मकवानपुर । नेपालमा पछिल्लो २४ घण्टामा थप ७ हजार ४ सय ४८ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएकाे छ ।
मन्त्रालयकाका अनुसार १६ हजार ६ सय ५८ पीसीआर परीक्षणबाट ७ हजार ३ सय ८८ र ५ सय १८ एन्टिजेन परीक्षणबाट ६० जनामा काेराेना संक्रमण पुष्टि भएको हो । याेसँगै नेपालमा हालसम्म कोरोना भाइरस संक्रमितको संख्या ३ लाख ४३ हजार ४ सय १८ जना पुगेको मन्त्रालयले जानकारी दिएकाे छ । जसमध्ये ५४ हजार ४१ जना सक्रिय संक्रमित रहेका छन् । सक्रिय संक्रमितमध्ये ५० हजार १ सय ७२ जना होम आइसोलेसनमा र ३ हजार ८ सय ६९ जना संस्थागत आइसोलेसनमा रहेका छन् ।
पछिल्लो २४ घण्टामा काेराेना संक्रमणमुक्त हुनेको संख्या २ हजार २१ जना रहेकाे छ । छ । पछिल्लो २४ घण्टामा कोरोना भाइरस संक्रमणबाट ३७ जनाको मृत्यु भएको छ । याे सँगै कोरोना भाइरस संक्रमणबाट मृत्यु हुनेको संख्या ३ हजार ३ सय ६२ पुगेको छ । हाल उपचाररत संक्रमितमध्ये ५ सय ७८ जना आईसीयूमा र १ सय ४२ जना भेन्टिलेटरमा रहेका छन् ।
काठमाडौं उपत्यकामा १ हजार १ सय ८१ जना अस्पतालमा उपचाररत छन् । जसमध्ये १ सय ७१ जना आईसीयूमा र ५६ जना भेन्टिलेटरमा रहेका स्वास्थ्य मन्त्रालयले जनाएकाे छ ।
स्वास्थ मन्त्रालयका अनुसार संक्रमितकाे जिल्लागत विवरण
संक्रमितमध्ये बैभन्दा बढी संघीय राजधानी समेत रहेको बागमती प्रदेशमा ४ हजार १ सय ३२ जना छन् भने लुम्बिनी प्रदेशमा १ हजार ५ सय १८ जना संक्रमित थपिएका छन् । पछिल्लाे २४ घण्टामा प्रदेश १ मा ५ सय ८७ जना, गण्डकी प्रदेशमा ५ सय २८ जना, प्रदेश २ मा ३ सय २७ जना, सुदूरपश्चिम प्रदेशमा २ सय ५४ जना कर्णाली प्रदेशमा ५२ जना संक्रमित थपिएका छन् ।
प्रदेश १ को इलाममा ४, उदयपुरमा १२, खोखलढुंगामा २, खोटाङमा ६, झापामा ४८, ताप्लेजुङमा ४, तेह्रथुममा ५, धनकुटामा १०, पाँचथरमा ३, भोजपुरमा ४, मारङमा ३६२, सङ्खुवासभामा १३, सुनसरीमा १ सय १२ र सोलुखुम्बुमा २ जना संक्रमित थपिएकाे छन् । प्रदेश २ को धनुषामा ९७, पर्सामा ९७, बारामा १८, महत्तोरीमा ३०, रौतहटमा १७, सप्तरीमा २१, सर्लाहीमा २० र सिरहामा २७ जना संक्रमित थपिएका छन् ।
त्यस्तै बागमती प्रदेशको काठमाडौंमा २ हजार ९ सय २२, काभ्रेपलाञ्चोकमा १ सय १९, चितवनमा १ सय ७५, दोलखामा २, धादिङमा २५, नुवाकोटमा ३९, भक्तपुरमा २ सय २२, मकवानपुरमा ४४, रसुवामा ४, रामेछापमा १० जना, ललितपुरमा ५ सय २२, सिन्धुपाल्चोकमा ३२ र सिन्धुलीमा १६ जना संक्रमित थपिएका छन् ।
गण्डकी प्रदेशको कास्कीमा ३ सय ५५, गोर्खामा ३१, तनहुँमा १८, नवलपरासी पूर्वमा २४, पर्वतमा १४, मुस्ताङमा २, म्याग्दीमा २४, लमजुङमा २० र स्याङ्जामा ३१ जना संक्रमित थपिएका छन् ।त्यसैगरी लुम्बिनी प्रदेशको अर्घाखाँचीमा २४, कपिलवस्तुमा १ सय १५, गुल्मीमा १९, दाङमा १ सय २, नवलपरासी पश्चिममा ४२, पाल्पामा ९३, प्युठानमा ८, बर्दियामा ४४, बाँकेमा ४४०, रुकुमपूर्वमा २, रुपन्देहीमा ६ सय १९ र रोल्पामा १० जना संक्रमित थपिएका छन् ।
