मकवानपुर । मकवानपुर ६९ जना नेपाली काँग्रेसमा प्रवेश गरेका छन् । उनीहरु नेकपा एमाले, नेकपा माओवादी केन्द्र र राप्रपा परित्याग गरी काँग्रेस प्रवेश गरेका हुन् । शुक्रबार हेटौंडा–१३ पदमपोखरीमा अन्य पार्टी परित्याग गरेका ६९ जना नेपाली कांग्रेसमा प्रवेश गरेका छन् । पदमपोखरीमा भएको कार्यक्रममा नेपाली कांग्रेसका हेटौंडा उपमहानगर सभापति आनन्दराम पराजुलीसहितका नेताहरुले उनीहरुलाई कांग्रेसको सदस्यता दिएका थिए।
एमाले, माओवादी र राप्रपा परित्याग गरी काँग्रेस प्रवेश गर्नेहरु स्थानीय ठाकुरनाथ खतिवडा, लेखप्रसाद ढुंगेल, विनोद थोकर, सोमलाल रुम्बा, अनिल विश्वकर्मा, यमबहादुर सुनार, विनोदप्रसाद चौलागाइँ, भुषण खतिवडालगायत छन् ।
‘जनताले दिएको दुई तिहाई बहुमतलाई लत्याउँदै मनलाग्दी गरेका कारण केपी शर्मा ओली सत्ताच्यूत हुनुपरेको छ’ कार्यक्रममा कांग्रेस उपमहानगर सभापति पराजुलीले भने ‘‘झुटको खेती धेरै समय टिक्दैन भन्ने प्रमाणित भएको छ । जनता कम्युनिष्ट सरकारबाट आजित भैसकेका छन् ।’ कार्यक्रममा नेपाल तरुण दल हेटौंडा उपमहानगर अध्यक्ष सुनिल गिरीले पछिल्लो समय कांग्रेसमा युवाहरुको आकर्षण बढेको भन्दै युवालाई अप्ठेरो परेको अवस्थामा तरुण दल साथ दिन तयार रहेको बताए ।
तरुण दलका जिल्ला सदस्य आशिष थापामगरको पहलमा पार्टी प्रवेश कार्यक्रम भएको हो । कांग्रेस नेता कृष्ण थिङको अध्यक्षतामा भएको कार्यक्रममा कांग्रेस १३ नम्बर वडा सभापति चम्फुरत्न लामा, स्थानीय नेताहरु अर्जुन थिङ, धिरेन लामा, अमृत लुङ्बा, सूर्य थोकरलगायतको आतिथ्यता रहेको थियो ।
मकवानपुर / सवारी कर तिर्नको लागि कार्यालयसम्म धाउने समय नभएर तनावमा हुनुहुन्छ कि ? तपाई बागमती प्रदेश अन्तरगतमा हुनुहुन्छ भने अब त्यो तनाव छोड्नुस् ।
प्रदेश सरकारले स्मार्ट प्रदेश बनाउने घोषणा गरेको २ वर्षपछी शुक्रबारबाट सवारी कर तिर्नको लागि अनलाइन सेवा सुरु गरेको छ । प्रदेश सरकारले विद्युतीय माध्यमबाट यातायात क्षेत्रको सेवा प्रवाह तथा राजस्व भुक्तानी नियमावली, २०७८ जारी गरी यातायात व्यवस्था सूचना प्रणाली ट्रान्सपोर्टेसन म्यानेजमेन्ट इन्फरमेशन सिस्टम (टीएमआइएस) कार्यान्वयनमा ल्याएको हो । नेपालमा यो प्रणालीको सुरुवात गर्ने बागमती प्रदेश सरकार पहिलो हो ।
प्रदेशको भौतिक योजना मन्त्रालयले सवारी साधनहरुको अनलाइन प्रविधिबाट भुक्तानी गर्न तयार गरिएको यातायात व्यवस्थापन सूचना प्रणालीको शुक्रबार प्रदेशका मुख्यमन्त्री डोरमणि पौडेलले उद्घाटन गरे । उद्घाटन कार्यक्रममा मुख्यमन्त्री पौडेलले हेटौंडाका सेवाग्राही चिन्तामणि फुयाँलको मोटरसाइकलको राजश्व उक्त प्रणालीमार्फत् तिरेका थिए ।

