मकवानपुर । नेपाल आयल निगमले फेरी पेट्रोलियम पदार्थको मूल्य बढाएको छ । सोमबार राति १२ बजेदेखि लागू हुने गरी निगमले डिजेल, पेट्रोल र मटि्टतेलसहित खाना पकाउने ग्यासको मूल्यमा वृद्धि गरेको हो । निगमका अनुसार डिजेल, पेट्रोल र मट्टितेल प्रतिलिटर २ रुपैयाँले बढेको छ ।
अब पेट्रोल प्रतिलिटर १३० रुपैयाँ, डिजेल तथा मटितेल ११३ रुपैयाँ र हवाई इन्धन ८६ रुपैयाँ कायम भएको छ । एसपी ग्यास प्रति सिलिन्डर २५ रुपैयाँ बढाएर १ हजार ४ सय ५० कायम गरिएको छ ।त्यसै गरी निगमले हवाई इन्धनमा आन्तरिकतर्फको मूल्य पनि प्रतिलिटर २ रुपैयाँले बढाएको छ ।
इन्डियन आयल कर्पोरेसनबाट प्राप्त मूल्य सूचीअनुसार पेट्रोलियम पदार्थको स्वचालित मूल्य समायोजन गरिएको निगमले बताइ रहँदा गत असार ३० गते पनि मूल्य बढाएको थियो । त्यसअघि पनि छोटो अवधिमा मूल्य वृद्धि गरेको थियो ।
मकवानपुर । राष्ट्रिय प्रजातन्त्र पार्टी मकवानपुरकाे प्रवक्तामा बिशभ अधिकारी चयन भएका छन् । राप्रपा मकवानपुरको साेमबारकाे जिल्ला कार्यसमितिको बैठकले जिल्ला कार्यसमिति सदस्य अधिकारीलाई प्रवक्ता चयन गरेको हाे ।
राप्रपा मकवानपुरका अध्यक्ष गुरु प्रसाद सापकोटाको अध्यक्षतामा बसेको बैठकले अधिकारीलाई प्रवक्ता चयन गर्दै समसामयिक राजनीतिक बिषयमा छलफल समेत गरेको । बैठकका प्रमुख अतिथि केन्द्रिय कार्य सम्पादन समितिका सदस्य मधु अधिकारीले कांग्रेस कम्युनिस्ट दुबै असफल भएकोले पार्टीको बिचार नीति प्रबल हुदै आईरहेको हुँदा सम्पूर्ण पार्टीका कार्यकर्ताहरु उत्साहकासाथ संगठन निमार्णमा लाग्न जरूरी भएको बताए ।
यसैगरी राप्रपा जिल्ला कार्यसमितिको साेमबारकाे बैठकले १७ सदस्य सल्लाहकार समिति निर्माण गरेको छ । सल्लाहकार समितिमा शिवराम थापा, शिब रिजाल, रमेश श्रेष्ठ, रामकृष्ण श्रेष्ठ, प्रकाश बहादुर सिंह, नन्दराम स्थापित, ईश्वर लाल श्रेष्ठ, शम्भु भण्डारी, शालिकराम लामिछाने, रमा राना, शिब प्रसाद ओझा, हरी कृष्ण डिसी, बिष्णु प्रसाद ढकाल, शेरबहादुर लामा, कमानस्रिह गोले, तिलक प्रसाद दुलाल, मान बहादुर नेगी, गिता सापकोटा चयन गरिएको राप्रपा मकवानपुर अध्यक्ष गुरु प्रसाद सापकोटाले जानकारी दिए ।
नेकपा (एकिकृत समाजवादी) निकटको युवा संघ नेपालले कथित १० बुँदे सहमतीको भ्रममा नपर्न अपिल गरेको छ ।
संघका अध्यक्ष नरेश शाहीले एमाले अध्यक्ष केपी शर्मा ओली र पार्टी एकता पक्षधर नेताका बीचमा १० बुँदे प्रस्ताव कार्यान्वयन गर्ने बिषयमा भएको सैद्धान्तिक सहमतीलाई ‘कम्मलमा छोपिएर घ्यू खाने’ टिप्पणी गर्दै यस्तो सहमतीको भ्रमणमा नपर्न अपिल गरेका हुन् ।
