मकवानपुर । आउँदो मंसिर ४ गते हुने प्रतिनिधीसभा र प्रदेशसभा निर्वाचनका लागि मकवानपुर जिल्लामा ३ हजार कर्मचारी खटाइएकाे छ । निजामति, स्थानीय तह तथा विभिन्न संघसंस्थामा कार्यरत मध्ये २ हजार ५ सय जना शिक्षक ५ सय गरी ३ हजार जना कर्मचारी खटाइने मुख्य निर्वाचन अधिकृतकाे कार्यालयले जनाएकाे छ ।
जिल्लामा रहेका १० स्थानीय तह मध्ये हेटौंडा उपमहानगरपालिका क्षेत्रमा उपसचिब स्तरका कर्मचारी मतदान अधिकृत तथा अधिकृतस्तरका कर्मचारी सहायक मतदान अधिकृतमा खटिएका छन् । जिल्ला १ नगरपालिका सहित ८ गाउँपालिकामा भने भने अधिकृतस्तरका कर्मचारी मतदान अधिकृत तथा नायव सुव्बा वा साे सरहका कर्मचारीलाई सहायक मतदान अधिकृतको खटाइएको छ । शिक्षकहरुलाई भने सहायक कर्मचारीको रुपमा मात्र खटाइएको मुख्य निर्वाचन अधिकृत ऋषिराम निरौलाले जानकारी दिए ।
यसैगरी बागमती प्रदेश कार्यालय हेटौडाले निर्वाचनकाे लागि खटिएका मतदान अधिकृत र सहायक मतदान अधिकृतकाे लागि कार्तिक २६ गते शनिबार र कार्तिक २७ गते आइतवार तालिम दिने भएकाे छ । निर्वाचन कानून तथा निर्वाचनकाे समयमा गर्नु गर्नुपर्ने कामका विषयमा जानकारी दिइने कार्यालय प्रमुख लुम्बनाथ पाेखरेलले जनाकारी दिए ।
जिल्लाका १ सय २ वटै वडाका हरेक मतदान केन्द्रमा खटिने ३ सय १४ जना मतदान अधिकृत र ३ सय १४ जना सहायक अधिकृतलाई तालिम दिन लागिएको पाेखरेलले बताए । तालिम पछी खटिएका कर्मचारीहरुको लागि नियुक्ति कार्तिक २८ र २९ गते दिइने भएकाे छ । त्यसपछी निर्वाचनमा खटिएका कर्मचारीहरुलाई मतदानका दिन चाहिने सामाग्री सहित सम्वन्धित मतदान केन्द्रमा पठाइने पाेखरेलले जानकारी दिए । खटिएका कर्मचारीहरु मंसिरको १ गतेसम्म सम्वन्धीत मतदान केन्द्रमा पुगिसक्नुपर्ने बताइएकाे छ ।
३२ सय सुरक्षाकर्मी परिचालन
यस्तै मंसिर ४ गतेको प्रतिनिधीसभा र प्रदेशसभाको चुनावका लागि मकवानपुर जिल्लामा मात्र ३ हजार २ सय सुरक्षार्मी परिचालन गरिने भएको छ । चुनावका लागि जनपथ प्रहरी, ससस्त्र प्रहरी, म्यादी र नेपाली सेना सहित खटाइने भएकाे हाे ।
मकवानपुरका एक सय ६७ वटा मतदान स्थललाई केन्द्रीत गरेर सुरक्षाकर्मी परिचालन गर्न लागिएको प्रमुख जिल्ला अधिकारी राजेन्द्रदेव पाण्डेले बताए । चुनावका लागि पहिलो घेरामा म्यादी र जनपथ प्रहरी, दोस्रो घेरामा ससस्त्र प्रहरी र मतदान स्थलवरपर गरेर तेस्रो घेरामा नेपाली सेना खटाइने पाण्डेले जानकारी दिए ।
