजालले यस कोभिडको कहर लाई अन्त्य गर्न सरकार संग हातेमालो गर्दै समय सापेक्ष चालिएको कदमलाई सराहना गर्दै भबिश्यमा पनी संजालका सदस्यहरुलाई यसैगरी असल नागरिकको कर्तब्य निर्बाह गर्न समेत श्रेष्ठले आग्रह गिरन् ।
हस्तान्तरण गरिएको स्वास्थ्य सामाग्री ग्रहण गर्दैै प्रतिष्ठान राजेश प्रसाईले लैगिंक समानताको लागि पुरुष सहभागिता संजाललाई हार्दिक धन्यबाद ज्ञापन गरेका थिए । हेटौडा अस्पताललाई अावश्यक भएकाे स्वास्थ्य सामग्री हस्तान्तरण गरेर कोभिडको जोखिम कम गर्न सहयोग पुर्याउनु भएको मा संजालमा आबद्ध संस्थाहरु प्रति आभार प्रकट गरेका थिए ।
कार्यक्रममा बागमती प्रदेश सामाजिक बिकाश मन्त्रालयका महिला बिकाश अधिकृत चन्द्र ब्यन्जनकार हेटौडा अस्पतालका निमित्त मेसु डा. रामचन्द्र सापकोटा, बालरोग बिशेषज्ञ डा. हरि बहादुर खड्का, डा. राजु सेढाई, अस्पताल संचालन तथा ब्यबस्थापन समितिका सदस्य सुपेन्द्र कार्की, नर्सिगं एसोसियसन मकबानपुरका सचिब निर्मला ब्लोन अधिकारी, एक द्धार संकट ब्यबस्थापन समिति ओसीएमसी हेटौडा अस्पतालका प्रतिनिधि अमृता श्रेष्ठ, एस्थर बेन्जामीन मेमोरियल फाउन्डेशन का प्रमुख बुद्धबिर लामा, हिमराईट्का कार्यक्रम संयोजक कुमारी बाईबा, नारी सिप सृजना केन्द्रको कार्यकारि निर्देशक चिरन्जीबि पौडेल, मकबानपुर महिला समुहका कार्यक्रम संयोजक निशा लामालगायतकाे सहभागिता रहेको थियो ।
लैगिंक समानताको लागि पुरुष सहभागिता संजाल (मेन ईगंज एलायन्स) मकबानपुरमा एस्थर बेन्जामिन मेमोरियल फाउण्डेशन, बाल कल्याण समाज मकबानपुर, नारी सिप सृजना केन्द्र, माईती नेपाल, हिम राईट्स, सेलर्ड, नारी संरक्षण केन्द्र, सिबिन नेपाल, समृद्ध समाज दैनिक, नेपाल पत्रकार महासंघ, मकबानपुर महिला समुह, ग्रामिण महिला सेबा केन्द्र, फ्रेण्डस् हेटौडा, ईटिएससि हेटौडा, सानाहातहरु नेपाल, अस्मीता नेपाल मकबानपुर, युफीड नेपाल, युवा सेबा समाज नेपाल, नेपाल परिबार नियोजन संघ, दलित महिला संघ, महिला तथा बालबालिका सेबा केन्द्र मकबानपुर, जिब्लुपी, शेयर एण्ड केयर नेपाल, एकिकृत ग्रामिण सेबा समाज लगायतका सस्थाहरु आबद्ध भएका छन् ।
मकवानपुर । मकवानपुरमा थप १ सय ६२ जना कोरोना संक्रमण मुक्त भएका छन् । काेराना संक्रमण निकाे हुनेमा १ सय ३९ जना होम आइसोलेसनबाट र १३ जना संस्थागत आइसोलेसबाट गरी १ सय ६२ जना रहेका छन् । यो संगै मकवानपुरमा कोरोना संक्रमण निकाे हुनेकाे संख्या ६ हजार २ सय १५ पुगेको स्वास्थ्य कार्यलयले जनाएको छ ।
यसैगरी मकवानपुरमा १ सय २ जनामा कोरोना पुष्टि भएको छ । अाइतबार २ सय १७ जनामा पीसीआर र एन्टीजेन परीक्षण गर्दा थप १ सय २ जनामा संक्रमण पुष्टि भएको स्वास्थ्य कार्यलय मकवानपुरले जनाएको छ । यो संगै मकवानपुरमा कोरोना पुष्टि हुनेको संख्या ८ हजार ५ सय ६२ पुगेको छ ।
