मकवानपुर । हेटौंडामा २७ औँ जनयुद्ध दिवस मनाएको छ । दिवसकाे अवसरमा नेकपा माओवादी केन्द्र उपमहानगर कमिटि हेटाैडाले आइतबार चियापान तथा शुभकामना आदान–प्रदान कार्यक्रम गरेका हाे ।
कार्यक्रम माओवादी केन्द्र हेटौंडा उपमहानगर कमिटीका अध्यक्ष तीर्थ बहादुर थापाको अध्यक्षता तथा माओवादी केन्द्रका केन्द्रीय सदस्य एवम् बागमती प्रदेश सरकारको सामाजिक विकास मन्त्री कुमारी मोक्तानको प्रमुख आतिथ्य रहेको थियो । कार्यक्रममा माओवादी केन्द्र बागमती प्रदेश कटिमीका उपाध्यक्ष प्रेम बहादुर पुलामीको पनि उपस्थिति रहेको थियो । जनयुद्ध कालमा मकवानपुरका ११ जना वेपत्ता भएको नेकपा माओवादी केन्द्रले जनाएको छ ।
यसैगरी जनयुद्ध दिवसका अवसरमा आइतबार पार्टी कार्यालय पेरिसडाँडामा आयोजित कार्यक्रमलाई सम्बोधन गर्दै नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ गठबन्धन टुटाउन, सरकार गिराउन र निर्वाचन प्रक्रिया बिथोल्न अनेक प्रपञ्च भइरहेको बताएका छन् ।
अध्यक्ष प्रचण्डले प्रतिगमनविरोधि सत्ता गठबन्धन विरुद्ध षड्यन्त्रहरु जारी रहेको बताएका हुन् । ‘प्रतिगमनविरोधि गठबन्धन टुटाउन, यो सरकार गिराउन र निर्वाचन प्रक्रिया बिथोल्न अनेक प्रपञ्च भइरहेका छन्’, अध्यक्ष प्रचण्डले भने, ‘गठबन्धन संविधानको रक्षा, लोकतान्त्रिक गणतन्त्र र राष्ट्रियताको रक्षाका लागि बनेको हो ।’
सूर्य मकर राशिमा रहेका बखत अर्थात् प्रत्येक १२ वर्षमा काभ्रेपलाञ्चाेककाे पनौतीमा मकर मेला लाग्छ । यस बर्ष धार्मिकस्थल पनौतीमा लागेको एकमहिने मकर मेलाको शनिबार अन्तिम दिन निकै भीड लागेको थियो। लिच्छवि कालीन राजा मानदेवको पालादेखि नै सुरु भएको अनुमान रहेको यो मेलामा असङ्ख्य भक्तजनको जमघट रहँदै आएको ऐतिहासिक प्रमाण छ । तर काेराेना महामारीकाे तेस्राे लहर सुरु भएसँगै मेला पनि सुरु भएकाेले तिर्थालुहरुकाे चहलपहल खासै भएकाे थिएन ।

तस्विरः समाजिक संजल
मकवानपुर । चारदेशीय ट्वान्टी–२० शृंखला अन्तर्गत पहिलो खेलमा नेपालले ओमनलाई ६ विकेटले पराजित गरी शृंखलामा विजयी सुरुवात गरेको छ ।
ओमानको राजधानी मस्कटमा शुक्रबारबाट सुरु प्रतियोगितामा नेपालले टस जितेपछि ब्याटिङको निम्तो पाएको घरेलु टोली ओमानले निर्धारित २० ओभरमा ६ विकेट गुमाउँदै १ सय ३५ रनकाे स्कोर बनाएकाे थियाे । जवाफी व्याटिङ गरेको नेपालले २० ओभरमा उक्त लक्ष्य भेटाएकाे हाे ।
ओमानका कप्तान जीसान मक्सूदले सर्वाधिक ४३ रन बनाए । उनले ४१ बलमा ४ चौका र एक छक्काकाे स्काेर बनाएका छन् । यस्तै मोहम्मद नदीमले ३१ रन जोड्दा जतिन्दर सिंहले १३ रनको योगदान गरे ।
यसअघि ओमानको अल अमेरात मैदानमा टस जितेर फिल्डिङ गरेको नेपालका लागि अविनाश बोहराले सर्वाधिक ३ विकेट लिए । ४ ओभर बलिङ गरेका अविनाशले २६ रन खर्चिएका थिए । यस्तै कमल सिंह ऐरी, आरिफ शेख र कप्तान सन्दीप लामिछानेले समान एक विकेट लिए ।