यस्तै कर्णाली प्रदेशको कालिकोटमा २, जुम्लामा १५, दैलेखमा ५, मुगुमा २, रुकुमपश्चिममा १, सल्यानमा १२, सुर्खेतमा ३ र हुम्लामा २ जना संक्रमित थपिएका छन् । साथै सुदूरपश्चिम प्रदेशको अछाममा ६, कञ्चनपुरमा ६०, कैलालीमा १२७, डडेल्धरामा २६, डोटीमा २, दार्चुलामा ३, बझाङमा १, बाजुरामा १ र बैतडीमा २८ जना संक्रमित थपिएका छन् ।
मकवानपुर । मकवानपुर जिल्लामा थप ६३ जनामा कोरोना भाइरस संक्रमण पुष्टि भएको छ । काेराेना पुष्टी भएका मध्य ३० जना महिला र ३३ जना पुरुषमा संक्रमण देखिएको हेटौंडा उपमहानगरपालिकाका स्वास्थ्य अधिकृत भोलानाथ चौलागाईले जानकारी दिए ।
संक्रमित मध्ये ६१ जना हेटौंडा उपमहानगरपालिकाका रहेका छन् भने १ जना मनहरी गाँउपालिका र अर्का १ जना बारा जिल्ला घर भइ हेटाैडा बसाेबास गर्नेे रहेका छन् ।
बैशाख १९ गते लिइएकाे ८८ जनाकाे लिइएकाे स्वाव परीक्षणमा ६३ जनामा संक्रमिण देखिएको हो । ७८ जनाकाे पीसीआर परिक्षणमा ५७ जना पाेजेटिभ तथा १० जनामा गरिएकाे एन्टिजेन परीक्षणमा ६ जना पाेजेटिभ नतिजा आएकाे हाे ।
२४ घण्टा नबित्दै हेटौंडा अस्पतालमा ३ जना संक्रमितले ज्यान गुमाए
यसै गरी हेटौंडा अस्पतालको कोभिड कक्षमा उपचाररत काेराेना भाइरस पुष्टी भएका ३ जनाकाे मृत्यु भएकाे छ ।
साेमबार बिहान साढे ९ बजे काेराेना संक्रमित १ जनाकाे उपचारको क्रममा मृत्यु भएसँगै मृत्यु हुनेकाे सख्या ३ पुगेकाे अस्पतालले जनाएको छ । यो संगै २४ घण्टा नबित्दै हेटौंडा अस्पतालमा ३ जना संक्रमितले ज्यान गुुमाएका छन् । पछिल्लाे पटक मृत्यु हुनेमा महोत्तरी जलेश्वर-२ का ५० वर्षीय पुरुष रहेका छन् । उनलाई ६ दिन अघि थप उपचारको लागि हेटौंडा अस्पताल ल्याईको थियो ।
आजै बिहान ६ बजेर २२ मिनेटमा बाराका ४६ वर्षीय कोरोना संक्रमित पुरुषको मृत्यु भएको थियो । यसैगरी आइतबार राती ९ बजेर १७ मिनेटमा हेटौंडा-१ का ५५ वर्षीय काेराेना सक्रमित पुरुषको मृत्यु भएको थियो ।

मकवानपुरका ४ स्थानीय तह सहित ४१ जिल्लामा निषेधाज्ञा
Tags: No Comments
मकवानपुर । मकवानपुरका ३ स्थानीय तहमा पूर्ण र १ स्थानीय तहमा आशिंक निषेधाज्ञा लागु भएकाे छ । १० स्थानीय तह रहेकाे मकवानपुरमा ४ स्थानीय तहमा गएराती १२ बजेबाट बैशाख ३१ गते राति १२ बजेसम्म निषेधाज्ञा जारी गरिएको हाे ।
कोरोना संक्रमणको जोखिम बढे संगै जिल्लाको हेटौंडा उपमहानगरपालिका सहित थाहा नगरपालिका र भीमफेदी गाउँपालिका पूर्ण र मनहरी गाउँपालिकाको पूर्वपश्चिम राजमार्गको दाँयाबाँया ५/५ सय मिटर क्षेत्रमा निषेधाज्ञा गरिएको हो ।
