मकवानपुर / मकवानपुर जिल्ला हेटौंडा उपमहानगरपालिका वडा न १८ हर्नामाडीमा कमर्सियल लेयर्स प्रजातिको कुखुरामा बर्ड फ्लू भेटिएको छ ।
हर्नामाडी १८ को राजकुमार दुलालको फार्ममा रहेको १ हजार ५ सय कमर्सियल लेयर्स प्रजातिको कुखुरामा बर्ड फ्लू भेटिएको हो । २२ बैशाखमा नमुना परिक्षणको लागि पठाईएकोमा २३ गते राती बर्ड फ्लू प्रमाणित भएको जानकारी आएको भेटेरेनरी अस्पताल तथा पशु सेवा बिज्ञ केन्द्रका प्रमुख डाक्टर ब्रज किशोर ठाकुरले बताए ।
रिपोर्ट पोजेटिभ आएपछि जिल्ला प्रशासन कार्यालय मकवानपुरमा आज बैठक बसि बर्ड फ्लु प्रमाणित भएको फार्मको कुखुराहरू नष्ट गर्ने टोलि फिल्डमा जाने तयारी गरिएको मकवानपुरका जिल्लाका सहायक प्रमुख जिल्ला अधिकारी बद्रीनाथ गैह्रेले बताए ।
उनका अनुसार आज राती बर्ड फ्लू प्रमाणीत भएका कुखुरा नष्ट गरिने छ । बर्ड फ्लू नियन्त्रण समितिको बैठक बसेर व्यवसायीलाई क्षतिपूर्ति उपलब्ध गराउने निर्णयपछि कुखुरा नस्ट गर्न लागिएको सहायक प्रमुख जिल्ला अधिकारी गैह्रेले बताए ।
बैठकमा कुखुरा व्यवसायी संघ, मकवानपुर उद्योग वाणिज्य संघ, सुरक्षा निकायका प्रतिनिधिहरूको उपस्थिति रहेको थियो ।
यता हेटौंडा ७ कमानेको अर्को एक कुखुरा फार्मको कुखुरामा बर्ड फ्यू शंका लागेपछि पीसीआर जाँचको लागि पशुसेवा बिभाग काठमाडौमा नमुना पठाईएको स्रोतले जनाएको छ । यस फार्ममा भने २५ हजार कुखुरा रहेका छन् ।
१० दिनअघि हेटौंडा ७ नागश्वतीमा बर्ड फ्लू पुष्टि भएपछि लेयर्स कुखुरा ३ हजार ४५३ वटा, अण्डा ५ हजार ७८० गाेटा र ४५० केजी दाना नष्ट गरिएको थियो ।
मकवानपुर । नेपाल कम्युनिष्ट पार्टी एमाले विकास प्रेमी पार्टी भएको पार्टी केन्द्रीय सल्लाहकार समिति सदस्य तथा बागमती प्रदेशका पहिलो मुख्यमन्त्री डोरमणी पौडेलले बताएका छन् ।
एमाले विकास प्रेमी पार्टी भएकै कारण जनताको रोजाइको पार्टी भएको उनले बताए । एमाले हेटौंडा ५ ले आयोजना गरेको आसन्न स्थानीय तहको निर्वाचन लक्ष्यित सभालाई सम्बोधन गर्दै पौडेलले यस्तो बताएका हुन् ।
उनले आगामी ३० बैशाखमा हुने स्थानीय तहको निर्वाचनमा नेकपा एमालेका उम्मेदवारहरुले दोब्बर मतका साथ बिजय हासिल गर्ने बताए । हेटौंडा ५ दक्षिणकालीमा भएको कोणसभामा बोल्दै पौडेलले भने “हामी हाम्रो प्रतिस्पर्धिको भन्दा दोब्बर मत ल्याएउने छौं ।”
एमालेको विजयले मात्र विकास सम्भव भएको भन्दै आफू प्रदेश सभाको निर्वाचनमा निर्वाचित भएपछि हेटौंडा प्रदेश राजधानी कायमदेखि नगरको सबै क्षेत्रमा उल्लेख्य विकास गरेको उनले बताए । अब सबै जनताले विकास गर्न एमाले नै आवश्यक भएको भन्ने कुरा बुझिसकेका छन पौडेलले भने ‘एमालेलाई पराजित गर्न योजना र सिद्धान्त नै नभएका दलहरु जनताको बिचमा भोटको लागि गैंडा र हात्ती लिएर आउन सक्ने हुँदा सजग रहन समेत आग्रह गर्छु।’

