मकवानपुर । नेकपा एमालेको चितवनमा सम्पन्न १० औं राष्ट्रिय महाधिवेशनमा मकवानपुर जिल्लाबाट विजयी भएका ४ जना केन्द्रीय सदस्य सम्मानित भएका छन । नेकपा एमाले मकवानपुर जिल्ला कमिटी र हेटौंडा नगर कमिटीले उनीहरुलाइ सम्मान गरेको हो ।विहीबार एमाले मकवानपुरको पार्टी कार्यलयमा भएको कार्यक्रममा अध्यक्ष बद्री लम्सालले केन्द्रीय सदस्यहरुलाई सम्मान गरेका हुन् ।
यसैगरि,नगर अध्यक्ष शाालिकराम पुडासैनीले निर्वाचित केन्द्रीय सदस्यहरुलाई फोटो सहितको फ्रेम प्रदान गरेका छन । १० औं राष्ट्रिय महाधिवेशनबाट मकवानपुरका रामेश्वर राना,कृष्ण प्रसाद दाहाल,जुनेली श्रेष्ठ र भारती पाठक निर्वाचित भएका थिए ।
सम्ममान कार्यक्रममा नेकपा एमाले बागमती सदस्यहरु,जिल्ला कमिटीका पदाधिकारी तथा सदस्यहरु,नगर कमिटीका पदाधिकारी तथा सदस्यहरु लगायत विभिन्न जनवर्गीय संगठनका प्रमुख तथा प्रतिनिधिहरुको सहभागिता रहेको थियो ।
बालमैत्री स्थानीय शासन लागू गर्न सामुहिक प्रतिवद्धता
Tags: No Comments
मकवानपुर । मकवानपुरगढी गाउँपालिकालाई बालमैत्री स्थानीय शासन लागु भएको स्थानीय तहको रुपमा घोषणा गर्न तथा यस अभियानमा सहभागी हुन सरोकारवालाहरुले सामूहिक प्रतिवद्धता व्यक्त गरेका छन् ।

मकवानपुरगढी गाउँपालिकाका संघसंस्था, सम्बन्धित सरोकारवालाहरूले बालमैत्री स्थानीय शासन अभियानको प्रक्रियागत कार्यान्वयन, घोषणा तथा दीगोपनका लागि आ–आफ्नो कार्य प्रक्रियामा समायोजन गरी बालमैत्री पद्वतीको माध्यमले समाज रूपान्तरणको महाअभियानलाई सफल बनाउँने प्रतिवद्धता पत्रका हस्ताक्षर गरेका हुन् ।
बुधबार पालिकामा आयोजना गरिएको अन्तरक्रिया एवम् प्रतिवद्धता कार्यक्रममा गाउँपालिका अध्यक्ष विदुर हुमागाई, वडा नम्बर ५ का अध्यक्ष जीतबहादुर घिमिरे, गाउँपालिकाका प्रमुख कार्यकारी अधिकृत रामकुमार पुडासैनीलगायत सरोकारवालाहरुले हस्ताक्षर गरेका हुन् ।

कार्यक्रममा गाउँपालिका अध्यक्ष बिदुर हुमागाईले भौतिक विकासको पाटोलाई मात्रै महत्व दिने परीपाटीको अन्त्य हुनुपर्ने बताए । ‘भौतिक विकासलाई मात्रै विकास मानिदैन, भौतिक विकासको पाटो एकातिर छ, तर सामाजिक विकास र आर्थिक विकासको पाटोमा नसोचे शुसासन युक्त विकास संभव छैन’ हुमगाईले भने ‘सामाजिक विकास अन्तरगत बालमैत्री शासन धेरै महत्वपूर्ण पाटो हो ।’

बालमैत्री शासन किन भन्ने बुझाउने काम लगभग सकिएको र बालबालिकामाथिको लगानी सयौं बर्षको लागि लगानी हुने उनले बताए । बालमैत्रीमा गरेको लगानीले विकासका अरू अभियानलाई समेत दीगो बनाउने उनले बताए । आगामी माघको अन्त्यसम्म मकवानपुरगढी गाउँपालिकालाई बालमैत्री स्थानीय शासन लागु भएको स्थानीय तहको रुपमा घोषणा गर्ने कार्यक्रम रहेको बताउँदै अध्यक्ष हुमगाईले भने ‘ थोरै समयमा धेरै काम गर्न बांकी छ, सबैको समूहिक साथ चाहिन्छ ।’

