पाेखरा । नेकपा एमालेनिकट पत्रकारको संस्था प्रेसचौतारी नेपालको नवौं महाधिवेशन पोखरामा जारी छ ।
महाधिवेशनको आज शुक्रबार पार्टी अध्यक्ष केपी शर्मा ओलीले उद्घाटन गरेका थिए । दिनभर अधिवेशन उद्घाटन कार्यक्रम चलेपछि साझबाट बन्दसत्र सुरू भएको छ । बन्दसत्रमा चौतारीका महासचिव राजेश राई र कोषाध्यक्ष ईन्द्र आचार्यले प्रतिवेदन पेश गरेका छन् । समाचार तयार पार्दासम्म प्रतिवेदनमाथी टिप्पणी चलिरहेको छ । आज बन्दसत्रमा प्रतिवेदन पास गरेपछि भोलि शनिबार निर्वाचन प्रक्रियामा जाने कार्यतालिका रहेको छ ।
नयाँ नेतृत्वको लागि आकाक्षी धेरै
चौतारीको नयाँ नेतृत्वमा आउनको लागि महाधिवेशनमा ७ जना अध्यक्षमा दावी गर्ने आकांक्षी देखिएका छन् । यद्यपी सहमतिकै आधारमा कमिटी बनाउने तयारीमा पार्टी तथा संगठनका नेताहरू लागि परेका छन् ।
चौतारीको नेतृत्व हात पार्न अध्यक्षका आकांक्षीहरूले दौडधुप गरिरहेका छन् । हालका अध्यक्ष गणेश बस्नेत, वरिष्ठ उपाध्यक्ष माधव नेपाल, उपाध्यक्ष गणेश पाण्डे, टीका विष्ट, महासचिव राजेश राई, पूर्व अध्यक्ष प्रमोद दाहाल, चौतारी नेता दीपक पाण्डे अध्यक्षका लागि आकांक्षी देखिएका छन् ।
चाैतारीमा अध्यक्षसहित ४ उपाध्यक्ष, महासचिव १, उपमहासचिव ३ र सचिव ७ जना रहने प्रस्ताव गरिएको । केन्द्रीय समिति १ सय ५१ सदस्यीय रहने प्रस्ताव छ । केन्द्रीय कमिटीको संख्या अझै घटाउनेबारे पनि छलफल चलिरहेको छ ।
मकवानपुर । मकवानपुरको मकवानपुरगढी गाउँपालिकाका सबै वडाहरु बालमैत्री घोषणा गरिएको छ । गाउँपालिकालाई बालमैत्री घोषणाको पूर्व तयारी अनुरुप शुक्रबार सबै वडाहरु बाल मैत्री घाेषणा गरिएकाे हाे । आगामी चैत्र १२ गते बालमैत्री स्थानीय शासन घोषणा गरिने तयारीमा रहेको गाउँपालिकाले ८ वटै वडामा विभिन्न कार्यक्रम गरि बालमैत्री वडा घोषणा गरेको हो ।
वडा नम्बर १ मा वडा अध्यक्ष आइतसिं लोको अध्यक्षता भएको कार्यक्रममा पालिका कृषि शाखा प्रमुख चन्द्रकान्त चौधरी, बालमैत्री कार्यक्रम संयोजक रामप्रसाद दाहाल, वडा सदस्यहरु, कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुको उपस्थिती भई सामुहिक प्रतिवद्धता गर्न लगाई वडालाई बालमैत्री घोषणा गरेका थिए । कार्यक्रममा रानीसेरा माविका प्रअ सुन्दर सिं लोको नेतृत्वमा शान्तिपूर्ण बालमैत्री ¥याली सहित विद्यार्थीहरुको सहभागिाता रहेको थियो ।
त्यसैगरि वडा नम्बर २ लाई वडा अध्यक्ष बखान सिं पाख्रीनको अध्यक्षता तथा पालिका उपाध्यक्ष हर्कमाया रुम्बाको प्रमुख अतिथ्यतामा वडालाई बालश्रम निकृष्ट र बालविवाह मुक्त वडा भन्दै बालमैत्री वडा घोषणा गरिएको छ । कार्यक्रममा कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुलाई सामुहिक प्रतिवद्धता गर्न लगाई वडालाई बालमैत्री घोषणा गरेका थिए ।