‘यतिबेला नेपालको कम्युनिस्ट आन्दोलनको पुनरजागरण जरुरी छ’ शाहीले भने, ‘अबको दिशा नेकपा (एकीकृत समाजवादी) गठन र निर्माण त्यसैले युवा संघ नेपालका सम्पुर्ण कमरेडहरु युवा संघ, नेपालका नियमित साङ्गठनिक कामहरुमा निरन्तर सकृय रहन अपिल गर्दछु ।’
समयले आफूहरुको काधमा नयाँ जिम्मेवारी प्रदान गरेको बताउदै उनले जिम्मेवारी वाट भाग्नु समाज र इतिहास माथिको अन्याय हुने जनाएका छन् । शब्दहरु क्रान्तिकारी लफ्फावाजिको प्रयोग गर्ने र व्यवहार कम्मलमा छोपियर घ्यु खाने प्रवृत्ति जनताले बुझिसकेकै बिषय भएकाले अहिलेको यथास्थितिले समाजलाइ कुनै परिवर्तन दिन नसकिने शाहीले जनाएका छन् । राजधानीडेली डटकमबाट
मकवानपुर । निर्वाचन आयाेगमा दल दर्ता प्रक्रियामा रहेका नवगठित नेकपा (एकीकृत समाजवादी) पार्टीका अध्यक्ष माधवकुमार नेपालसहितका नेताहरु चन्द्रगिरिस्थित चन्द्रगिरी हिल्स रिसोर्टमा पुगेका छन् ।
राष्ट्रपति विद्यादेवी भण्डारी र नेता माधवकुमार नेपालबीच भेटवार्ता भएको छ । नेकपा एमालेको विभाजन रोक्न अन्तिम कसरत भइरहेका बेला राष्ट्रपति भण्डारीले नेता नेपालसँग भेट गरेकी हुन् । नेपाल सहितका नेता राष्ट्रपति भण्डारीसँगकाे भेट पछी रिसाेर्ट पुगेकाले राजनीतिमा अर्थपूर्ण रूपमा हेरिएकाे छ ।
यद्यपी सोमबर अध्यक्ष नेपालसहित केन्द्रीय कमिटीका सदस्यहरु तथा सांसदहरु चन्द्रागिरी पुगिसकेका हुन् । दल दर्ताको प्रक्रियामा रहेकाेले एकीकृत समाजवादी पार्टीका नेताहरूलाइ निर्वाचन आयोगले सनाखतका लागि बुधबार बोलाएको छ ।
बुधबार बिहान १० बजे सबै नेता एकैचोटी हस्ताक्षर सनाखतका लागि निर्वाचन आयोग जानेछन् । यसबिचमा घटनाले अन्यमाेड लिनसक्ने तथा पार्टीकाे अान्तरिक तयारीकाे लागि समेत चन्द्रगिरी पुगेका नेताहरु आज साेमबारदेखि बुधबार बिहानसम्म त्यही बास बस्नेछन् ।
एमाले अध्यक्ष केपी शर्मा ओली र पार्टी एकता पक्षधर नेताहरुबीच आजै १० बुँदे प्रस्ताव कार्यान्वयन गर्ने बारेमा सैद्धान्तिक सहमती भएको छ । सोही सहमतीअनुसार एमाले स्थायी कमिटीको बैठक भोली मंगलबार बस्दैछ । एकता पक्षधर नेताहरुले पार्टी दर्ता प्रक्रियाबाट हटेर एकताको पक्षमा उभिन आग्रह गरेका छन् ।
नेपाली कांग्रेसको १४औं महाधिवेशन हुने नहुने क्रियाशील सदस्यताको विवाद समाधानमा नै निर्भर देखिएको छ । अहिलेसम्म क्रियाशील सदस्यताको विवादकै कारण महाधिवेशन सर्दै आइरहेको छ ।
कांग्रेसको महाधिवेशनको नयाँ कार्यतालिका अनुसार वडा तहको अधिवेशन १८ भदौमा सुरु भइसक्नुपर्छ । यो दिन आउन अब ११ दिन छ । तर, अझै पनि क्रियाशील सदस्यताको विवाद समाधान हुने नहुने निश्चित छैन ।