कोभिड–१९ संक्रमण रोकथाम,नियन्त्रण तथा व्यवस्थापन समिति बैठककाे सिफारिसमा शनिबार जिल्ला प्रशासन कार्यलय मकवानपुरका प्रमुख जिल्ला अधिकारी भरत मणी पाण्डेको अध्यक्षतामा बसेकाे जिल्ला सुरक्षा समितिकाे बैठकले कोरोना संक्रमणको जोखिमलाई मध्यनजर गर्दै निषेधाज्ञा जारी गर्ने निर्णय गरेको थियो ।
यसै गरी कोरोना भाइरस संक्रमण बढ्दै गएपछि सरकारले देशका ७७ मध्ये ४१ जिल्लामा निषेधाज्ञा जारी गरेको छ । गत १६ वैशाखबाट निषेधाज्ञा लगाउन सुरू गरिएकाे हाे । आइतबार बेलुकासम्म २९ जिल्लामा पूर्ण तथा १२ जिल्लामा आशिंक गरी ४१ जिल्लामा निषेधाज्ञा जारी गरिएको छ ।
गृह मन्त्रालयका अनुसार पूर्ण रूपमा निशेधाज्ञा जारी गरिएकाे जिल्लाहरूमा बाँके, सुर्खेत, काठमाडौं, भक्तपुर, ललितपुर, कास्की, कैलाली, पर्सा, दाङ, कञ्चनपुर, पाल्पा, चितवन, रूपन्देही, सल्यान, सुनसरी, जाजरकोट, रुकुम पश्चिम, डडेलधुरा, झापा, गुल्मी, प्युठान, उदयपुर, बझाङ, कपिलवस्तु, नुवाकोट, धनुषा, अर्घाखाँची, बैतडी र दैलेख रहेका छन् ।
यसैगरी गृह मन्त्रालयका अनुसार बाग्लुङ, बर्दिया, दार्चुला, मोरङ, काभ्रे, गोरखा, बाजुरा, मकवानपुर, कालिकोट, स्याङ्जा, रामेछाप र ताप्लेजुङमा संक्रमणको अवस्थालाई हेरेर स्थान तोकेर नै आंशिक निषेधाज्ञाको आदेश जारी गरिएको छ । साथै निशेधाज्ञा लागू हुने जिल्ला काेराेना संक्रमणकाे संख्या हेरेर अन्य जिल्लाले पनि क्रमशः लगाउँदै लाने स्थिति देखिन्छ ।
गत बैशाख १३ गते सोमबार बसको मन्त्रिपरिषद् बैठकले सीसीएमसीकाे सिफारिस स्वीकृत गर्दै निषेधाज्ञा निर्णय गर्ने अधिकार जिल्ला प्रशासन कार्यालयहरूलाई दिएको थियो । सोहीअनुसार जिल्ला प्रसासन कार्यालयमार्फत जिल्लामा निषेधाज्ञाको आदेश जारी गरिएको छ ।
निषेधाज्ञामा के गर्न पाइने के गर्न नपाइने
१. औषधी उपचार, खाद्य वस्तु तथा अत्यावश्यक वस्तु खरिद गर्न नजिकका पायक पर्ने स्थानमा
जान बाहेक कुनै पनि व्यक्तिहरू घर बाहिर निस्कन र हिँडडुल गर्न नपाइने ।
२. अत्यावश्यक उपभोग्य वस्तु (खाद्यान्न, पानी, दूध, माछा, मासु, अण्डा, फलफूल तथा तरकारी) विक्री वितरण गर्ने पसल विहान ५:०० बजेदेखि विहान ९:०० बजेसम्म मात्र खोल्न पाइने,
औषधी पसल, पेट्रोल पम्म, ग्याँस डिपो, अक्सिजन सिलिण्डर पसल, सवारी साधन मर्मत गर्ने
तोकिएका वर्कसप नियमित सञ्चालन गर्नुपर्ने । अन्य सबै प्रकारका व्यवसायहरू बन्द रहने ।
३. एम्बुलेन्स, बिरामी बोकेका गाडी, खाद्य वस्तु, तरकारी, दूध, खानेपानी, पेट्रोलियम पदार्थ बोक्ने