ओमानविरुद्ध नेपालका सागर ढकाल, विवेक यादवले अन्तर्राष्ट्रिय क्रिकेटमा डेब्यु गरेका छन् । जीतसँगै नेपाल प्रतियोगिताको शीर्ष स्थानमा उक्लिएको छ । नेपालले आफ्नो दोस्रो खेलमा शनिबार संयुक्त अरब इमिरेट्स (युएई) को सामना गर्नेछ । यस्तै नेपालले सोमबार आयरल्यान्डसँग खेल्नेछ ।
नेपालले ओमानसँग टी-२० मा पछिल्लोपटक सन् २०१९ मा खेलेको थियो । उक्त खेलमा ओमानले नेपाललाई ६ विकेटले पराजित गरेको थियो ।
आइसिसी पुरुष टी-२० विश्वकप छनोटअन्तर्गतको ग्लोबल छनोट ‘ए’ खेल्नुअघि नेपालले चारदेशीय सिरिज खेल्न लागेको हो । ग्लोबल छनोट ‘ए’ मा नेपालसहित आयोजक ओमान, फिलिपिन्स, क्यानाडा, युएई, बहराइन, आयरल्यान्ड र जर्मनी रहेका छन् ।
ती आठ टोलीलाई पनि दुई समूहमा विभाजन गरिएको छ । त्यसमा समूह एकमा नेपाल, क्यानाडा, फिलिपिन्स र ओमान छन् भने समूह दुईमा युएई, बहराइन, आयरल्यान्ड र जर्मनी रहेका छन् ।
मकवानपुर । नेपाली कांग्रेस मकवानपुर सहित १६ जिल्लाकाे अधिवेशन आउँदाे फागुन १३ गते हुने भएकाे छ । कांग्रेसले अधिवेशन गर्न बाँकी १६ जिल्लाको अधिवेशन फागुन १३ गते गर्ने भएको छ ।
यसअघि माघ १५ गतेका लागि तोकेर स्थगित भएका १६ जिल्लाको अधिवेशन फागुन १३ गते गर्ने कांग्रेसको केन्द्रीय निर्वाचन समितिको शुक्रबार बसेको बैठकले निर्णय गरेको हो ।
कांग्रेसको मकवानपुर सहित सप्तरी, सिरहा, धनुषा, महोत्तरी, सर्लाही, रौतहट, बारा, पर्सा, सिन्धुली, सिन्धुपाल्चोक, चितवन, नवलपुर, बाँके, कैलाली र अछामकाे जिल्ला अधिवेशन हुन बाँकी छ ।
मकवानपुर । राष्ट्रिय दुग्ध विकास बोर्डको संयोजकत्वमा गठित मूल्य निर्धारण समितिले लागतको आधारमा प्रशोधित दूधको विक्रि मूल्य वृद्धी गर्न गरेकाे सिफारिस कार्यान्वयन नभएकाे भन्दै डेरी उद्योग संघ र नेपाल डेरी एशोसिएसनले ध्यानाकर्षण गराएकाे छ । संघ र एशाेसिएसनले पत्रकार सम्मेलन गरी वृद्धि गरिएकाे प्रशाेधित दूधको मूल्य वृद्धी परिमार्जन गर्न भनेकाे छ ।
बोर्डको संयोजकत्वमा गठित मूल्य निर्धारण समितिले प्रशाेधित दुधकाे मूल्य प्रति लिटर १० रुपैयाँ वृद्धि गर्न सिफारिस गरेकाेमा साेही अनुसार विक्रि मूल्य कायम गर्न कृषि तथा पशुपंक्षी विकास मन्त्रालयले दुग्ध विकास संस्थानलाई (डिडिसी) निर्देशन दिएको थियो । ‘दुग्ध विकास संस्थानबाट मूल्य निर्धारण समिति र मन्त्रालायको निर्देशनको अवज्ञा गरी नीजि क्षेत्रका डेरी उद्योगहरु धरासायी बनाउने मनसायले ९ रुपैया प्रति लिटर वृद्धि गरी शुक्रबारबाट प्रशोधित दूध प्रति प्याकेटको ४२ रुपैया पचास पैसा कायम गरिएको प्रति हामी सम्पूर्ण नीजि क्षेत्रको असहमति प्रकट गर्दछौं संघ र एशाेसिएसनले पत्रकार सम्मेलनमा जारी विज्ञप्तीमा भनिएकाे छ ।
