मकवानपुर । मकवानपुरमा सोमबार दिउँसोसम्ममा ३ वटा गाँउपालिका र ४८ वडाको मतगणना सकिएको छ । नतिजा अनुसार पालिकामा एमाले अघि छ भने वडामा कांग्रेस अगाडि छ ।
दिउँसो ३ बजे मतगणना भएका ४८ वडामा सबैभन्दा बढि वडामा नेपाली कांग्रेसले जित हासिल गरेको छ । कांग्रेसले २५ वडा अध्यक्ष जितेको छ भने माओवादी केन्द्रले ११ र एमालेले १२ वडा अध्यक्ष जितेको छ । मकवानपुरमा १०२ वडा छन् ।
पालिकाको नेतृत्वमा भने एमाले अघि देखिएको छ । हालसम्म नतिजा सार्वजनिक भएको ३ पालिका मध्ये एमालेले २ वटा गाउँपालिकामा अध्यक्ष र एक गाउँपालिका उपाध्यक्ष जितेको छ । काँग्रेसले एक गांउपालिकामा अध्यक्ष र एक गाँउपालिका उपाध्यक्ष जितेको छ । माओवादीले एक गाउँपालिका उपाध्यक्ष जितेको छ ।
एमालेले भिमफेदी गाउँपालिका अध्यक्ष तथा इन्द्र सरोवरमा अध्यक्ष र उपाध्यक्ष जितेको छ । इन्द्र सरोवरमा एमालेको उम्मेदवार अध्यक्षमा कृष्णदेव पुडासैनी र उपाध्यक्षमा उमा कुमारी लामा बिजयी भएका छन् भने भिमफेदीमा एमालेका हिदम लामा बिजयी भएका छन् ।
यस्तै कांग्रेसले कैलाश गाउँपालिका अध्यक्ष र भिमफेदी गाउँपालिका उपाध्यक्ष जितेको छ । कैलाश गाउँपालिकामा नेपाली काङ्ग्रेसका उम्मेद्बार लोक बहादुर मोक्तान अध्यक्ष र भिमफेदीमा कांग्रेसका उम्मेद्वार संजिव श्रेष्ठ विजयी भएका छन् । माओवादीले कैलाश गाउँपालिका उपाध्यक्ष जितेको छ । यहाँ माओवादी केन्द्रका उम्मेदवार बालकुमार मल्ल बिजयी भएका हुन् ।
वडाहरूमा भएको नतिजा विवरण यस्तो छ :
नेपाली काँग्रेस विजयी भएको वडाहरुः
1) इन्द्रसरोबर–१ मा सुवास थापा
2) इन्द्रसरोबर–२ मा सुमन श्रेष्ठ
3) मकवानपुरगढी–१ मा आइत सिंह लो
4) मकवानपुरगढी–८ मा कुमार घिसिंङ
5) भीमफेदी–१ मा सोम बहादुर स्याङ्तान
6) कैलाश–१ मा तेज बहादुर ब्लोन
7) कैलाश–२ मा राजेन्द्र तामाङ घिसिङ
8) मनहरी–१ मा शिव प्रसाद खनाल
9) राक्सिराङ–२ मा बुद्धराम मुक्तान
10) बकैया-११ मा गोपाल बहादुर नेसुर
11) कैलाश-९ मा भुवनसिं घलान
12) भीमफेदी-६ मा सोमबहादुर घलान
13) बकैया-१२ मा ज्ञानेन्द्र बजगाई
14) हेटौंडा-१ मा सविन न्यौपाने
15) मनहरी-३ मा अनन्त अर्याल
16) भीमफेदी-७ मा मित्रबन्धु सिन्जाली
17) बकैया-१० मा कमला वाइवा
18) मकवानपुरगढी-७ मा सूर्यबहादुर रूम्बा
19) मकवानपुरगढी-२ मा बखानसिं पाख्रिन
20) थाहा-६ मा राजेन्द्रभक्त श्रेष्ठ
21) हेटौंडा-२ मा विष्णुगोपाल महर्जन
22) राक्सिराङ-२ मा बुद्धराम मोक्तान
23) कैलाश-७ मा उदास भोलन
24) कैलाश-८ आशिष प्रजा
25) ईन्द्रसरोवर-५ दुधराज तितुङ
नेकपा एमाले विजयी भएको वडाहरुः
1) राक्सिराङ–१ मा बाबीराम मुक्तान
2) कैलाश–१० मा सूर्य बहादुर ब्लोन
3) भीमफेदी–२ मा काशी राम बज्यु
4) भीमफेदी–४ मा सागर पाण्डे
5) इन्द्रसरोवर-३ मा प्रताप भोम्जन
6) इन्द्रसरोवर-४ मा चन्द्रकुमार बल
7) भीमफेदी-५ मा जाहारसिं लामा
8) भीमफेदी-८ मा बिष्णुबहादुर लामा
9) बकैया-६ मा फुलबहादुर भोम्जन
10) भीमफेदी-९ मा प्रकाश पुडासैनी
11) हेटौंडा-१९ मा नरनाथ सुवेदी
12) थाहा-५ विष्णु बहादुर गुरूङ
नेकपा माओवादी केन्द्र विजयी भएको वडाहरुः
1) थाहा–१ मा हेरमान गोपाली
2) मनहरी–२ मा राजकुमार पाख्रीन
3) बागमती–१ मा यहुन्ना राई
4) भीमफेदी–३ मा पृति लाल लामा
5) थाहा–२ मा बमबहादुर सिंतान
6) बकैया–१ मा आशिश तितुङ
7) बकैया–२ मा विश्वराज स्याङतान
8) थाहा-३ मा हिरेन्द्र रायमाझी