वडा नम्बर ३ मा वडा अध्यक्ष भागवत घिमिरेको अध्यक्षता तथा पालिका प्रमुख प्रशासकीय अधिकृत रामकुमार पुडासैनी, वडा सदस्य, कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुलाई सामुहिक प्रतिवद्धता गर्न लगाई वडालाई बालमैत्री घोषणा गरिएको थियो ।
वडा नम्बर ४ मा वडा अध्यक्ष रामप्रसाद तिमल्सिनाको अध्यक्षता तथा पालिका महिला तथा बालबालिका शाखा प्रमुख मन्दिरा थापा, वडा सदस्यहरु कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुलाई सामुहिक प्रतिवद्धता गर्न लगाई वडालाई बालमैत्री घोषणा गरिएको थियो ।
गाउँपलिकाको अध्यक्ष विदुर हुमागाईको प्रमुख अतिथ्यतामा तथा वडा नम्बर ५ को अध्यक्ष जीत बहादुर घिमिरेको सभाध्यक्षतामा ५ नम्बर वडालाई बाल मैत्री घोषणा गरेका छन् । पञ्चेबाजा सहित धादिङ बजारलाई परिक्रमा गर्दै बालमैत्री सम्बन्धी विभिन्न नारा लगाइएको थियो ।
पालिका अध्यक्ष हुमागाईले वडा सदस्य, कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुलाई सामुहिक प्रतिवद्धता गर्न लगाई वडालाई बालमैत्री घोषणा गरेका थिए । साथै प्रतिवद्धता स्वरुप सामूहिक हस्ताक्षर गरि वडामा बाल विवाह मुक्त र बाल श्रम निकृष्ट वडा घोषणा गरेका थिए ।
यसैगरि वडा नम्बर ६ का वडा अध्यक्ष टिका प्रसाद दाहालको अध्यक्षतामा भएको कार्यक्रममा पालिका स्वास्थ्य शाखा प्रमुख ध्रुवप्रसाद लामिछाने, वडा सदस्य, कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुलाई सामुहिक प्रतिवद्धता गर्न लगाई वडालाई बालमैत्री घोषणा गरेका थिए ।
वडा नम्बर ७ का वडा अध्यक्ष सुर्य बहादुर रुम्बाको अध्यक्षतामा भएको कार्यक्रममा पालिकाका शिक्षा शाखा प्रमुख राम घलान, वडा सदस्य, कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुलाई सामुहिक प्रतिवद्धता गर्न लगाई वडालाई बालमैत्री घोषणा गरिएको थियो ।
त्यस्तै वडा नम्बर ८ का अध्यक्ष कुमार घिसिङको अध्यक्षतामा भएको कार्यक्रममा पालिकाका कर्मचारी प्रशासन शाखा प्रमुख सुर्य बहादुर गुरुङ, वडा सदस्य कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुलाई सामुहिक प्रतिवद्धता गर्न लगाई वडालाई बालमैत्री घोषणा गरेका थिए ।
सबैवडामा विभिन्न बालमैत्री सम्बन्धी नारा लगाएर, खैजेडी, गीत प्रस्तुत, नृत्य प्रदर्शन गरि वडा घोषणा गरिएको छ । बालमैत्री गाउँपालिका घोषणाको लागि पुग्नुपर्ने सुचकहरु सतप्रतिशत पुगिसकेकाले वडा घोषणा गरिएको बालमैत्री कार्यक्रम संयोजक रामप्रसाद दाहालले बताए ।
वडालाई बाल विवाह मुक्त, निकृष्ट बालश्रम मुक्त वडा घोषणा भएकाले वडालाई बालमैत्री घोषणा गरिएको पालिकाका प्रमुख प्रशासकीय अधिकृत रामकुमार पुडासैनीले बताए । ‘शुक्रबार सबै वडा बालमैत्री घोषणा भएकाले सबै सुचकहरुकाे जिल्ला समन्वय समिति र बागमती प्रदेश सरकारबाट अनुगमन, मुल्यांकन हुनेछ‘ पुडासैनीले भने – ‘चैत १२ गते शनिबार बृहत कार्यक्रमको आयोजना गरि गाउँपालिकालाई बालमैत्री स्थानीय शासन घोषणा गरिने छ ।