क्रियाशील सदस्यताको विषयमा देखिएको विवादको समाधानका लागि प्रधानमन्त्री एवं कांग्रेस सभापति शेरबहादुर देउवा र वरिष्ठ नेता रामचन्द्र पौडेलसहितका शीर्ष नेता निरन्तर जसो छलफलसमेत गर्दै आइरहेका छन् । हाल विवाद समाधानको जिम्मा नेता कृष्णप्रसाद सिटौलासहित नेताहरू रमेश लेखक र डा. मीनेन्द्र रिजाललाई दिइएको छ ।
कांग्रेसले बनाएको क्रियाशील सदस्यता छानबिन समितिले सदस्यताको प्रतिवेदन विवादलाई यथावत् राखेर पदाधिकारीसहित शीर्ष नेतृत्वलाई बुझाएको थियो । नयाँ कार्यतालिका अनुसार २ भदौसम्म क्रियाशील सदस्यको अन्तिम नामावली बुझाउने समय तोकिएको थियो । सो समय नाघिसकेको छ । सोही दिन नै निर्वाचन निर्देशिकालाई अन्तिम रूप दिने कांग्रेसको नयाँ कार्यतालिकामा उल्लेख गरेको थियो ।
प्रतिवेदनअनुसार बारा र सप्तरीका नयाँ सदस्यतामा जिल्लाभर विवाद छ । यस्तै, धनुषा ४, सर्लाही २ र रसुवा र सिन्धुपाल्चोकका केही नयाँ सदस्यतामाथि पनि विवाद छ । यस्तै अन्य दलबाट आएर सदस्यता दिएकाहरूका विषयमा पनि यी जिल्लामा विवाद कायम छन् । यसैगरी, अन्य पार्टीबाट समायोजन भएर आएकाहरूका विषयमासमेत सदस्यतामा विवाद छ ।
सदस्यताका विषयमा विवाद समाधान नहुँदा महाधिवेशन होला कि नहोला भन्नेमा अझै पनि आशंका उब्जँदै आइरहेको छ । कांग्रेस नेता रामकृष्ण यादव अब पनि सदस्यताको विवाद समाधान नभए महाधिवेशन गाह्रो हुने बताउँछन् ।
‘सदस्यताको विवाद देखाएर महाधिवेशन सारिएको छ, फेरि पनि विवाद समाधान उन्मुख भइरहेको देखिँदैन । यस्तै हो भने तोकिएको मितिमा महाधिवेशन गाह्रो छ,’ यादवले राजधानीसँग भने ।
उनले महाधिवेशन गर्ने नै हो भने अब विवाद देखिएका स्थानमा नयाँ क्रियाशील सदस्यतालाई थाँती राखेरै भए पनि नेतृत्व अघि बढ्नुपर्ने बताए । यो मतमा कांग्रेसभित्रको पौडेल समूहमा बलियो छ ।
यो समूहले विवाद भएका सदस्यताका हकमा १५औं महाधिवेशनमा मताधिकार दिनेगरी निर्णयमा पुग्न सकिने बताउँदै आइरहेको छ ।
क्रियाशील सदस्यता छानबिन समितिका संयोजकसमेत रहेका सभापति देउवानिकट नेता लेखक भने अब क्रियाशील सदस्यताका विषयको विवाद लगभग टुंगिएको बताउँछन् ।
‘विवाद समाधान उन्मुख छ, छिट्टै सभापतिलाई सदस्यताको फाइनल लिस्ट बुझाउँदै छौं,’ नेता लेखकले भने । कांग्रेसले नयाँ कार्यतालिका अनुसार १४औं महाधिवेशन ९ देखि १३ मंसिरसम्म गर्ने निणर्य गरिसकेको छ । यस्तै, वडा अधिवेशन १८ भदौ, गाउँ तथा नगर अधिवेशन २७ भदौ, प्रदेश निर्वाचन क्षेत्रको अधिवेशन १ असोज, संघीय निर्वाचन क्षेत्रको अधिवेशन ५ असोज, जिल्ला अधिवेशन १० असोज र प्रदेश अधिवेशन १० देखि १२ कात्तिकसम्मका लागि तोकिएको छ । समाचार राजधानीडेली डटकमबाट साभार