जिल्ला प्रहरी कार्यालय मकवानपुरले विगतको वर्षहरुमा जस्तै यसवर्ष पनि गाँजा फडानी कार्यलाई निरन्तरता दिएको छ । असोज १७ गते देखी १९ गते सम्म बागमती प्रदेश प्रहरी गण रातोमाटे र जिल्ला प्रहरी कार्यालय मकवानपुरबाट प्रहरी निरीक्षक देवेन्द्र दासको कमाण्डमा ६१ जनाको टोलीले लागुऔषध गाँजा खेती फडानी गरेको छ । जिल्लाकाे राक्सिराङ गाउँपालिका र कैलाश गाउँपालिकाको विभिन्न स्थानमा लगाइएको गाँजा खेति नष्ट गरेको हो । प्रहरीका अनुसार ३ दिनमा २७ बिगाहा, ८ कठ्ठा गाँजा र गाँजाको ब्याड ४ कठ्ठानष्ट गरीएको छ । तस्विर साैजन्यः जिल्ला प्रहरी कार्यालय मकवानपुर


मकवानपुर । मकवानपुरकाे हेटाैडामा काेराेना संक्रमण पुष्टि भएका थप १ जनाकाे मृत्यु भएकाे छ । लामो समय पछि हेटाैडामा काेराेाना संक्रमण पुष्टि भएकाकाे मृत्यु भएकाे हाे ।
स्वास्थ्यमा गम्भीर समस्या भएपछि असोज १७ गते आईतबार राती उपचारको लागि हेटौंडा अस्पताल ल्याईएको १ जनाको उपचारको क्रममा मृत्यु भएपछि कोरोना संक्रमण पुष्टि भएको हाे । साेमबार बिहान हेटौंडा-९ की ६९ वर्षीया महिलाको उपचारकाे क्रममा मृत्यु भएकाे र मृत्यु मृत्यु पश्चात काेराेना पुष्टि भएकाे हेटौंडा अस्पतालले जनाएको छ ।
महिला ब्लड क्यान्सर पीडित रहेको र निमोनिया समेत भएको हेटौंडा अस्पतालको कोभिड इन्चार्ज डाक्टर प्रशान्त बिडारीले जानकारी दिए । ‘ ती महिलालाई स्वास्थ्यमा गम्भीर समस्या भएसंगै आइतबार राती हेटौंडा अस्पताल ल्याईएको डाक्टर बिडारीले बताए । महिलाले केहिदिन अघि आफुलाई कारोना भएको हुनसक्ने भन्दै परीक्षणको लागि स्वाब पनि दिएका रहेछन् परीक्षणको रिपोर्ट साेमबार पाेजेटिभ आयो । रिपाेर्ट आउनु अघी नै उपचारको क्रममा उनकाे निधन भएकाे विडारीले बताए ।
यो संगै मकवानपुरम कोरोनाबाट मृत्यु हुनेको संख्या १ सय ६५ पुगेको छ । यसैगरी जिल्लामा पछिल्लो २४ घण्टामा ६५ जनामा पिसिआर र एन्टीजेन परीक्षण गर्दा क्रमशः ७ जना र एक जना गरी ८ जनामा कोरोना पुष्टि भएको छ ।
कोरोना पुष्टि हुनेहरुमा ७ जना हेटौंडा उपमहानगरपालिका भित्रका र एक जना मनहरी गाउँपालिका भित्रका रहेका छन् । जिल्लामा सोमबार थप ४ जनाले कोरोना जितेका छन् ।
जिल्लामा हाल १ सय ३९ जना सक्रिय संक्रमित उपचाररत रहेका छन् । जसमा १ सय ३२ जना आफ्नै घरमा र ७ जना आइसोलेसनमा उपचाररत रहेको स्वास्थय कार्यलय मकवानपुरले जनाएको छ ।
मकवानपुर । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी मकवानपुरद्वारा जिल्ला प्रशासन कार्यालय अगाडी धर्ना दिएकाे छ । सरकारसँग गरिएकाे ३ बुँदे सहमति कार्यान्वयनमा ढिलाइ गरेको भन्दै विप्लवले नेतृत्व गरेको कम्युनिस्ट पार्टी मकवानपुरले सोमबार प्रशासन कार्यालय अगाडी धर्ना दिएको हाे ।
३ बुँदे सहमति कार्यान्वयन गर्ने सन्दर्भमा सरकारलाई पटक पटक ध्यानाकर्षण गराउँदा समेत कार्यान्वयन नभएकाेले धर्नामा बस्नुपरेको पार्टी केन्द्रिय सदस्य तथा जिल्ला ईन्चार्ज इन्द्र बहादुर परियार (नयन) ले बताए ।
केपी ओली नेतृत्वको सरकारसँग २०७७ साल फागुन २१ गते ३ बुँदे सहमति गरेर विप्लव शान्तिपूर्ण राजनीतिमा प्रवेश गरेका थिए । तर सहमतिको ७ महिना बित्न लाग्दा पनि सहमति कार्यान्वयनमा कुनै प्रगति हुन नसकेपछि उनिहरु असन्तुष्टि व्यक्त गर्दै आएका छन् ।