यस्तै आसन्न स्थानीय तहको निर्वाचनमा एमालेको जीतलाई रोक्न कसैले नसक्ने एमाले नेता तथा पार्टीबाट हेटौंडा उपमहानगरको मेयरका उम्मेदवार अनन्त पौडेलले बताए । विकास गर्ने, समृद्धि ल्याउने, देशलाई अगाडि बढाउने पार्टी नै एमाले मात्रै भएको जनताले बुझेकाले अब गठबन्धनको नाममा जसले जति भ्रम फैलाउने काम गरेपनि एमालेको जीत पक्का भएको मेयरका उम्मेदवार पौडेलले बताए ।

यसैगरी एमालेबाट हेटौंडाको उपमेयरको उम्मेदवार सुमित्रा काफ्लेले एमालेले जितेपछी सबैको भविष्य उज्वल हुने बताइन् । “हामीले सुमृद्धिको सूरुवात जन्मबाटै गर्नेछौ” काफ्ले भनिन् “नयाँ जन्मिने बच्चाहरुको उज्ज्वल भबिष्य बनाउने नीति एमालेले लिएको छ ।” हेटौंडा उपमहानगरपालिका भित्रका नागरिकको बच्चा जन्मिएपछी ३५ दिन भित्रमा जन्मदर्ता गरेमा उपमहानगरपालिकाले नै बैंक खाता खोलेर १ हजार रुपैयाँ जम्मा गर्ने नीति लिएका काफ्लेले बताइन् ।
घटना दर्तालाई सहज बनाउनका लागि काम गरिने, नागरिकलाई उपमहानगरपालिकासँग सहज रुपमा जोडिने माध्यम निर्माण गर्ने बताइन् । वडागत रुपमा भएको शहरी स्वास्थ्य केन्द्रलाई सुदृढीकरण गर्दै लैजाने, विद्यार्थीहरुलाई उच्च शिक्षा हासिल गर्न आवश्यक सहयोग गर्ने, युवा लक्षित कार्यक्रमहरु गर्ने जस्ता योजनाहरु एमालेले बनाएको काफ्लेले बताइन् ।

कार्यक्रममा हेटौंडा ५ को वडा अध्यक्षको उम्मेदवार शुसिल घिमिरेले वडाको समृद्धिको लागि आफूले योजनाहरु बनाएको बताए । बेरोजगार युवा तथा महिलाहरुलाई स्वरोजगार बनाउन तथा उद्यमसँग जोड्न सिपबिकास कार्यक्रमका आफ्नो योजनामा रहेको घिमिरेले बताए ।
वडा समितिले घरदैलाेपछी काेणसभाकाे आयाेजना गरेकाे सचिव सुरेश लामाछानेले बताए। ‘हामीले घरदैलाे भेटघाटमा धेरै सकारात्मक उर्जा पाएका छाै’ सचिव लामीछानले भने ।
मकवानपुर । हेटौंडा उपमहानगरपालिकाका २ नम्बर वडामा स्वतन्त्र अध्यक्ष उम्मेदवार सुदिप राजबहाक घरदैलो अभियान गर्दै आफ्नो पक्षमा मत माग्न ब्यस्त छन । स्थानीय निर्वाचन २०७४ मा नेपाली कांग्रेस बाट वडा सदस्य पदमा निर्वाचिन राजबहाकले चुनावी घरदैलो अभियानलाई तिब्रता दिएका छन् ।
बैशाख ३० गते हुने स्थानीय निर्वाचनमा हेटौंडा-२ को लागि कांग्रसबाट टिकट नपाएपछि स्वतन्त्र उम्मेद्वारी दिएका राजबहाकले आफ्नो विभिन्न प्रतिबद्धतासहित घरदैलो अभियानलाई तिब्रता दिएका हुन् ।
राजबहाकले शनिबार बिहान हेटौंडा २ को वनस्खण्डी,मनकामना चोक,मानसचोक,कांग्रेस चोक,संगम चोक लगाएत क्षेत्रमा मत माग्दै घरदैलो गरेका छन् ।
नेपाली काग्रेसले यसपटक २ नम्बर वडामा पछि कांग्रेस प्रवेश गरेका विष्णुगोपाल महर्जनलाई वडा अध्यक्षको उम्मेद्वारी बनाएको छ ।
मकवानपुर । हेटौंडा उपमहानगरपालिका वडा नम्बर १७ मा गठबन्धन दलका उम्मेदवारहरुले घरदैलोसँगै मतदाता शिक्षा अभियान चलाउदै आएका छन् ।
नेपाली कांग्रेस र नेकपा समाजवादीको संयुक्त निर्वाचन प्रचारप्रसार समितिले सहजकर्ता परिचालन गरी घरदैलोको साथै मतदाता शिक्षा कार्यक्रम समेत सँगै गरेका छन । २०७४ सालको स्थानीय निर्वाचनका क्रममा अधिकांश मत बदर भएपछि यसपटक गठबन्धनका उम्मेदवारहरूले घरदैलो सँगसँगै मतदाता शिक्षा कार्यक्रमलाई पनि जोड दिएका हुन् ।