यातायात क्षेत्रलाई सर्वसुलभ, पहुँच योग्य, सुरक्षित, व्यवस्थित एवं विश्वसनीय बनाउन सवारीको विवरण डिजिटाइजेसन गर्ने तथा अनलाइन सेवा प्रदान गरी सेवा प्रवाहलाई सेवाग्रही मैत्री बनाउने सरकारको नीति अनुरुप स्थापना गरिएको मुख्यमन्त्री पौडेलले बताए । “दुई वर्ष अघि घोषणा गरेका थियौं लक्ष्य लिएपछी सफलतामा पुगिन्छ भन्ने यो गतिलो उदाहरण हो” मुख्यमन्त्री पौडेलले भने । “केही ढीलो भएपनि प्रतिबद्धता पूरा भएको छ” मुख्यमन्त्री पौडेलले भने ।
प्रदेश सरकारले दुई वर्ष अघि डिजिटल प्रदेश बनाउने घोषणा गरेअनुसार यसले गति लिन थालेको उनले दावि गरे । पौडेलले यस अभियान सफल भएपछी राजस्वमा बृद्धि हुनुका साथै सेवाग्रहीहरुको समय बचत एवं पारदर्शी पनि हुने दावी गरे । “वैज्ञानिक प्रविधिमा सबैलाई सहयोग गर्नु सबैको दायित्व हो” उनले भने, “हामीले गफमा सीमित नभई बोलेको प्रतिवद्धता पूरा गरेका छौं ।”
यस प्रणालीले कर निर्धारण गर्ने, इम्बोस्ड नम्बर प्रणाली, सवारी बिमा पहिचान लगायतका कार्य सहज बनाइ कर प्रणालीमा सहजता आउने जनाइएको छ ।
बागमती प्रदेशमा करिब ४७ प्रतिशत साधनहरु दर्ता भएका छन् । प्रदेशमा आर्थिक वर्ष २०७५/०७६ मा १४ लाख २९ हजार १ सय ६९ सवारी दर्ता भएका छन् । २०७६/०७७ मा ९३ हजार ५ सय ७७ दर्ता भएका छन् भने २०७७/०७८ मा १ लाख २४ हजार ३ सय ५ सवारी साधनहरु दर्ता भएको यातायात कार्यालयले जनाएको छ ।
आर्थिक वर्ष २०७७/०७८ को असार १५ सम्म सवारी साधनबाट प्रदेशमा ८ अर्ब ९३ करोड ९८ लाख ५० हजार ३ सय ९८ राजश्व संकलन भएको छ । बागमती प्रदेश भौतिक पूर्वाधार विकास मन्त्रालय अन्तर्गत रहेका यातायात व्यवस्थापन तथा सेवा कार्यालय गरी ६ वटा कार्यालयबाट यस प्रणाली मार्फत् सेवा लिन सकिने छ । प्रदेशको सबैजसो सरकारी सेवाहरुलाई सकेसम्म डिजिटलाइजेशन प्रकृयामा लैजाने नीति प्रदेश सरकारले लिएको छ ।
तस्बिरहरू साैजन्यः प्रकाश दाहाल
मकवानपुर । मकवानपुरगढीमा निर्माण सम्पन्न भएकाे झोलुङ्गे पुलकाे उद्घाटन गरिएकाे छ । बुधबार गाउँपालिकाकाे वडा नम्बर–८ इच्चुङ र वखरडाँडा जोड्ने झोलुङ्गे पुलको उद्घाटन् बागमती प्रदेशसभाका सदस्य कुमारी मोक्तानले गरिन् ।
झोलुङ्गे पुल निर्माण भएपछी स्थानीयलाई धेरै सहज भएको मकवानपुरगढी गाउँपालिकाका अध्यक्ष विदुर हुमागाँईले बताए । एक करोड रुपैयाँ लागतमा झोलुङ्गे पुल निर्माण गरिएको हो । झोलुंगे पुल बनेपछि स्थानीयबासीलाइ अावतजावलमा निकै सहज हुने हुमागाइ बताउँछन् ।
मकवानपुरगढी गाउँपालिकामा सडक, पक्की पुल निर्माणसंगै झोलुङ्गे पुल निर्माणको कामले पनि तिब्रता पाएको अध्यक्ष हुमागाईले बताए । वर्षायामको समयमा दुइवटा गाउँ ओहोर दोहोर गर्नका लागि निकै समस्या भएपनि झोलुङ्गे पुल निर्माण पछी सहज भएको भन्दै स्थानीय खुसी भएका छन् ।झोलुङ्गे पुलको निर्माणले ओखरडाडा बासी जनसमुदायलाई तरकारी लगायत कृषि उपज बजार पुर्याउन सहज हुनेछ ।