गाउँपालिकामा हुने गरेको बाल बिबाह,बाल श्रम जस्ता कुराहरु अझै चुनौतीपूर्ण रहेको उनले बताए । चाँडो बिहे गर्दा आउने गम्भीर समस्याबारे अभिभावकले जानकारी गराउन पर्ने उनले बताए । ‘बाल विवाह विरुद्धको कानून बनिसक्यो अब चर्चामात्रै हैन, गम्भीर हुनुपर्छ’ उनले भने ।
कार्यक्रममा गाउँपालिकाको प्रमुख कार्यकारी अधिकृत रामकुमार पुडासैनीले गत
२०७७ माघ १९ बाट सुरू भएको अभियान कोभिडको कारण केही समय रोकिए पनि निरन्तर काम भैरहेको बताए । बालमैत्री स्थानीय शासन घोषणा गर्नको लागि हाल ५१ वटा सूचक पुरा गरेको हुनुपर्ने पुडासैनीले बताए ।
कार्यक्रममा कार्य पत्र पस्तुत गर्दै पुडासैनीले भने ‘‘बालबालिका समस्या सामाधानको लागि चाहिने स्रोत हुन्, उनीहरु माथि खर्च गरेको हैन लगानी गरेको सम्झनु पर्दछ ।’ गाउँपालिकामा बाल विवाह, बाल प्रेम विवाह, बाल श्रम, जातीय तथा लैङ्गिक विभेद, घरेलु हिंसा, यौन शोषण, शारीरिक तथा मानसिक हिंसा, बेचबिखन तथा ओसारपसार जस्ता कुरीतिहरु चुनौतिको रुपमा रहेको पुडासैनीले बताए ।

