मकवानपुर । हेटाैडा अस्पतालकाे कोभिड वार्डमा उपचारत १ पुरूषकाे आज बुधबार विहान मृत्यु भएकाे छ । कोरोना संक्रमण पुष्टि भएका मकवानपुरगढी गाउँपालिका वडा नम्बर–५ बस्ने ६८ वर्षिय पुरुषकाे मृत्यु भएको अस्पतालले जनाएकाे छ ।
हेटौंडा अस्पतालको कोभिड वार्डमा उपचार गर्दागर्दै उनकाे मृत्यु भएको अस्पतालका डाक्टर सागर काफ्लेले जानकारी दिए । याे समेत हेटौंडा अस्पतालमा उपचाररत कोरोना संक्रमण पुष्टि भएका ६ जनाकाे मृत्यु भएकाे छ । मृतक मध्ये मकवानपुरका ४ र बाहिरी जिल्लाबाट उपचारका लागि आएका २ जना रहका छन् ।
यसै गरी मकवानपुरको मनहरी गाउँपालिकामा काेराेना संक्रमण पुष्टि भएका १ पुरषकाे मृत्यु भएकाे छ । मनहरी १ मकरीमा कोरोना संक्रमित पुरुषको मृत्यु भएको हाे । कोरोनाबाट संक्रमित पुरुषको गए राती मृत्यु भएको मनहरी गाउँपालिकाका अध्यक्ष एकराज उप्रेतीले बताए ।अस्पतालमा उपचारपछी घरफर्किएका ती पुरूषकाे मृत्यु भएको थियाे ।

मकवानपुर । प्रधानमन्त्री केपी शर्मा ओली नेतृत्वको वर्तमान सरकारलाई दिएकाे समर्थन फिर्ता लिने नेकपा माओवादी केन्द्रले लिने निर्णय गरेको छ ।
बैशाख २१ गते मंगलबार पार्टी कार्यालय पेरिसडाँडामा बसेको स्थायी कमिटी बैठकले समर्थन फिर्ता लिने निर्णय गरेको हो । केन्द्र नयाँ सत्ता समीकरणका लागि नेपाली काँग्रेस र जनता समाजवादी पार्टीसँग भएको छलफल टुङ्गोमा पुग्न नसकेका कारण समर्थन फिर्ता लिने वा नलिने निर्णयमा पुग्न सकेको थिएन । माओवादीले समर्थन फिर्ता लिने निर्णय गर्ने जिम्मा यसअघि नै अध्यक्ष पुष्पकमल दाहाल प्रचण्डलाई दिइएको थियाे ।
प्रधानमन्त्री केपी ओलीले आगामी वैशाख २७ गते विश्वासको मत लिने निर्णय गरेकाेले माओवादी केन्द्रकाे बैठकले समर्थन फिर्ताकाे औपचारिक निर्णय गरेको हो ।
प्रधानमन्त्रीलाई असफल बनाउने काँग्रेसको निर्णय

यसै बीच नेपाली काँग्रेसले प्रतिनिधिसभामा विश्वासको मत लिने प्रधानमन्त्री केपी शर्मा ओलीको कदमलाइ असफल पार्ने निर्णय गरेको छ । प्रधानमन्त्री ओलीको विश्वासको मत लिने निर्णय षड्यन्त्रपूर्ण रहेको भन्दै त्यसलाई असफल पार्ने काँग्रेसले जनाएकाे छ
मङ्गलवार सभापति शेरबहादुर देउवा निवास बुढानिलकण्ठमा बसेको पदाधिकारी बैठकले प्रधानमन्त्रीलाई विश्वासको मत लिनबाट रोक्न र ओलीको योजना असफल पार्न सबै दलसँग पहल गर्ने निर्णय गरेको हो ।
मकवानपुर । मकवानपुर जिल्लाका ३ स्थनीय तहमा पूर्ण र १ स्थानीय तहमा आंशिक लगाइएकाे निषेधाज्ञामा अत्यावश्यक उपभोग्य वस्तु विक्री वितरण गर्न समय घट्ने भएकाे छ ।
मकवानपुर जिल्लामा कोभिड-१९ को संक्रमण रोकथाम, नियन्त्रण तथा व्यवस्थापनका लागि प्रमुख जिल्ला अधिकारी भरतमणि पाण्डेले गत बैशाख १८ गते जारी गरेकाे निषेधाज्ञाकाे आदेशकाे बुंदा नं. २ लाइ संसाेधन गरी अत्यावश्यक उपभोग्य वस्तु (खाद्यान्न, पानी, दुध, माछा, मासु, अण्डा, फलफूल तथा तरकारी) विक्री वितरण गर्ने पसल विहान ५ बजेदेखि विहान ८ बजेसम्म मात्र खोल्न पाइने गरी बैशाख २१ गते थप आदेश जारी गरिएकाे हाे । यसअघि प्रशासनले निषेधाज्ञा क्षेत्रमा बिहान ५ बजे देखि ९ बजेसम्म पसल खोल्न पाईने जनाएको थियो ।