पुल उद्घाटन कार्यक्रममा भिमफेदी गाउँपालिका वडा नम्बर–३ का वडाध्यक्ष प्रितिलाल लामा, समाजसेवी मेम्बर लामा, मकवानपुरगढी गापाको प्रमुख प्रशासकिय अधिकृत रामकुमार पुडासैनी, स्वास्थ्य प्रमुख ध्रुव लामिछाने सहभागिता रहेको थियो ।

मकवानपुर । नवोदय डान्सिङ स्टार प्रतियोगिता सम्पन्न भएकाे छ । हेटौंडा ४ मा रहेको नवोदय शिशु सदन अङ्ग्रेजी माध्यमिक विद्यालयमा भर्चुअल प्रविधिबाट नवोदय डान्सिङ स्टार प्रतियोगिता असार ६ गते बुधबार सम्पन्न भएको हाे ।
बुधबार भएको फाइनल राउण्डमा अश्मी घिमिरे, अपेक्षा विडारी, समिक्षा उप्रेती र दर्शना सापकोटा उत्कृष्ट घोषित भएका छन् । ५० प्रतिशत भोटिङ र ५० प्रतिशत निर्णायकको आधारमा उत्कृष्ट ३ घोषित गरिएकाे थियाे । जसमा भोटिङ र निर्णायकको आधारमा अपेक्षा विडारी र समिक्षा उप्रेतीले समान अंक हासिल गर्न सफल भएको क्रियटिभ आर्ट (सीएका) शिक्षक पर्वत राईले जानकारी दिए ।
४४ जना विद्यार्थीबाट टप २०, टप १०, टप ६ हुँदै फाइनल राउण्डबाट नवोदय डान्सिङ स्टार छनौट गरिएको हो । भौतिक रुपमा विद्यालय सञ्चालन भएपछि उत्कृष्ट छनौट भएका विद्यार्थीलाई पुरस्कृत गरिने विद्यालयले जनाएको छ । प्रतियोगितामा राष्ट्रिय नृत्य निर्देशक महासंघका केन्द्रीय सदस्य सुरेन देसार, नवोदय विद्यालयका नृत्य शिक्षक पर्वत राई र विष्णुसेन ठकुरीले निर्णायकको भूमिका निर्वाह गरेका थिए ।
कार्यक्रमकाे प्रमुख अतिथि विद्यालयका निर्देशक दीपेश जोशीले प्रतियोगिताले विद्यार्थीको प्रतिभा प्रस्फोटन गर्ने भएकोले प्रतियोगितालाई निरन्तरता दिइने बताएका छन् । क्रियटिभ आर्टका शिक्षकको संयोजनमा यस अघि नवोदय सिङ्गीङ स्टार प्रतियोगिता पनि सञ्चालन भएको थियो । कार्यक्रममा विद्यालयका शैक्षिक संयोजक अव्यक्त खनाललगायत विद्यार्थी, अभिभावक, शिक्षक/शिक्षिकाहरुको सहभागिता रहेको थियो ।
मकवानपुर । जिल्ला प्रहरी कार्यालय मकवानपुरले बुधबार विहानै ८१ किलो ३ सय ५० ग्राम लागुऔषध गाँजा र ट्रक प्रहरीकाे नियन्त्रणमा लिएकाे छ ।
बुधबार विहान पाैने ३ बजेकाे समयमा ईलाका प्रहरी कार्यालय मनहरी मकवानपुरबाट खटिएको प्रहरी टोलीले उक्त गाँजा र ट्रक नियन्त्रणमा लिएकाे हाे । मकवानपुर मनहरी गाउँपालिका ८ सिमपानी स्थित पूर्व पश्चिम लोकमार्ग सडक खण्डमा शंकास्पद रुपमा रोकी राखेको ना ८ ख ८२८४ नम्बरको ट्रकलाई चेकजाँच गर्दा उक्त ट्रक पछाडि ढालामा लुकाई राखेको लागुऔषध गाँजा ८१ किलो ३ सय ५० ग्राम फेलापरेको प्रहरीले जनाएकाे छ ।
प्रहरीले ट्रक चालक मकवानपुर राक्सिराङ गाउँपालिका ४ बस्ने ४२ वर्षीय बाबुराम नेगीलाई नियन्त्रणमा लिई थप अनुसन्धान सुरू गरेकाे जिल्ला प्रहरी कार्यलय मकवानपुरले जनाएकाे छ ।