यसैगरि पछिल्लो २४ घण्टामा जिल्लामा थप २ जना संक्रमितको मृत्यु भएको छ । मृत्यु हुनेमा थाहा २ की ३ वर्षीया र मनहरी ७ की ७७ वर्षीया महिला गरी थप २ जनाको मृत्यु भएको हा । दुबै जनाको उपचारको क्रममा हेटौंडा अस्पतालको कोभिड कक्षमा मृत्यु भएको हो । यो संगै मकवानपुरमा कोरोनाको कारण मृत्यु हुनेको संख्या ८९ पुगेको छ ।
यस्तै जिल्लामा आइतबारकाे दिनसम्म २ हजार २ सय ५७ जना सक्रिय संक्रमित हाेम आइसोलेसन तथा संस्थागत आइसोलेसनमा रहेका छन् । सक्रिय संक्रमितमा २ हजार १ सय ३४ जना घर मा र १ सय २३ जना संस्थागत आइसोलेसनमा उपचारत रहेका छन् ।
देशभर ६ हजार २ सय ५ जना संक्रमणमुक्त
वितेकाे २४ घण्टामा देशभर ६ हजार २ सय ५ जना कोरोना संक्रमणमुक्त भएका छन्। देशभरका विभिन्न अस्पताल, आइसोलेसन सेन्टर र होम आइसोलेसनमा रहेका उनीहरु संक्रमणमुक्त भएका स्वास्थ्य तथा जनसंख्या मन्त्रालयले जनाएकाे छ ।
यससँगै नेपालमा कोरोना संक्रमित भई निको हुनेको संख्या चार लाख ४० हजार ९ सय ५५ पुगेको छ। कोरोना संक्रमणबाट मुक्त हुने दर ७९.२ प्रतिशत रहेको मन्त्रालयले जानकारी दिएको छ।
यसैगरी नेपालमा पछिल्लो २४ घण्टामा ४ हजार ३ सय ६९ जनामा कोरोना भाइरसको संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको १० हजार ९ सय ८६ जनाको पीसीआर परीक्षणमा ३ हजार ७ सय २ र १ हजार ७ सय ८४ जनाको एन्टिजेन परीक्षणमा ६ सय ६७ जना गरी कुल ६ हजार ९ सय ३९ जना कोरोना संक्रमित थपिएका हुन्।
पछिल्लो २४ घण्टामा थप १ सय ९ जना कोरोना संक्रमितको मृत्यु भएको छ।
मकवानपुर । सरकारले मकवानपुरको हेटौँडामा रहेको मयुरधापमा निर्माणधिन औद्योगिक क्षेत्रलाई दुई वर्षभित्र निर्माण सम्पन्न गरी संचालनमा ल्याइने घोषणा गरेको छ ।
आर्थिक वर्ष २०७८/७९ को बजेट प्रस्तुत गर्दै अर्थमन्त्री विष्णु पौडेलले आगामी दुई वर्षभित्र मकवानपुरको मयुरधापमा निर्माणनिधन औद्यौगिक क्षेत्रलाई दुई वर्षभित्र पुरा गर्ने बताएका छन् । उनले काठमाडाैंको बालाजुमा रहेको उद्योगहरु स्तान्तरण गरि मयुरधापमा गए त्यस्ता उद्योगलाई १० वर्षसम्म जग्गा भाडा छुट दिने समेत निर्णय गरेको छ ।
सरकारले मकवानपुरगढी सहितका एेतिहासिक गढीहरुको संरक्षणको लागि बजेट विनियोजन गरेको छ । पुूर्वी मकवानपुरको छतिवनमा कृषि औद्योगिक बजार बनाउने सरकारले घोषणा गरेको छ । बजेट प्रस्तुत गर्दै अर्थमन्त्री विष्णु पौडेलले मकवानपुरकाे चित्रलाङमा इन्जिनियरिङ संकायकाे अध्ययनकाे लागि पूर्वाधार निर्माण गरिने बताएका हुन् ।
