मकवानपुर । संविधान दिवस २०७८ को अवसरमा खुल्ला दाैड प्रतियाेगिता सम्पन्न भएकाे छ । असाेज २ गते शनिवार विहान भएकाे ५ किलोमिटर खुल्ला दौड प्रतियोगितामा महेश मोक्तान प्रथम भएका छन् ।
संविधान दिवस, मुल आयोजक समिति बागमती प्रदेशको आयोजना तथा मकवानपुर जिल्ला खेलकुद विकास समिति र जिल्ला एथलेटिक्स संघ, मकवानपुरको संयोजनमा भएको प्रतियोगितामा बागमती प्रदेश प्रहरी कार्यालय हेटौंडाका सुरेश साह र श्यामकुमार राई क्रमश द्वितीय र तृतीय भएका छन् ।

प्रथम भएका मोक्तानले निर्धारित ५ किमीको दुरी १६ मिनेट २१.८८ सेकेण्डमा पुरा गरेका थिए । यस्तै द्वितीय भएका साहले उक्त दुरी १७ मिनेट ४२ मिलिसेकेण्ड र तृतीय भएका राईले १७ मिनेट १६.५३ सेकेण्डमा उक्त दुरी पुरा गरेका थिए ।
प्रतियोगितामा प्रथम, द्वितीय र तृतीय हुनेहरुले क्रमैसंग १५ हजार, १० हजार र ५ हजार नगद पुरस्कार सहित प्रमाण पत्र प्राप्त गर्ने जिल्ला एथलेटिक्स संघ मकवानपुरका अध्यक्ष राजाराम पोखरेलले जानकारी दिए । पुरस्कार भाेली असोज ३ गते संविधान दिवसको दिन हुने विशेष कार्यक्रममा प्रदान गरिने पनि पोखरेलले बताए ।
मकवानपुर । हेटौंडा उपमहानगरपालिका १७ नं. वडामा ९८ जना एमालेमा प्रवेश गरेका छन् । हेटौंडा १७ मा बिभिन्न पार्टी परित्यागगरी ९८ जना नेकपा एमालेमा प्रवेश गरेका हुन् ।
नेकपा एमाले हेटौंडा १७ नम्बर वडा कमिटीले आयोजना गरेको भेटघाट तथा चियापान कार्यक्रमका अवसरमा नेपाली कांग्रेश, नेकपा माओवादी, राप्रपा लगायतका पार्टी परित्याग गरेर एमालेमा प्रवेश गरेका हुन् ।
पार्टी प्रवेश गरेकाहरुलाई नेकपा एमाले बागमती प्रदेश कमिटि सदस्य कमल विष्ट, हेटाैडा उपमहानगरपालिकाका मेयर हरि बहादुर महत, एमाले जिल्ला कमिटि सदस्य नरहरी महत, हेटौंडा–१७ का वडा अध्यक्ष भैरब राई लगायतले टिका र खादा ओढाएर स्वागत गरेका थिए ।
मकवानपुर । नेकपा माओवादी केन्द्र हेटौंडा उपमहानगरपालिका ५ नम्बर वडा कमिटिको कार्यालय असाेज १ गते उद्घाटन गरिएको छ । नेकपा माओवादी केन्द्र मकवानपुर जिल्ला अध्यक्ष तथा बागमती प्रदेश माननीय प्रेम बहादुर पुलामीले एक कार्यक्रमकाबीच कार्यालय उद्घाटन गरेका हुन् ।
५ नम्बर वडा कमिटी अध्यक्ष देबीप्रसाद गौतमको अध्यक्षतामा भएको वडा कार्यलय उद्घाटन कार्यक्रममा माओवादी केन्द्र मकवानपुर प्रचार बिभाग प्रमुख कमान सिं पाख्रिन, उपमहानगरपालिका पार्टी कमिटी इन्चार्ज विवेक राई, जिल्ला समन्वय सचिवालय सदस्य ज्ञान सागर भोलन, जिल्ला कमिटी सदस्य कृष्ण सुवेदी, नगर कमिटी सदस्य झलक सुवेदी, ५ नम्बर वडा कमिटी ईन्चार्ज केशव घिमेरे लगायतको आतिथ्यता रहेको थियो ।