ट्याङ्कर, स्वास्थ्य सामग्री र अक्सिजन ढुवानी गर्ने साधन, शव वाहन, फोहोर व्यवस्थापन गर्ने गाडी, पशुपंक्षीका दाना बोक्ने गाडी, कृषि मल तथा बीउबीजन बोक्ने गाडी, औद्योगिक कच्चा पदार्थ र तयारी उत्पादन बोक्ने गाडी, स्वास्थ्यकर्मी, सञ्चारकर्मी, दूरसञ्चार, विद्युत, इन्टरनेट सेवा प्रवाह गर्ने सवारी साधन तथा सुरक्षा निकायले प्रयोग गर्ने सवारी साधन र जिल्ला प्रशासन कार्यालयहरूबाट अनुमति प्राप्त सवारी साधन बाहेक कुनै पनि प्रकारका सार्वजनिक वा निजी यात्रुवाहक (मोटरसाइकल समेत) र अन्य ढुवानीका सवारी साधनहरू सञ्चालन गर्न नपाइने ।
४. सरकारी कार्यालय, सार्वजनिक संस्थान, बैंकिङ तथा वित्तिय क्षेत्र एवं अत्यावश्यक सेवा प्रदान
गर्ने क्षेत्रमा कार्यरत कर्मचारी तथा कामदारहरूलाई सम्बन्धित कार्यालयले जारी गरेको परिचयपत्रको आधारमा र समाचार संकलन/सम्प्रेषण कार्यमा खटिएका सञ्चारकर्मीहरूको
हकमा पहिचान खुल्ने फोटो सहितको परिचयपत्रका आधारमा आवत जावत गर्न दिइने ।
५. अन्य जिल्लाबाट आएका पूर्व-पश्चिम राजमार्ग भई जाने लामो दूरीका सवारी साधन, मालवाहक
सवारी साधनहरू तथा निर्माण सामग्री ढुवानीका साधनहरू यस जिल्लामा नरोकिने गरी आवत
जावत गर्न पाइने ।
६. अत्यावश्यक सरकारी सेवाहरू एक तिहाई कर्मचारीको व्यवस्थापन गरी आलोपालो प्रणालीबाट
सञ्चालन गर्ने ।
७. बैंक, वित्तिय संस्था तथा सहकारीबाट प्रदान गरिने सेवा जनस्वास्थ्यका मापदण्ड अनिवार्य
अवलम्बन गरी भिडभाड नहुने गरी आलोपालो विधिबाट विहान ९:०० बजेदेखि दिनको ४:०० बजेसम्म मात्र सञ्चालन गर्ने । तर, सबै बैंक तथा वित्तिय संस्थाहरूले आ-आफ्ना ATM तथा विद्युतीय सेवाहरू २४ सै घण्टा सुचारू राख्नुपर्ने ।
८.मठ, मन्दिर, मस्जिद, गुम्बा, चर्च लगायतका धार्मिक स्थलहरूमा नित्य पूजा मात्र सञ्चालन गरी अन्य समयमा बन्द गर्ने । धार्मिक, सांस्कृतिक र सामाजिक लगायत कुनै पनि प्रकारको जमघट तथा भेला हुने क्रियाकलाप सञ्चालन गर्न नपाइने । तर, विवाहका लागि बढीमा १५ जनासम्म नजिकको प्रहरी इकाईसँग समन्वय गरी आफ्नै निवासमा जनस्वास्थ्यका मापदण्ड
पालना गरी सम्पन्न गर्न सकिने ।
९. विवाहका लागि जिल्लाभित्र एक ठाउँबाट अर्को ठाउँ वा अन्तर जिल्ला जानुपर्ने भएमा
दुईवटासम्म सवारी साधनमा १५ जनासम्म मात्र जान सकिने ।
१०. औद्योगिक प्रतिष्ठानहरूले उद्योगमा कार्यरत मजदूर कर्मचारीहरूलाई जनस्वास्थ्यका
मापदण्डहरू अनिवार्य पालना गरी गराई उद्योग परिसरभित्रै वा निश्चित स्थानमा राखी बाहिर
आवत जावत नहुने सुनिश्चितता गरी उद्योग सञ्चालन गर्न सकिने ।
११. विकास आयोजना तथा निर्माण कार्य सञ्चालन गर्दा आयोजनास्थल वा निर्माणस्थलमा नै कामदार
तथा कर्मचारी रहने व्यवस्था मिलाई जनस्वास्थ्यका मापदण्ड अनिवार्य पालना गरी, गराई निर्माण कार्य सञ्चालन गर्न सकिने ।