बालमैत्री वडा घाेषणाकाे लागि गाउँपालिकाले प्रत्येक वडामा बालमैत्री सहजकर्ता राखी काम गरेकाे थियाे । २०७८ मंसिरमा घोषणा गर्न तयारी रहदाँ रहदैँ कोरोना भाइरस संक्रमणका कारण हुन सकेकाे थिएन । गाउँपालिकाले बालमैत्री स्थानीय शासन घोषणा निर्देशिका २०७८ अनुसार ५१ वटा सुचकका आधारमा काम गरेको थियो । ५१ वटा सुचकहरुमा बाँच्न पाउने अधिकारमा १४ वटा, संरक्षणको अधिकारमा १० वटा, विकासको अधिकारमा ६ वटा, सहभागिताको अधिकारमा ६ वटा र संस्थागत सुचकमा १५ वटा रहेका छन् ।
मकवानपुरगढी बालमैत्री घोषणा गर्ने नेपालको गाउँपालिका मध्ये चौथो, बागमती प्रदेशमा तेस्रो र मकवानपुर जिल्लामा पनि तेस्रो गाउँपालिका रहेको संयोजक दाहालले बताए । उनले बालमैत्री स्थानीय शासन कार्यान्वयन निर्देशिका २०७८ अनुसार भने नेपालकै दोस्रो गाउँपालिकाको रुपमा मकवानपुरगढी रहेको बताए । बालमैत्री घोषणा गर्ने पहिलो गाउँपालिका पाल्पा जिल्लाको रम्भा गाउँपालिका रहेको छ ।
मकवानपुर । मकवानपुरको अग्रणी साहित्यिक संस्था झरना साहित्यिक मकवानपुरको आयोजनामा २ दिने बकैया कला–साहित्य महोत्सव–२०७८ सुरु भएको छ । शुक्रबार महोत्सवको बकैया गाउँपालिका अध्यक्ष दामोदर खनालले उद्घाटन गरेका छन् । बकैया गाउँपालिकाको आर्थिक सहयोगमा बकैया–३, हात्तिसुँडेमा महोत्सव शुरु भएकाे हाे ।
२०५० सालमा स्थापित झरना साहित्यिक परिवारले हरेक वर्ष वार्षिकोत्सवका अवसरमा बृहत् साहित्य गोष्ठी आयोजना गर्दै आएकोमा पछिल्ला दुई वर्ष (२०७६) देखि बकैया साहित्य महोत्सव आयोजना गर्दै आइरहेको छ । यसै वर्षबाट स्थानीय कला संस्कृतिको समेत जगेर्ना गर्ने उद्देश्यले बकैया कला–साहित्य महोत्सव गरिएकाे झरनाका उपाध्यक्ष चिरञ्जीवी लामिछानेले बताए ।
फागुन २८ गते शनिबारसम्म आयाेजना हुने महोत्सवमा कविता, गजल, मुक्तक विशेष कार्यक्रमहरूका साथै स्थानीय कला संस्कृतिको जगेर्ना गर्ने उद्देश्यले खैँजडी भजन, तामाङ, माझी, राईलगायतका जनजातिका कला संस्कृतिको प्रस्तुतिका रहेका छन् । यसै गरी छिमेकी जिल्लाका कलाकारको विशेष प्रस्तुति समेत आयाेजना हुनेछ । लामिछानेका अनुसार स्थानीय कलाकारका विविध कलाको प्रदर्शनीका साथै पुस्तक प्रदर्शनी गरिने कार्यक्रम रहेकाे छ ।
महोत्सवको पहिलो दिन शुक्रबार देशभरबाट करिब ५० जना साहित्यकार, गायक र बकैया गाउँपालिकाका राजनीतिक सामाजिक अगुवा लगायतकाे उपस्थितिमा कार्यक्रमकाे उद्घाटन गरिएकाे थियो । महोत्सवका विभिन्न १० जना स्रष्टाहरलाई सम्मान कार्यक्रम गरिएकाे छ ।