सहजकर्ताहरूले मतदाताका घरदैलोमा पुगेर सही तरिकाले मतदान गर्ने बारेमा मतदातालाई सहजीकरण गर्ने नेपाली कांग्रेस १७ नम्बर वडा सभापति तथा वडा सदस्य उम्मेदवार नवराज न्यौपानेले बताए ।
यसैबीच दुईदलीय गठबन्धनले शुक्रबार वडाको विकट क्षेत्र साजबोटे, बुङ्गे, धियाले, सुकौरा लगायतका क्षेत्रमा घरदैलो कार्यक्रम सम्पन्न गरेको छ ।
वडा अध्यक्षका प्रत्यासी उद्धव सत्याल सहितको टोलीले चुरे क्षेत्रमा रहेका ती बस्तीहरूमा पुगी आफ्ना चुनावी प्रतिबद्धता मतदाता समक्ष व्यक्त गरेका छन् ।
मकवानपुर । आसन्न स्थानीय तहको निर्वाचनमा नेकपा एमालेका उम्मेदवारहरुले दोब्बर मतका साथ बिजय हासिल गर्ने बताएका छन । हेटौंडा १२ र १३ को चुनावी प्रचार कार्यक्रमलाई सम्बोधन गर्दै उनीहरुले बिपक्षीको भन्दा दोब्बर मत ल्याएर एमालेका उम्मेदवारले जीत हासिल गर्ने दाबी गरेका छ्न ।
`एमालेको जीत पक्का भैसक्यो । अब निर्वाचनबाट औपचारिकता पूरा गरेर प्रमाणपत्र दिन मात्र बाँकी हो ।´ एमाले केन्द्रिय सल्लाहकार समेत रहनुभएका बागमतीका प्रथम मुख्यमन्त्री डोरमणी पौडेलले भने । `अब १ दुई सय मतले मात्र जित्ने हैन । बिपक्षीले जति मत ल्याउँछ त्यो भन्दा दोब्बर मतले एमालेले बिजय हासिल गर्छ ।´ पौडेलले दाबीका साथ भने ।
एमालेको बिजयले मात्र बिकास सम्भव भएको भन्दै आफू प्रदेश सभाको निर्वाचनमा निर्वाचित भएपछि हेटौंडा प्रदेश राजधानी कायमदेखि नगरको सबै क्षेत्रमा उल्लेख्य बिकास गरेको उनले बताए । अब सबै जनताले बिकास गर्न एमाले नै आवश्यक भएको भन्ने कुरा बुझिसकेका छन पौडेलले भने एमालेलाई पराजित गर्न योजना र सिद्धान्त नै नभएका दलहरु जनताको बिचमा भोटको लागि गैंडा र हात्ती लिएर आउन सक्ने हुँदा सजग रहन समेत आग्रह गर्द्छु।
सरकार चलाउने हैसियत नभएका र सरकार चलाउन आवश्यक पर्ने उम्मेदवार खडा गर्न नसक्ने पार्टीलाई भोट दिएर भोट खेर नफाल्न समेत मतदाताहरुलाई उनले आग्रह गरे ।
यस्तै आसन्न स्थानीय तहको निर्वाचनमा एमालेको जीतलाई रोक्न कसैले नसक्ने नेकपा एमाले बागमती प्रदेश कमिटी सदस्य रघुनाथ खुलालले बताएका छन । एमाले नै बिकास गर्ने, समृद्धि ल्याउने, देशलाई अगाडि बढाउने पार्टी भएको जनताले बुझेकाले अब गठबन्धनको नाममा जसले जति भ्रम फैलाउने काम गरेपनि एमालेको जीत पक्का भएको खुलालले बताए ।
खुलालले भने, `एमालेले गरेको बिकासका काम देखेर जनताले गरेको मायाले अब एमाले त आयो आयो । एमालेको जीतलाई कुनै तागतले रोक्न सक्दैन ।´ एमाले बिरोधीहरु जनता र मतदाताको बिचमा झुठो आश्वासन लिएर आउने भएकाले एमालेका योद्धाहरुले मतदाताको बिचमा रहेर त्यस्ता भ्रमलाई चिर्न समेत उनले आग्रह गरे ।
हेटौंडाको १९ वटै वडामा अब एमालेको झण्डा फरफराउने उनले दावी गरे । अब सबै जनजनमा एमाले र मनमनमा एमाले भएको पनि खुलालले बताए ।