यसै गरी अादेशमा निषेधाज्ञा लागू भएका स्थानीय तहमा औषधी पसल, पेट्रोल पम्म, ग्याँस डिपो, अक्सिजन सिलिण्डर पसल, सवारी साधन मर्मत गर्ने तोकिएका वर्कसप नियमित सञ्चालन गर्नुपर्ने जनाइएकाे छ । यस बाहेकका अन्य सबै प्रकारका व्यवसायहरू बन्द रहने भएकाे छ।
यस अघी जारी अादेशलाइ संक्रामक रोग ऐन, २०२० को दफा २ र स्थानीय प्रशासन ऐन, २०२८ को दफा ६ को उपदफा ३ बमोजिम संशोधन गरी थप आदेश जारी गरिएको हाे । जारी आदेशको बर्खिलाप भए, गरेको पाइएमा प्रचलित कानून बमोजिम कारबाही हुने व्यहोरा उल्लेख छ ।
कोभिड-१९ को संक्रमण रोकथाम, नियन्त्रण तथा व्यवस्थापनका लागि जिल्ला कोभिड-१९ संकट व्यवस्थापन केन्द्र, मकवानपुरको बैशाख १८ गतेकाे सिफारिस तथा जिल्ला सुरक्षा समितिकाे सिफारिस समेतकाे अाधारमा प्रमुख जिल्ला अधिकारीले बैशाख १९ गते राती १२ बजेबाट मकवानपुर जिल्लाकाे हेटाैडा उपमहानगरपालिका, थाहा नगरपालिका, भीमफेदी गाँउपालिकाका सवै क्षेत्रमा निषेधाज्ञा गरेकाे थियाे । यस्तै मनहरी गाँउपालिकाकाे राजमार्ग क्षेत्रकाे दायाँबायाँ ५/५ सय मिटर क्षेत्रसम्म निषेधाज्ञा जारी भएकाे थियाे
मकवानपुरमा आजसम्म ७ सय ७२ जना सक्रिय संक्रमित रहेका छन् । जसमा ७ सय ४० जना संक्रमित घरमा,१९ जना संक्रमित हेटौंडा ६ स्थित गौरिटार आइसोलेसनमा र १३ जना संक्रमित हेटौंडा अस्पतालमा उपचाररत रहेका छन् । हालसम्म मकवानपुरमा कोरोना संक्रमण पुष्टी भएका ४० जनाको ज्यान गएको छ । मंगलबार मात्र काेराेना पुष्टि भएका २ जना संक्रमितकाे हेटाैडा अस्पतालमा ज्यान गएकाे थियाे ।

मकवानपुर । अहिले देशकाे केही भूभागमा मेघगर्जन र चट्याङ्ग सहित वर्षा भएकाे छ भने केही भूभागमा सामान्य देखी पूर्ण वदली रही वर्षाकाे सम्भावना रहेकाे छ ।
हाल देशमा पश्चिमी न्यून चापीय प्रणाली, दक्षिण भू-भाग नजिक विकसित भएको न्यून चापीय क्षेत्र तथा बंगालको खाडीको जलवाष्प युक्त हावाको प्रभाव रहेकोले देशै भरी पूर्ण तथा आंशिक बर्षाकाे सम्भावना रहेकाे जल तथा मौसम विज्ञान विभाग, मौसम पूर्वानुमान महाशाखाले जनाएकाे छ।
अहिले देशको प्रदेश २ र प्रदेश १ मा सामान्य देखि पूर्ण बदली रहेको छ भने बाँकी प्रदेशमा आंशिक देखि सामान्य बदली रहेको छ। प्रदेश २ र प्रदेश १ का केहि भू-भागहरूमा मेघगर्जन/चट्याङ्ग सहित वर्षा भएको महाशाखाले जानकारी दिएकाे छ।
मौसम पूर्वानुमान महाशाखाले देशका केही स्थानमा मेघगर्जन/चट्याङ्ग/हावाहुरी सहित हल्का देखि मध्यम वर्षाको सम्भावना रहेकोले आवश्यक सतर्कता अपनाउन समेत अनुरोध गरेकाे छ।
३ दिनको मौसम पूर्वानुमान
बैशाख २१ गते मंगलबार दिउँसो देशका प्रदेश १, बागमती प्रदेश, गण्डकी प्रदेश र कर्णाली प्रदेशका पहाडी भू-भागका धेरै स्थानहरूमा सामान्य देखि पूर्ण बदली रहने छ । प्रदेश २, लुम्विनी, र सुदुरपश्चिम प्रदेशमा आंशिक देखि सामान्य बदली रहने छ। देशका पहाडी भू-भागका केहि स्थानहरूमा मेघगर्जन/चट्याङ्ग/हावाहुरी सहित हल्का देखि मध्यम वर्षाको सम्भावना रहेकाे महाशाखाले जनाएकाे हाे।