यसै गरी मकवानपुरका गजलकार विश्वनाथ संजेलकाे गजल संग्रह ‘फर्कियो किनारबाट’ विमाेचन गरिएकाे छ । यसका साथै महाेत्सवमा आज “विद्यालय सिर्जनात्मक सिप विकासको केन्द्र” विषयक बहस, “सिर्जनामा स्थानीय रङ ” विषयक बहस, स्थानीय बालबालिकाको रचना वाचन तथा साङ्गितिक प्रस्तुतिहरू तथा स्थानीय सांस्कृतिक गायन तथा नृत्यहरू प्रस्तुत भएकाे लामिछानेले बताए ।
महाेत्सवकाे दाेस्राे दिन शनिवार फागुन २८ गते
मकवानपुर । हेटौंडा उपमहानगरपालिका वडा नम्बर ५ को क्याम्पाडाँडामा निर्माण भएकाे पिप्ले क्याम्पा रंगशालाकाे शुक्रबार उद्घाटन गरिएकाे छ । पिप्ले युवा क्लबको अगुवाई, ५ नम्बर वडा कार्यालय, हेटौंडा उपमहानगरपालिका र जनसमुदायको सहयोगमा निर्माण भएको रंगशालाको शुक्रबार हेटाैडा उपमहानगरपालिका प्रमुख हरि बहादुर महतले उद्घाटन गरेका हुन् ।
मकवानपुरको हेटौंडा उपमहानगरपालिका वडा नम्वर ५ स्थित क्याम्पाडाँडामा निर्माण सुरु गरिएको एक वर्षमै रंगशालाकाे उद्घाटन गरिएकाे हाे । रगंशालाको उद्घाटन गर्दै मेयर महतले विकास निर्माण र खेलकुदको क्षेत्रमा हेटौंडा उपमहानगरपालिकाले प्राथमिकताका साथ काम गरेको बताए । सबै जनप्रतिनिधिहरुको साथ र सहयोगबाट उपमहानगरपालिकाले कामका उपलब्धी हासिल गरेकाे महतले बताए ।
करिब ५ बिगाह क्षेत्रफलमा निर्माण भएको पिप्ले क्याम्पा रंगशाला १ करोड ७० लाख लागतमा निर्माण भएको हाे । पिप्ले युवा क्लबको अगुवाइ र हेटौंडा उपमहानगरपालिकाको सहयोगमा रंगशाला निर्माण सुरु गरिएको थियो । रंगशाला निर्माण गर्न हेटौंडा उपमहानगरपालिका, ५ नम्बर वडा कार्यालय र व्यक्तिगतरुपमा पनि सहयोग प्राप्त भएको थियो ।
राष्ट्रिय तथा अन्तर्राष्ट्रियस्तरका प्रतियोगिता सञ्चालन गर्न र खेलाडीलाई दैनिक प्रशिक्षणका लागि व्यवस्थित स्थानको रुपमा पिप्ले रंगशाला निर्माण गरिएको पिप्ले युवा क्लबका अध्यक्ष सुशील घिमिरेले जानकारी दिए । रंगशालामा करिब १० हजार दर्शक अटाउने बताइएकाे छ । निर्माण सकिन अझै एक महिना लाग्ने छ अध्यक्ष घिमिरेले भने –‘पूर्णरुपमा निर्माण सकिएपछि लागत खर्च सार्वजनिक गर्ने योजना छ ।’

रंगशाला निर्माणमा हेटौंडा उपमहानगरपालिकाको १ करोड ९ लाख रुपैयाँ, ५ नम्बर वडा कार्यालयको ३० लाख बजेट विनियाेजन गरेकाे थियाे । यस्तै, जनसमुदायबाट ३० लाख रुपैयाँ संकलन गरी जम्मा १ करोड ७० लाख लागतमा बनेको रंगशाला हेर्नलायक रहेकाे घिमिरेले दाबी गरे ।
अध्यक्ष घिमिरेले भने, ‘आफू पनि खेलाडी हो । खेल क्षेत्रप्रति छुट्टै लगाव छ । बागमती प्रदेशको राजधानीको रुपमा रहेको हेटौंडामा खेलकुदको लागि एउटा रंगशाला आवश्यक थियो । रंगशाला निर्माण हुनु भनेको खेल क्षेत्रको विकास हुनु हो ।’ आगामी दिनमा रंगशालाले थुप्रै खेलाडी उत्पादन गर्ने उनकाे विश्वास छ । रंगशाला निर्माण भएपछि मकवानपुरका खेलाडीहरु पनि खुसी भएकाे उनले बताए ।