सबै भन्दा धेरै म्यादी प्रहरी एक हजार ६ सय ९९ जना, जनपथ प्रहरी एक हजार ६९ जना, ससस्त्र प्रहरी ४ सय जना, जना र अरु नेपाली सेना खटाउने तयारी गरिएको गरिएकाे छ । सुरक्षाकर्मीकै निगरानीमा हरेक मतदान केन्द्रमा काम गरिने छ । बिशेषगरी मतदान केन्द्र, मतपेटिका, मतपत्रको सुरक्षामा प्रहरी परिचालन गरिने भएको छ । सबै सुरक्षाकर्मीले मतदान केन्द्रको सुरक्षा गर्ने, गस्ती गर्ने लगायतका काम गर्नेछन् । नेपाल प्रहरी र म्यादी प्रहरी भने मतदान अधिकृत, सहायक अधिकृत र कर्मचारीहरुसंग मतपत्र लगायतका सामाग्रीहरु लिएर पठाइने तयारी मुख्य निर्वाचन अधिकृतको कार्यालय मकवानपुरले जनाएको छ ।
मकवानपुरको दश स्थानीय तह मध्यमा भौगोलिक विकटता, सडक सञ्जाल नपुगेको स्थान, बेलाबेलामा झैझगडा तथा बदमासी हुने ठाउँ, विभिन्न जातजातिको बसोवास भएको लगायतका आधारमा मतदान स्थललाई अति संवेदनशील, संवेदनशील र सामान्यमा वर्गीकरण गरिएको छ । अति संवेदनशील मानिएको स्थानमा निर्वाचन विरोधी गतिविधि हुन नदिन थप सुरक्षाकर्मी खटाइने छ ।
मकवानपुर । नेपाली कांग्रेसका प्रवक्ता डाक्टर प्रकासशरण महतले मंशिर ४ पछि नेपाली कांग्रेसको नेतृत्वमा सरकार बन्ने बताएका छन् । मंगलबार हेटौडामा महतले आगामी निर्वाचन पश्चात नेपाली कांग्रेसको नेतृत्वमा सरकार बन्ने दाबी गरेका हुन् ।
कांग्रेसका प्रवक्ता महतले मंसिर ४ पछि नेपाली कांग्रेसका सभापति शेरबहादुर देउवा प्रधानमन्त्री बन्ने दावी गरेका छन् । नेपाल प्रेस युनियन मकवापनुरले मंगलबार बिहान हेटौंडामा आयोजना गरेको पत्रकार सम्मेलनमा बोल्दै प्रवक्ता महतले चुनवापछि बन्ने सबभन्दा ठूलो पार्टी काँग्रेस बन्ने समेत दावी दावी गरे ।
आगामी निर्वाचनमा प्रत्यक्ष तर्फको १६५ सिटमध्ये ९१ सिटमा एक्लै प्रतिस्पर्धा गरेको कांग्रेसले अधिकांस स्थानमा जित हात पार्ने तथा अधिकांश क्षेत्रमा काँग्रेस विजयी हुने आँकलन प्रस्तुत गर्दै महतले भने– सबभन्दा ठूलो दलको नेताले प्रधानमन्त्रीमा दावी गर्न पाउँने भएकाले देउवा नै आगामी सरकारको प्रधानमन्त्री बन्ने ठोकुवा गरे ।
पाँच दलीय गठवन्धनको घटक नेकपा माओवादी केन्द्रले आगामी प्रधानमन्त्रीको रुपमा अध्यक्ष प्रचण्डको प्रचार गरिरहेको समयमा ठुलाे दलकाे हैसियत नभए पनि गठबन्धनकै सरकार बन्ने तर्फ संकेत गर्दै गठवन्धकै नेतृत्वकर्ता नेपाली कांग्रेसका प्रवक्ता डाक्टर महतले भने गठवन्धनबाट भाबी प्रधानमन्त्रीको विषयमा कुनै सहमति भैनसकेको दाबी गरे । प्रधानमन्त्री हुने विषयमा अहिलेसम्म प्रचण्डले कुनैपनि औपचारिक दाबी नगरेको भन्दै उनले उहाँका केहि समर्थकले प्रचार गरेकाे उनले बताए ।