मकवानपुर । हेटौंडा अस्पतालको ओपिडि सेवा आज बैशाख २० गते साेमबारबाट बन्द हुने भएको छ । मदन भण्डारी स्वास्थ्य विज्ञान प्रतिष्ठान, हेटाैडा अस्पतालमा कोरोना संक्रमित बिरामीको चाप बढेकोले अर्को सूचना नआएसम्म ओपिडि सेवा बन्द हुने अस्पतालले जनाएको छ ।
अस्पतालमा भएकाे २० शैयाको सेवाले बिरामीको चापलाई धान्न नसक्ने भएकोले ओपीडी सेवा बन्द गरेर कोभिड सेवा थप गर्न लागिएको अस्पतालले जानकारी दिएकाे छ । आइतबार मदन भण्डारी स्वास्थ्य विज्ञान प्रतिष्ठान,हेटौंडा अस्पताल संचालन तथा व्यवस्थापन समितिका अध्यक्ष तथा रजिष्ट्रर राजेश प्रसाईको अधयक्षतामा बसेको बैठकले आजबाट अस्पतालको ओपिडि सेवा बन्द गर्ने निर्णय गरेको हो ।
अस्पतालको आकस्मिक सेवा,प्रसुती सेवा,ज्वरो क्लिनिक सेवा भने यथावत संचालन रहने अस्पतालले जनाएकाे छ । बैठकले कोरोना संक्रमित बिरामीको उपचारको लागि आईसीयू,एचडीयू र जनरल वार्डलाई कोभिड सेवामा परिणत गर्ने निर्णय गरेको छ । यसैगरी अस्पतालले आज साेमबारबाट थप ५० बेडको कोभिड उपचार कक्ष संचालनमा गर्ने भएकाे छ ।
मकवानपुर । प्रतिनिधी सभाकाे विशेष अधिवेशन बैशाख २७ गते साेमबार बस्ने भएकाे छ । मन्त्रिपरिषद्काे बैशाख १९ गतेकाे सिफारिसमा राष्ट्रपति विद्यादेवी भण्डारीले प्रतिनिधिसभाको विशेष अधिवेशन आह्वान गरेकी हुन् ।
प्रधानमन्त्री केपी शर्मा ओलीले आफूमाथि प्रतिनिधिसभाको विश्वास छ भन्ने स्पष्ट गर्न आवश्यक ठानेको भन्दै राष्ट्रपति भण्डारीले सोही प्रयोजनका लागि प्रतिनिधिसभाको विशेष अधिवेशन आह्वान गरेकी हुन् ।
‘प्रधानमन्त्रीले नेपालको संविधानको धारा १०० को उपधारा (१) बमोजिम आफूमाथि प्रतिनिधि सभाको विश्वास छ भन्ने कुरा स्पष्ट गर्न आवश्यक ठान्नु भएकोले सोही प्रयोजनका लागि नेपालको संविधानको धारा ९३ को उपधारा (१) बमोजिम सम्वत् २०७८ साल वैशाख २७ गते सोमबारका दिन अपरान्ह १:०० बजे अन्तर्राष्ट्रिय सम्मेलन केन्द्र, नयाँ बानेश्वरमा प्रतिनिधि सभाको विशेषअधिवेशन राष्ट्रपतिले आह्वान गर्नु भएको छ ’ राष्ट्रपति कार्यालयकाे विज्ञप्तीमा भनिएकाे छ ।
प्रधानमन्त्रीले आफूमाथि संसद्को विश्वास छ वा छैन भन्ने यकिन गर्न जुनसुकै बेला विश्वासको मत लिन सक्छन् । हाल नेकपा माओवादी केन्द्रले सरकारलाई दिएको समर्थन फिर्ता लिएको छैन । प्रधानमन्त्री पदमा कायम रहन प्रधानमन्त्रीले १३८ सांसदको समर्थन लिनुपर्छ ।
२७५ सदस्य रहेको प्रतिनिधिसभामा नेकपा एमालेको १२१ सिट छ भने नेपाली काँग्रेसको ६३, नेकपा माओवादी केन्द्रको ४९ पार्टी छाडेका ४ जना पदमुक्त भएपछि०, जनता समाजवादी पार्टीको ३४, नेपाल मजदुर किसान पार्टी, राष्ट्रिय जनमोर्चा र राप्रपा र स्वतन्त्र सांसदको १–१ सिट रहेको छ । जसमध्ये नेपाली काँग्रेसका २ जना र जनता समाजवादी पार्टीका २ जना निलम्बित छन् ।