मकवानपुर फुटबल तथा अन्य खेलका खेलाडी उत्पादनको हिसाबले राम्राे स्थानमा रहेको भएपनि रंगशालाको अभावमा यहाँ संचालन हुने फुटबल लगायतका खेलका प्रतियोगिताहरु अस्थायी प्यारफिट तथा खुला मैदानमा संचालन गर्नु पर्ने बाध्यता रहँदै आएको थियो । रंगशालामा फुटबलसहित एथ्लेटिक्सको ट्रयाक समेत निर्माण गरिएको छ ।
स्थानीय तहको निर्वाचनमा चुनावी तालमेल गर्ने कि नगर्ने भन्ने विषयमा प्रमुख सत्तारूढ दल नेपाली कांग्रेसभित्र विवाद बढेको छ ।
कांग्रेसको संस्थापन पक्ष आगामी तीनै तहका निर्वाचनमा सत्तारूढ गठबन्धन आबद्ध दलबीच चुनावी तालमेलको पक्षमा छ भने संस्थापन इतर पक्ष तालमेल गर्नै नहुने पक्षमा छ । कांग्रेसले आधिकारिक रूपमा निर्वाचनमा कसरी जाने भन्ने विषयमा भने बोलेको छैन ।
कांग्रेसभित्र १४औं महाधिवेशनपछि इतर पक्षको नेतृत्व गर्दै आएका डा. शेखर कोइरालाले कांग्रेस कसैलाई जिताउन स्थानीय तहको निर्वाचनमा तालमेल गर्न अघि सर्न नहुने बताउँदै आइरहेका छन् । उनकै आशयलाई कांग्रेस उपसभापति धनराज गुरुङ र महामन्त्री गगन थापाले पनि साथ दिँदै आइरहेका छन् ।
तर, सभापति शेरबहादुर देउवाले भने तीनै तहको निर्वाचनमा सत्ताधारी दलबीच तालमेल हुने संकेत गरेका छन् । बिहीबार वीरगन्जमा आयोजित पार्टीको कार्यक्रमलाई सम्बोधन गर्दै प्रधानमन्त्रीसमेत रहेका देउवाले निर्वाचनमा गठबन्धनबीच तालमेल हुन्न भनेर कसैलाई नचिढ्याउन पार्टीका नेताकार्यकर्तालाई निर्देशन नै दिए ।
‘गठबन्धनका साथीहरूको सहयोगले म प्रधानमन्त्री भएको हुँ, कांग्रेस सरकारको नेतृत्वमा पुगेको हो, गठबन्धनका साथीहरूलाई बेवास्ता गर्न मिल्दैन, बोल्दा कसैलाई पनि नचिढ्याउँ,’ देउवाले सम्बोधनका क्रममा भने ।
सो क्रममा उनले केन्द्रदेखि स्थानीय तहसम्म गठबन्धन आबद्ध दलहरूबीच तालमेलका विषयमा छलफल हुने भन्दै वर्तमान निर्वाचन प्रणालीमा कुनै पार्टीले एक्लै बहुमत ल्याउन नसक्ने दाबी गरे ।
‘संविधानअनुसार कुनै पनि पार्टीले एक्लै बहुमत ल्याउन सक्दैन, कसै न कसैसँग मिल्नुपर्ने आवश्यकता छ, एक्लै लड्दा धेरै ठाउँमा हारेका थियौं, गठबन्धनबीच तालमेल भए केही ठाउँमा समस्या होला तर स्थानीय तहदेखि प्रदेश र केन्द्रमा पनि भोलि सरकार बनाउने हिसाबले अघि बढ्न सक्छौं,’ देउवाले भने ।
कांग्रेस नेता रामचन्द्र पौडेल र कृष्णप्रसाद सिटौलासमेत आगामी निर्वाचनमा गठबन्धन आबद्ध दलबीच तालमेल हुनुपर्ने पक्षमा छन् । कांग्रेसले केन्द्रीय कार्यसम्पादन समिति र केन्द्रीय समितिबाट आगामी निर्वाचनमा अन्य दलसँग तालमेल गर्ने नगर्ने विषयमा निर्णय गर्ने कांग्रेस उपसभापति पूर्णबहादुर खड्काको भनाइ छ ।
उनले बुधबार पार्टी केन्द्रीय कार्यालय सानेपामा आयोजित पत्रकारसम्मेलनमा बोल्दै कार्यसम्पादन समिति र केन्द्रीय समिति बैठकले तालमेल’bout निर्णय लिने भनेका थिए । राजधानी दैनिकबाट