मंगलबार राती पहाडी भू-भागका धेरै स्थानहरूमा सामान्य देखि पूर्ण बदली र बाँकी भू-भागहरुमा आंशिक देखि सामान्य बदली रहने छ। देशका केही स्थानमा मेघगर्जन/चट्याङ्ग/हावाहुरी सहित हल्का देखि मध्यम वर्षाको सम्भावना समेत रहेकाे छ।
यस्तै बैशाख २२ गते बुधबार दिउँसो देशका पहाडी भू-भागका धेरै स्थानहरूमा सामान्य देखि पूर्ण बदली र बाँकी भू-भागहरुमा आंशिक देखि सामान्य बदली रहने छ। देशका प्रदेश १ केही स्थानका साथै अन्य प्रदेशका पहाडी भू-भागमा मेघगर्जन/चट्याङ्ग/हावाहुरी सहित हल्का देखि मध्यम वर्षा तथा एक/दुई स्थानमा भारी वर्षाको सम्भावना मौसम पूर्वानुमान महाशाखाले जनाएकाे छ।
बुधबार राती देशका पहाडी भू-भागका धेरै स्थानहरूमा सामान्य देखि पूर्ण बदली र बाँकी भू-भागहरुमा आंशिक देखि सामान्य बदली रहने छ। देशका सुदुरपश्चिम, कर्णाली, लुम्बिनी र गण्डकी प्रदेशका केही स्थानहरूका साथै र बागमती, प्रदेश २ र प्रदेश १ का थोरै स्थानहरूमा मेघगर्जन/चट्याङ्ग/हावाहुरी सहित हल्का देखि मध्यम वर्षाको सम्भावना पूर्वानुमान महाशाखाले जानकारी दिएकाे छ।
यसै गरी बैशाख २३ गते विहीबार दिउँसो देशका पहाडी भू-भागका धेरै स्थानहरूमा सामान्य देखि पूर्ण बदली र बाँकी भू-भागहरुमा आंशिक देखि सामान्य बदली रहने छ। देशका केही स्थानमा मेघगर्जन/चट्याङ्ग/हावाहुरी सहित हल्का देखि मध्यम वर्षा तथा एक/दुई स्थानमा भारी वर्षाको सम्भावना रहेकाे बताइएकाे छ।
विहीबार राती देशका पहाडी भू-भागका धेरै स्थानहरूमा सामान्य देखि पूर्ण बदली र बाँकी भू-भागहरुमा आंशिक देखि सामान्य बदली रहने छ। देशका केही स्थानमा मेघगर्जन/चट्याङ्ग/हावाहुरी सहित हल्का देखि मध्यम वर्षाको सम्भावना रहेकाे मौसम पूर्वानुमान महाशाखाले जनाएकाे छ ।
निषेधाज्ञा समयकाे गुनासाे सिधै जिल्ला प्रशासन कार्यालयमा
Tags: No Comments
मकवानपुर । मकवानपुरका ४ स्थानीय तहमा बैशाख १९ गते राती १२ वजेबाट निषेधाज्ञा जारी गरिएको छ । जिल्ला प्रशासन कार्यालय मकवानपुरले निषेधाज्ञाको समयमा जिल्लाबासीलाई कुनै समस्या गरी गुनासाे राख्नु परेमा सिधै कार्यालयमै सम्पर्क गर्न अनुरोध गरेको छ ।
निषेधाज्ञाको मौका बनाएर बजारमा कृत्रिम अभाव सृजना गर्ने, कालोबजारी, मूल्यबृद्धि लगायतका काम भएको भन्ने जनगुनासोहरु भएमा कार्यालयको इमेलमा सम्पर्क गर्न साेमबार २० गते सूचना जारी गरेकाे छ । जनगुनासाे सहायक प्रमुख जिल्ला अधिकारीलाई सम्पर्क गरी समेत राख्न सकिने कार्यालयले जनाएकाे छ । जनगुनासो अनुसार अनुगमनका क्रममा जोकोहीबाट पनि उपभोक्ता हित विपरितका कुनै पनि कार्य भएको पाइएमा प्रचलित कानुन बमोजिम कारवाही गरिने भन्दै जिल्ला प्रशासन कार्यालयले सुचित गरेको छ ।
यससम्बन्धी कुनै पनि गुनासो भएका सहायक प्रमुख जिल्ला अधिकारी चिरञ्जीवी शर्मालाई ९८४९३५६८५८ मा प्रमाणसहित उजुरी एवं जानकारी गराउन सकिने छ भने कार्यालयको इमेल ठेगाना daomakawanpur@moha.gov.np, daomakawanpur@gmail.com वा कार्यालयको अफिसियल फेसबुक पेजमा समेत उजुरी गर्न सकिनेछ सूचनामा उल्लेख छ ।