केपी ओली नेतृत्वको सरकार रहुन्जेलसम्म पनि विविध बहाना बनाएर माग पूरा नभएको र देउवा सरकार बनेको ३ महिना हुन लाग्दा पनि केही प्रगति नभएपछि साेमबार त्यसको विरोध स्वस्प देशभरका जिल्ला प्रशासन कार्यालय आगाडी धर्ना गर्ने कार्यक्रम अन्तरर्गत मकवानपुरमा पनि धर्ना दिइएकाे बताइएकाे छ ।
मकवानपुर । मकवानपुरको बकैयामा गाई काटेको आरोपमा पक्राउ परेका ९ जनालाई जिल्ला अदालत मकवानपुरले धरौटीमा छोड्न आदेश दिएको छ । सोमबार न्यायाधीश कमलराज विष्टको इजालशले पक्राउ परेका १० जनामा ९ जनालाई जनही ४० हजार धरौटीमा छोड्न आदेश दिएको हो ।
पक्राउ १० जना मध्य १ जना बालक रहेकामा उनलाई अविभावकको जिम्मा लगाईएको जिल्ला अदालत मकवानपुरका श्रेस्तेदार तीर्थराज भट्टराईले जानकारी दिए । मकवानपुर प्रहरीले गत असोज ३ गते बकैया-११ मा गाई काटेको आरोपमा घटनास्थलबाट ५० केजी गाईको मासु सहित १० जनालाई पक्राउ गरेको थियो ।
पक्राउ पर्नेहरुमा बकैया-११ कालिदमार बस्ने ३८ वर्षीय जनक बहादुर लो, सोही स्थानका ३५ वर्षीय राज लो, ४० वर्षीय रबिन्द्र लो, सिमाटार बस्ने ४५ वर्षीय राज कुमार घलान, ४८ वर्षीय प्रलाद भक्त न्यासुर,च्याउ च्याउ बस्ने १९ वर्षीय सोमार भोलन, ५० वर्षीया सन्च माया भोलन,१६ वर्षीय सन्देश बिक, ४० वर्षीय सुन बहादुर तामाङ, ३६ वर्षीय फुल माया थिङ रहेका थिए । प्रहरीले पक्राउ परेको सबै जनामाथि गौवधसम्बन्धी मुद्दा चलाएको थियो ।
मकवानपुर । हिन्दुहरुकाे महान चाड दशैकाे उपलक्ष्यमा हेटौंडा १५ मा सञ्चालन भएकाे टोल स्तरिय फुटबल प्रतियोगिता (दशैं कप)को प्री–क्वाटरफाइनल खेल सम्पन्न भएको छ । बागमती प्रदेश शसस्त्र प्रहरी गण मुख्यालय रातेमाटेको खेल मैदान भएको २ प्री–क्वाटरफाइनल खेल सम्पन्न भएपछि ८ टोली क्वाटरफाइनल पुगेका छन् ।
असाेज १७ गते आईतबार भएको पहिलो प्री–क्वाटरफाइनल खेलमा सानो सुकौली टोल विकास संस्था क्वाटरफाइनल प्रवेश गरेको छ । सानो सुकौलीले श्रृर्जनशिल टोल विकास संस्थालाई ३–२ गोल अन्तरले पराजित गर्दै क्वाटरफाइनलमा प्रवेश गरेको हो ।
आइतबार नै भएको दोस्रो प्री–क्वाटरफाइनल खेलमा रातोमाटे टोल विकास संस्था क्वाटरफाइनल प्रवेश गरेको छ । रातोमाटेले याङ्ला टोल विकास संस्थालाई ३–० गोल अन्तरले पराजित गर्दै क्वाटरफाइनलमा प्रवेश गरेको हो ।
यसअघि भएको खोलमा जित निकाल्दै सुनौलो, पारिश्रमिक, जाँते, सम्बृद्धी, ठुलो सुकौली, फारल्याण्ड टोल विकास प्रतियोगिताको क्वाटरफाइनलमा प्रवेश गरेका छन् । श्री शक्तिश्वरी युवा क्लवको आयोजना भएको प्रतियोगितामा असाेज १८ गते सोमबारदेखी क्वाटरफाइनलका खेल शुरु हुने क्लबका अध्यक्ष एसके लामाले जानकारी दिए । सोमबार हुने पहिलो क्वाटरफाइनलको खेलमा ठुलो सुकौली र फारल्याण्डबिच हुने लामाले जनाकारी दिए । दोस्रो क्वाटरफाइनलको खेलमा पारिश्रमिक र सुनौलोबिच हुनेछ ।
प्रतियोगिताका विजेताले ट्रफि सहित नगद ५० हजार र उपविजेताले ट्रफि सहित नगद २५ हजार प्राप्त गर्नेछन् । दशैकाे अवसरमा आयोजना गरिएको प्रतियोगितामा वडाका १८ वटा टोल विकास समितिको सहभागिता रहेको छ । प्रतियोगिताको फाइनल खेल २२ गते शुक्रबार हुनेछ ।