हेटौँडा उपमहानगरपालिका वडा नंबर १८ स्थित हर्नामाडीमा निर्माणधिन खानेपानी आयोजना निर्माण र मर्मत संभारमा आगामी आर्थिक वर्षभित्र सम्पन्न हुने भएको छ ।
मदन भण्डारी राजमार्गकाे चतरा–हेटौँडा सडकखण्डको बाँकी रहेको काम आगामी वर्ष सम्पन्न गरिने भएकाे । मकवानपुरमा पर्ने राष्ट्रिय निकुञ्जहरूकाे पुन रेखाङकन गरिने भएकाे छ ।
चित्लाङ थानकाेट सुरूङ मार्ग निर्माणकाे लागि विस्तृत यरियाेजना निर्माण गरी कार्य प्रारम्भ गरिने भएकाे छ ।
जनता आवास कार्यक्रम अन्तरगत अति विपन्नकाे लागि मकवानपुरमा निर्माणाधिन घरहरू आगामी आर्थिक वर्ष सम्पन्न गरिने भएकाे छ ।
मकवानपुर । पछिल्लाे समय काेराेना संक्रमण पुष्टि हुने भन्दा संक्रमण मुक्त हुनेकाे संख्या बढ्दै गएकाे छ । देशैभर काेराेना मुक्तहुने काे संख्या बढिरहेकाे छ । मकवानपुर जिल्लामा पनि पछिल्ला दिनहरूमा कोरोना पुष्टि हुनेकाे अनुपातमा संक्रमण मुक्त हुनेकाे संख्या बढ्दै गएको छ ।
मकवानपुरमा शुक्रबार थप १ सय ९० जना काेराेना संक्रमणमुक्त भएका छन् । मकवानपुरमा आज होम आइसोलेसनबाट १ सय ८३ जना र संस्थागत आइसोलेसनबाट ७ जना गरी १ सय ९० जना कोरोन संक्रमण मुक्त भएका हुन् ।
कोरोना मुक्त हुनेमा निको हुनेमा हेटौंडा उपमहानगरपालिका १ सय ४६ जना थाहा नगरपालिका र मनहरी गाँउपालिकाका १२/१२ जना, मकवानपुगढी गाँउपालिका र कैलाश गाँउपालिकाका ८/८ जना, भीमफेदी गाँउपालिकाका २ जना, बकैया र राक्सिराङ गाँउपालिकाका १/१ जना कोरोना निको भएका छन् । यो संगै मकवानपुरमा कोरोना निको हुनेको संख्या ६ हजार ७७ पुगेको छ ।
मकवानपुरमा थप ४५ जनामा काेराेना भाइरस संक्रमण पुष्टि
यसैगरी शुक्रबार मकवानपुरमा थप ४५ जनामा काेराेना भाइरस संक्रमण पुष्टि भएकाे छ । पिसिआर परीक्षणमा ३० जना र एन्टीजेन परीक्षणमा १५ जना गरी थप ४५ जनामा कोरोना पुष्टि भएको छ स्वास्थ्य कार्यलय मकवानपुरले जनाएको छ ।
आज कोरोना पुष्टि हुनेमा ३३ जना हेटौंडा उपमहानगरपालिका भित्रका रहेका छन् । ६ जना थाहा नगरपालिकाका, ५ जना मनहरी गाँउपालिकाका र १ जना कैलाश गाउँपालिकाका रहेका छन् । यो संगै मकवानपुरमा कोरोना पुष्टि हुनेको संख्या ८ हजार ४ सय ६० पुगेको छ ।
यसैगरी पछिल्लो २४ घण्टामा कोरोनाबाट मकवानपुरमा थप २ जनाको मृत्यु भएको छ । मृत्यु हुने दुबैजना हेटौंडा उपमहानगरपालिकाका रहेको स्वास्थ्य कार्यलय मकवानपुरले जनाएको छ । यो संगै मकवानपुरमा कोरोनाबाट मृत्यु हुनेको संख्या ८७ पुगेको छ ।
जिल्लामा हाल सक्रिय संक्रमितको संख्या २ हजार २ सय ९६ जना रहेका छन् । जसमा २ हजार १ सय ७५ जना घरमा र १ सय २१ जना आइसोलेसनमा रहेका छन् ।