मकवानपुर । सरकारले दसैं, तिहार र छठवर्पलाई लक्षित गरि असोज १ गते शुक्रबारदेखि खाद्यन्न सुपथ मूल्य पसल सञ्चालन गरेकाे छ । विगत वर्षदेखि नै दसैं, तिहार र छठ पर्वमा उपभोक्तालाई राहत दिने उद्देश्यले खाद्यन्नका सुपथ मुल्य पसल सञ्चालन गर्दै आएको छ ।
यो वर्षमा पनि सोही प्राणालीलाई निरन्तरता दिएको हो । उद्योग वाणिज्य तथा आपूर्ति मन्त्रालयलका अनुसार देशका विभिन्न ३९ वटा जिल्लाको ४३ स्थानमा खाद्यन्न सुपत मुल्य पसल सञ्चालन भएका छन् । सुपथ मुल्य पसल १ असोज देखि २४ कार्तिक गत सम्म सञ्चालन हुने छन् । सुपथ मूल्य पसलमा चामल, सीमी, फापर, नुन, चिनीका साथै खसीबोका र दुग्धजन्य पदार्थ पनि बिक्री गरिनेछ । खाद्य व्यवस्था तथा व्यापार कम्पनी र साल्ट ट्रेडिङ कर्पाेरेसन मार्फत सुपथ मुल्य पसल सञ्चालन भएका छन् ।
तर हेटौंडामा भने सुपथ मूल्य पसल खोल्ने कुनै तयारी रहेको छैन । साल्ट ट्रेडिङ कर्पोरेशन मकवानपुरले हेटौंडामा सुपथ मूल्य पसल खोल्ने कुनै सम्भावना अहिलेसम्म नदेखिएको जनाएकाे छ । कर्पाे रेशन मकवानपुरले अहिले नुन मात्र रहेको जनाएकाे छ । सरकारसंग चिनी समेतको माग गरिएकाेमा चिनी उपलब्ध हालसम्म उपलब्ध भएकाे छ । प्रर्याप्त खाद्य बस्तु नभएकाले हेटौंडामा सुपथ मूल्य पसल सञ्चालन गर्न नसकिने साल्ड ट्रेडिङ मकवानपुरले जनाकारी दिएकाे छ । तर केन्द्रले सुपथ पसल सञ्चालन गर्न पत्राचार गरेमा जे भएकाे खाद्यवस्तुकाे पलस सञ्चालन गरिने भएकाे छ ।
चाडपर्वमा उपभोक्तालाई राहत दिन सरकारले खाद्यन्नका सुपथ मूल्य पसल सञ्चालन गर्ने गरेकाे छ । सुपथ पसलमार्फत उपभोक्तालाई चिनी, नुन, चामल, फापर, घिउ र खसीबोकामा छुट हुने छन् । सरकारले सञ्चालन गरेकाे सुपथ पसलबाट चिनीमा प्रतिकेजी ५ रुपैयाँ, नुनमा प्रतिकेजी २ रुपैयाँ, चामलमा प्रतिकेजी ५ रुपैयाँ, फापर, सिमी र खसीबोकामा प्रतिकेजी १० रुपैयाँ छुट हुने छ ।
खाद्य व्यापार कम्पनीले दाल, चामल, पिठो, चिउरा, तेल, नुन, फापर, सिमी, खसीबोकामा तथा साल्ट ट्रेडिङले नुन र चिनीलगायतका खाद्यवस्तु र दुग्ध विकास संस्थानले घिउ र पनिरमा छुट दिएको छ ।
खाद्य व्यापार कम्पनीले फापर, सिमी भटमासको तेल, चामल र खसीबोकामा प्रतिकिलो १० रुपैयाँ तथा पिठो, चिउरा, तोरीको तेल, सनफ्लावरको तेल, दालमा प्रतिकिलो ५ रुपैयाँ छुट दिएको छ । दुग्ध विकास संस्थानले घिउमा प्रतिकिलो ५० रुपैयाँ र पनिरमा प्रतिकिलो २० रुपैयाँ छुट दिएको छ । साल्ट ट्रेडिङले चिनीमा ५ रुपैयाँ र नुनमा २ रुपैयाँ छुट दिएको छ । साल्ट ट्रेडिङका अनुसार चिनी प्रतिव्यक्ति २ किलो र नुन ६ किलोसम्म किन्न पाइनेछ ।