कार्यक्रममा सिविन बाल हेल्प लाइन मकवानपुरका प्रमुख झबिन्द्र ज्ञवलीले चुनौतिहरुलाई चिर्दै बालअधिकारको सवाल प्रत्याभुत गराउनु पर्ने बताए । ‘जन्मदर्ता नहुदा आईपर्ने समस्या यावत् छन्, सबै बालबालिकाको जन्मदर्ता हुनुपर्छ’ उनले भने ।
मकवानपुरगढी गाउँपालिका वडा ५ अध्यक्ष जितबहादुर घिमिरेको अध्यक्षतामा कार्यक्रम आयोजना गरिएको थियो । ‘मोबाइलको कारण बाल बिबाह बढाएको छ, सहकारी र टोल बिकासले बालमैत्रीको लागि महत्वपूर्ण योगदान गर्न सक्छ र गर्नुहुने छ भन्ने अपेक्षा हामीले गरेका छौ’ अध्यक्ष घिमिरेले भने ।
कार्यक्रममा बालमित्री अभियानको फोकल पर्सन रामप्रसाद दाहाल, अधिकारकर्मी कविराज हुमगाई, स्थानीय सहकारी, बालक्लब, आमा समूह, टोल विकासलगायतको प्रमुख तथा प्रतिनिधिहरुको उपस्थिति रहेको थियो ।
मकवानपुर । नेकपा माओवादी केन्द्र हेटौंडा उपमहानगर अध्यक्षमा तिर्थ थापा मगर चयन भएका छन् । नेकपा माओवादी केन्द्र हेटौंडा उपमहानगर कमिटीको मंगलबार सम्पन्न सम्मेलनले अध्यक्षमा तिर्थ थापामगरलाई सर्वसम्मत रुपमा चयन गरेको हाे ।
यसैगरी, उपाध्यक्षमा महिलातर्फ सोनी गुरुङ, कोषाध्यक्षमा तारादेवी मोक्तान, सहसचिवमा रामकुमार बानियाँ सर्वसम्मत रुपमा चयन गरेको हो । उपाध्यक्ष महिला १ जनासहित ३ जना हुनुपर्नेमा खुल्लातर्फबाट २ जना बाँकी रहेको र सचिवमा पनि सहमति जुट्न नसकेपछि अब सम्मेलन लगतै बस्ने पहिलो बैठकबाट उक्त पदाधिकारीहरु टुङ्ग्याइने जनाइएको छ । केन्द्रको ८१ सदस्यीय उपमहानगर कमिटी रहने प्रावधान अनुसार ७३ जना चयन भइसकेका छन् । मनोनित हुने बाँकी ९ जना अबको बैठकबाट मनोनित हुने बताइएको छ ।
माओवादी केन्द्रका बागमती प्रदेश कमिटी सदस्य ललित घलान, हेटौंडा उपमहानगर इन्चार्ज विवेक राई लगायतकाे उपस्थितिमा भएकाे सम्मेलनको बन्द सत्रबाट पदाधिकारीहरु सर्वसम्मत् चयन भएका हुन् ।
मकवानपुर । मनहरी गाउँपालिकामा मनहरीमा बालश्रम सम्बन्धी अनुगमन गरिएकाे छ । गाँउपालिकामा रहेका होटल, ग्यारेज, गाडि सफा गर्ने स्थानमा बालश्रम प्रयोग भए नभएको सम्बन्धमा अनुगमन गरिएकाे हाे ।
बालअधिकार समिति, श्रम कार्यालय, नेपाल प्रहरी, बालहेल्पलाइन १०९८ ले संयुक्तरुपमा अनुगमन गरेका हुन् ।मनहरी क्षेत्रका विभिन्न ब्यवसाय, होटल आदिमा बालश्रमिक भएको जानकारी बालहेल्पलाइन १०९८ र गाउँपालिकामा आए पछि अनुगमन गरिएको मनहरी गाउँपालिका उपाध्यक्ष मनिला विष्टले जानकारी दिए ।
अनुगमनका क्रममा मनहरी ९ को चौधमाइलमा गाडि धुनेकाममा १२ र १३ वर्षका ४ जना बालक, मनहरी ८ मा रहेकाे गुरुङ् होटलमा १० वर्षिय १ जना बालक, सुप्रिय होटलमा काम गर्ने १ जना १२ वर्षिय बालिका, सिम्पानी स्थित मोटरबाइक ग्यारेजमा काम गर्ने १३ र १४ वर्षिय ४ जना बालक गरि जम्मा १० जना बालश्रमिक फेला परेको मनहरी गाउँपालिका महिला तथा बालबालिका शाखा प्रमुख शान्ति अधिकारीले बताइन् ।
विभिन्न स्थानहरुमा बालश्रमिक रहेका बालहेल्पलाइनमा सूचना आएको तर अनुगमनको क्रममा फेला नपरेको बालहेल्पलाइन जिल्ला संयोजक झबिन्द्र ज्ञवालीले बताए । अनुगमन टोली आएको सूचना प्राप्त भए पछि बालश्रमिकहरुलाई लुकाईको हुनसक्ने ज्ञवालीले जानकारी दिए । श्रममा संमलग्न बालबालिकाहरु ९ जना मनहरीका र १ जना कैलाश गाउँपालिकाका रहेका जनाइएको छ ।
अनुगमन गरिएका स्थानहरुका बालबालिकाको सम्बन्धमा एक हप्ता भित्रमा सबै बालबालिकालाई अभिभावकको जिम्मा लगाउने र बालबालिकालाइ दिनु पर्ने पारिश्रमिक भुक्तानी गरिसक्नु पर्ने र सो को जानकारी गाउँपालिकालाइ दिनु पर्ने गरी सचेत गराइएकाे छ । यसै गरी १४ वर्ष मुनिका बालबालिकाहरुलाइ निकृष्ट प्रकारको बालश्रममा प्रयोग नगर्न, १४ देखि १८ उमेर वर्षसम्मका बालबालिकाहरुलाइ जोखिमपूर्ण बाहेक अन्य काम लगाउनु परेमा श्रम कार्यालयकाको स्विकृति लिएर मात्र लगाउने गरि समेत सचेत बनाइएको श्रम कार्यालयका प्रतिनिधि भिम प्रसाद शर्माले बताए ।
मकवानपुर । बागमती प्रदेश निर्वाचन कार्यालय हेटौंडाले जिल्लाको १० वटै स्थानीय तहमा ‘मतदाता नामावली संकलन विशेष कार्यक्रम २०७८ सञ्चालन’ गर्ने भएकाे छ । मकवानपुरका १० वटै स्थानीय तहमा २ चरणमा मतदाता नामावली संकलन गरिने भएको हाे ।
मतदातामा नामवलीमा नाम नभएका १८ वर्ष पुरा भएकाकाे नामानली संकलन कार्य गर्न लागिएकाे हाे । साेमबार जिल्ला प्रशासन कार्यलयमा राजनीतिक दलहरु, सुरक्षा निकायका प्रमुखहरुसंग अन्तरक्रिया कार्यक्रम गर्दै कार्यलयले आगामी मंसिर १७ गते देखि पुष २ गते सम्म पहिलो चरण र पुष ५ गते देखि माघ ५ गतेसम्म दोस्रो चरणमा संकलन गरिने जानकारी दिएको छ ।
प्रदेश निर्वाचन कार्यालयका अनुसार पहिलो चरणमा मकवानपुरगढी, भीमफेदी, इन्द्रसरोबर, मनहरी र बकैया गाउँपालिकामा मतदाता नामावली संकलन कार्यक्रम गरिने छ । दोस्रो चरणमा भने जिल्लाको बागमती, राक्सिराङ, कैलाश गाउँपालिका, थाहा नगरपालिकामा कार्यक्रम संचालन गर्ने तय भएको कार्यालयले जनाएकाे छ ।
हेटौंडा उपमहानगरपलिकामा भने जिल्ला प्रशासन कार्यलय र प्रदेश निर्वाचन कार्यालय हेटौंडामा गएर नामावली दर्ता गर्न सकिने बताइएकाे छ ।
कार्यलयका अनुसार जिल्लामा २०७८ कात्तिकसम्म २ लाख ८० हजार १ सय ८१ जना मतदाता रहेका छन् । जसमा १ लाख ४२ हजार ७०३ जना पुरुष, १ लाख ३७ हजार ४ सय ७२ जना महिला र ६ जना तेस्रो लिङ्गी रहेका छन् ।