मकवानपुर । जिल्ला प्रहरी कार्यालय मकवानपुरले बुधबार विहानै ८१ किलो ३ सय ५० ग्राम लागुऔषध गाँजा र ट्रक प्रहरीकाे नियन्त्रणमा लिएकाे छ ।
बुधबार विहान पाैने ३ बजेकाे समयमा ईलाका प्रहरी कार्यालय मनहरी मकवानपुरबाट खटिएको प्रहरी टोलीले उक्त गाँजा र ट्रक नियन्त्रणमा लिएकाे हाे । मकवानपुर मनहरी गाउँपालिका ८ सिमपानी स्थित पूर्व पश्चिम लोकमार्ग सडक खण्डमा शंकास्पद रुपमा रोकी राखेको ना ८ ख ८२८४ नम्बरको ट्रकलाई चेकजाँच गर्दा उक्त ट्रक पछाडि ढालामा लुकाई राखेको लागुऔषध गाँजा ८१ किलो ३ सय ५० ग्राम फेलापरेको प्रहरीले जनाएकाे छ ।
प्रहरीले ट्रक चालक मकवानपुर राक्सिराङ गाउँपालिका ४ बस्ने ४२ वर्षीय बाबुराम नेगीलाई नियन्त्रणमा लिई थप अनुसन्धान सुरू गरेकाे जिल्ला प्रहरी कार्यलय मकवानपुरले जनाएकाे छ ।