खाद्य व्यवस्था तथा व्यापार कम्पनीले भने उपभोक्ताले खाद्य कम्पनीको अनलाइन मार्फत माग गरे पनि छुट मुल्यमा नै उपभोक्ताको घरमा पुर्याउने व्यवस्था गरेकाे जनाएकाे छ । दसैंमा खसीबोकाको खपत धेरै हुने हुनाले निजी क्षेत्रका व्यवसायीले मनपरी मूल्य लिई उपभोक्ता ठगिने भएकाेले बजार मूल्य नियन्त्रण गर्नका लागि कम्पनीले प्रत्येक वर्ष खसीबोका खरिद गरेर सुपथ मूल्यमा बिक्री गर्ने गरेको छ ।
मन्त्रालयका अनुसार दशै तिहार र छठपर्वमा अत्यावश्यक वस्तुमा छुट दिनका खाद्य कम्पनीलाई एक करोड ७५ लाख र कर्पाेरेसनलाई एक करोड ५० लाख रुपैयाँ छुट्याएको छ । कम्पनी र कर्पाेरेसनका उपत्यकासँगै मुलुकभर रहेका आफ्ना बिक्री केन्द्रमार्फत छुट मूल्यमा खाद्यान्न बिक्री गरिनेछ ।
मकवानपुर । महिला मिलन बचत तथा ऋण सहकारी संस्थाले विहीबार २१ औं वार्षिक साधारणसभा गरेको छ । हेटाैडा १३ मा रहेकाे सहकारी संस्थाकाे साधारणसभा हेटाैडा उपमहनागरपालिकाकी उप प्रमुख मिना कुमारी लामाले गरेकी थिइन् ।
साधारसभा उद्घाटन गर्दै उनले सहकारीले महिलाहरुलाई उत्पादनसँग जोडेर काम गर्नुपर्ने बताईन्। महिलाहरुको ठुलो नेतृत्व गरेको सहकारी भोलिका दिनमा राष्ट्रिय स्तरको सहकारी बन्न सक्ने समेत उनले शुभेच्छा व्यक्त गरिन् ।
हाल सहकारीको ५२ सय ७८ शेयर सदस्य रहेका छन् । सहकारीले गत वर्ष ५६ करोड कुल कारोबार गर्दे १ करोड १७ लाख नाफा गर्न सफल भएको छ । यस्तै आगामी आर्थिक वर्षमा ६२ करोड कारोबार गर्ने र १ करोड ४० लाख नाफा गर्ने लक्ष्य राखेको महिला मिलन सहकारीकी अध्यक्ष विष्णुमाया लामाले बताईन् ।
‘२ दशक अघि विरुवा रोपेको सहकारी अहिले धेरै फैलिएको छ’ सहकारीको संस्थापक अध्यक्ष सुकुमाया थिङले भनिन् ‘अहिले महिला मिलनको सदस्य भनेर देश विदेशसमा समेत चिनिएकोले पुस्तौपुस्तासम्म सहकारी यसरी नै अघि बढ्नु पर्छ।’ महिला मिलनले अहिले ४० लाखसम्म शेयरसदस्यलाई ऋण लगानी गर्दै आएको छ । १५ दिनअघि देखि समूहतगत रुपमा गएर छलफल गरेको सहकारीले विहीबार कार्यालयमा कोभिडको कारण न्यून सदस्यहरुको उपस्थितिमा साधारणसभा गरेको हो । सहकारीले आफ्नो सदस्यहरुलाई जुम मार्फत जोडेको थियो ।

सहकारीले आफ्नो २१ औं वार्षिक साधारणसभामा कर्मचारी दिपेश अधिकारी र पत्रकारिता क्षेत्रमा क्रियाशील पत्रकार निशा गुरुङलाई सम्मान गरेको छ । यस्तै शेयर सदस्यहरु तिर्थ कुमारी नेपाल, शान्ति माया हिडडुङ र हिरामाया वाइबालाई सम्मान गरेको छ ।
कार्यक्रममा हेटौंडा–१२ का वडाअध्यक्ष ललित घलान, हेटौंडा–१३ को वडाअध्यक्ष मनोक वाइबा लगायतको उपस्थिति रहेको थियो ।