उनले गठबन्धन दलहरुको बैठकमा सरकारको नेतृत्व कस्ले गर्ने भन्ने बारेमा छलफल भने नभएको स्पष्ट पारे । प्रवक्ता महतले फुटाउँने भन्दा पनि जुटाउँने नेतृत्व आजको आवश्यकता भएकाले माओवादी केन्द्र र समाजवादीलाई समेत सँगसँगै लिएर हिडेको स्मरण गराउँदै देउवाले मात्रै सबैलाई एकैठाउँमा मिलाएर लान सक्ने दावी गरे । प्रवक्ता महतले गठबन्धन कसैको विरुद्धमा तत्कालिन केपी शर्मा ओलीले सिध्याउन खोजेको व्यवस्था र संविधानको लागी बनेको स्मरण गराउँदै गठबन्धनका उम्मेदवारहरुलाई मतदान गरेर जिताउन आग्रह गरे । गठबन्धनका उम्मेदवारहरुले जितेमात्रै व्यवस्था र संविधानको रक्षा हुने र देशले विकासको गति लिने उल्लेख गरे ।
नेपाल प्रेस युनियन मकवानपुरका अध्यक्ष पोष्टराज अधिकारी कुमारको अध्यक्षतामा भएको पत्रकार सम्मेलनमा नेपाली कांग्रेसका सह–महामन्त्री एवं प्रतिनिधि सभा क्षेत्र नम्बर १ का उम्मेदवार महालक्ष्मी उपाध्याय डीना, मकवानपुरका पार्टी सभापती बुद्ध लामा, सचिव भिमसेन महत, प्रवक्ता अर्जुन चौलगाई लगाएत नेपाली कांग्रेसका विभिन्न तहका नेता तथा कार्यकर्ताहरुको समेत उपस्थिति रहेको थियो ।
मकवानपुर । ४ मंशिरमा हुने निर्वाचनकाे प्रचार प्रसारमा मकवानपुरका उम्मेदवारहरु तीब्रताका साथ लागेका छन् । मकवानपुरमा आआफ्नाे निर्वाचन क्षेत्रमा प्रतिनिधिसभा तथा प्रदेश सभाका उम्मेदवारहरु विभिन्न एजेण्डा सहित पुग्ने गरेका छन् । ८ वटा गाउँपालिका तथा २ वटा नगरपालिका रहेकाे जिल्लामा आफ्नाे पक्षमा मत आकर्शित गर्न भूगाेल पिच्छे फरक एजेण्टा उम्मेदवारहरुले प्रस्तुत गरिरहँदा मतदाताले समेत फरक माग राख्ने गरेका छन् ।
नेकपा एमालेका उम्मेदवारहरुकाे घरदैलाेमा स्थानीयहरुले ढल निकासको समस्या, सडक स्तरीकरण नहुदाको समस्या राखेका छन्। यसैगरी देशको प्रमुख जनशक्ति युवाहरुको बिदेश पलायनलाई रोक्न समेत स्थानीयको माग गरेका छन् । मङ्सिर ४ गते हुने प्रतिनिधिसभा तथा प्रदेशसभाको निर्वाचनकाे लागि नेकपा एमालेले गरिरहेकाे घरदैलो कार्यक्रम अन्तर्गत मकवानपुर क्षेत्र नं १ को हेटौंडा उपमहानगरपालिका ५ को विभिन्न टोलमा घर घर पुगेर उम्मेद्बारले मत मागि रहँदा मतदाताहरुले उक्त माग राखेका हुन ।
मकवानपुर प्रतिनिधिसभा क्षेत्र नम्बर १ का नेकपा एमालेका उम्मेदवार कमल थापा र क्षेत्र नम्बर १ प्रदेश सभा ख का उम्मेद्बार एकालाल श्रेष्ठकाे घरदैलोमा हेटौडा उपमहानगरपालिका वडा नम्बर ५ का स्थानीय मतदाताले आफ्नाे भूगाेल अनुसारकाे माग राखेका हुन । उम्मेदवारद्वयले जनता चाहना अनुसार काम गर्ने प्रतिबद्धता जनाएका छन् ।