9) थाहा-४ मा नारायण लामा
10) कैलाश-३ मा देवलाल बल
11) बकैया-८ विष्णु नेगी
मकवानपुर । बागमती गाउँपालिका वडा नम्बर ३ मा नेकपा (माओवादी केन्द्र) को प्यानल नै विजयी भएको छ ।
वडाध्यक्षमा कमान सिं पाख्रिनले प्रतिस्पर्धी नेपाल कम्युनिष्ट पार्टी (एमाले)का पञ्चलाल भोलनलाई ७ मतले पराजित गरेका हुन् । पाख्रिनले ४ सय १७ मत ल्याउँदा भोलनले ४ सय १० मत प्राप्त गरे । तेस्रो स्थानमा रहेको नेपाली काँग्रेसका सरोज योञ्जनले १ सय ५४ मत प्राप्त गरेका छन् । वडा नम्बर ३ मा १ हजार ४१ मत खसेकोमा १२ मत बदर भएको छ ।
त्यस्तै वडा सदस्यहरुमा तुल बहादुर मुक्तान,रतन बहादुर बज्यु,भगवती माया माझी निर्वाचित भएका छन् । त्यस्तै दलित महिला सदस्यमा विष्णु माया विश्वकर्मा निर्विरोध भएकि छिन् ।
बागमती गाँउपालिकाको वडा नम्बर १ र २ मा यसअघि माओवादी केन्द्रको प्यानल नै विजयी भैसकेको छ ।
मकवानपुर । हेटौंडा उपमहानगरपालिका वडा नम्बर २ मा गठबन्धन तर्फ नेपाली कांग्रेसका उम्मेदवार विष्णु गोपाल महर्जन वडाध्यक्षमा विजयी भएका छन । २ नम्बर वडाको प्राप्त मतपरिणाम अनुसार १ हजार २ सय ५८ मतसहित महर्जन वडाध्यक्षमा विजयी भएका हुन ।
महर्जनले अध्यक्षका प्रत्यासी नेकपा एमालेका हरि बहादुर राउतलाई पराजित गरेका हुन। राउतले ८ सय ६४ मत प्राप्त गरेका छन । वडाध्यक्षमा महर्जनसँगै खुला वडा सदस्यमा नेपाली कांग्रेसबाट सुरज बर्तौला (१२२६), नेकपा माओवादी केन्द्रबाट ईन्द्रप्रसाद रिजाल (११७३), महिला सदस्यमा नेकपा एकीकृत समाजवादीबाट तारा ढुंगाना (१३६२) र दलित महिलातर्फ नेपाली कांग्रेसबाट मैया परियार (१२५५) निर्वाचित भएका छन । सबै उम्मेदवार चुनाव चिन्ह रुखबाट लडेका थिए ।
यस्तै स्वतन्त्र उम्मेदवारी दिएका उम्मेदवार सुदीप राजवाहकले ३ सय १ मत प्राप्त गरे । २०७४ सालको निर्वाचनमा नेपाली कांग्रेसबाट वडा सदस्यमा सुदीप राजवाहक मात्रै निर्वाचित भएका थिए । यसपटक भने सत्ता गठबन्धनले वडाको नतीजा आफ्नो पक्षमा पारेको छ ।
मकवानपुर । मकवानपुरको बकैया गाउँपालिका वडा नम्वर ८ मा नेकपा माओवादी केन्द्र विजयी भएको छ ।
बकैया ८ को अन्तिम मतपरिणाम अनुसार माओवादीका विष्णु नेगी ६ सय ३३ मत प्राप्त गरि विजयी भएका हुन् उनले निकटतम प्रतिद्वन्द्वी नेपाली कांग्रेसका सिद्धि मन घलानलाई पराजित गर्दै विजयी बनेका हुन् । कांग्रेसका घलानले ५ सय ८२ मत प्राप्त गरे भने एमालेका राम बहादुर गोलेले ५ सत २३ मत ल्याएका छन् ।
मकवानपुर । स्थानीय तह सदस्य निर्वाचनको मत परिणाममा हेटौंडाको मेयरमा गठबन्धनको तर्फबाट उम्मेदवार मिना लामाले आफ्नो मत अन्तान्तर लम्ब्याउंदै लगेकी छिन् ।
बिहान १ मतको अन्तरमा रहेकी लामाले अहिले १९० मत अन्तर बनाएकी छिन् । हेटौंडाको १३ हजार ४९५ मत गन्दा लामाले ४ हजार १३५ मत प्राप्त गरेकी छन् ।
केही मय अघिसम्म पहिलो स्थानमा रहेका राप्रपाका दिपक बहादुर सिंह दोश्रो स्थानमा झरेका छन् । उनले ३ हजार ९४५ मत प्राप्त गर्दा एमालेका अनन्तप्रसाद पौडेलले ३ हजार ५५२ मत प्राप्त गरेका छन् ।
हेटौँडामा हालसम्म वडा नम्बर १ र १९ को मतगणना सकिएको छ । जसमा वडा नंबर १ मा नेपाली कांग्रेसका सविन न्यौपाने तथा वडा नंबर १९ मा नेकपा एमालेका नरनाथ सुवेदी विजयी भएका छन् । हाल वडा नम्बर २, ३, ४, १७ को मतगणना जारी छ । वडा ४ को मत गन्दै गर्दा वडामा भने एमालेका पौडेलले अग्रता लिएका छन् ।