पछिल्लो पटक २०७६ भाद्र २१ गते दूधको मूल्य परिमार्जन पश्चात दुग्ध उत्पादन, संकलन, ढुवानी, प्रशोधन र बजारीकरणमा पशु आहार, इन्धन, विद्युत, ज्याला, ढुवानी खर्च लगायतकाे पटक पटक मूल्य वृद्धि हुन गई कृषक तथा उद्यमीहरु मारमा परेकाेले नेपाल सरकारका विभिन्न निकायमा किसान लगायत उद्यमीहरुले समय सापेक्ष रुपमा दूधको खरिद तथा विक्रि मूल्य परिमार्जन गर्न अनुरोध गरेकाे थियो ।
नेपाल सरकार मन्त्रिपरिषदको निर्णय अनुसार कच्चा दूधको मूल्य प्रति लिटर ६ रुपैया ५२ पैसा वृद्धि गरि कच्चा दूधको न्युनतम् मूल्य ५६ रुपैयाँ ४ पैसा (४ प्रतिशत फ्याट, ८ प्रतिशत एसएनएफ) निर्धारण भएकाे थियाे । यसरी नीजि क्षेत्रले किसानबाट दूध खरिद गर्दा दुग्ध विकास संस्थानकाे भन्दा बढि नै रहेको र फाल्गुण १ गते देखि लागू हुने गरी किसानहरुबाट खरिद गरिने कच्चा दूधको न्यनतम् मूल्य सहकारी संस्थाहरु समेतको गरि ५३ रुपैया ४५ पैसाबाट (४ प्रतिशत फ्याट, ८ प्रतिशत एसएनएफ) वृद्धि गरि ६२ रुपैया चितवन जिल्लाको हकमा कायम गरिएको नेपाल डेरी एसाेसियसनका अध्यक्ष राधाकृष्ण सापकाेटाले जनाकारी दिए ।
हालै वृद्धि गरिएको दुधकाे मूल्य ६२ रुपैयामा समायोजन गरिने छ । त्यसैगरि दुरीको आधारमा अन्य क्षेत्र वा जिल्लाको मूल्य निर्धारण गरिने छ । ३ प्रतिशत फ्याट, ८ प्रतिशत एसएनएफ वृद्धि पश्चात उपभोक्ता विक्रि मुल्य ८६ रुपैया प्रति लिटर कायम गरिएको छ । याे खरिद तथा विक्रि मुल्य फाल्गुन १ गते देखि लागु गरिने भएकाे हाे ।
डेरी उद्योग संघ र नेपाल डेरी एशोसिएसनले विज्ञप्ती मार्फत भनेकाे छ ‘दुधकाे मूल्य वृद्धिबाट आम उपभोक्ता वर्गमा पर्न गएको असर प्रति क्षमा प्रकट गर्दछाैं । नेपालको दुग्ध उत्पादन, संकलन प्रशोधन व्यवसाय एक विशुद्ध व्यवसाय भएको र यसमा कुनै पनि प्रकारको विचौलिया नभएकोले हालको मूल्य वृद्धिको रकम ७० प्रतिशत भन्दा बढि किसानको हातमा पुग्ने प्रतिवद्धता समेत विज्ञप्तीमा गरिएकाे छ ।
नेपालमा दुग्ध क्षेत्रको अवस्था
हाल दुग्धजन्य क्षेत्रमा ५ लाख कृषक परिवार रोजगारीमा आवद्ध रहेका छन । ३० हजार भन्दा बढी मानिसले उद्योगस्तरमा प्रत्यक्ष रोजगारी पाएका छन् । यसैगरी वार्षिक २ अर्व भन्दा बढी राजश्व डेरी क्षेत्रले सरकारलाई बुझाउँदै आएकाे समेत पत्रकार सम्मेलनमा बताइएकाे छ ।
यसैगरी डेरी क्षेत्रकाे कारण दैनिक ६ करोड भन्दा बढी रकम शहरबाट गाउँ प्रवाह भैरहेको बताइएकाे छ। ३० अर्व भन्दा बढी लगानी दुग्धजन्य उद्योगस्तरमा भएको छ । दुग्ध क्षेत्रको जीडीपीमा ९ प्रतिशत योगदान रहेकाे छ भने दैनिक दुध उत्पादन ६२ लाख लिटर रहेकाे छ । यस मध्ये कृषक स्वयंले ५० प्रतिशत उपभाेग गर्ने छन भने औपचारिक क्षेत्रमा १७ प्रतिशत र अनौपचारिक क्षेत्रमा ३३ प्रतिशत उपभाेग हुने गरेकाे अध्यक्ष सापकाेटाले बताए ।