सोमबार हेटौंडा ५ को सिंचाईकुना, दक्षिणकाली, राईटोल, ढुङ्गेधारा, नवीन टोल, मास्टरचोक, वनदेवि टोललगायत स्थानमा घरदैलो कार्यक्रम गरिएकाे एमाले मकवानपुरले जनाएकाे छ । समानुपातिक उम्मेद्बार भारती पाठक , थापा र श्रेष्ठको संयुक्त उपस्थितिमा घरदैलो कार्यक्रमलाई तीव्रता दिएको निर्बाचन परिचालन कमिटीले जनाएको छ ।
मकवानपुर प्रतिनिध सभा क्षेत्र नम्बर १ मा बकैया गाउँपालिका, बागमती गाउँपालिका, मकवानपुर गढी गाउँपालिकाका १,२,३ र ४ नम्बर वडा तथा हेटौंडा उपमहानगरपालिकाको २,४,५,६,७,८,९,१०,१२,१३,१४, १५, १६, १७ र १८ नम्बर वडा पर्छ । त्यस्तै क्षेत्र नम्बर १ ख मा हेटौंडा उपमहानगरपालिकाको २,४,५,६,७,८,९,१०,१२,१३,१४ र १५ नम्बर वडा पर्छ ।
यसैगरी मकवानपुर क्षेत्र नम्बर १ ख का उम्मेद्बार एकालाल श्रेष्ठले हटलाईन नम्बर संचालनमा ल्याएका छन् । श्रेष्ठले चुनावी अभियानको बारेमा आबश्यक जानकारी, जिज्ञासा, धारणा एवं सल्लाह, सुझाब र गुनासोको लागि ९८५११४८२८८ नम्बर संचालनमा ल्याएकाे बताए ।

मकवानपुर । ४ मंशिरकाे प्रतिनिधि सभा तथा प्रदेश सभाकाे निर्वाचन नजिकिदै गर्दा मकवानपुरमा उम्मेदवारहरुले घरदैलाे तथा प्रचार प्रसारकाे कार्यक्रमलाई तीब्र पारेका छन् । हरेक दिन विहानैदेखि वेलुकासम्म नै उम्मेदवारहरु आआफ्नाे क्षेत्रका घरदैलाेमा मतदातासँगै रहने गरेका छन् ।
चुनावी प्रचार प्रसारमा हरेक गाउँ तथा बस्ती पुग्ने गरेका उम्मेदवार तथा दलका नेताहरुले निर्वाचन पछी नाक मुख नदेखाउने गरेकाे आराेप स्थानीय मतदाताहरुले लगाउने गरेका छन् । तर मकवानपुर प्रतिनिधि सभा क्षेत्र नम्बर–२ मा नेकपा एमालेका उम्मेदवार महेश कुमार वतौला र क्षेत्र नम्बर–२ को प्रदेशसभा (ख) मा उम्मेदवारी दिएका विष्णु प्रसाद ढकालले चुनाव जितेपछी जनताका हरेक समस्यामासँगै रहने प्रतिबद्धता व्यक्त गरेका छन् ।
प्रतिनिधि सभा क्षेत्र नम्बर २ अन्तर्गतका कार्यक्रममा उनीहरुले जनतासँगै रहने प्रतिवद्धता व्यकत गर्ने गरेका छन् । साेमबार मकवानपुरकाे भीमफेदी गिाउँपालिकामा घरदैलो तथा सभामा दुवै जना उम्मेदवारहरुले चुनाव जितेर गएपछी काठमाडौं र हेटौंडा केन्द्रीत भन्दा पनि यस क्षेत्रका नागरिकका हरेक समस्यामा सधै हातेमालो गरेर अगाडी बढ्ने बताएका हुन् ।
बर्तौला र ढकालले भीमफेदी गाउँपालिका वडा नम्बर–१ को किसेडी, २ नम्बर वडाको कालिकाटार, ३ नम्बर वडाको केरावारी, ४ नम्बर वडाको चिउरी बगैचा लगायतका क्षेत्रमा घरदैलो र टोल टोलमा भएका सभालाई सम्बाेधन गर्दा स्थानीय वासिन्दाहरुले अघिल्ला निर्वाचनमा विजयी भएका उम्मेदवारहरु जितपछी आफ्ना क्षेत्रमा खासै नफर्किएको तथा विकास निर्माण र जनताकाे आधारभूत आवश्यकतामा समेत ध्यान नदिएकाे बताएका थिए । अहिलेका उम्मेदवारहरु चुनावका बेलामा घरमा आएर समस्या सुन्न आए जसरीनै नियमित आउने र स्थानीयका समस्या समाधान गर्न पहल गर्ने हाे भने मात्र मतदान गर्ने समेत प्रतिवद्धता जनाएका छन् ।

युवा उम्मेदवार गाउँ पुग्दा फुलमालाले स्वागत
मकवानपुर निर्वाचन क्षेत्र नं. २ को एमाले तर्फबाट प्रतिनिधि सभा सदस्य युवा उम्मेदवार महेश बर्तौला मकवानपुरगढी गाउँपालिकाका गाउँ पुग्दा स्थानियले फुलमालाले स्वागत गरेका छन् । स्थानीयले युवा उम्मेदवार माथि बिकास, समृद्धि र परिवर्तनको अपेक्षा राखेका छन् । आफ्नाे क्षेत्रबाट पटक पटक सांसद हुनुभएका बिरोध खतिवडा जसरी नहराउन आग्रह समेत गरेका छन् । नेकपा एकीकृत समाजवादीका खतिवडा उक्त क्षेत्रबाट गठबन्धनका तर्फबाट उम्मेदवार छन् ।
युवा उम्मेदवार बर्तौलाले मकवानपुर गढी गाउँपालिका क्षेत्रको आमभन्ज्याङ्ग, डुम्रेकुना, सुकौरा र बुढिचौरमा चुनावी सभामा सम्बोधन गरेका थिए । बर्तौलाले स्थानीयबासी समक्ष आफूले देश र जनताको पक्षमा काम गर्ने बताए । जनताको बिश्वास जोगाइराख्ने र जनताको चाहना बिपरित कुनै काम नगर्ने समेत उनले बिश्वास दिलाएका थिए । उम्मेदवार बर्तौलाले आफुले चुनाव जितेर सहिद बासुदेव मार्ग र बस्ती संरक्षणलाई प्राथमिकतामा राखेर काम गर्ने बताए ।
नेकपा एमालेकाे विद्यार्थी संगठन अनेरास्ववियुमा लामो समय बिद्यार्थी राजनिती गरेर अहिले पार्टी राजनितिमा सक्रिय रहेका बर्तौला उम्मेदवार मनाेनयन गरे पछी मकवानपुरगढी ६ कञ्चनथलीमा रहेकाे जनआन्दालनका मकवानपुरे शहीद वासुदेव घिमिरेकाे घर पुगी उनका पिताबाट आशिर्वाद लिएका थिए ।
मकवानपुर । मकवानपुरकाे भीमफेदी कारागारका ९८ जना कैदीबन्दीले ४ मंसिरमा हुने निर्वाचनमा मतदान गर्न पाउने भएका छन् । कारागारमा रहेका कैदीबन्दीले कारागारबाटै मतदान गर्न पाउने कारागारका जेलर तिर्थराज पौडेलले जानकारी दिए ।
उनका अनुसार कैदीबन्दीलाई कारागारबाटै मतदान गर्ने व्यवस्थाको तयारी सुरु गरिएको छ । कारगारमा रहेका ९ सय ८९ जना कैदीबन्दी मध्ये मतदाता नामावलीमा नाम भएका ९८ जना कैदीबन्दीले मतदान गर्न पाउने भएका हुन् ।
अस्थायी मतदान केन्द्र तथा अस्थायी मतदाताकाे व्यवस्था गरिएकाेले मतदाता नामावलीमा नाम भएका कैदीबन्दीलाई कारागारबाटै मतदान गर्ने व्यवस्था गरिएको प्रदेश निर्वाचन कार्यालय,बागमती हेटौडाले जनाएको छ । कार्यालयका अनुसार कैदीबन्दीले प्रतिनिधिसभाको समानुपतिकतर्फ मात्रै मताधिकार प्रयोग गर्न पाउने छन् ।
